Esala 10:11 - The Keyagana NT and 25 OT books

¹¹ Inagi afiyo. Lapakaemo Ala kava neʼmo lapakinago vayaʼmogi Gotiʼapimofeʼmo hosu kavatapimo aeta hakalo hutetapa Gotiʼa hauʼniya kavaʼmo hiyo. Lapakaemo malaga vayaʼmo ma mopafiʼmo maiʼnaya vayaʼeʼmo afalu afalu kavaʼmo huta oʼmaita lapaote maiʼnetapa ani malaga aʼne anagaʼmo aliʼnaya aʼnemo hapa faitapa apataleyo, huno hapa paiʼniye.

Esala 10:11 ပူးပေါင်းရင်းမြစ်များ

Esala 10:10

Inagi mono huno neʼapateya vekamo Esalaʼmo he tino ina ge huno hapa paiʼniye. Lapakaemo Goti geʼamo ago amagitapa ataletetapa malaga aʼne anagaʼmo aliʼnae. Ani kavatetiʼmo Isaleli vayaʼmogi hosu kavatimo magoʼe huno kosino alopa heʼniye.

Esala 10:12

Hapa paiʼnigeʼa muki aliʼa anupa huʼa maiʼnaya vayaʼmogimo alopa gefatiʼmo ge huʼapaeʼmo, He, kagaemo akame hisuna gemo huʼnananageta akame hugune.

Esala 10:3

Inagi hemenimo lagaemo Gotitimoʼeʼmo kotalakemo hu malegetao. Gotitimofeʼmo hutaeʼmo, Ani malaga aʼne anagaʼe mafaʼne anagaʼapiʼeʼmo hapa faita apatalegaune, huta ha paigune. Kagaemo ala vakeʼnimogae, huʼna, alagepa laipa lagesamo nelaminageʼa Gotitimo keʼaepa geʼamo afiteʼa atete nehaya vayaʼai geʼapiʼeʼmo afaʼa afigune. He, Goti keʼaepa gemo alagi akame hugune.

Esala 9:1

Ina kava hutegenoʼaeʼmo yagaiʼa lateʼnaya vayaʼmogimo eʼa nagaefeʼmo ina ge huʼa naha paiʼnae. Afiyo, huʼa, Isaleli vayatigi mono huʼa nelataya vayanagi Livai vayanagi huʼa malaga nofi vayaʼmo apataleʼa apaote oʼmaiʼnae. Apakaemo Kenani vayaʼenagi Hiti vayaʼenagi Pelesi vayaʼenagi Yemusi vayaʼenagi Emoni vayaʼenagi Movapu vayaʼenagi Isipi vayaʼenagi Emo vayaʼenagi huʼa magokepiʼmo lokaeʼa maiteʼapaeʼmo apakae kavaʼmo huteʼa Gotiʼa avenatuʼnaʼmo heno atalegekana nehiya agufa kavaʼmo nehae.

Samu 32:5

Ani afinaʼmo hosu kavaʼnieʼmo aeʼna hakalo huʼna kaha paiʼnova afinaʼmo hosu kavaʼnimo aeʼna ati okaeʼnove. Nagaemo, keʼaepa gekamo ago amagiʼna ataleʼnova kavaʼnieʼmo Ala kava neʼmogaeʼmo aeʼna hakalo huʼna kaha paiguve, huʼna huʼnogekaeʼmo hosu kavaʼnimo ago alika ataleʼnane.

Mai'naya kavane 28:13

Hosu kavaʼapimo aeʼa ati nekaya vayaʼmo alagepa huʼa oʼmaigayaʼmonanafa hosu kavaʼapieʼmo Gotifeʼmo aeʼa hakalo huʼa ha nepaiya vayaʼaifeʼmo hau huno neʼapate.

Aiyeya 56:4

Haʼao, Ala kava neʼmoʼa hunoʼaeʼmo, Anamo vayaʼmogi Sapati afinaʼnimo akame huge nahauʼniya kavaʼmo akame hisayafeʼmo lekana pai maleʼneʼa akame huge kotalake geʼnimo atafau alagi huʼneʼa akame huge nehisaya vayaʼmogi nagaetegatiʼmo ala apakiʼapimo aligae. Nagaemo afamo anaga vayaʼnifiʼmo aliʼna apatesugeʼa ala apakiʼapimo aligae. Ani anamo vayaʼmogi ve mafaʼneʼe aʼmafaʼneʼeʼmo aliʼa apateʼnaesinana ala apakiʼapimo aliʼnaesine. Apakiʼapimo aliʼnaesinaʼmonanafa nagaemo apatesuva apakiʼapimoʼmo aeno aga segaiye. Nagaemo apatesuva apakiʼapimoʼmo muki afinaʼmo hanege hanege huno hanegaiye. Mago vekamoʼmo ani apakiʼapimo apayapatiʼmo alino hapa faleno oʼatalegaiye.

Yoni 9:24

Apakaemo halate ani hogoteno aulagalaʼmo ageno aya okeʼniya vekaeʼmo ge huʼnageno eʼnigeʼapaeʼmo, kagaemo kagaikageʼmo Gotiʼmo ala agiʼamo amiyo. Lagaemo ani vekamo ago ageʼnonana hosu kavaʼmo nehiya vekamo maiʼnigeta ageʼnone, huʼa ha paiʼnagenoʼaeʼmo,

Lomu 12:2

Ma mopafi vayakana hutapa oʼmaigenoʼao Gotiʼa saufa lapaipa lapakesaʼe vayaʼmo alino hamaleno lapateno. Lapakaemo ani kavatetiʼmo Gotiʼa hiyo, huno nehiya kavaʼmo amalageka hutapa agegae. Agetetapaeʼmo, alagepa kavaʼmo Gotiʼa hauʼniya kavaʼmogeno uno haino hapaiʼniya kavaʼmo haneʼniye, hutapa agegae.

2 Kolitiyani 6:17

Huʼniyaʼmofeʼmo Ala kava neʼmoʼa hunoʼaeʼmo, Apakae folagapatiʼmo apataletapa uta lapaote maiyo. Hosu yateʼmo ame oʼaliʼnigeʼnao lapavalegauve.

Kolosi 1:10

Gotiʼa ani kavaʼmo hisigeta ala agiʼamo amisaya kavaʼmo hutapa maisageno alagepa kavaʼmoʼa lapaipafatiʼmo alagagana huno afole aisigetapa Gotiʼmo magoʼe magoʼe hutapa agesaya kavaʼmo hutapa maisayafeʼmo nunumuʼmo nehune.

Himulu 13:21

Muki alagepa kavafeʼmo kahauʼnisiya kavaʼmo hisayafeʼmo alagi alika alagepa huka apato. Yesu Kalaisitetiʼmo apaipafiʼmo aliʼyaʼmo aligeʼapao kahauʼnisiya kavaʼmo hiyo. Kagikaleʼmo alita asaga huta katesunageka ala kagi vekamo maige maige huka maiyo. He, lama ge.

Yasuva 7:19

Yasuvaʼa Ekanifeʼmo ha painoʼaeʼmo, Mafaʼneʼnimogae, huno, kahao ke hovanagi, Kagaemo Ala kava neʼmo Isaleli vayaʼmogita Gotitimofeʼmo hosu kavakaeʼmo ha paiteka ala agiʼamo amiyo. Hemenimo hosu kavakaeʼmo naha paiyo. Ati kaeka oʼnato, huno huʼnigenoʼaeʼmo