Inagi afiyo. Lapakaemo Ala kava neʼmo lapakinago vayaʼmogi Gotiʼapimofeʼmo hosu kavatapimo aeta hakalo hutetapa Gotiʼa hauʼniya kavaʼmo hiyo. Lapakaemo malaga vayaʼmo ma mopafiʼmo maiʼnaya vayaʼeʼmo afalu afalu kavaʼmo huta oʼmaita lapaote maiʼnetapa ani malaga aʼne anagaʼmo aliʼnaya aʼnemo hapa faitapa apataleyo, huno hapa paiʼniye.
Esala 10:10 - The Keyagana NT and 25 OT books10 Inagi mono huno neʼapateya vekamo Esalaʼmo he tino ina ge huno hapa paiʼniye. Lapakaemo Goti geʼamo ago amagitapa ataletetapa malaga aʼne anagaʼmo aliʼnae. Ani kavatetiʼmo Isaleli vayaʼmogi hosu kavatimo magoʼe huno kosino alopa heʼniye. အခန်းကိုကြည့်ပါ။ |
Esala 10:10
8 ပူးပေါင်းရင်းမြစ်များ
Inagi loleʼe magoʼe afinaʼmo oʼuʼnigeʼa muki Yuta nofi vayanagi Menisameni nofi vayanagi huʼa eʼa Yulusalemu taonifiʼmo naeni kaimo tuveti afinaʼmo aliʼa anupa huʼnae. Mukiʼamogimo Goti mono noʼamo haopaleʼmo aliʼa anupa nehaya yateʼmo fai maiʼneʼa atete huʼnae. Alopa koʼmo aiteno muki vayaʼmo ko apaige ani hanageke yaʼmo afole aige huʼniyaʼmofeʼmo atete huʼnae.
Huʼnanaʼmofeʼmo fiku yanageta lagaemo halate keʼaepa gekamo amagita ataleteta alagi okahauʼnigeka kavenatuʼnaʼmo heka neʼatala kavaʼmo nehaya vayapatiʼmo aʼmafaʼneʼapimo alige aʼmafaʼnetimo apamige hugune. Ani kavaʼmo hisunana kagaemo kaipamo leka lateteka mukiʼamo alagi kamitimo lamagika hano huka latalesanageta lagaepatiʼmo magokeʼamo alagi oʼmaigune.
Nagaemo ina gemo huʼna nunumuʼmo huʼnove. O Gotiʼnimogae, huʼna, Hosu kavatimoʼmo lagenopamo ago alino laga seno uno haiʼniyaʼmofeʼmo nagufamo alino afepiʼmo nateʼniye. Hosu kavatilefeʼmo vaiʼmo alisuna kavaʼmo kosime kosime uno haino kokuʼnateʼmo haneʼniyaʼmofeʼmo lusi kava huno navagage nehiyanageʼna afaʼa aliʼna maku huʼna okagegauve.
ကြော်ငြာတွေ