Efasasi 5:33 - The Keyagana NT and 25 OT books

³³ Siosilefeʼmo nehuvaʼmonanafa lapakaitapieʼmo lapau lapayamopafiʼmo nelapaiya kava hutapa lapamete lapamete hutapa aʼnetapieʼmo lapaino. Inagi aʼnemogimo anauʼapimogi apakiʼapileʼmo aliʼa asaga huteʼa geʼapimo afiteʼa akame hiyo.

Efasasi 5:33 ပူးပေါင်းရင်းမြစ်များ

Esata 1:20

Mani gemoʼmo muki neʼyagaina kotegamo aino atagu faeno uneno hisigeʼapaeʼmo muki aʼne anagaʼmogimo afiteʼa anauʼapimogi geʼapimo afigae. Aʼnemogimo apaki haneʼniya anauʼapimogi geʼapiʼe apaki ohaneʼniya anauʼapimogi geʼapiʼeʼmo afaʼa afigae, huno ha paiʼniye.

Efasasi 5:22

Aʼneʼapimogitapae, huʼna, Ala kava netapimo aiyafiʼmo maiʼnetapa geʼamo neʼafiya kava hutapa anautapimogi apaiyafiʼmo maiʼnetapa geʼapimo afiyo.

Efasasi 5:25

Anauʼapimogitapae, huʼna, Kalaisiʼa siosi vayaʼaifeʼmo hau ayamopafiʼmo hauʼnigenoʼaeʼmo falino apateʼniya kava hutapa aʼnetapieʼmo lapau lapayamopafiʼmo lapaino.

Efasasi 5:32

Mani gemo alagi alino fala ki maleʼniya gemo haneʼniyaʼmonanafa siosi vayaʼmogitaʼe Kalaisiʼeʼmo lokaeʼa maisagenoʼaeʼmo magoke lagufamo nehaneya kavafeʼmo nehuve.

Kolosi 3:19

Anauʼapimogitapae, huʼna, aʼnetapilegamo lokiya kavaʼmo osutapa apakaefeʼmo lapau lapayamopafiʼmo lapaino.

Himulu 12:9

Ma mopafi afotimogimo aliʼa api aiʼa lateʼnagetaeʼmo apaiyafiʼmo maiʼnone. Launelameʼmo Afotimoʼmo magoʼe huta aiyafiʼmo maigetao alagepa huta maigune.