Efasasi 5:30 - The Keyagana NT and 25 OT books

³⁰ Agufaʼamo maige agufafi alu ya alu yaʼamo maige ayamufafiʼmo alu ya alu yaʼamo maige huʼnonaʼmofeʼmae.

Efasasi 5:30 ပူးပေါင်းရင်းမြစ်များ

Aepa Gemae 2:23

Ve kanomoʼmo a kanomo agetenoʼaeʼmo ina ge huno huʼniye. Ayamufaʼamo nagae nayamufamo hanege ameʼamo nagae nameʼmo hanege huʼniye. Gotiʼa ve kanofatiʼmo a kanomo alo huno ateʼniyaʼmofeʼmo apakaemo, ane, huʼa apaki aegae, huno huʼniye.

Lomu 12:5

Ani kava huta asole vayaʼmo maiʼnetaeʼmo Kalaisiʼa magoke vekamo agufafiʼmo maiʼnone. Lamete lamete huta maiʼnonaʼmonanafa magoke vekamo agufafiʼmo alu ya alu yaʼamo maiʼnonaʼmofeʼmo afalu afalugana huta maiʼnone.

1 Kolitiyani 6:15

Lapakufamo Kalaisi agufafi alu ya alu yaʼamo haneʼniye, hutapa oʼafiʼnafiye. Haneʼniyaʼmofeʼmo Kalaisi agufafi haneʼniya yaʼamo aliʼna kumai a kanomo agufaʼeʼmo magokepi lokaeʼna atesufiye. Haʼao, alagi atalegeno hano hino.

Efasasi 1:23

Siosi vayaʼmo Kalaisi agufaʼamo maiʼnae. Siosi vayaʼamo oʼmaiʼnaesinana agenopaʼageʼmo haneʼniyesinaʼmonanafa Kalaisi siosi vayaʼamo maiʼnayaʼmofeʼmo muki agufafi yaʼamo haneʼnigeno alagepa huno neʼmaiye. Agaemo muki haopalegamo maiʼnenoʼaeʼmo muki yateʼe vayaʼaiteʼeʼmo yagaino neʼapateya vekamo maiʼniye.

Efasasi 5:29

Muki vayaʼmogimo apakaiʼapi apakufaeʼmo apaini osuʼa hapauʼnigeʼa neʼyaʼmo nege apakufaleʼmo alagepa huʼa yagaiʼa atege nehae. Ala kava neʼmoʼa siosiʼaleʼmo ani kavaʼmo nehiye.

Kolosi 2:19

Apakaemo agufamo agenopagana huno maiʼniya vekamo Kalaisiʼmo oʼatafauʼa afaʼa ataleʼnae. Kalaisiʼa agufaleʼmo yagaino neʼategenoʼaeʼmo aeno hapaiʼniya yaʼaʼe aganunaʼeʼmo aeno haniteno alino magokepi lokaeno ateʼnigeno Goti himamuʼaletiʼmo ko nesiye.