Efasasi 5:24 - The Keyagana NT and 25 OT books

²⁴ Siosi vayaʼmogimo Kalaisi aiyafiʼmo neʼmaiya kava hutapa aʼnemogitapae, huʼna, lapakaitapi anautapimogi geʼapimo afitetapa muki kavatefeʼmo apaiyafiʼmo maiyo.

Efasasi 5:24 ပူးပေါင်းရင်းမြစ်များ

Luki 10:17

Sevetiʼa vayaʼmo atagi neʼa Yesutegamo eʼapaeʼmo apamogaga aiteʼapaeʼmo, Ala kava nene, huʼa, kagikaleʼmo neʼaetaeʼmo hosu apaune vayaʼaifeʼmo ina kava hiyo huta huʼnona gemo afiʼnae, huʼa ha paiʼnagenoʼaeʼmo,

Efasasi 5:23

Kalaisiʼa siosi vayaʼaiteʼmo yagaino neʼapateya vekamo maiʼniya kava huʼa anautapimogi yagaiʼa nelapataya vayaʼmo maiʼnae. Kalaisiʼa siosi vayaʼai apakufamo alino katino neʼapateya vekamoʼmo maiʼneno agufaʼamoʼmo agenopagana huno haneʼneno siosi vayaʼaiteʼmo yagaino neʼapate.

Efasasi 5:25

Anauʼapimogitapae, huʼna, Kalaisiʼa siosi vayaʼaifeʼmo hau ayamopafiʼmo hauʼnigenoʼaeʼmo falino apateʼniya kava hutapa aʼnetapieʼmo lapau lapayamopafiʼmo lapaino.

Efasasi 5:33

Siosilefeʼmo nehuvaʼmonanafa lapakaitapieʼmo lapau lapayamopafiʼmo nelapaiya kava hutapa lapamete lapamete hutapa aʼnetapieʼmo lapaino. Inagi aʼnemogimo anauʼapimogi apakiʼapileʼmo aliʼa asaga huteʼa geʼapimo afiteʼa akame hiyo.

Kolosi 3:20

Mafaʼnemogitapae, huʼna, muki kavatefeʼmo itatapi afotapimogi geʼapimo afisagenoʼaeʼmo Ala kava neʼmoʼa lusi kava huno amuse huno lapategaiyaʼmofeʼmo ani kavaʼmo hiyo.

Kolosi 3:22

Aliʼyaʼmo neʼaliya vayaʼmogitapae, huʼna, fiku yanagetapa aliʼyaʼmo afoʼamogimo amuse huʼa lapatesayafeʼmo apaulagaleʼmo maiʼnetapaeʼmo geʼapimo neʼafiye. Gotifeʼmo koli hutetapa muki afinaʼmo lapaipafatiʼmo geʼapimo afiyo.

Taitasi 2:7

Kagaemo muki kavaʼalefeʼmo vayaʼmogi kakame hisaya agufa alagepa kavaʼageʼmo huvo. Alika apaya neʼmalekaeʼmo okasalisiya geletiʼmo lokiya geletiʼmo Gotitefeʼmo aliʼyaʼmo alika apaya malo.

Taitasi 2:9

Kalavusi huʼneʼa aliʼyaʼmo neʼaliya vayaʼaifeʼmo hukaeʼmo, kava vekatapimo geʼamo afitetapa muki aliʼyaʼalefeʼmo amuse hisiya agufa kavaʼmo hiyo. Kava vekatapimo geʼaleʼmo aeta atagaina hutapa osuta maleʼnisiya yapatiʼmo mago yaʼmo kumaya oʼalitapa alagepa kavaʼmo higenoʼao kava vekatapimoʼa, alagepa huʼa aliʼyaʼmo neʼaliya vayaʼmo maiʼnae, huno hugiye, huka hapa paiyo. Apakaemo muki ani kavaʼmo hisaya kavatetiʼmo Gotiʼa lagufamo alino katino nelateya vekamo geʼaleʼmo aliʼa asaga huʼa atesayafeʼmae.