Avoʼmo kaeʼnigeʼapaeʼmo Yuta nofi vayaʼaiteʼmo yagaiʼa apateʼnaya vayanagi Menisameni nofi vayaʼaiteʼmo yagaiʼa apateʼnaya vayanagi mono huʼa neʼapataya vayanagi Livai nofi vayanagi Gotiʼa apaipa apakesamo alino he tino apateʼniya vayanagi huʼa Yulusalemu taonifiʼmo Ala kava neʼmo mono noʼamo halate kisayafeʼmo uʼa hetiʼnae.
Esala 1:2 - The Keyagana NT and 25 OT books2 Sailasiʼa Pesiya kotega kini vekamoʼmo hunoʼaeʼmo, Ala kava neʼmo kokuʼnapi Gotiʼa muki kini vayaʼmogi mopaleʼmo yagaisuvafeʼmo namitenoʼaeʼmo, Kagaemo Yuta polovenisi Yulusalemu taonifiʼmo mono noʼnimo kika nato, huno naha paiʼniye. အခန်းကိုကြည့်ပါ။ |
Esala 1:2
34 ပူးပေါင်းရင်းမြစ်များ
Apakaemo neʼyanagi aninagi olivi yosafati uveligi huʼa Saitoni taonifi vayaʼe Taiya taonifi vayaʼeʼmo Sita yosamo Lemanoni avefatiʼmo aeʼa halauliʼa emiʼeʼa solovala ani haigileʼmo maleʼneʼa aliʼa sipifiʼmo maleteʼa Yapa taonifiʼmo aliʼniʼa esayafeʼmo apamiʼnae. Ani kava huʼa yafatetiʼmo no kige yosaletiʼmo no kige hisaya vayaʼmo monimo apamiʼnae. Pesiya kini vekamo Sailasiʼmo ani kavaʼmo hisayafeʼmo Isaleli vayaʼaifeʼmo hunoʼaeʼmo, kanalenagi ani kavaʼmo afaʼa hiyo, huno hapa paiʼniye.
Huʼnayaʼmonanafa Selamamaʼagi Yesuvaʼagi Isaleli vayaʼaiteʼmo yagaiʼa apateʼnaya vayanagi huʼa huʼapaeʼmo, Ala kava netimo Gotitimo mono noʼamo lagaitigeʼmo kigunanagetapa Ala kava neʼmo Isaleli vayaʼmogi Gotiʼapimotefeʼmo kitapa laha oʼmaegae. Pesiya kini vekamo Sailasiʼmo kiyo, huno higetaeʼmo nekune, huʼa hapa paiʼnae.
Kini vekamo Sailasiʼmo hogoteno yagaiʼniya kafugamo Yulusalemu taonifiʼmo Goti mono noʼamo kisayafeʼmo keʼaepa gemo avoʼmo kaenoʼaeʼmo Yu vayaʼmogi hogoteno Goti mono noʼamo haneʼniya kumateʼmo ofalinimo huʼnae. Ani kumateʼmo halate ani mono noʼmo kiyo. Noʼmo faiʼa atesaya yafaʼmo lokiya yafaʼmo malegae. Yatalaʼamo tuveti seveni mitamo haisigeno aluga alugaʼamo tuveti seveni mitamo hanegaiye.
Ala kava neʼmoʼa uvelimo lakino ateʼniya vekamo Sailasifeʼmo ina gemo huno ha paiʼniye. Ala kava neʼmoʼa Sailasiʼmo alu nofi vayaʼeʼmo kamemo huno aeno apakasege kini vayaʼmogi lokiyaʼapimo alino hano huno atalege hisiyafeʼmo lamaga ayatetiʼmo atafauʼniye. Ala kava neʼmoʼa taonile kegiʼyale lokiya kitamo okisayafeʼmo yaki maleʼnisigeno Sailasiʼmo uno haino taonimo aligiye.
Agaemo afinaʼe kanaʼeʼmo alino alu afinaʼe kanaʼeʼmo alino afole aino neʼate. Agaemo mago kini vayaʼmo alino hapafaino apataleteno mago alu kini vayaʼmo alino he tino neʼapate. Agaemo afiteʼa neʼagaya vayaʼaina afiteʼa agesaya kavaʼmo alino neʼapamiye. Agaemo afiʼnaya vayaʼaina afiʼa ha nelaya kavaʼmo alino neʼapamiye.
Vayaʼmogi apakaetegatiʼmo aliʼa kaha faiʼa katalesageka afela afuʼeʼmo kahaufilagamo maigane. Pulumaka anagaʼmogi kahaumo neʼnaya kava huka kahaumo negane. Lao yaʼmo emineno kagufaleʼmo alino lanitani hugiye. Inagi seveniʼa kafugamo utesigekaeʼmo agesanana aeno apaka seno alagi anaga Gotiʼa kini vayaʼaiteʼmo yagaino neʼapate. Agaemo ina lafeʼmo yagaigiye, huno huʼnisifi afaʼa lekana paino atesigeno yagaigiye.
Vayaʼmogi apakaetegatiʼmo aliʼa kahafaiʼa katalesageka uka kahaufilaga afuʼeʼmo maigane. Pulumaka anagaʼmogi kahaumo neʼnaya kava huka kahaumo negane. Seveniʼa kafugamo utesigeka agekaeʼmo aeno apaka seno alagi anaga Gotiʼa kini vayaʼaiteʼmo yagaino neʼapate, huka agegane. Agaemo ina laʼmo yagaigiye, huno hisifi afaʼa lekana paino atesigeno yagaigiye.
Kagaemo kokuʼnapi Ala kava netegamo hosu kavaʼmo huka kagikaleʼmo alika asaga huka kateʼnane. Kagaemo aliteyo, huka hapa paiʼnanageʼa Ala kava neʼmo kapumo noʼafatiʼmo kumayaʼmo alini eʼa maleʼnaya kapufiʼmo kagaegi ala vayakagi aʼne anagakagi fikumo aliʼnana aʼne anagakagi hutapa ani kapufatiʼmo nofi alagafati aniʼmo neʼnae. Neʼnetapaeʼmo gotitapimogimo goliletinagi siluvaletinagi haesa aeniletinagi afa aeniletinagi yosaletinagi yafatetinagi huʼa alo huʼnaya gotigi apakiʼapileʼmo alitapa asaga huʼnae. Ani gotigimo apaulaga oʼagege gemo oʼafige apakesamo ohanege huʼniya gotigi apakiʼapileʼmo alika asaga huʼnanana kagae kavamusaʼmo ayapi aliteno afaʼa maisana kavateʼmo yagaino kateʼniya Goti agiʼaleʼmo alika asaga huka oʼateʼnane.
ကြော်ငြာတွေ