Efasasi 6:9 - The Keyagana NT and 25 OT books

⁹ Aliʼyaʼmo afoʼamogitapae, huʼna, lapakaeʼeʼmo apakaetegamo ani agufa alagepa kavaʼmo hiyo. Koli hisaya agufa gemo hapa opaitapa ataleyo. Lapakaemo ago afiʼnayana yagaino nelapateya vekamo kokuʼnapi maiʼneno yagaiʼa neʼapataya vayaʼaiteʼe aliʼyaʼmo neʼaliya vayaʼaiteʼeʼmo alagepa huno magoke agufa kavakeʼmo huno alino fako huno neʼapate.

Efasasi 6:9 ပူးပေါင်းရင်းမြစ်များ

Samu 140:12

Nagaemo ago afiʼnovana Ala kava neʼmoʼa kana yaʼmo neʼaliya vayaʼaina hapa maege kafu nehaya vayaʼaina hapa maege nehiye.

Neniyo 3:15

Lapakaemo alo huʼnisayana alu age alu ageʼmo neʼafitapaeʼmo asagauta aitapa alo huʼnova auneʼalefeʼmo mono hisayana kanalene. Ani kava osisayaʼmoʼmo hemenitomo alopa sitopufi neleya atafiʼmo lapasagauʼa yaga augae. Haiya goti lapa maeno nayapatiʼmo lapakufamo alino katino lapategaiye.

Neniyo 3:6

Mago vekamoʼmo asagauno aiteno auneʼalefeʼmo mono osisiya vekamo lagaemo malage huta alopa sitopufi neleya atafiʼmo asagauta yaga augune.

Malakai 3:5

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, nagaemo emineʼna lapaopaleʼmo maiʼneʼna aliʼna fako huʼna lapategauve. Nagaemo hosu apaune vayaʼaifenagi kumai kavaʼmo nehaya vayaʼaifenagi, agoti huʼa apateʼapaeʼmo aigofe gemo nehaya vayaʼaifenagi aliʼyaʼmo afoʼamogimo aliʼyaʼapimo neʼaliya vayaʼmogi monimo lagauʼa neʼaliya vayaʼaifenagi kogu aʼne anagaʼmo humi apateteʼa moniʼapimo kumayaʼmo neʼaliya vayaʼaifenagi megusa mafaʼne anagaʼaitegamo hosu kavaʼmo nehaya vayaʼaifenagi alu kotegatiʼmo eʼnaya vayaʼmo aliʼa falu fala huʼa noʼapataya vayaʼaifenagi huʼna muki nehaya kavaʼapieʼmo agotileʼmo faigoko gemo huguve. Nagaefeʼmo koli huteʼa naiyafi oʼmaiʼnayaʼmofeʼmae, huno hapa paiʼniye.

Matiyu 22:10

Ani kava huʼa aliʼyaʼamo neʼaliya vayaʼmogimo uʼa hosu vayaʼe alagepa vayaʼeʼmo apavaleli eʼa noʼafiʼmo apateʼnageʼa maiʼa kili paeʼnae.

Matiyu 22:8

Agaemo aliʼyaʼamo neʼaliya vayaʼaifeʼmo hapa painoʼaeʼmo, mafaʼneʼnimoʼaʼmo alisiyafeʼmo huʼnigeʼna yagita huʼnovaʼmonanafa eyo huʼna ge huʼnova vayaʼmo neʼyaʼnimo alisaya kava huʼa oʼmaiʼnae.

Matiyu 24:48

aliʼyaʼamo neʼaliya hosu vekamoʼmo, aliʼyaʼmo afoʼamoʼmo yatala afinaʼmo maiʼniye, huno agesa afiteno

Matiyu 24:51

Enoʼaeʼmo naipeletiʼmo folagapatiʼmo heno apalo atiteno aeʼa ati nekaya vayaʼmo maiʼnayategamo alino atesigeno uno aviʼya huge avepiʼmo hanino agafu kige huno maigiye.

Matiyu 7:12

Mosese keʼaepa geʼe Gotitegati gemo alini eʼa aeʼa hakalo huʼa hapa nepaiya vayaʼai gemoʼeʼmo aepaʼamoʼmo hunoʼaeʼmo, lapakaemo na agufa kavaʼmo lapakaetegamo hisaya kavafeʼmo lahapauʼnisiyaʼmoʼmo ani agufa kavakeʼmo muki vayaʼaitegamo hiyo.

Luki 6:31

Lapakaetegamo husaya kavafeʼmo lapauʼnisigeta ani kavaʼmo hutapa apakaetegaʼeʼmo hiyo.

Yoni 13:13

Lapakaemo nagaefeʼmo nagi aetapaeʼmo, Tisao, hutapa nagi aege, Ala kava nene, hutapa nagi aege nehaya gemo he, ani agufa vekamo maiʼnovaʼmofeʼmo alagi lama gemo nehae.

Apa 10:34

Pitaʼa aepa faino hapa painoʼaeʼmo, Hemenimo ago afiʼnovana Gotiʼa amega apakufaleʼmo apaketeno hapa noʼmaefa muki haopalega maiʼnaya vayaʼaitegamo magoke agufa kavaʼmo huno hapa neʼmae, huʼna ago afiʼnove.

Lomu 2:11

Na kava hinageʼapaene. Gotiʼa amega apakufale kavatefeʼmo agesamo oʼafino muki vayaʼmo magoke aiyaya kavatetiʼmo alino fako huno neʼapate.

1 Kolitiyani 7:22

Ala kava neʼmo kalavusifiʼmo maiʼneʼa aliʼyaʼmo neʼaliya vayaʼaifeʼmo keya aeno ge huteno apakupi mafaʼnemo hatu maeno apateʼnigeʼa Ala kava neʼmo afa vayaʼamo maiʼnae. Kalaisiʼa afaʼa maiʼnaya vayaʼaifeʼmo keya aeno ge huteno nofi aeno apateʼnigeʼa nofiteʼmo maiʼneʼa aliʼyaʼamo neʼaliya vayaʼmo maiʼnae.

Kolosi 3:25

Gotiʼa hosu kavaʼmo nehisaya vayaʼmo agaiʼa aulagaleʼmo haiya agufa vayaʼmo maiʼnafi huno agesamo oʼafigifa anonaʼapilefeʼmo hosu miyaʼapimo apamigiye. Gotiʼa muki vayaʼmo magoke agufa kavatetiʼmo alino fako huno neʼapate.

Kolosi 4:1

Aliʼyaʼmo afoʼamogitapae, huʼna, yagaitapa neʼapataya vayaʼmo maiʼnaya kava huno Ala kava netapimo kokuʼnapiʼmo maiʼniye, huta ago afiʼnayaʼmofeʼmo aliʼyatapimo neʼaliya vayaʼaitegamo fatago kavaʼmo hutapa alagepa yaʼmo apamiyo.

Yemisi 2:13

Gotiʼa agoti huno apatesiya afinaʼmo mago vayaʼaifeʼmo hapau huʼa noʼapatesaya vayaʼaifeʼmo hau huno oʼapategaiyaʼmonanafa hapau huʼa neʼapataya vayaʼaifeʼmo Gotiʼa hau huno apatesiya kavatetiʼmo agoti huʼa aeʼa agasegae.

Yemisi 2:8

Lapakaemo Gotiʼmo yagaino neʼapateya kini vekatapimo Goti keʼaepa geʼamo mukufiʼmo haneʼniya keʼaepa geʼamo akame nehisayana alagepa kavaʼmo nehae. Ani gemoʼa hunoʼaeʼmo, lapakaitapieʼmo lapau lapayamopafiʼmo lapauʼniya kava hutapa lapaopaleʼmo neʼmaiya vayaʼaifeʼmo lapau lapayamopafiʼmo lapaino, huno huʼniye.

Yemisi 5:4

Aliʼyatapimo neʼaliya vayaʼmogi hoyatapifiʼmo aliʼyaʼmo neʼaliya vayaʼaifeʼmo humi apatetetapa hosu miyaʼmo neʼapamiye. Oʼapamiʼnaya monimoʼa hosu kavatapieʼmo keya aeno ge hugekana huno haneʼniye. Aliʼyatapimo neʼaliya vayaʼmogi keya aeʼa ge nehagenoʼaeʼmo Ala kava neʼmoʼa muki kokuʼnapi neʼmaiya vayaʼaiteʼmo yagaino neʼapateya vekamoʼa ani keya aeʼa ge nehaya gemo neʼafiye.

1 Samiyo 15:17

Inagi Samiyoʼmo Solofeʼmo hunoʼaeʼmo, Hogoteka kagaemo kagesamo afikaeʼmo, ina agufa vekamo maiʼnove, huka huʼnanaʼmonanafa muki Isaleli nofi vayaʼaiteʼmo yagaika oʼapateʼnapiye. Ala kava neʼmoʼa Isaleli vayaʼai kini vekamo maisanafeʼmo uvelimo faleno okateʼnifiye.