Efasasi 4:4 - The Keyagana NT and 25 OT books

⁴ Kalaisi agufaʼamo maiʼnonagenoʼaeʼmo magoke agufamo haneʼniye. Magoke Aunemeʼamo maiʼniye. Magoke kavafekeʼmo agava neʼmaune. Gotiʼa keya aeno ge huʼnigetaeʼmo ani magoke kavafekeʼmo agava maiʼneta lavayagunagu nehune.

Efasasi 4:4 ပူးပေါင်းရင်းမြစ်များ

Samu 122:8

Konagaʼnimogiʼe nafaluʼnimogiʼeʼmo alagepa huʼa maisayafeʼmo huʼnaeʼmo, yafa lafi kegiyafiʼmo alagepa huʼa magokepi lokaeʼa maiyo, huʼna nunumuʼmo huʼna neʼapatove.

Matiyu 28:19

Namiʼniyaʼmofeʼmo uta muki alu nofi alu nofi vayaʼmo alita apaya malegeʼapao geʼnimo afisaya vayaʼmo hamaleyo. Hamalesagetapaeʼmo Afoʼnimo agiʼaletinagi mafaʼneʼamoʼna nagiʼniletinagi aote Aunemeʼamo agiʼaletinagi hutapa aniʼmo faleta apateyo.

Apa 15:11

Gotiʼa apakufamo alino katino apatesiya agufa kavaʼmo huno Ala kava neʼmo Yesu Kalaisiʼa fiku laha maeno lamiʼniya kavatetiʼmo lagufamo alino katino lategaiye, huta lagesamo afita fatago nehune, huno hapa paiʼniye.

Lomu 11:29

Gotiʼa apamiʼniya yaʼmo halate hapa ofalegaiye. Keya aeno ge huʼniya kavatefeʼmo halate alu aipa agesamo oʼafigiye.

1 Kolitiyani 10:17

Magoke peleti mayamo haneʼniya kava huta mukiʼamogita magoke vayaʼmo maiʼnone. Magoke peleti mayafatiʼmo neʼnonaʼmofeʼmo magoke vayaʼmo maiʼnone.

1 Kolitiyani 12:20

Ohaneʼniyesinaʼmonanafa muki agufafiʼmo haneʼniya yaʼamo haneʼnigenoʼaekeʼmo magoke agufamo haneʼniye.

2 Kolitiyani 11:4

Mago hogoteʼa eʼnaya vayanagi henagaʼamo esaya vayanagi huʼa lapakaetegamo eʼa alu Yesufeʼmo lagaemo aeta hakalo huta lapa opaiʼnona Yesufeʼmo aeʼa hakalo huʼa lapa paisagetapa afigae. Alu auneʼamo lagaetetiʼmo oʼaliʼnaya auneʼamo lapakaemo aliʼnisafi alu alagepa faigoko gemo lagaetetiʼmo oʼafiʼnaya agufa alagepa faigoko gemo afisafi hutetapa afaʼa apaketapa apataleʼnetapa geʼapimo afaʼa afigae.

Efasasi 1:18

Apakaefeʼmo keya aeka ge huʼnanageʼapaeʼmo eʼa apamisana yafeʼmo apavayagunagu huʼa agava neʼmaiye. Ha le yakamo apamiteka apaipafi apaulagamo alika ayakeka ategeʼapao mafaʼneʼapimogimo muki afoʼapimogi yaʼmo neʼaliya kava huka apaote vayaʼaina hetamaʼapimo apamisanageʼa ageʼa alagepa huteʼapaeʼmo, ha le konali yaʼamo alagepa yaʼmo haneʼniye, huʼa agava maiyo.

Efasasi 2:16

Kalaisiʼa malipu yosaleʼmo faliʼniya kavatetiʼmo apaini huʼa ateteʼapaeʼmo apaini huʼa neʼapataya kavaʼmo alino hano huno ataleteno lole nofi vayaʼmo alino magoke nofi vayaʼmo hamaleno latetenoʼaeʼmo lagaegi lapakaegi Gotiʼagi huno alino nanu aeno lateʼniye.

Efasasi 2:18

Agaemo lagaeʼe lapakaeʼeʼmo kaʼmo valino lateʼniyanageta hemenimo magoke Aunemeʼaletiʼmo muki yaʼmo Afoʼamotegamo afaʼa uta haigune.

Efasasi 2:22

Agaepiʼmo Gotiʼa Aunemeʼamo noʼafiʼmo maisiyafeʼmo lapakaeʼeʼmo alino anupa huno no kigekana huno nelapate.

Efasasi 4:1

Inagi nagaemo Ala kava netefeʼmo kalavusi huʼneʼnaeʼmo, Gotiʼa alagepa kavaʼmo hutapa maisayafeʼmo keya aeno ge huʼniya agufa kavaʼmo hutapa maiyo, huʼna aliʼna he tiʼna nelapatove.

Efasasi 5:30

Agufaʼamo maige agufafi alu ya alu yaʼamo maige ayamufafiʼmo alu ya alu yaʼamo maige huʼnonaʼmofeʼmae.

Kolosi 3:15

Gotiʼa lapaipamo alino falu huno lapateʼniya kavaʼmoʼa lapaipaleʼmo yagaino lapateno. Gotiʼa magoke vayaʼmo maisageno lapaipamoʼmo falu hisiyafeʼmo keya aeno ge huʼniye. Ani kavaʼmo hutapa maiʼnetapaeʼmo Gotifeʼmo hao ke heyo.

2 Tesaloniyani 2:16

Afotimo Gotiʼa lagaefeʼmo hau ayamopafiʼmo hauʼnigeno muki afinaʼmo lokiya vaita maiʼneta lavayagunagu huta agava maisunafeʼmo fikumo laha maeno lamiʼniye. Agaeʼe Ala kava netimo Yesu Kalaisiʼeʼmo muki alagepa gemo huge muki alagepa kavaʼmo huge hutapa maisayafeʼmo lapa maeʼana lapaipamo aliʼana lokiya vaiʼana lapatesaʼagetapa maiyo.

1 Timoti 1:1

Nagaemo Poloʼnamo Yesu Kalaisi apa vekaʼamo maiʼnove. Lagufamo alino katino nelateya vekamo Gotiʼe lavayagunagu huta agava neʼmauna vekatimo Ala kava neʼmo Yesu Kalaisiʼeʼmo, apa vekatiʼamo maiyo, huʼana naha paiteʼana lekana paiʼana nateʼnaʼae.

Taitasi 1:2

Gotiʼa alagi aigofe gemo nosiya vekamoʼmo hogoteno ma mopamo alo osuʼnenoʼaeʼmo, fikumo hapa maeʼna apamisugeʼa maige maige huʼa maigae, huno polomasi gemo ago hu maleʼniyaʼmofeʼmo agava maiʼneʼapaeʼmo apavayagunagu nehae.

Taitasi 2:13

Ani kavaʼmo nehutaeʼmo ala vekamo Gotitimoʼmo lagufamo alino katino nelateya vekamo Yesu Kalaisiʼa ha le konali yaʼaʼeʼmo alino auleno atesiya afinaʼmo afole aisiyafeʼmo lamogaga aita agava neʼmaune.

Taitasi 3:7

Gotiʼa fikumo laha maeno lamitenoʼaeʼmo, naulagaleʼmo fatago vayaʼmo maiʼnae, huno huʼnigetaeʼmo faliʼniya kavatetiʼmo Afotimotegatiʼmo maige maige huta maisuna yatimo alisunafeʼmo agava maiʼneta lamogaga neʼauna yaʼmo ago lamiʼniye.

1 Pita 1:21

Lapakaemo agaetetiʼmo Gotifeʼmo lapakesamo afita fatago nehae. Agaemo faliʼniyatetiʼmo ago alino he tino ateteno ha le konali yaʼamo amiʼnigetapaeʼmo Gotifeʼmo lapakesamo afita fatago hutetapa agava maiʼnetapaeʼmo lapavayagunagu nehae.

1 Yoni 3:3

Muki vayaʼamogimo, ani kavaʼmo afole aigiye, huʼa huteʼa agava maiʼneʼa apamogaga neʼaiya vayaʼmo apakaiʼapimo sese huʼa neʼapatae. Agaemo yaveyaveʼage aipaʼe vekamo maiʼniyanageʼa agaekana huʼa maisayafeʼmae.