Efasasi 5:11 - The Keyagana NT and 25 OT books

¹¹ Hanipiʼmo nehaya kavaʼmoʼa alagamo noʼaeyanagi hosu kavaʼmo nehaya vayaʼeʼmo afalu afalugana agufa kavaʼmo osutapa hosu kavaʼapimo ha le yategamo alita afole aitapa ateyo.

Efasasi 5:11 ပူးပေါင်းရင်းမြစ်များ

Aepa Gemae 20:16

Selafeʼmo hunoʼaeʼmo, Ago, huno, Nagaemo kasakamoʼmo vani tauseniʼa siluva yafaʼmo amuve. Amuva kavatetiʼmo kagaetegamo afole aiʼniya kana yaʼmo aliʼna fako huvanageʼa kagaeʼeʼmo magokepi lokaeʼa maiʼnaya vayaʼmogiʼe muki vayaʼmogiʼeʼmo, Selaʼa hosu kavaʼmo osuʼniye, huʼa hisayafeʼmo ani miyaʼmo ago amuve. Ani gemo huʼniya geletiʼmo alino api aino ateʼniye.

Samu 141:5

Fatago vayaʼmogimo namagisayana kanalene. Nao vayaʼmogi hisaya kavaʼmo haneʼniyaʼmofeʼmae. Aliʼa api aiʼa natesaya kavaʼmoʼa alagepa uveligana huno haneʼniye. Ani kavaʼmo hisageʼnaeʼmo nakameʼyamo oʼapamiguve.

Mai'naya kavane 1:10

Mafaʼneʼnimogae, huʼna, hosu vayaʼmogi hosu kavaʼmo hisanafeʼmo kagesamo faiteʼa kayateʼmo alisayafeʼmo nehisagekaeʼmo geʼapimo afiteka akame osuvo.

Mai'naya kavane 1:31

Ani kavaʼmo huʼnayaʼmofeʼmo hosu kavaʼapilefeʼmo miyaʼapimo aligae. Vae, huʼna, Huʼnaya kavaʼmoʼa hosu yosa alagamo aesigeʼa lagiʼa negae.

Mai'naya kavane 13:18

Alino aya malesiya gemo oʼafisiya vekamo avagage hisigeno kafu hugiyaʼmonanafa alino api aino atesiya gemo afisiya vekamoʼmo ala agimo aligiye.

Mai'naya kavane 15:12

Himuʼnamu kavaʼmo nehiya vekamoʼmo alino api aino atesiya gemo huʼniya vekaeʼmo ohauʼniyaʼmofeʼmo afiteʼa ageʼnaya vayaʼaitegamo oʼugiye.

Mai'naya kavane 19:25

Kagaemo himuʼnamu nehiya vekamo kayoʼmo amisanagenoʼaeʼmo gemo oʼafiʼniya vekamoʼmo alagepa kavaʼmo hisiyafeʼmo gemo afigiye. Kagaemo gemo afino aeto nehiya vekamo alika api aika atesanagenoʼaeʼmo magoʼe huno afigiye.

Mai'naya kavane 25:12

Mago afiteno ageʼniya vekamoʼmo hunoʼaeʼmo, hosu kavaʼmo huʼnane, huno huʼnigeno ani gemo alagepa huno afiʼniya vekamo aulagaleʼmo alagepa goli konali yakana huno haneʼniye.

Mai'naya kavane 28:4

Keʼaepa gemo akame nosaya vayaʼmogi hosu kavaʼmo nehaya vayaʼai apakiʼapileʼmo aliʼa asagauʼa neʼapatayaʼmonanafa keʼaepa gemo akame nehaya vayaʼmogi kame hugekana huʼa aeʼa apakasesayafeʼmo nehae.

Mai'naya kavane 29:1

Gotiʼa asole afinaʼmo mago vekaeʼmo hosu kavaʼmo nehane, huno hisiya gemo noʼafisigenoʼaeʼmo malage huno alino agoʼya laga uno atalesigeno ha maesiya vekamo alagi oʼmaigiye.

Matiyu 18:15

Konagakamoʼmo kagaetegamo hosu kavaʼmo huʼnisiyaʼmoʼmo agaetega uka lanakaitanigeʼmo maiʼnetanaeʼmo ha maeka hosu kavaʼamo alika aveliyo. Gekamo afisiyana agufamo alika katika ategane.

Luki 3:19

Hapa paiʼniyaʼmonanafa yagaino apateʼniya vekamo Helotiʼmo hosu kavaʼmo magoʼe magoʼe huno huʼnigeno Yoniʼa ge hauʼniye. Helotiʼa nepuʼamo aʼmo Helotiyasiʼmo aliʼnigeno Yoniʼa ge hauʼniya geletiʼmo kalavusi huno ateʼniye.

Apa 26:18

Apakaemo nagaefeʼmo apakesamo afiʼa fatago hisageʼna hosu kavaʼapimo aliʼna atalesugeʼa Goti apaote vayaʼaʼeʼmo hetamaʼapimo aliteʼa magokepi lokaeʼa maisayafeʼmo kagaemo uka apaulagamo alika ayakeka apateteka hani huʼnisiya yategatiʼmo apayate alinika aika atagi nekeka ha le yategamo apategane. Sataniʼa yagaino neʼapateya kegiʼyafatiʼmo apayate alika apavalelikeka Gotiʼa neʼyagaiya kegiʼyafiʼmo apategane, huno naha paiʼniye, huno ha paiʼniye.

Lomu 13:12

Hani nehiya kavaʼmo hano hisiyafeʼmo ago hogo nehigenoʼaeʼmo ha le yaʼmo afole aisiyafeʼmo nehiyanagi hanipiʼmo nehaya kavatapimo ataletetapa kame hisuna kukenatimo ha le kukenatimo alita vaigetao.

Lomu 16:17

Konagaʼnimogitapae, huʼna, aliʼna he tiʼna lapatesuvafeʼmo huvanagi mago vayaʼmogi lapakaemo afiʼnaya gelefeʼmo kame huʼa ateteʼa aliʼa fako huʼa lapatege hosu kavaʼmo hisayafeʼmo lapayateʼmo alige nehaya vayaʼaifeʼmo alagepa hutapa yagaita maiʼnetapaeʼmo maitapa halove huta maiyo.

Lomu 6:21

Lapakaemo hogotetapa huʼnaya kavafeʼmo hemenimo lapavagage nehiya kavatetiʼmo akamelegaʼamo alagepa yaʼmo aliʼnafiye. Haʼao, ani agufa hosu kavatetiʼmo atupa afinaʼmo falisaya kavakeʼmo aligae.

Galesiya 6:8

Vayaʼmogimo atafa apaipamoʼmo nehaiya kavaʼmo nehisayana hosu neʼyaʼmo afole aisigeʼa aliteʼa faligae. Vayaʼmogimo Goti Aunemeʼamoʼmo hauʼniya kavaʼmo nehisayana alagepa neʼyaʼmo afole aisigeʼa aliteʼa maige maige huʼa maigae.

Efasasi 4:22

Agaemo hunoʼaeʼmo, hogotetapa huʼnaya kavatapilefeʼmo atafa vekatapimo alita ataleyo, huno alino lapaya maleʼniye. Atafa vekatapimoʼa lapaʼye nehiya kavatapiletiʼmo kasalime kasalime uno humi nelapate.

Efasasi 5:12

Fala kiʼa nehaya kavafeʼmo ava gemo hisunana lavagage hugiye.

Efasasi 5:7

Alagi apamagigiyaʼmofeʼmo afalu afalugana agufa kavaʼmo hutapa oʼmaiyo.

Kolosi 1:12

Agaemo yagaino neʼapateya ha le koteʼmo uʼa haiʼa neʼmaiya vayaʼeʼmo hetama maleno lateʼniya yatimo afaʼa alisunafeʼmo alo huno lateʼniye.

1 Tesaloniyani 5:7

Apakaemo haniʼilagamo apau kalege haniʼilagamo aniʼmo neteʼa negi nagi huge nehayaʼmonanafa

2 Tesaloniyani 3:14

Mago vekamoʼmo mani avoʼmo nekaona gemo oʼafisiyaʼmoʼmo yagaita maiʼnetapa avagage hisiyafeʼmo maita halove hutapa ateyo.

2 Tesaloniyani 3:6

Konagatimogitapae, huta, Ala kava netimo Yesu Kalaisi agiʼaletiʼmo lokiya gemo huta lapa paitaeʼmo, muki konagatapimogimo aliʼyaʼmo oʼaliʼa afaʼa maiʼneʼa hapa paiʼnona gemo oʼafiʼnaya vayaʼmo maitapa halove huta apateyo.

1 Timoti 5:20

Kagaemo muki vayaʼai apaulagaleʼmo hosu kavaʼmo hisiya vayatama vekaeʼmo, hosu kavaʼmo huʼnane, huka ha paigeʼapao muki vayatama vayaʼmogimo afiteʼa koli hiyo.

1 Timoti 5:22

Siosi vayaʼaiteʼmo yagaiʼa apatesaya vayaʼmo lekana paika apateteka apakaeteʼmo malage huka kayaʼmo maleka oʼapato. Fiku yanageno lekana paika ateʼnisana vekamo hosu kavaʼamoʼmo kagaeteʼmo aino kamaesigeka kagaemo vaiʼmo aligane. Kaotekeʼmo maiteka alagepa huka maiyo.

1 Timoti 6:5

Apaipa apakesamoʼmo kasaliʼniya yakana agufa apakesamo afiteʼa lama gemo oʼaliʼa ataleʼa alu ge alu gemo huteʼapaeʼmo afa gemo nehae. Mono kavatiletiʼmo akamelegamo magoʼe yaʼmo aligune, huʼa apakesamo neʼafiye. Ani agufa vayaʼmo maika halove huka apato.

2 Timoti 3:5

Apakaemo Gotifeʼmo amega apakufaletiʼmo mono nehayaʼmofeʼmo nehaya kavaʼapiletiʼmo huʼapaeʼmo, Goti himamuʼaletiʼmo apaipafiʼmo aliʼyaʼmo noʼaliye, huʼa aliʼa apave neliye. Ani agufa vayaʼmo apataleka kaote maiyo.

2 Timoti 4:2

Goti geʼamo aeka hakalo huka hapa paiyo. Muki afinaʼmo gekamo afigefe hisaya afinaʼe oʼafigefe hisaya afinaʼeʼmo alo huka maiʼnekaeʼmo, aise afinaʼmo haneʼniyanagi malage hutapa gemo afiyo, huka hapa paiyo. Apakesamo alika hapa paigeʼapao. Lapakaemo hosu kavaʼmo osiyo, huka hapa paiyo. Goti geʼamo akame hisayafeʼmo alika he tika apato. Ani kavaʼmo nehukaeʼmo yagu yaga kavaʼmo huka maime maime neʼukaeʼmo oʼataleka alika apaya malo.

Taitasi 2:15

Ani kavatefeʼmo alika apaya neʼmalekaeʼmo himamukaletiʼmo alagepa kavaʼmo hisayafeʼmo apakesamo alige hosu kavaʼmo osisayafeʼmo hosu kavaʼmo nehae, huka huge huka hapa paiyo. Mago vayaʼmo apateʼnegeʼa afa vekamo maiʼnane, huʼa osiyo.

Leveleseni 18:4

Huno hutegeno mago alu vekamoʼmo kokuʼnapatiʼmo hunoʼaeʼmo, Vayaʼnimogitapae, huno, kumai kavaʼmo nehiya a kanomo ataletapa eyo. Fiku yanagetapa agaeʼeʼmo magokepi lokaeta hosu kavaʼmo vaiʼamo alige amisuva kayoʼmo alige hugae.