Efasasi 6:17 - The Keyagana NT and 25 OT books

¹⁷ Gotiʼa lapakufamo alino katino lapateʼniya kavaʼmo aeni kakolitagana huno haneʼniyanagi lagufamo alino katino lateʼniye, hutetapa alita maleyo. Goti geʼamo Aunemeʼamo naipegana huno haneʼniyanagi aliyo.

Efasasi 6:17 ပူးပေါင်းရင်းမြစ်များ

Aiyeya 49:2

Agaemo navayamo alino aluga alugaʼatiʼmo aveʼmo neʼneya naipegana huno hamaleno nategaiye. Agaemo nagaemo ayapiʼmo alino fala kino nateʼniye. Agaemo nagaemo akoʼya kevemo aino nateteno kevemo kuʼafiʼmo ku aino fala kino nateʼniye.

Aiyeya 59:17

Kame nehaya vayaʼmogimo kapa siyotiʼapiletiʼmo hapaifiʼyaleʼmo aiʼa ati nekaya kava huno Ala kava neʼmoʼa fatago kavaʼamo hapino aliʼniye. Agaemo vayaʼamo apakufamo alino katino apatesiyafeʼmo kapa kakolitamo agenopaleʼmo maleno aliʼniye. Agaemo vayaʼamo kame vayaʼapimogi hosu kavaʼapimo anonaʼapilefeʼmo apamisiyafeʼmo kame kukenamo alino vaiʼniye. Agaemo aipamo neleya kavaʼamo yatala kukena yakana huno vaino aliʼniye.

Matiyu 4:4

Yesuʼa geʼaleʼmo aeno atagaina huno ha painoʼaeʼmo, Goti mukufiʼmo avoʼmo kae maleʼniya gemoʼmo hunoʼaeʼmo, vayaʼmogimo peleti mayaʼageʼmo neʼnisayana alagepa huʼa oʼmaigayaʼmonanafa Gotiʼa avayafatiʼmo muki huʼniya geʼamo afiteʼapaeʼmo alagepa huʼa maigae, huno ha paiʼniye.

Matiyu 4:7

Ha paiʼniyaʼmonanafa Yesuʼa, magoʼe huno mukufiʼmo avoʼmo kae maleʼniya gemoʼmo hunoʼaeʼmo, Ala kava neʼmo Gotitapimofeʼmo amalageka osiyo, huno avoʼmo kae maleʼniye, huno ha paiʼniye.

Efasasi 5:26

Agaemo siosi vayaʼamo alino apaote apateʼneno Goti geʼaletiʼmo aniʼmo falegekana huno faleno apatesiyafeʼmo siosi vayaʼalefeʼmo falino apateʼniye.

1 Tesaloniyani 5:8

lagaemo feluga umenitata nehaya vayakana huta laipa lagesaleʼmo yagaita lategetao. Ati vayaʼmogimo kame vayaʼapimogimo ohapaesayafeʼmo lokiya aeni siotimo neʼvaiya kava huta lagesamo afita fatago nehuta lahau layamopafiʼmo lahaino. Ati vayaʼmogi lokiya aeni kakolitamo neʼmalaya kava huta Gotiʼa lagufamo alino katino latesiyafeʼmo agava maiʼneta lavayagunagu huta maigetao.

Himulu 4:12

Goti geʼamo aunemeʼe gemo haneʼneno himamuʼaletiʼmo aliʼyaʼmo neʼaliye. Ani gemoʼa aluga alugaʼamo aveʼmo neʼneya naipemo ago aeno agaseno aveʼmo lusi kava huno neʼne. Agaemo geʼaletiʼmo apagupi mafaʼnefinagi apauneʼapamepinagi apayamufafinagi apatupinagi huno aeteno alino fako nehiye.

Himulu 6:5

Goti alagepa geʼamo afiteʼa neʼa afige saufa afinaʼmo himamu kavaʼamo ageteʼa neʼa afige huʼnae.

Leveleseni 1:16

Agaemo lamaga ayapiʼmo seveniʼa kanefiʼmo aliʼnigeno avayafatiʼmo aluga alugaʼamo ave neʼneya naipemo emineʼniye. Augosafatiʼmo yegemo haineno feluga kuku huteno neleya kava huno leʼnigeʼna ageʼnove.

Leveleseni 12:11

Konagatimogimo aikeli sipisipimo kolaʼaletiʼmo lama geʼamo aeʼa hakalo huʼa hapa paiʼnaya geʼaletiʼmo aeʼa agaseʼnae. Apakaemo apakaiʼapi apakufaeʼmo apakesamo oʼafiʼa afaʼa faligune, huʼa huʼnae.

Leveleseni 19:15

Avayafatiʼmo emineʼniya naipemo ave nege nege naipeʼaletiʼmo alu kotega alu kotegamo maiʼnaya vayaʼmo kame huno apatesiya naipemo avayafatiʼmo emineʼniye. Agaemo aeni kayotetiʼmo yagaino apategaiye. Gotiʼa muki lokiyaʼaʼe vekamoʼmo lusi kava huno aipamo leno neʼapateyanageno agaemo alopa yuvapafiʼmo aiyalatetiʼmo aeno latapaisigeno kolaʼapimoʼmo anikana huno heno lamigiye.

Leveleseni 2:16

lapaipamo alita afe leyo. Lapaipamo alita afe olesayaʼmoʼmo malage huʼna lapakaetegamo emineʼna navayafiʼmo haneʼniya naipeʼniletiʼmo lapakaemo kamemo lahapaegauve.

1 Samiyo 17:5

Agaemo aeni kakolitamo maleteno kame kukenaʼamo haesa aeniletiʼmo alo huʼnaya kukenamo kanaʼamoʼmo fifiti kilo haneʼniye.

1 Samiyo 17:58

Soloʼa Nevinifeʼmo hunoʼaeʼmo, Neya vekae, huno, kagaemo ina la mafaʼnemo maiʼnane, huno afi geʼnigeno Neviniʼa ha painoʼaeʼmo, kini vekae, huno, nagaemo aliʼyakamo neʼaliya vekamo mago Metalehamu taonifi vekamo Yesi mafaʼnemo maiʼnove, huno ha paiʼniye.