Efasasi 5:4 - The Keyagana NT and 25 OT books

⁴ Alino oʼaniʼya faino neʼapateya agufa gemo osuge negi nagi gemo osuge hosu kigi yokalo gemo osuge hutapa maiyo. Goti mafaʼneʼamogi nosaya agufa gemo haneʼniyanagi ani agufa gemo osutapa Gotifekeʼmo hao ke heyo.

Efasasi 5:4 ပူးပေါင်းရင်းမြစ်များ

Samu 92:1

O Ala kava nene, huʼna, kagaefeʼmo kahao ke hesuva kavaʼmo alagepa kavaʼmo haneʼniye. O Gotiyo, huʼna, alagi anaga hogote Gotiʼapimogamo maiʼnane. Nagaemo yokemo huna kagikaleʼmo aliʼna asaga huguve.

Mai'naya kavane 12:23

Alagepa kavaʼmo hisiyafeʼmo ageʼniya vekamoʼmo malage huno afiʼniya gemo aeno hakalo huno hapa nopaiyaʼmonanafa negi vayaʼmogi negi gemo huʼa hapa nepaiye.

Mai'naya kavane 15:2

Afiteno ageʼniya vekamoʼmo afino aeto huʼniya gemo nehigeʼapaeʼmo afisayafeʼmo nehapaiyaʼmonanafa negi vayaʼmogimo apavayaʼaletikeʼmo negi gemo nehageno aniʼmo uno lamigekana huno uno nelamiye.

Neniyo 6:10

Mago vayaʼmogi Neniyofeʼmo ha paiʼapaeʼmo, kini vekamoʼmo ani keʼaepa gemo apepaleʼmo agaiʼa agimo ago avoʼmo kaeʼniye, huʼa huʼnageno afitenoʼaeʼmo noʼalegamo uʼniye. Agaemo anagamo aeno hanagi maleʼniya yapilagamo uno haino Yulusalemu taonifiʼmo aulu heno neʼageya yasi kaʼmo haopaleʼmo aleʼyamo faiʼneno hogoteno nehiya agufa kavaʼmo huno ani afinaʼmo loleʼe magoʼe kanaleʼmo nunumuʼmo huʼniye.

Maki 7:22

kumaya alisaya kavaʼmo afole aige hapaʼye hisaya kavaʼmo afole aige muki agufa hosu kavaʼmo afole aige aigofe kavaʼmo afole aige ge oʼafiʼa kumai kavaʼmo nehaya kavaʼmo afole aige apaketeʼa apaipa kafamo nehapaya kavaʼmo afole aige huʼa faipa huʼa neʼapataya gemo afole aige himuʼnamu nehaya kavaʼmo afole aige negi nagi kavaʼmo afole aige nehiye.

Yoni 6:23

Magoʼe sipimo Taipiliyasi kotegatiʼmo eʼa Yesuʼa neʼyaʼmo Gotifeʼmo hao ke heteno apamiʼnigeʼa neʼnayategamo eʼnae.

Lomu 1:28

Apakaemo Gotifeʼmo lama ge huʼa apakesa afisayafeʼmo ohapauʼniyaʼmofeʼmo Gotiʼa magoʼe huno apatafauno oʼmaiʼnifa afaʼa apakeno apataleʼnigeʼno hosu apaipa apakesakeʼmo alino he tino apateʼnigeʼa osisaya agufa kavaʼmo nehae.

2 Kolitiyani 1:11

Lapakaemo asole vayaʼmogitapamo nunumuʼmo hutapa latesageno Gotiʼa lahau vaisigeʼapaeʼmo ani kava huʼa asole vayaʼmogimo Gotifeʼmo hao ke heʼa lategae.

2 Kolitiyani 9:15

Gotiʼa lusi kava huno fikumo laha maeno lamiʼniya kavatefeʼmo uta haita ohapaiʼneta lavayaʼaletikeʼmo afa gemo osugunaʼmonanafa Gotifekeʼmo hao ke hegetao.

Efasasi 1:16

Gotifekeʼmo hao ke heʼna lapateteʼnaeʼmo muki afinaʼmo oʼataleʼna nunumuʼmo huʼna nelapatove.

Efasasi 4:29

Alino hosu huno apatesiya agufa gemo osutapa hapa maesiya agufa gemo lokiya vaino apatesiya gemo alagepa huʼa oʼafiʼnisaya gemo hapa paigenoʼao alino alagepa huno apateno.

Filipai 4:6

Mago kavafeʼmo lapausoli osuta muki kavatefeʼmo nunumuʼmo hutapa afi neketapaeʼmo hao ke hetapa lapauʼnisiya yafeʼmo Gotifeʼmo ge huta afi gegenoʼao lapaipamo alino falu huno lapategaiye. Haiya kava huno laipamo alino falu huno nelatefi huta oʼageʼnonaʼmonanafa afaʼa alino falu huno lapatesiya kavaʼmoʼa Kalaisi Yesupiʼmo maiʼnayanageno lapaipa lapakesaleʼmo afaʼa yagaino lapategaiye.

Kolosi 3:8

hemenimo muki mani agufa hosu kavaʼmo ataleyo. Lapaipamo olege lapai vaitapa oʼapatege hanageke yaʼmo alita oʼapamige huta faipa huta oʼapatege hosu kigi yokalo gemo osuge lapaʼye hisiya kavaʼmo alino afole aino atesiya agufa gemo osuge hutapa maiyo.

1 Tesaloniyani 3:9

Goti aulagaleʼmo lamogaga aige aige huta maiʼnetaeʼmo lapakaetefeʼmo lamogaga neʼauna kavatefeʼmo alagepa huta Gotifeʼmo afaʼa hao ke oseta uta haita ohapaigune.

1 Tesaloniyani 5:18

Muki agufa kavatefeʼmo Gotifekeʼmo hao ke heyo. Kalaisi Yesupiʼmo maiʼnetapaeʼmo ani kavaʼmo hisayafeʼmo Gotiʼa hauʼniye.

Failimoni 1:8

Nagaemo Kalaisipiʼmo maiʼneʼnaeʼmo himamuʼaletiʼmo koli osuʼna kaha paiʼnaeʼmo, ani kavaʼmo hisana kavaʼmo haneʼniyanagi huvo, huʼna lokiya gemo huʼna afaʼa kaha paiguvaʼmonanafa

Himulu 13:15

Inagi lagaemo agaetetiʼmo muki afinaʼmo Gotiʼmo ofalinimo amitetaeʼmo agiʼaleʼmo alita asaga huta atetetaeʼmo hao ke hegetao. Lavayafatikeʼmo ani ofalinimo amigetao.

2 Pita 2:18

Apakaemo falo gefatiʼmo huteʼapaeʼmo himuʼnamu kavaʼmo huteʼa afa hosu gemo nehae. Nehuʼapaeʼmo kumai kavaʼmo hisayafeʼmo amega apakufamoʼmo hauʼniya hosu kavaʼmo nehaya vayaʼaitegatiʼmo faiʼa kasalo paeʼa eʼnaya vayaʼai apayateʼmo neʼaliye.

2 Pita 2:7

Lotiʼa fatago vekamo maiʼneno muki keʼaepa gemo amagiʼa ataleteʼa kumai kavaʼmo huʼnageno apaketenoʼaeʼmo aipamoʼmo lusi kava huno kana huʼniye.

Yuti 1:10

Ha paiʼniyaʼmonanafa ani vayaʼmogi muki oʼageʼnaya kavafeʼmo huʼa faipa huʼa ateteʼapaeʼmo ageʼnaya kavafeʼmo afela afumogi nehaya kavaʼmo huʼa apakaiʼapimo aliʼa hosu huʼa neʼapatae.

Yuti 1:13

Solovala aniʼmoʼa aino holakau holakau nehigenoʼaeʼmo oʼaniʼya aviʼnaʼmo afole neʼaiya kava huʼa apayamukiki nehagenoʼaeʼmo apavagage hisiya agufa kavaʼmo afole neʼaiye. Kanefiʼmo aiʼa atafaiʼa asagauʼa neʼaiya kanefiʼmogimo koʼapimo ataleʼa uʼeʼa nehaya kava huʼa maiʼnayanageʼa hani kopiʼmo maisayafeʼmo alo hu maleʼniye.