Efasasi 6:20 - The Keyagana NT and 25 OT books

²⁰ Ani gelefeʼmo Goti apa vekaʼamo kalavusi huʼnove. Gotiʼa alino namiʼniya gemo koli osuʼna lokiya gemo huʼna aeʼna hakalo huʼna hapa paisuvafeʼmo nunumuʼmo hutapa nateyo.

Efasasi 6:20 ပူးပေါင်းရင်းမြစ်များ

Mai'naya kavane 13:17

Hosu apa vekamoʼmo hanageke yaʼmo aligiyaʼmonanafa alagepa aliʼyaʼmo neʼaliya apa vekamoʼmo vayaʼmo alagepa huno hapa maegaiye.

Aiyeya 33:7

Mago lokiya Yulusalemu ati vayaʼmogi kateʼmo maiʼneʼa alopa gefatiʼmo keya aegae. Kame nehaya kavaʼmo hano hisigeʼa magokepiʼmo alagepa huʼa maisayafeʼmo aliʼyaʼmo neʼaliya apa vayaʼmogi aviʼyaʼmo hugae.

Aiyeya 58:1

Ala kava neʼmoʼa hunoʼaeʼmo, Kagaemo oʼataleka alopa gefatiʼmo keya ao. Kagaemo pikulimoʼmo age neʼaiya agufa gemo huka alopa gefatiʼmo keya aeka ge huvo. Kagaemo vayaʼnimo Yekopu nofi vayaʼaifeʼmo geʼnimo amagiʼa neʼatalaya hosu kavaʼapieʼmo hapa paiyo.

Apa 21:33

Ati vayaʼaiteʼmo hogote vekamo yagaino neʼapateya vekamoʼmo Polo haopaleʼmo uno maiʼnenoʼaeʼmo, Lole seli nofitalatetiʼmo kitapa ateyo, huno hapa paiʼniye. Agaemo ani vayaʼaifeʼmo hunoʼaeʼmo, Ina laʼmo maiʼnenoʼaeʼmo na agufa kava huʼniye, huno apafi geʼniye.

Apa 26:29

he, aise afinaʼmo hemenimo kagaeʼe muki geʼnimo neʼafiya vayaʼeʼmo nagaekana hutapa hamalesayafeʼmo Gotifeʼmo nunumuʼmo nehuve. Nagaekana hutapa maisayafeʼmo nahauʼniyaʼmonanafa nagaekana hutapa seli nofiteʼmo maisayafeʼmo oʼnahaiye, huno ha paiʼniye.

Apa 28:20

Ani kavaʼmo afole aiʼniyaʼmofeʼmo lapaketeʼnaeʼmo ani gemo lapa paisuvafeʼmo huve. Isaleli vayaʼmogimo apavayagunagu huʼa agava maiʼnaya vekalefeʼmo kalavusi huʼa nateʼnageʼna hemenimo maiʼnove, huno hapa paiʼniye.

Apa 28:31

Agaemo Gotiʼa neʼyagaiya kavafeʼmo ava gemo aeno hakalo huno hapa paige Ala kava neʼmo Yesu Kalaisifeʼmo ava gemo alino apaya malege huno maiʼniye. Vayaʼmogimo oʼatafauʼnayaʼmofeʼmo mago gemo fala okino muki geʼamo aeno hakalo huno hapa paino maiʼniye.

Apa 5:29

Pitaʼe mago apa vayaʼmogiʼeʼmo geʼaleʼmo aeʼa atagaina huʼa hapa paiʼapaeʼmo, Hosu kavanageta vayaʼai geʼapimo akame hugunaʼmonanafa kanale kavanageta Goti geʼamo akame hugune.

2 Kolitiyani 3:12

Lagaemo saufa kotalake geʼaletiʼmo alagepa kavaʼmo afole aigiye, huta huteta lavayagunagu nehuta agava neʼmaunaʼmofeʼmo mago gemo fala okita muki geʼamo aeta hakalo huta hapa nepaune.

2 Kolitiyani 5:20

Ani aliʼyaʼamo lamiʼniyaʼmofeʼmo Kalaisi avayamo aliʼnonagenoʼaeʼmo Gotiʼa lavayafatiʼmo hunoʼaeʼmo, lapao ke hove, huno nehiya agufa gemo huta muki vayaʼaifeʼmo hutaeʼmo, lapao ke hone, huta Gotiʼa ago alino ao yaʼmo hu maleʼniyaʼmofeʼmo lapakaemo alita lapao yaʼmo hu maleʼnetapa agaeʼeʼmo magokepi lokaetapa maiyo, huta nehune.

Efasasi 3:1

Gotiʼa ani kavaʼmo nehiyaʼmofeʼmo nagaemo Poloʼnamo Kalaisi Yesutefeʼmo Yu nofi vayaʼmo oʼmaiʼnageʼnaeʼmo lapa maeʼna kalavusi huʼneʼnaeʼmo nunumuʼmo huʼna nelapatove.

Efasasi 4:1

Inagi nagaemo Ala kava netefeʼmo kalavusi huʼneʼnaeʼmo, Gotiʼa alagepa kavaʼmo hutapa maisayafeʼmo keya aeno ge huʼniya agufa kavaʼmo hutapa maiyo, huʼna aliʼna he tiʼna nelapatove.

Efasasi 6:19

Gotiʼa naha maesigeʼna alino fala ki maleʼniya alagepa faigoko geʼamo koli osuʼna alagepa huʼna aeʼna hakalo huʼna hapa paisuvafeʼmo nunumuʼmo hutapa nateyo.

Filipai 1:20

Hosu kavaʼmo huteʼna navagage hisiya kavafeʼmo alagi noʼnahaiye. Alagepa kavaʼmo huguve, huʼna naipamo kaliteʼna navayagunagu huʼna agava neʼmauve. Hogoteʼna Kalaisi agiʼaleʼmo muki afinaʼmo aliʼna asaga huʼnovanageʼna falisufi afaʼa maisufigeʼna hemeniʼeʼmo ani kavaʼmo huʼna aiseʼamo koli osuʼnovanageʼna agiʼaleʼmo aliʼna asaga hugesuve.

Filipai 1:7

Gotiʼa fikumo naha maeno namiʼnigeʼna kalavusifiʼmo maiʼneʼnaeʼmo alagepa faigoko geʼamo ha maesuvafeʼmo ge huʼna aliʼna lokiya vaiʼna neʼatove. Fikumo naha maeno namiʼniya kava huno fikumo lapa maeno nelapamigetaeʼmo magoke agufa aliʼyaʼmo aliteta muki afinaʼmo magoke laipa lagesamo aliʼnonaʼmofeʼmo lapakaefeʼmo alagepa huʼna nagesamo neʼafuve.

Kolosi 4:3

Nunumuʼmo nehutapaeʼmo Goti geʼamo aeta hakalo huta hapa paisuna kaʼmo valino latesigeta Kalaisifeʼmo ava gemo hogoteno alino fala ki maleʼneno hemenimo alino lave liʼniya geʼamo hapa paisunafeʼmo nunumuʼmo hutapa lateyo. Mani gelefeʼmo kalavusi huʼa nateʼnae.

Kolosi 4:4

Gotiʼa alagepa huʼna aeʼna hakalo huʼna hapa paisuvafeʼmo hauʼniye. Ani kavaʼmo hisuvafeʼmo nunumuʼmo hutapa nateyo.

1 Tesaloniyani 2:2

Lapakaemo ago afiʼnayana Filipai taonifiʼmo nagaeʼe Silivenisiʼeʼmo uʼnoʼageʼapaeʼmo lusi kava huʼa laʼamagiʼnayaʼmonanafa lapakaetegamo uʼnoʼae. Laʼagaeʼe Timotiʼeʼmo uta maiʼnonageno Gotiʼa laha maeno lokiya vaino lateʼnigeʼapaeʼmo mago vayaʼmogi lusi kava huʼa kame huʼa lateʼnayaʼmonanafa koli osuta Gotitegati alagepa faigoko geʼamo aliniteta aeta hakalo huta lapa paiʼnone.

2 Timoti 1:16

Ala kava neʼmoʼa Onesifolasiʼe afamo anagaʼaʼeʼmo hau huno apateno. Onesifolasiʼa kalavusifiʼmo maiʼnova kavafeʼmo avagage osuʼnigeno Lomu taonifiʼmo eno avaʼyi huteno lusi kava huno kahauya huno nagetenoʼaeʼmo muki afinaʼmo naha maete naha maete huʼnigenoʼaeʼmo naipamoʼmo falu huʼniye.

2 Timoti 2:9

Mani Goti gelefeʼmo huʼapaeʼmo, hosu kavaʼmo nehiya vekamo maiʼniye, huʼa huteʼa nofi kiʼa nateʼnayaʼmonanafa Goti geʼamo aino atagu ofaesiyafeʼmo nofi kiʼa oʼateʼnae.

Failimoni 1:10

Goti geʼaletiʼmo aliʼna ateʼnova mafaʼneʼnimo Onesimasifeʼmo ge huʼna neʼatove.

Failimoni 1:9

kahau kayamopafiʼmo kahauʼniya kavaʼmoʼmo alino he tino katesiyafeʼmo nahauʼnigeʼnaeʼmo ge huʼna nekatove. Nagaemo Poloʼnamo kosuna leteʼna Yesu Kalaisi agiʼalefeʼmo kalavusifiʼmo maiʼneʼnaeʼmo

1 Yoni 3:16

Yesuʼa afaʼa neʼmaiya yaʼamo lagaetefeʼmo ataleʼniyaʼmofeʼmo lagaefeʼmo hau ayamopafiʼmo hauʼniya kavaʼamo ageʼnonanageta ani kavaʼmo huta konagatimogitefeʼmo afaʼa neʼmauna yatimo atalegaune.

Yuti 1:3

Neʼnahaiya vayaʼnimogitapae, huʼna, Gotiʼa lagaeʼe lapakaeʼeʼmo lagufamo alino katino lateʼniya kavafeʼmo avoʼmo kaegauve, huteʼna lusi kavaʼmo huʼna nagesamo afiteʼnaeʼmo hogoteʼna avoʼmo kaesuva kavaʼmo afole aiʼniye. Lagesamo afita fatago nehuna gelefeʼmo kamemo hutapa ha maesayafeʼmo mani gemo avoʼmo kaeʼna lapaipamo aliʼna lokiya vaiʼna lapatesuvafeʼmo huve. Gotiʼa mani gelefeʼmo lagesamo afita fatago nehuna gemo muki afinafeʼmo magoke afinaʼmo agaemo laote vayaʼamo lamiʼniye.