Efasasi 6:19 - The Keyagana NT and 25 OT books

¹⁹ Gotiʼa naha maesigeʼna alino fala ki maleʼniya alagepa faigoko geʼamo koli osuʼna alagepa huʼna aeʼna hakalo huʼna hapa paisuvafeʼmo nunumuʼmo hutapa nateyo.

Efasasi 6:19 ပူးပေါင်းရင်းမြစ်များ

Apa 13:46

Poloʼe Manamasiʼeʼmo koli osuʼana lokiya gefatiʼmo hapa paiʼanaeʼmo, laʼagaemo Goti geʼamo hogotetaʼa lapa paisuʼa kavaʼmo haneʼniyaʼmonanafa Goti gelefeʼmo lapakameʼyamo amitetapaeʼmo ani kavaʼmo hutapa lapakaitapimo agoti hutapa lapatetetapaeʼmo, maige maige huta maisuna yaʼmo alisuna agufa kava huta oʼmaiʼnone, hutapa nehayaʼmofeʼmo lapataletutaʼa alu nofi vayaʼaifeʼmo hapa paiguʼae.

Apa 14:3

Apa vekalaʼmoganimo koli osuʼana yatala afinaʼmo maiʼneʼana Ala kava nefeʼmo ava gemo aeʼana hakalo huʼana hapa paiʼana maiʼnaʼae. Ala kava neʼmoʼa lokiya vaino anateʼnigeʼana noʼagaya agufa lokiya anaune kavaʼmo huʼnaʼae. Ala kava neʼmoʼa ani kavatetiʼmo fikumo hapa maeno neʼapamiya kavafeʼmo ava geeʼmo lama gemo haneʼniye, huno alino apave liʼniye.

Apa 18:26

Agaemo Yu vayaʼai mono nopiʼmo aepa faino koli osuno lokiya gemo huno hapa nepaigeʼanaeʼmo Pilisilaʼe Akuvilaʼeʼmo afiteʼanaeʼmo avaleliʼeʼana noʼanifiʼmo oʼafiʼniya agufa gemo magoʼe huʼana Goti kafeʼmo ava gemo alagepa huʼana aliʼana aya maleʼnaʼae.

Apa 19:8

Poloʼa loleʼe magoʼe kaimo maiʼneno Yu vayaʼai mono nopiʼmo uno haino lokiya gemo huno apakesamo alino hapa paisiyafeʼmo alu ge alu geletiʼmo Gotiʼa neʼyagaiya kavafeʼmo ava gemo huno hapa paiʼniye.

Apa 2:4

Goti Aunemeʼamo aote Aunemeʼamoʼmo muki vayaʼai apaipafiʼmo faleno uno haino havai teteno apavenafuʼnamo alino afe leʼnigeʼapaeʼmo alu apake alu apakemo aepa faiʼa aiʼnae.

Apa 28:31

Agaemo Gotiʼa neʼyagaiya kavafeʼmo ava gemo aeno hakalo huno hapa paige Ala kava neʼmo Yesu Kalaisifeʼmo ava gemo alino apaya malege huno maiʼniye. Vayaʼmogimo oʼatafauʼnayaʼmofeʼmo mago gemo fala okino muki geʼamo aeno hakalo huno hapa paino maiʼniye.

Apa 4:13

Kanisole vayaʼmogimo anakayana Pitaʼe Yoniʼeʼmo sukulu osuʼnaʼa vekalaʼmo maiʼnaʼaʼmonanafa lokiya gefatiʼmo huʼana hapa paiteʼanaeʼmo koli osuʼana afaʼa maiʼnaʼageʼapaeʼmo anaketeʼanaeʼmo, ae, huʼa, hogoteʼana Yesuʼeʼmo lokaeʼana maiʼnaʼa vekalane, huʼa apakesa afiteʼa hapau aiʼnae.

Apa 4:29

Ala kava nene, huʼa, Hemenimo lokiya gemo lamagisaya kavafeʼmo laha paiʼnaya gemo afiyo. Afiteka lokiya vaika lategetao aliʼyakamo neʼaluna vayaʼmogita gekamo aeta hakalo huta hapa paino.

Apa 4:31

Nunumuʼmo huʼnagenoʼaeʼmo aliʼa anupa huʼa maiʼnaya noʼmoʼa uti uti aiʼniye. Goti Aunemeʼamo aote Aunemeʼamoʼmo apaipafiʼmo haino maiʼnigeʼapaeʼmo koli osuʼa aepa faiʼa Goti geʼamo lokiya vaiʼa aeʼa hakalo huʼnae.

Apa 9:27

Koli nehagenoʼaeʼmo Manamasiʼa eno ha maeno apa vayaʼaitegamo avalelino uʼniye. Manamasiʼa apa vayaʼaifeʼmo hunoʼaeʼmo, Soloʼa kategamo neʼunoʼaeʼmo Ala kava neʼmo ageʼnigeno Ala kava neʼmoʼa ha paiʼniye. Inagi Soloʼa uno Yesu agiʼalefeʼmo Namasakasi kotegamo lokiya himamuʼaletiʼmo aeno hakalo huno hapa paiʼniye, huno hapa paiʼniye.

Apa 9:29

Soloʼa koli osuno lokiya gemo huno Ala kava neʼmo Yesu agiʼalefeʼmo aeno hakalo huno hapa paiʼniye. Galiki apakemo neʼaiya Yu vayaʼeʼmo ge huge afige huʼa maiʼneʼa hapa paiʼnigeʼapaeʼmo amagisayafeʼmo huʼnae.

Lomu 15:30

Konagaʼnimogitapae, huʼna, Lahapao ke hovanagi, Ala kava netimo Yesu Kalaisifeʼmo lahapau lahapayamopafiʼmo lahapauʼnigetapa Goti Aunemeʼamoʼmo lapaipafiʼmo aliʼyaʼmo aliʼnigetapa Goti mafaʼneʼaeʼmo lahapau lapayamopafiʼmo nelahapaiyaʼmofeʼmo lapayamukiki hutapa naha maeta nunumuʼmo hutapa nateyo.

Lomu 16:25

Gotiʼa nagaemo aeʼna hakalo nehuva alagepa faigoko geʼaletiʼe Yesu Kalaisifeʼmo ava gemo aeʼa hakalo nehaya geʼaletiʼeʼmo afaʼa alino lokiya vaino lapategaiye. Ma mopamo alo huʼniya afinatetiʼmo ani gemo fala kino haneme haneme eʼniyaʼmonanafa

1 Kolitiyani 1:5

Ani kavatefeʼmo Gotiʼa Kalaisipiʼmo maiʼnagenoʼaeʼmo muki kavatefeʼmo lusi kava huno lahapa maeno lapamiʼnigetapaeʼmo alagepa hutapa aeta hakalo hutapa hapa paige muki yaʼmo alagepa hutapa agege hutapa maiʼnae.

1 Kolitiyani 2:7

Hapa nopaunaʼmonanafa Gotiʼa alino fala ki maleʼniyanageʼa afaʼa oʼagesaya geʼaletiʼmo Gotiʼa afiteno ageʼniya geletiʼmo hapa nepaune. Gotiʼa ma mopamo alo osuʼnenoʼaeʼmo ha le konali yaʼamo alisunafeʼmo ani gemo hu maleʼniye.

1 Kolitiyani 4:1

Lapakaemo lagaefeʼmo hutapaeʼmo, Apakaemo Kalaisi aliʼyaʼamo neʼaliya vayaʼmo maiʼnae. Aliʼyaʼmo afoʼamo muki yaʼaleʼmo vayaʼmogi neʼyagaiya kava huʼa apakaemo Gotiʼa alino fala ki maleʼniya geʼaleʼmo yagaiʼneʼa neʼapamiya vayaʼmo maiʼnae, hutapa lapakesamo afiyo.

2 Kolitiyani 1:11

Lapakaemo asole vayaʼmogitapamo nunumuʼmo hutapa latesageno Gotiʼa lahau vaisigeʼapaeʼmo ani kava huʼa asole vayaʼmogimo Gotifeʼmo hao ke heʼa lategae.

2 Kolitiyani 3:12

Lagaemo saufa kotalake geʼaletiʼmo alagepa kavaʼmo afole aigiye, huta huteta lavayagunagu nehuta agava neʼmaunaʼmofeʼmo mago gemo fala okita muki geʼamo aeta hakalo huta hapa nepaune.

2 Kolitiyani 6:11

O Kolitiyani vayaʼmogitapae, huta, muki lagesamo afiʼnona geʼamo huta afole aita lapa paiʼnone. Laipa lagesafiʼmo lahauʼniya kavaʼmo magoʼe huta lapamiʼnone.

2 Kolitiyani 7:4

Lapakaemo alagepa kavaʼmo hugae, huʼna lokiya nagesamo afiteʼnaeʼmo huʼna ha leʼna lapa nepauve. Lusi kava huʼna namogaga aiʼna nelapateʼnaeʼmo lapava gemo huʼna hapa nepauve. Naipamoʼmo falu huʼniya kavaʼnimoʼmo havai teʼniye. Alopa hanageke yaʼmo aliʼnetaeʼmo nagaemo lusi kava huʼna namogaga neʼauve.

2 Kolitiyani 8:7

Lapakaemo muki alagepa kavaʼmo nehutapaeʼmo Gotifekeʼmo lapakesa afita fatago huge alagepa hutapa aeta hakalo huge alagepa hutapa afita aeto huge lapayamukiki huge lagaefeʼmo lapau lapayamopafiʼmo lapauge nehutapaeʼmo ani alagepa ofalinimo hisaya aliʼyaʼeʼmo aliyo.

Efasasi 1:9

Hauʼniya kavatefeʼmo ani kavaʼmo huguve, huno agesamo afiteno lokiya gemo hu maleʼniya kavaʼmo hogoteno alino fala ki maleʼniyaʼmonanafa hemenimo ago alino lave liʼniye.

Efasasi 3:9

Gotiʼa Yesu Kalaisitetiʼmo muki yaʼmo afa yatetiʼmo alo huʼniya vekamoʼmo agesamo afitenoʼaeʼmo, ani kavaʼmo huguve, huno huʼniya kavaʼmo akeyaʼvilagamo alino fala ki maleʼnigeʼa muki kafugaʼae kafugaʼaeʼmo oʼageʼnae. Oʼageʼnayaʼmonanafa hemenimo Gotiʼa haiya kava huno agesamo afiʼniya kavaʼmo hisifi huʼa muki vayaʼmogimo ageʼa alagepa huʼa agesayafeʼmo aliʼyaʼamo alisuvafeʼmo navaleno nateʼniye.

Kolosi 2:2

Lapaipamoʼmo atete osuno lokiya vaino haneʼnisigetapa lapau lapayamopafiʼmo lapauʼnisigetapa magoke lapaipa lapakesamo alita maisayafeʼmo aliʼyaʼmo neʼaluve. Ani kavaʼmo huta maiʼnetapaeʼmo Gotiʼa hogoteno alino fala kino ateʼneno alino lapaveliʼniya vekamo Kalaisiʼmo alagepa hutapa ageta aeto hutetapa lole lapakesamo oʼafitapa lusi kava huta magoke lapakesamo afisayafeʼmo nahauʼniye.

Kolosi 4:3

Nunumuʼmo nehutapaeʼmo Goti geʼamo aeta hakalo huta hapa paisuna kaʼmo valino latesigeta Kalaisifeʼmo ava gemo hogoteno alino fala ki maleʼneno hemenimo alino lave liʼniya geʼamo hapa paisunafeʼmo nunumuʼmo hutapa lateyo. Mani gelefeʼmo kalavusi huʼa nateʼnae.

1 Tesaloniyani 2:2

Lapakaemo ago afiʼnayana Filipai taonifiʼmo nagaeʼe Silivenisiʼeʼmo uʼnoʼageʼapaeʼmo lusi kava huʼa laʼamagiʼnayaʼmonanafa lapakaetegamo uʼnoʼae. Laʼagaeʼe Timotiʼeʼmo uta maiʼnonageno Gotiʼa laha maeno lokiya vaino lateʼnigeʼapaeʼmo mago vayaʼmogi lusi kava huʼa kame huʼa lateʼnayaʼmonanafa koli osuta Gotitegati alagepa faigoko geʼamo aliniteta aeta hakalo huta lapa paiʼnone.

1 Tesaloniyani 5:25

Konagatimogitapae, huta, nunumuʼmo hutapa lateyo.

2 Tesaloniyani 3:1

Konagatimogitapae, huta, atupa gemo hutaeʼmo, Ala kava neʼmo geʼamo aino atagu faesigeʼa alagepa huʼa afiteʼa magoʼe huʼa ani geleʼmo aliʼa asaga hisayafeʼmo nunumuʼmo hutapa lateyo. Lapakaetegamo huʼniya agufa kavaʼmo huno muki haopalegamo maiʼnaya vayaʼaitegamo hisiyafeʼmo nunumuʼmo hutapa lateyo.

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

Failimoni 1:22

Kagaemo nunumuʼmo nehananageno Gotiʼa afitenoʼaeʼmo kagaetegamo halate alino natesigeʼna visuvafeʼmo agava maiʼnove. Magoʼe kavafeʼmo huʼnaeʼmo, visuva afinaʼmo kagae nopiʼmo uʼna havaesuvafeʼmo mago aeka anagi maleʼnisana yapiʼmo nato.

Himulu 13:18

Nunumuʼmo hutapa lateyo. Lagaemo muki kavatefeʼmo hutaeʼmo, lole lagesamo oʼafita alagepa kavaʼmo hugesune, huta magoke lagesamo afiʼnetaeʼmo, lagupi mafaʼnemoʼa hosu kavaʼmo nehae, huno laha nopaigeta alagepa huta neʼmaune.