Esala 10:2 - The Keyagana NT and 25 OT books

² Inagi Sekaniyaʼmo Yehiyo mafaʼnemo Elami nofi vekamoʼmo Esalafeʼmo ha painoʼaeʼmo, Lagaemo Gotitimo geʼamo ago amagita ataleteta alu kote vayapatiʼmo malaga nofi aʼne anagaʼmo aliʼnonaʼmonanafa ataleta alagepa huta maisuna kaʼmo haneʼniyanageta alita afamu amiteta lavayagunagu hugune.

Esala 10:2 ပူးပေါင်းရင်းမြစ်များ

Esala 10:26

Ilami nofi vayaʼmo Matanaiyaʼagi Sakalaiyaʼagi Yehiyoʼagi Amaniʼagi Yelemotiʼagi Iliyaʼagi huʼa maiʼnae.

Esala 2:31

Napa tu Ilami taonifi vayaʼmo 1254ʼa vayaʼmo atagineʼa ege

Esala 2:7

Ilami nofi vayaʼmo 1254ʼa vayaʼmo atagineʼa ege

Esala 8:7

Ilami nofi vekamo Yesaiyaʼmo Ataliya mafaʼnemo maiʼnigeʼa agaeʼeʼmo sevetiʼa ve anagaʼmo uʼnae.

Esala 9:1

Ina kava hutegenoʼaeʼmo yagaiʼa lateʼnaya vayaʼmogimo eʼa nagaefeʼmo ina ge huʼa naha paiʼnae. Afiyo, huʼa, Isaleli vayatigi mono huʼa nelataya vayanagi Livai vayanagi huʼa malaga nofi vayaʼmo apataleʼa apaote oʼmaiʼnae. Apakaemo Kenani vayaʼenagi Hiti vayaʼenagi Pelesi vayaʼenagi Yemusi vayaʼenagi Emoni vayaʼenagi Movapu vayaʼenagi Isipi vayaʼenagi Emo vayaʼenagi huʼa magokepiʼmo lokaeʼa maiteʼapaeʼmo apakae kavaʼmo huteʼa Gotiʼa avenatuʼnaʼmo heno atalegekana nehiya agufa kavaʼmo nehae.

Esala 9:2

Ina kava huʼa lagaepatiʼmo magoʼamogimo apakaiʼapiʼe ve mafaʼneʼapimogiʼeʼmo uʼa alu nofi vayaʼmogi a mafaʼnemo aliʼnayaʼmofeʼmo aote mafaʼnemo aliʼa apateʼnaya mafaʼnefiʼmo aliʼa fitagu fatagu huʼnae. Neʼyagaiya vayaʼmogiʼe yahauve vayaʼmogiʼeʼmo hogoteʼa ani agufa hosu kavaʼmo huʼnageʼa vayaʼmogi apakame huʼnae, huʼa naha paiʼnae.

Hatu maeno apate'niya gemae 34:12

Ehetapiye, huʼna, fiku yanagetapa visaya kotegamo maiʼnisaya vayaʼeʼmo magokepi kotalakemo hu malesageno aneʼaifiʼmo hegekana huno lapatafaugiyanagi.

Mai'naya kavane 28:13

Hosu kavaʼapimo aeʼa ati nekaya vayaʼmo alagepa huʼa oʼmaigayaʼmonanafa hosu kavaʼapieʼmo Gotifeʼmo aeʼa hakalo huʼa ha nepaiya vayaʼaifeʼmo hau huno neʼapate.

Yemisi 2:9

Mani gemo akame nehisayana alagepa kavaʼmo nehayaʼmonanafa alu vaya alu vayaʼaitegamo magoke agufa kavaʼmo nosisayana hosu kavaʼmo nehae. Ani agufa hosu kavaʼmo nehisagenoʼaeʼmo keʼaepa gemoʼa hunoʼaeʼmo, keʼaepa geʼamo amagitapa ataleʼnaya vayaʼmae, huno nehiye.