Efasasi 5:9 - The Keyagana NT and 25 OT books

⁹ Goti Aunemeʼamoʼmo alagamo neʼaesigetapaeʼmo alagepa kavaʼmo huge fatago kavaʼmo huge lama ge kavaʼmo huge hutapa maigae.

Efasasi 5:9 ပူးပေါင်းရင်းမြစ်များ

Matiyu 3:8

Lapaipamo alita afe leʼnisayana saufa kavaʼmo hutapa nave liyo.

Yoni 1:47

Yesuʼa ageyana Natanieloʼmo agaetegamo eʼnigeno agetenoʼaeʼmo, lama ge Isaleli vekamo maiʼniye. Magoke aigofe geʼamo ohaneʼniya vekamae, huno huʼnigeno

Lomu 15:14

Konagaʼnimogitapae, huʼna, alagepa kavaʼe afiʼnaya geʼeʼmo lapaipa lapakesafiʼmo havai teʼniyanagetapa afaʼa alita apaya malegae, huʼna lole nagesamo oʼafiʼnofa magoke nagesamo neʼafuve.

Lomu 2:4

Gotiʼa kagemi yaʼagana huno maleʼniya yapatiʼmo kagaetegamo lusi alagepa kavaʼmo huteno malage huno aipamo leno okateno yatala afinaʼmo afaʼa nekateyaʼmonanafa alagepa huka kagesa oʼafiʼneka afa kavane, huka kagesamo neʼafipiye. Gotiʼa kaipamo alika afe lesanafeʼmo kagaetegamo alagepa kavaʼmo nehiye, huka oʼafiʼnapiye.

Efasasi 4:15

Lagaemo vayaʼaifeʼmo lahauʼnisigeta lavayafatiʼmo lama gemo nehutaeʼmo kosime kosime uta Kalaisigana huta maigune. Muki vayaʼmo apakenopamokeʼmo muki apakufaleʼmo yagaino apateʼniya kava huno Kalaisiʼa lagenopagana huno maiʼneno yagaino nelategeno agufamo alino kosino neʼate.

Efasasi 4:25

Inagi magoʼe hutapa aigofe gemo osutapa magoke agufafiʼmo alu ya alu yaʼamo maiʼnonaʼmofeʼmo mukiʼamogitapamo konagatapimogifeʼmo lama gemo hiyo.

Efasasi 6:14

Lama ge kavaʼmo mapalugana huno haneʼniyanagi he titapa maiʼnetapaeʼmo lama ge kavaʼmo hutapa aeyo. Goti geʼamo akame nehaya kavaʼmo aeni siotigana huno haneʼniyanagi Goti geʼamo akame nehutapaeʼmo alitapa vaiyo.

Kolosi 3:18

Aʼnemogitapae, huʼna, Ala kava nepiʼmo maiʼnisaya aʼnemogimo hisaya agufa kavaʼmo hutapa anautapimogi apaiyafiʼmo maiʼnetapa geʼapimo afiyo.

1 Timoti 6:11

Apakafu nekiyaʼmonanafa kagaemo Goti vekamogae, huʼna, ani kavategatiʼmo ataleka kaune heka fatago kavanagi mono kavanagi kahau kayamopafiʼmo kahauʼniya kavanagi atafauka alagi hisana kavanagi yagu yaga kaipa kali kavanagi huka atafauka alagi hisanafeʼmo vegala ao.

Himulu 1:8

Huno huʼniyaʼmonanafa Mafaʼneʼaeʼmo hunoʼaeʼmo, O Gotiyo, huno, muki afinaʼmo alagi ofalika afaʼa maige maige huka maiʼneka yagaika apategane. Alagepa huka alika fako huka apateteka yagaika neʼapatane.

Himulu 11:33

Apakaemo apakesamo afiʼa fatago huʼnaya kavatetiʼmo alu nofi vaya alu nofi vayaʼai ati vayaʼapiʼeʼmo kamemo huʼa aeʼa apakaseʼnae. Apakaemo vayaʼai kavaʼapimo aliʼa fako huʼa apateʼnageʼapaeʼmo alagepa kavaʼmo huʼnae. Gotiʼa polomasi gemo hunoʼaeʼmo, fikumo lapa maeʼna lapamiguve, huno hu maleʼniya yaʼmo ago aliʼnae. Afela laiyonimogimo hapaesaya kavaʼmo huʼnayaʼmonanafa apakesamo afiʼa fatago huʼnaya kavatetiʼmo apavayamo alino akaniʼniye.

1 Yoni 2:29

Lapakaemo Gotiʼa alagepa kavaʼageʼmo nehiya vekae, hutapa ago afiʼnayaʼmofeʼmo agaemo alagepa kavaʼmo nehaya vayaʼmo hogoteno alino apateʼnigeʼa mafaʼneʼamo maiʼnae, hutapa afiʼnae.

3 Yoni 1:11

Nahauʼniya vekaʼnimogae, huʼna, hosu kavaʼmo akame osuka alagepa kavakeʼmo akame huvo. Alagepa kavaʼmo nehaya vayaʼmo Goti vayaʼamo maiʼnageʼa hosu kavaʼmo nehaya vayaʼmogimo Gotiʼa oʼageʼnae.