Efasasi 5:19 - The Keyagana NT and 25 OT books

¹⁹ Maiʼnetapaeʼmo konagatapimogifeʼmo Samu gemo huge mono yokemo huge lapaunelapametetiʼmo yokemo huge huta hapa paiyo. Lapaipafiʼmo mono yokemo huge Ala kava nefeʼmo Samu yokemo huge hutapa maiyo.

Efasasi 5:19 ပူးပေါင်းရင်းမြစ်များ

Samu 147:7

Lapakaemo Ala kava nefeʼmo haoke hetapa yokemo hiyo. Gotitimofeʼmo gitamo amagita feliyopaʼmo hino.

Samu 62:8

Vayaʼmogitapae, huʼna, muki afinaʼmo agaefekeʼmo alita amufa amiyo. Lapaipafatiʼmo aniʼmo lakigekana hutapa nunumuʼmo hutapa ha paiyo. Lagaetegamo hosu kavaʼmo afole neʼaigetaeʼmo Gotipiʼmo alagepa huta fala kita neʼmaune.

Samu 95:2

Agaetegamo egetao agaefekeʼmo hao ke hegaune. Agiʼaleʼmo alita asaga huta lamogagamo aiteta samu yokemo hugune.

Aiyeya 65:14

Afiyo, huʼna, Aliʼyaʼnimo neʼaliya vayaʼmo apaipafiʼmo apamogaga aigayaʼmofeʼmo yokemo hugayaʼmonanafa lapakaemo lapaipafiʼmo lahapau hugayaʼmofeʼmo aviʼyaʼmo huge lapaipamoʼmo lusi kava huno kana huge hugiyaʼmofeʼmo kage kage hugae.

Matiyu 15:8

Agaemo hunoʼaeʼmo, Mani vayaʼmogimo apavayaʼaletikeʼmo nahao ke heteʼa apaipa apakesaʼamo aliʼa nagaetegamo atalageno noʼmeyaʼmonanafa afagitegamo aliʼa atalageno neʼviye.

Matiyu 26:30

Apakaemo mono yokemo huʼa hano huteʼa kumategamo uʼa lamiʼa Alifiʼaepa avefiʼmo uʼa haiʼnae.

Apa 16:25

Haniʼilaga folaguʼmo Poloʼe Sailasiʼeʼmo nunumuʼmo huge mono yokemo huge huʼnaʼageʼapaeʼmo kalavusi huʼa apateʼnaya vayaʼmogimo afiʼa maiʼnae.

1 Kolitiyani 14:15

Oʼaegaiyaʼmofeʼmo na agufa kavaʼmo huguve. Nauneʼnamepatiʼe nagesafatiʼeʼmo nunumuʼmo huguve. Nauneʼnamepatiʼe naipa nagesafatiʼeʼmo yokemo huguve.

1 Kolitiyani 14:26

Konagaʼnimogitapae, huʼna, mani gemo nehuvaʼmofeʼmo na kava hisaya kavaʼmo haneʼniye. Afiyo, lapakaemo alita anupa huta maiʼnetapaeʼmo mukiʼamogitapamo lapamete lapamete hutapa ge nehae. Mago vekamoʼmo yokemo lekana paino huge mago vekamoʼmo alino lapaya malege mago vekamoʼmo Gotiʼa alino ave liʼniya gemo lapa paige mago vekamoʼmo alu age aige mago vekamoʼmo alu agemo alino afe leno lapa paige hutapa neʼmaiye. Lapakaemo ika ika kavaʼmo osutapa siosi vayaʼmo alita lokiya vaitapa apatesayafeʼmo muki kavaʼmo alita alagepa hutapa hiyo.

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

Yemisi 5:13

Lapakaepatiʼmo mago vekamoʼmo kana yaʼmo neʼalisiyana nunumuʼmo hino. Lapakaepatiʼmo mago vekamoʼmo amogaga neʼaisiyana Samu mono yokemo hino.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.