Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efasasi 5:2 - The Keyagana NT and 25 OT books

2 Kalaisiʼa lagaefeʼmo hau ayamopafiʼmo hauʼnigenoʼaeʼmo agufaʼamo sipisipimo amagiʼnaya agufa kavaʼmo huno alagepa atumo neʼaiya ofalinimo Gotiʼmo amiʼniya agufa kavaʼmo hutapa konagatapieʼmo lapau lapayamopafiʼmo lapauʼninagetapa maiyo.

အခန်းကိုကြည့်ပါ။ ကော်ပီ




Efasasi 5:2
54 ပူးပေါင်းရင်းမြစ်များ  

Kaeʼnigeno ani ofalinimoʼmo haga atumo ailino uno haiʼnigeno Ala kava neʼmoʼa atuʼamo afitenoʼaeʼmo aipafiʼmo agesa afinoʼaeʼmo, halate magoʼe huʼna geʼniletiʼmo vayaʼai kavatefeʼmo mopamo aliʼna hosu huʼna oʼategauve. Muki vayaʼmo aise mafaʼnemo maiʼnaya afinatetiʼmo muki apaipa apakesa neʼafiya yaʼapifiʼmo alagi hosuʼniyaʼmofeʼmogeʼna hemenimo huva agufa kavaʼmo halate magoʼe huʼna muki apauneʼapameʼe yaʼmo aliʼna hano huʼna oʼapatalegauve.


Vemo mafaʼnemo ani kava huno vayaʼmogi ha maeʼa yagaiʼa atesayafeʼmo emiʼnoʼmeʼnifa hapa maeno yagaino apateteno muki asole vayaʼaitefeʼmo falino miya faino hatu maeno apatesiyafeʼmo emineʼniye, huno hapa paiʼniye.


Hemenimo mago saufa keʼaepa gemo lapa nepauve. Konagatapimogifeʼmo lapau lapayamopafiʼmo lapaino. Lapakaefeʼmo nahau nayamopafiʼmo nahauʼniya kava huno konagatapimogifeʼmo lapau lapayamopafiʼmo lapaino.


Nagaemo afaʼa maisaya yaʼmo neʼapamiya peleti mayamo kokuʼnapatiʼmo emineʼniya peleti mayagana huʼna maiʼnove. Ina lagimo ani peleti mayamo neʼnisafigeʼa muki afinaʼmo afaʼa maige maige huʼa maigae. Apamisuva peleti mayamo nagufafati nameʼanimo haneʼniye. Ma mopafi vayaʼmo afaʼa maige maige huʼa maisayafeʼmo nameʼanimo apamiguve, huno hapa paiʼniye.


Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.


Gotiʼa hosu kavatilefeʼmo avalelino uno hosu vayaʼai apayapiʼmo atetenoʼaeʼmo naulagaleʼmo fatago vayaʼmo maiʼnae, huno laha paisiyafeʼmo kanolufatiʼmo ago alino he tino ateʼniye.


Atafa laipamo haneʼnigenoʼaeʼmo keʼaepa gemo akame hisuna himamutimo ohaneʼniyaʼmofeʼmo keʼaepa gemoʼa afaʼa laha oʼmaeʼniyaʼmofeʼmo Gotiʼa laha maeno hosu kavatilefeʼmo agaiʼa mafaʼneʼamo alino ateʼnigeno emineno hosu kavaʼmo nehaya vayaʼai apakufagana agufamo aliʼnigenoʼaeʼmo Gotiʼa Kalaisi agufafiʼmo hosu kavatilefeʼmo agoti huno ateteno amagiʼniye.


Muki ani agufa kavaʼmo lagaetegamo afole neʼaiyaʼmonanafa lagaefeʼmo hau ayamopafiʼmo nehaiya vekaletiʼmo hemenimo magoʼe huta kame huta aeta agaseta alagepa huta neʼmaune.


Muki kavaʼmo nehutapaeʼmo lapau lapayamopafiʼmo lapaino.


Hosu kavaʼmoʼa alino ko sino neʼateya agufa yakana huno haneʼniyanagi alita ataletetapa saufa peleti mayamo ko nosiya peleti mayagana hutapa maiʼnetapa lapaote maiyo. Lapaote vayaʼmo maiʼnayaʼmofeʼmae. Kalaisiʼa hopa afinaʼmo Pasova sipisipitigana huno maiʼnenoʼaeʼmo ofalini kavatefeʼmo agaiʼa agufaʼamo lagaetefeʼmo Gotiʼmo amiʼniyaʼmofeʼmo hosu kavatapimo alitapa ataleyo.


Vaehae, huʼna, Gotifeʼmo hao ke heʼnove. Gotiʼa muki afinaʼmo alagepa huno laha neʼmaegeta Kalaisipiʼmo maiʼnetaeʼmo kame vayatimo aeta apakaseta neʼune. Neʼunagenoʼaeʼmo Kalaisifeʼmo ava gemo afiʼa aeto hisaya faigoko geʼamo alagepa atumo aigekana huno muki kotegamo aino atagu faenuneno nehiye.


Lagaemo utaeʼmo apakufamo alino katino neʼapateya vayaʼaitegaʼe alino apagoʼya lagauno apatalesiya kateʼmo neʼvaya vayaʼaitegaʼeʼmo Kalaisifeʼmo alagepa faigoko geʼamo aeta hakalo huta hapa nepaunagenoʼaeʼmo Kalaisiʼa alagepa atumo neʼaigenoʼaeʼmo Gotiʼa atuʼamo neʼafiye.


Ala kava netimo Yesu Kalaisiʼa fikumo lapa maeno lapamiʼniya kavafeʼmo ava gemo ago afiʼnae. Hogoteno yahauve vekamo maiʼniyaʼmonanafa lapakaemo yahauve vayaʼmo maisayafeʼmo kagemi yaʼamo oʼhaneʼniya vekamo hamaleʼniye.


Gotiʼa Afotimoʼmo hauʼnigeno Kalaisiʼa geʼamo akame huno hemenimo ma mopafi kavategatiʼmo lagufamo alino katino latesiyafeʼmo hosu kavatilefeʼmo agufamo amiteno faliʼniye.


Inagi Kalaisiʼa malipu yosaleʼmo faliʼnigeʼnaeʼmo agaeʼeʼmo faliʼnovaʼmofeʼmo hemenimo afaʼa oʼmaiʼnovaʼmonanafa Kalaisiʼa nagaepiʼmo maiʼniye. Hemenimo ma mopafiʼmo maiʼneʼnaeʼmo Goti Mafaʼneʼaeʼmo nagesamo afiʼna fatago nehuva kavatetiʼmo afaʼa maiʼnove. Agaemo nagaefeʼmo hau ayamopafiʼmo hauʼnigeno falino nateʼniye.


Akeyaʼvilagamo ma mopamo alo osuʼniya afinaʼmo Goti aulagaleʼmo laote vayaʼamo maiʼnisunagenoʼaeʼmo hosu kavatimo alagi ohanesiyafeʼmo Kalaisipiʼmo maiʼnaya vayane, huno lekana paino lateʼniye.


Muki alagepa yaʼageʼmo kaipafiʼmo havai teʼniya agufa kava huʼa kagaekana huʼa maisayafeʼmo alagi oʼagesaya agufa kavaʼmo Kalaisiʼa hau ayamopafiʼmo hauʼniya kavaʼmo ageyo, huʼna nunumuʼmo huʼna nelapatove.


Lagaemo vayaʼaifeʼmo lahauʼnisigeta lavayafatiʼmo lama gemo nehutaeʼmo kosime kosime uta Kalaisigana huta maigune. Muki vayaʼmo apakenopamokeʼmo muki apakufaleʼmo yagaino apateʼniya kava huno Kalaisiʼa lagenopagana huno maiʼneno yagaino nelategeno agufamo alino kosino neʼate.


Muki afinaʼmo lapakufamo alita afepi atetetapa vase hutapa maiyo. Vayaʼmogimo hosu yaʼmo aliʼa nelapamisagetapaeʼmo lapaipamoʼmo falu hino. Konagatapimogimo kana yaʼmo aliʼa nelapamisagetapaeʼmo afaʼa ateʼnetapa konagatapieʼmo lapaino.


Huʼniyaʼmofeʼmo muki afinaʼmo alu kava alu kavaʼmo nehutapaeʼmo alagepa hutapa yagaita maiyo. Negi vayaʼmogi kavaʼmo osutapa ageteʼa afiʼnaya vayaʼmogi kavakeʼmo hutapa maiyo.


Anauʼapimogitapae, huʼna, Kalaisiʼa siosi vayaʼaifeʼmo hau ayamopafiʼmo hauʼnigenoʼaeʼmo falino apateʼniya kava hutapa aʼnetapieʼmo lapau lapayamopafiʼmo lapaino.


Inagi muki namiʼnaya yaʼmo aliʼnogeno magoʼe yaʼnimo afaʼa haneʼniye. Epafalonaitasiʼa fikumo namiʼnaya yaʼmo alinineno namiʼnigeʼna alagi haiʼmo aliʼnove. Alagepa atumo neʼaiya ofalinimo haneʼnigeno Gotiʼa hauʼnigeno amuse huno nelapate.


Mani kavaʼmo nehutapaeʼmo hogote kavaʼmo hutapa lapau lapayamopafiʼmo lapainageno alagepa huno magokepi alino lokaeno lapateno.


Gotiʼa konagatapieʼmo lapau lapayamopafiʼmo lapausiyafeʼmo ago alino lapaya maleʼnigetapa afiʼnayanageta lapausiyafeʼmo halate avoʼmo kaesuva kavaʼmo ohaneʼniye.


Agaemo muki vayaʼmo miya faino hatu maeno apatesiyafeʼmo agaiʼa agufamo Gotina amiʼnigeʼapaeʼmo Gotiʼa lekana pai maleʼniya afinaʼmo geʼamo aeʼa hakalo huʼa hapa paigae.


Kagaemo apakesamo afiʼa fatago nehaya vayaʼmogi kakame hisayafeʼmo alagepa gemo huge alagepa kavaʼmo huge kahau kayamopafiʼmo kahauge kayamukiki huge alagepa huka kagesamo afika fatago huge yaveyave kavaʼmo huge huka maigeʼapao afa neya vekamo maiʼniye, huʼa osiyo.


Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.


Gotiʼmo fiku neʼamiya yaʼmo amige afumo heʼa ofalinimo amige hisayafeʼmo muki hogote vayaʼmo mono huʼa apatesaya vayaʼmo lekana paino apateʼniye. Ani kava huno mani vekamoʼmo ofalinimo amisiya yaʼmo haneʼniye.


Afumo kolaʼmoʼa vayaʼmogi amega apakufaleʼmo aeno kalo paeno apaeʼniyaʼmonanafa afaʼa neʼmaiya yaʼmo neʼapamiya Goti aliʼyaʼamo alisayafeʼmo Kalaisi kolaʼamoʼa magoʼe huno lapakupi mafaʼnemo falisaya kavaʼmo aliʼyaʼalefeʼmo aeno kalo paeno lapategaiye. Agaemo hosu kavaʼamo alagi ohaneʼniya vekamo maige maige huno neʼmaiya Aunemeʼaletiʼmo agaiʼa agufamo Gotiʼmo amiʼniye.


Ani kavaʼmo haneʼniyaʼmofeʼmo apakaemo afumo kolatetiʼmo ma mopafi mono kavaʼmo huteʼa kokuʼnapi aune kavatefeʼmo aeʼa kalo paeʼa ataleʼnayaʼmonanafa kokuʼnapi yaʼmoʼa aeno kalo paeno atalesiyafeʼmo afumo amagiʼa amiʼnaya ofalinimo ago aeno agaseʼniya ofaliniletiʼmo aeno kalo paeno ataleʼniye.


Huʼniyaʼmonanafa Kalaisiʼa ani kavaʼmo osuʼnifa muki afinaʼae afinaʼaeʼmo ofalinimo amisiyafeʼmo kolaʼamo aliteno uno ohaiʼniye. Muki afinaʼae afinaʼaeʼmo agaiʼamo ofalini amisiyafeʼmo ma mopamo alo huʼniya afinatetiʼmo falite falite hume hume neʼeyesine. Huʼniyesinaʼmonanafa hemeni atupa afinaʼmo agaiʼa agufamo ofalini huteno hosu kavaʼapimo alagi alino atalesiyafeʼmo magoke afinaʼmo emineno vayaʼai apaulagaleʼmo afole aiʼniye.


Hogote kavaʼmo hutapa konagatapieʼmo lusi kava huno lapau lapayamopafiʼmo lapaino. Konagatapieʼmo lapau lapayamopafiʼmo nelapaiya kavaʼmoʼa hosu kavaʼapimo aeno ati kaeno atalegaiyaʼmofeʼmae.


Yesuʼa afaʼa neʼmaiya yaʼamo lagaetefeʼmo ataleʼniyaʼmofeʼmo lagaefeʼmo hau ayamopafiʼmo hauʼniya kavaʼamo ageʼnonanageta ani kavaʼmo huta konagatimogitefeʼmo afaʼa neʼmauna yatimo atalegaune.


Goti keʼaepa geʼamoʼmo hunoʼaeʼmo, mafaʼneʼnimo Yesu Kalaisi agiʼalefeʼmo lapakesamo afita fatago hutetapaeʼmo konagatapimogifeʼmo lapaino, huno laha paiʼniye.


Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.


Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ