Efasasi 6:5 - The Keyagana NT and 25 OT books

⁵ Aliʼyaʼmo neʼaliya vayaʼmogitapae, huʼna, lapakaemo Ala kava neʼmo geʼamo neʼafiya kava hutapa aliʼyaʼmo afoʼamogi geʼapimo afiyo. Fiku yanagetapa lole lapakesamo afigayanagi koli hutetapa atete nehutapaeʼmo lapaipafatiʼmo geʼapimo afiyo.

Efasasi 6:5 ပူးပေါင်းရင်းမြစ်များ

Aepa Gemae 16:9

halate atagineka yagaino nekateya a kanomo Selaitegamo uka aiyafiʼmo maiʼneka muki geʼamo akame huvo, huno ha paiteno

Samu 123:2

Afiyo, huʼna, Aliʼyaʼamo neʼaliya vayaʼmogimo aliʼyaʼmo afoʼamo ayateʼmo agege aliʼyaʼamo neʼaliya aʼmafaʼnemogimo aliʼyaʼmo itaʼamoayateʼmo agege huʼa maiʼnaya kava huta Ala kava neʼmo Gotitimofekeʼmo ageme ageme neʼvisunagenoʼaeʼmo hau huno lategaiye.

Malakai 1:6

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Mafaʼne anagaʼmogimo afoʼapimogi ala apakiʼapimo neʼapamiye. Aliʼyaʼmo neʼaliya vayaʼmogimo aliʼyaʼmo afoʼamo geʼamo neʼafiye. Nagaemo Afotapimoʼnamo maiʼnovana na kava higetapaeʼmo ala nagiʼnimo noʼnamiye. Yagaiʼna nelapatova vekamo maiʼnovana na kava higetapaeʼmo koliʼnimo osutapa naiyafiʼmo noʼmaiye. Nagaemo mani gemo mono hutapa neʼapataya vayaʼmogitapamo nagiʼnieʼmo lapavenatuʼnaʼmo hetapa atalegekana kavaʼmo nehaya vayaʼmogitapaeʼmo lapa nepauvaʼmonanafa lapakaemo hutapaeʼmo, haiya kava huta kagikaeʼmo lavenatuʼnaʼmo heta atalegekana kavaʼmo nehune, hutapa nehae.

Matiyu 6:22

Lapaulagamo lapakupi lamugana huno haneʼniye. Lapaulagamoʼmo ageno alagepa huno neʼagesiyana lapakupiʼmo aeno ha lesigeno ha le yaʼmo havaiteno hanegaiye.

Matiyu 6:24

Mago aliʼyaʼmo neʼalisiya vekamoʼmo lole aliʼyaʼmo afoʼalaʼmoganiteʼmo aliʼyaʼmo afaʼa oʼaligiye. Agaemo mago alu aliʼyaʼmo afoʼamofeʼmo aini huʼnisiyana mago alu vekaeʼmo hau ayamopafiʼmo hauʼnisigeno geʼamo afiteno alu aliʼyaʼmo afoʼamofeʼmo ohauʼnisigeno akameʼyamo amigiye. Lapakaemo ani kava hutapa Goti aliʼyaʼe ma mopafi aliʼyaʼeʼmo afaʼa oʼaligae.

Matiyu 8:9

Mago vayaʼmogi yagaiʼa nateʼnageʼna nagaemo ati vayaʼaiteʼmo yagaiʼna neʼapatove. Mago vekaeʼmo uvo, huʼna nehugenoʼaeʼmo neʼviye. Mago vekaeʼmo eno, huʼna nehugenoʼaeʼmo neʼe. Aliʼyaʼnimo neʼaliya vekaeʼmo huʼnaeʼmo, ani aliʼyaʼmo aliyo, huʼna nehugenoʼaeʼmo ani aliʼyaʼmo afaʼa neʼaliye, huno ha paiʼniye.

Apa 2:46

Muki afinaʼae afinaʼaeʼmo magoke apaipa apakesamo aliʼa maiʼneʼa Yu vayaʼai alopa mono nopiʼmo uʼa haiʼa aliʼa anupa huʼa maige apaote apaote huʼa noʼapifiʼmo Yesu kaveʼmo nege magokepiʼmo lokaeʼa maiʼneʼa nege huʼa maiʼnae. Neʼyaʼmo neʼneʼapaeʼmo apamogaga aiteʼa yagu yaga apaipamo kaliʼa maiʼneʼa

Lomu 9:3

Kanale kavaʼmo haneʼniyesinana apakaetefeʼmo Kalaisipiʼmo oʼmaiʼna malaga lifana vekamo maisuvafeʼmo nahauʼniyesine.

1 Kolitiyani 2:3

Nagaemo lapakaetegamo uʼnaeʼmo lokiya oʼvaiʼna koli nehuʼnaeʼmo lusi kava huʼna atete huʼna maiʼnove.

1 Kolitiyani 7:22

Ala kava neʼmo kalavusifiʼmo maiʼneʼa aliʼyaʼmo neʼaliya vayaʼaifeʼmo keya aeno ge huteno apakupi mafaʼnemo hatu maeno apateʼnigeʼa Ala kava neʼmo afa vayaʼamo maiʼnae. Kalaisiʼa afaʼa maiʼnaya vayaʼaifeʼmo keya aeno ge huteno nofi aeno apateʼnigeʼa nofiteʼmo maiʼneʼa aliʼyaʼamo neʼaliya vayaʼmo maiʼnae.

2 Kolitiyani 1:12

Lagaemo ma mopafi vayaʼmogi afiteʼa ageʼnaya agufa kavatetiʼmo mago kavaʼmo osuʼnonagenoʼaeʼmo Gotiʼa fikumo laha maeno lamiʼnigeta mago kavaʼmo aeta ati okaeta laipafatiʼmo laote kavaʼmo huʼnone. Lagaemo ma mopafi vayaʼai apaulagaleʼmo mani kavaʼmo nehuta lapakae lapaulagaleʼmo magoʼe huta mani alagepa kavaʼmo huʼnone. Yuʼilaga vekatimoʼmo mani alagepa kavatieʼmo faigoko gemo laha nepaigeta lamogaga neʼaune.

2 Kolitiyani 7:15

Taitasiʼa koli hutetapa atete nehutapaeʼmo lapayaʼmo amitetapa geʼamo afiʼnaya kavafeʼmo agesamo afino ho hutenoʼaeʼmo lapakaefeʼmo magoʼe huno hau ayamopafiʼmo hauʼniye.

Efasasi 5:22

Aʼneʼapimogitapae, huʼna, Ala kava netapimo aiyafiʼmo maiʼnetapa geʼamo neʼafiya kava hutapa anautapimogi apaiyafiʼmo maiʼnetapa geʼapimo afiyo.

Efasasi 6:24

Gotiʼa Ala kava netimo Yesu Kalaisifeʼmo hapau apayamopafiʼmo hapaume hapaume neʼvigeʼapaeʼmo oʼataleʼa muki afinaʼmo nehapausiya vayaʼmo fikumo hapa maeno apamino. He, lama ge.

Filipai 2:12

Gotiʼa agaiʼamo hauʼniyanageno amogaga aisiyafeʼmo lapaipafiʼmo aliʼyaʼmo neʼaliye. Lapakaemo alagepa kavafeʼmo lapaipa kalige huge hisayafeʼmo lapaipafiʼmo himamuʼaletiʼmo aliʼyaʼmo neʼaliyaʼmofeʼmo koli hutetapa atete nehutapaeʼmo aliʼyaʼmo aliyo. Nahauʼniya vayaʼnimogitapae, huʼna, Gotiʼa ani aliʼyaʼmo neʼaliyaʼmofeʼmo lapakufamo alita katita lapatetapa hano hiyo. Nagaemo lapakaeʼeʼmo magokepiʼmo lokaeʼna maiʼnova afinaʼmo lapakaemo akame huʼnaya agufa kavaʼmo hutapa hemenimo lapakaeʼeʼmo oʼmaiʼnovanagi magoʼe hutapa akame hiyo.

Failimoni 1:16

Kalavusi aliʼyakamo neʼaliya vekamo magoʼe huno oʼalino afaʼa maiʼniya vekaeʼmo lahau layamopafiʼmo lahauʼniya konagatimo maiʼniyaʼmofeʼmo afaʼa alika falu fala huka ategane. Magoʼe huno konagaʼnimoʼmo maiʼniyaʼmonanafa ma mopafi konagakamoʼmo maige Ala kava netefeʼmo konagakamoʼmo maige huʼniyaʼmofeʼmo afaʼa alika falu fala huka atesana kavaʼmo haneʼniye.

Yasuva 24:14

Inagi Ala kava nefeʼmo koli hutetapa aigofe kavaʼmo osutapa lapaipafatiʼmo alagi lama ge kavaʼmo hutapa aliʼyaʼamo aliyo. Lapakinago vayaʼmogimo Yufaletisi aniʼmo mugagayaga faliga maiʼnayategaʼe Isipi kotegaʼeʼmo aigofe gotigitefeʼmo aliʼyaʼapimo aliʼnae. Lapakaemo ani aigofe gotigimo alita ataletetapa Ala kava nekeʼmo akame hutapa aliʼyaʼamo aliyo.