Efasasi 6:18 - The Keyagana NT and 25 OT books

¹⁸ Aliʼnetapaeʼmo muki alu nunumu alu nunumuʼmo huge Gotifeʼmo ge huge nehutapa Goti Aunemeʼaletiʼmo nunumuʼmo hutapa maiyo. Muki afinaʼmo oʼataletapa muki Goti aote vayaʼaeʼmo nunumuʼmo hutapa apateyo.

Efasasi 6:18 ပူးပေါင်းရင်းမြစ်များ

Esata 4:8

Motekaiʼa Hemaniʼmo kaeʼniya avopatiʼmo mago avoʼmo alino Hatakiʼa amiʼnigeno aliʼniye. Ani avopi gemoʼmo hunoʼaeʼmo, muki Yu vayaʼmo apaigeʼa faliyo, huno avoʼmo kae maleʼniya avoʼmo alino Hatakiʼmo amitenoʼaeʼmo, Esatafeʼmo muki afole aisiya kavafeʼmo ava gemo huka ha paiyo, huno ha paiʼniye. Hatakiʼa uno Esatafeʼmo ha paisigeno Esataʼa uno kini vekaeʼmo afi gesigeno kini vekamoʼmo muki Yu vayaʼaifeʼmo hau huno apateno.

Samu 4:1

O Gotiyo, huʼna, Fatago kavaʼnilefeʼmo Gotiʼnimogamo maiʼnane. Keya aeʼna ge hisuva afinaʼmo geʼnimo afiyo. Hanageke yaʼmo aliʼnogekaeʼmo naha maeʼnane. Nunumuʼmo nehuva gemo afiteka kahau huka nato.

Samu 6:9

Neyafeʼmo aukaya nehaya kava huʼna keya aeʼna nunumuʼmo huʼna ge nehugenoʼaeʼmo afiʼniyanageno afaʼa naha maegaiye.

Aiyeya 26:16

Ala kava nene, huʼna, Vayakamogimo hanageke yaʼmo aliʼneʼapaeʼmo hapa maesanafeʼmo kagaetegamo uʼnae. Kayoʼmo apamiʼnanageʼapaeʼmo nunumuʼmo huʼnae.

Neniyo 6:10

Mago vayaʼmogi Neniyofeʼmo ha paiʼapaeʼmo, kini vekamoʼmo ani keʼaepa gemo apepaleʼmo agaiʼa agimo ago avoʼmo kaeʼniye, huʼa huʼnageno afitenoʼaeʼmo noʼalegamo uʼniye. Agaemo anagamo aeno hanagi maleʼniya yapilagamo uno haino Yulusalemu taonifiʼmo aulu heno neʼageya yasi kaʼmo haopaleʼmo aleʼyamo faiʼneno hogoteno nehiya agufa kavaʼmo huno ani afinaʼmo loleʼe magoʼe kanaleʼmo nunumuʼmo huʼniye.

Neniyo 9:20

Nagaemo Ala kava neʼmo Gotiʼnimo aulagaleʼmo nunumuʼmo huʼna hosu kavaʼnieʼmo aeʼna hakalo huge Isaleli vayaʼnimogi hosu kavafeʼmo aeʼna hakalo huge Gotiʼnimo aote avelefeʼmo ge huge nehuve.

Matiyu 17:21

Nunumuʼmo nehuʼapaeʼmo neʼyaʼmo mo sisayana ani agufa hosu apaune vayaʼmo afaʼa aliʼa hapa faiʼa apatalegae. Alu kavatetiʼmo aliʼa hapa faiʼa oʼapatalegae.

Matiyu 26:41

Lapamalageka hisiya kavapiʼmo haita ofalesayafeʼmo kava yagaita maiʼnetapa nunumuʼmo hiyo. Lapaunelapameʼmoʼa hunoʼaeʼmo, afaʼa hugune, huno nehiyaʼmonanafa hisayafeʼmo amega lapakufamoʼmo lokiya noʼvaiye, huno hapa paiʼniye.

Maki 13:33

Hainu afinaʼmofi hutapa oʼafiʼnayaʼmofeʼmo ehetapiye, huʼna, kava yagaita maiʼnetapa nunumuʼmo hutapa maiyo.

Maki 14:38

Apakaefeʼmo hunoʼaeʼmo, lapamalageka hisiya kavapiʼmo uta haita ofalesayafeʼmo yagaita maiʼnetapa nunumuʼmo hiyo. Lapaunelapameʼmoʼa hunoʼaeʼmo, afaʼa hugune, huno nehiyaʼmonanafa amega lapakufamoʼa hisayafeʼmo lokiya noʼvaiye, huno hapa paiʼniye.

Luki 21:36

Inagi muki afinaʼmo kava yagaita maiyo. Muki afole aisiya kavaʼamo aeta agasesaya agufa kavaʼmo huta maiʼnetapaeʼmo Vemo Mafaʼnemo aulagaleʼmo he tita maisayafeʼmo nunumuʼmo hiyo, huno hapa paiʼniye.

Luki 22:46

Agaemo hunoʼaeʼmo, na kava higetapaeʼmo lapau kaleta maiʼnae. Lapamalageka hisiya kavapiʼmo haita ofalesayafeʼmo he tita nunumuʼmo hiyo, huno hapa paiʼniye.

Luki 3:26

Matataiyasi afoʼamoʼmo Simeniʼae. Simeni afoʼamoʼmo Yosekiʼae. Yoseki afoʼamoʼmo Yonaʼae. Yona afoʼamoʼmo Yoʼananiʼae.

Luki 3:37

Lemeki afoʼamoʼmo Metusalaʼae. Metusala afoʼamoʼmo Inokiʼae. Inoki afoʼamoʼmo Yeletiʼae. Yeleti afoʼamoʼmo Mahalaliʼae. Mahalali afoʼamoʼmo Kenaniʼae.

Apa 1:14

Ani vayanagi mago aʼne anaganagi Yesu itaʼamoʼmo Maliyaʼagi Yesu aganaʼamogimogi huʼa magoke apaipa apakesamo aliteʼa aliʼa anupa huʼa maiʼneʼa nunumuʼmo huge ge huʼa afige huʼa maiʼnae.

Apa 10:2

Agaemo mono huno maiʼnigeʼa agaeʼe konaga vayaʼaʼeʼmo Gotifeʼmo koli huteʼa mono huʼa maiʼnae. Agaemo Yu vayaʼmo monimo apamige hapa maege huno maiʼnenoʼaeʼmo muki afinaʼmo Gotifeʼmo nunumuʼmo huno maiʼniye.

Apa 12:5

Pitaʼa kalavusifiʼmo maiʼnigeʼa ati vayaʼmogimo yagaiʼa ateʼa maiʼnageʼapaeʼmo muki siosi vayaʼmogimo Gotiʼa ha maesiyafeʼmo lusi kava huʼa nunumuʼmo huʼa ateʼnae.

Apa 6:4

Lagaemo magoke aliʼyaʼageke alita maiʼnetaeʼmo muki afinaʼmo nunumuʼmo huge Goti gemo aeta hakalo huta hapa paige huta maigune, huʼa hapa paiʼnae.

Lomu 12:12

Afole aisiya kavafeʼmo agava maiʼnetapaeʼmo lapavayagunagu hutapa lapamogaga aiyo. Hanageke yaʼmo aliʼnetapaeʼmo oʼataleta atafautapa alagi hutapa maiyo. Oʼataleta nunumuʼmo huge huge hutapa maiyo.

Lomu 8:15

Aliʼnaya Aunemeʼamoʼmo halate koli hisayafeʼmo lapavaleno kalavusi aliʼyateʼmo olapateʼnifa Goti afamo anagapiʼmo lapavalelino uno haino faleno lapateʼniye. Faleno lateʼnigeta Aunemeʼaʼe himamuʼaletiʼeʼmo hutaeʼmo, Afo, Afotimogae, huta keya neʼaone.

Galesiya 4:6

Lapakaemo mafaʼneʼamo maiʼnayaʼmofeʼmo Gotiʼa Mafaʼneʼamo Aunemeʼamo alino ateʼnigeno emineno lapaipafiʼmo uno haino maiʼnigetapaeʼmo, Afo, Afotimogae, hutapa ge nehae.

Efasasi 1:16

Gotifekeʼmo hao ke heʼna lapateteʼnaeʼmo muki afinaʼmo oʼataleʼna nunumuʼmo huʼna nelapatove.

Efasasi 2:22

Agaepiʼmo Gotiʼa Aunemeʼamo noʼafiʼmo maisiyafeʼmo lapakaeʼeʼmo alino anupa huno no kigekana huno nelapate.

Efasasi 3:18

Ani kavaʼmo huʼa maiʼneʼapaeʼmo muki apaote vayaʼaʼeʼmo Kalaisiʼa hau ayamopafiʼmo hauʼniya kavaʼamo ageʼa alagepa huʼa ageyo. Haiya agufa afafaleʼmo uno haiʼnifi haiya agufa afafale uno lamiʼnifi haiya agufa afafaleʼmo uʼnifi haiya agufa afafaleʼmo eʼnifi huʼa ageyo.

Efasasi 3:8

Muki apaote vayaʼamogimo aeʼa naga seʼnageʼna henaga vekamo maiʼnovaʼmonanafa kanale yaʼmo ageta lekana opaisuna agufa yaʼmo Kalaisiʼa neʼapamiya kagemi yaʼalefeʼmo ava gemo alu nofi vayaʼaifeʼmo aeʼna hakalo huʼna hapa paisuvafeʼmo fikumo naha maeno namiʼniye.

Efasasi 6:19

Gotiʼa naha maesigeʼna alino fala ki maleʼniya alagepa faigoko geʼamo koli osuʼna alagepa huʼna aeʼna hakalo huʼna hapa paisuvafeʼmo nunumuʼmo hutapa nateyo.

Filipai 1:4

Lapakaemo hogote afinatetiʼmo Kalaisifeʼmo alagepa faigoko gemo aino atagu faesiyafeʼmo nagaeʼeʼmo afalu afalugana huta lokaeta maiʼnonaʼmofeʼmo muki afinaʼmo nunumuʼmo huʼna nelapateʼnaeʼmo namogaga neʼauve.

Filipai 4:6

Mago kavafeʼmo lapausoli osuta muki kavatefeʼmo nunumuʼmo hutapa afi neketapaeʼmo hao ke hetapa lapauʼnisiya yafeʼmo Gotifeʼmo ge huta afi gegenoʼao lapaipamo alino falu huno lapategaiye. Haiya kava huno laipamo alino falu huno nelatefi huta oʼageʼnonaʼmonanafa afaʼa alino falu huno lapatesiya kavaʼmoʼa Kalaisi Yesupiʼmo maiʼnayanageno lapaipa lapakesaleʼmo afaʼa yagaino lapategaiye.

Kolosi 1:3

Hogotetapa alagepa faigoko gemo afitetapaeʼmo Gotiʼa kokuʼnapiʼmo maleʼniya yateʼmo yagaino nelapateya yafeʼmo ava gemo afitetapa lapavayagunagu hutapa agava neʼmaiye. Agava maiʼnetapaeʼmo Kalaisi Yesufeʼmo lapakesamo afita fatago huʼnetapaeʼmo muki apaote vayaʼaifeʼmo lapau lapayamopafiʼmo lapauʼniya kavafeʼmo lapava gemo afiʼnone. Afiʼnona afinatetiʼmo muki afinaʼaeʼmo nunumuʼmo huta nelapatone. Ala kava netimo Yesu Kalaisi afoʼamoʼmo Gotifeʼmo hao ke heta nelapatone.

Kolosi 4:2

Nunumuʼmo nehutapaeʼmo oʼataleta alagepa huta kava yagaiʼnetapa Gotifekeʼmo hao ke hetapa nunumuʼmo huge huge hutapa maiyo.

1 Tesaloniyani 5:17

Muki afinaʼmo oʼataletapa nunumuʼmo hiyo.

1 Timoti 2:1

Nagaemo huʼnaeʼmo, Goti vayaʼamogimo hogoteʼa muki vayaʼaifeʼmo Gotifekeʼmo ge huʼa afige nunumuʼmo huge nunumuʼmo huʼa apatege hao ke hege huʼa maiyo, huʼna lokiya gefatiʼmo nehuve.

2 Timoti 1:3

Naginago vayaʼmogi Gotitefeʼmo mono aliʼyaʼmo aliʼnaya kava huʼna nagupi mafaʼnemoʼmo hosu kavaʼmo hane, huno nosigeʼnaeʼmo mono aliʼyaʼmo neʼaluve. Ani kava huʼna kagaefeʼmo nagesamo afiteʼnaeʼmo Gotifeʼmo muki afinaʼae afinaʼaeʼmo okataleʼna felugaʼe haniʼilagaʼeʼmo hao ke heʼna nunumuʼmo nehuve.

Failimoni 1:5

Kagaemo muki apaote vayaʼaifeʼmo kahau kayamopafiʼmo kahauʼnigekaeʼmo Ala kava neʼmo Yesufekeʼmo kagesamo afika fatago huʼnana kavafeʼmo kava gemo huʼnageʼna afiteʼnaeʼmo Gotifekeʼmo hao ke heʼna nekatove.

Himulu 5:7

Kalaisiʼa ma mopafiʼmo maiʼnenoʼaeʼmo falisiya kavategatiʼmo agufamo alino katino atesiya Gotifekeʼmo alopa gefatiʼmo keya aeno ge huge haoke huge aviʼyaʼmo huge huno nunumuʼmo huʼniye. Gotifeʼmo koli huʼneno mono huʼniyaʼmofeʼmo Gotiʼa geʼamo afiʼniye.

1 Pita 4:7

Muki yaʼamo alagi hano hisiya afinaʼmo ago hogo nehiyaʼmofeʼmo nunumuʼmo nehutapaeʼmo lapakufaleʼmo alagepa hutapa yagaita ateʼnetapa lapaipamo alo hiyo.

Yuti 1:20

Nahauʼniya vayaʼnimogitapae, huʼna, ani kavaʼmo huʼa maiʼnayaʼmonanafa lapakaemo Goti Aunemeʼaletiʼmo nunumuʼmo nehutapaeʼmo lapakesamo afita fatago nehaya kavatapileʼmo lapakaitapimo magoʼe hutapa alita lokiya vaita lapateme lapateme viyo.

1 Samiyo 1:12

Agaemo nunumuʼmo nehigenoʼaeʼmo Ilaiʼa Hana avayaleʼmo ageno maiʼniye.