Efasasi 4:6 - The Keyagana NT and 25 OT books

⁶ Magoke Gotiʼa muki vayaʼamogita afotimoʼmo maiʼniye. Agaemo muki vayaʼamogitaleʼmo yagaino latege muki vayaʼamogitafiʼmo aliʼyaʼmo alige muki vayaʼamogita laipafiʼmo maige nehiye.

Efasasi 4:6 ပူးပေါင်းရင်းမြစ်များ

Aepa Gemae 14:19

Agaemo Emalemifeʼmo alino auleno ateteno ha painoʼaeʼmo, Gotiʼa aeno apaka seno anaga vekamoʼmo muki kokuʼnapi yanagi muki ma mopafi yanagi huno agaiʼa yaʼmo haneʼniya vekamoʼmo alino auleno kateno.

Samu 95:3

Ala kava neʼmo alagi ala Gotiʼapimoʼmo maiʼniye. Ala kini vekamo maiʼneno muki aigofe gotiʼapimogimo alagi aeno apakaseno yagaino neʼapateyaʼmofeʼmo mono yokemo higetao.

Aiyeya 63:16

Huʼnanaʼmonanafa kagaemo afotimogamo alagi maiʼnane. Emalehamuʼmo hemenimo olageʼnigeno Isaleliʼmo gemo laha nopaiyaʼmonanafa kagaemo O Ala kava neʼmogae, huta, afotimogamo maiʼnane. Alagi akeyaʼvilagamo miya faika hatu maeka nelatana Gotigae, huta kagi neʼaone.

Malakai 2:10

Muki vayaʼmogitamo magoke afotimoʼmo maiʼnifiye. Magoke Gotiʼa afa yatetiʼmo alo huno lateʼnifiye. Na kava higetapaeʼmo Gotiʼa afotimoʼmo apakinago vayaʼeʼmo magokepi hu maleʼniya kotalakemo amagita ataleteta konagatiyeʼmo aigofe kavaʼmo huʼnonageʼapaeʼmo ani kava huʼa konagaʼapiyeʼmo aigofe kavaʼmo nehae.

Napa 16:22

Inagi Moseseʼe Eloniʼeʼmo mopafiʼmo anaugosalegatiʼmo asagauʼana aiteʼanaeʼmo, O Gotiyo, huʼana muki apauneʼapameʼe vayaʼmogi Gotiʼapimogamo maiʼnane. Magoke vekamoʼmo hosu kavaʼmo nehisiyaʼmoʼmo kagaemo muki Isaleli vayaʼaifeʼmo kaipamo leka apategapiye, huʼana huʼnaʼageno.

Matiyu 6:13

Lamalageka hisiya kavategamo lavalelikuka olateka hosu kavategatiʼmo alika atagineka lategeta eno. Kagaika himamukaletiʼe ha le konali yakaletiʼeʼmo yagaika neʼapatane. He, lama ge.

Matiyu 6:9

Lapakaemo nunumuʼmo hugefeʼmo ina ge hutapa hiyo, kokuʼnapi Afotimogae, hutapa, kagikamo alagepa huno kaote haneʼniyanageʼa aliʼa asaga hisaya kavaʼmo haneʼniye.

Yoni 14:23

Yesuʼa geʼaleʼmo aeno atagaina huno ha painoʼaeʼmo, nagaefeʼmo hapau apayamopafiʼmo nehapaiya vayaʼmogimo geʼnimo akame hugae. Akame hisageno Afoʼnimoʼa apakaefeʼmo hau ayamopafiʼmo hauʼnisigetaʼa agaeʼe nagaeʼeʼmo apakaemo maiʼnisayategamo emitetaʼa magokepi lokaetaʼa maige maige huta maigune.

Yoni 17:26

Nagaefeʼmo kahau kayamopafiʼmo kahauʼniya kavakamo apakaepiʼmo hanesigeʼna apakaepiʼmo maisuvafeʼmo kagikamo aepaʼamo aliʼna apave liʼnovanageʼna magoʼe huʼna aliʼna apave liguve, huno nunumuʼmo huʼniye.

Yoni 20:17

afoʼnimotegamo uʼna ohaiʼnovaʼmofeʼmo nanu okiyo. Naganaʼnimogifeʼmo uka hapa paikaeʼmo, kokuʼnapi Afoʼnimoʼmo Gotiʼnimotegamo Afotapimoʼmo Gotitapimotegamo uʼna haiguve, huno huʼniye, huka uka hapa paiyo, huno ha paiʼniye.

Lomu 11:36

Gotiʼa muki yaʼmo afoʼamoʼmo maiʼnigeno muki yaʼamo agaetetikeʼmo afole neʼaiye. Muki yaʼamo agaetetiʼmo hemenimo haneʼnigeno yagaino neʼate. Agaiʼalefeʼmo muki vayaʼe yaʼeʼmo afole aiʼnae. Muki vayaʼmogimo muki afinaʼmo agiʼaleʼmo aliʼa asaga huge huge huʼa maiyo. He, lama ge.

1 Kolitiyani 12:6

Alu kava alu kavaʼamoʼmo lokiyaʼamo haneʼniyaʼmonanafa magoke Gotiʼa alino lokiya vaino neʼapate.

1 Kolitiyani 8:6

Maiʼnayaʼmonanafa ago afiteta ageʼnonana magoke Gotiʼa afotimoʼmo maiʼniye. Agaemo muki yaʼmo afoʼamoʼmo maiʼnigeta agaetefeʼmo afaʼa maiʼnone. Ani kavaʼmo huno magoke Ala kava netimo maiʼniye. Agaemo Yesu Kalaisiʼa maiʼnigeno Gotiʼa agaetetiʼmo muki yaʼamo alo hu maleʼniye. Lagaemo agaetetiʼmo afaʼa maisuna yaʼmo aliteta maiʼnone.

2 Kolitiyani 6:16

Haiya kava huʼa alo nehaya aigofe gotiʼapimogi Goti aote ha le mono nopiʼmo hanegae. Alu ya alu yaʼmo haneʼnayaʼmofeʼmo ohanegae. Lagaemo afaʼa neʼmaiya Goti aote ha le mono noʼamo maiʼnonaʼmofeʼmae. Gotiʼa ani kavatefeʼmo hunoʼaeʼmo, Nagaemo apakaepiʼmo maiʼneʼna apakae folagapiʼmo umenitata huguve. Gotiʼapimoʼnamo maisugeʼa vayaʼnimo maigae, huno huʼniye.

Efasasi 1:21

Kalaisiʼa kokuʼnapiʼmo maiʼnenoʼaeʼmo hemenimo yagaiʼa neʼapataya vayanagi enisole vayanagi himamu vayanagi ala kava vayanagi ala apaki vayanagi huno ago aeno apakaseno hemenimo yagaino neʼapateyanageno henagaʼamo afole aisiya afinaʼeʼmo ani kavakeʼmo huno yagaino apategaiye.

Efasasi 2:22

Agaepiʼmo Gotiʼa Aunemeʼamo noʼafiʼmo maisiyafeʼmo lapakaeʼeʼmo alino anupa huno no kigekana huno nelapate.

Efasasi 6:23

Afotimo Gotiʼe Ala kava netimo Yesu Kalaisiʼeʼmo alagepa huʼana lapa maesaʼagetapa konagatapimogiʼeʼmo magoke lapaipa lapakesamo aliʼnetapa lapakesamo afita fatago hutetapa lapau lapayamopafiʼmo lapaino.

1 Yoni 3:24

Muki vayaʼmo keʼaepa geʼamo akame nehaya vayaʼmo Gotipiʼmo alagi maiʼnageno apakaepiʼmo alagi neʼmaiye. Ani kavatetiʼmo ageʼnonana Gotiʼa lamiʼniya Aunemeʼaletiʼmo lagaepiʼmo alagi neʼmaiye.