Efasasi 4:31 - The Keyagana NT and 25 OT books

³¹ Atu ofa lapaipamo okalige lapaipamo olege lapai oʼvaige falo gemo osuge ge ohapauge muki agufa lapaini nehaya kavaʼmo atalege hutapa maiyo.

Efasasi 4:31 ပူးပေါင်းရင်းမြစ်များ

Aepa Gemae 27:41

Afoʼamoʼmo Yekopukeʼmo alino auleno ateʼniyaʼmofeʼmo Isoʼmo Yekopufeʼmo lusi kava huno aini huʼniye. Isoʼa aipafiʼmo hunoʼaeʼmo, afoʼnimoʼmo aise afinaʼmo maiteno falisigeta yulagefa aita maita hano nehutaeʼmo Yekopuna kamitimo amagisugeno faligiye, huno huʼniye.

Aepa Gemae 37:21

Lumeniʼa afiʼnigeʼa ani gemo huʼnagenoʼaeʼmo apayapatiʼmo Yosefe agufamo alino katino atesiyafeʼmo hunoʼaeʼmo, Alagi kamiti amagisunageno ofaligiye.

Aepa Gemae 37:4

Nepuʼamogimo ageʼnayana afoʼapimoʼmo Yosefefekeʼmo lusi kava huno hauʼnigeno apakaefeʼmo aiseʼamo hauʼniya kavaʼmo ageteʼapaeʼmo Yosefefeʼmo alagi ohapauʼnigeʼa apaini huteʼa agaeʼeʼmo alagepa huʼa magokepi gege huʼa oʼmaiʼnae.

Aepa Gemae 4:8

Henagaʼamo Keniʼmo aganaʼamo Evofeʼmo, egetaʼa viʼano, huno huʼniye. Anakaemo uʼana mago yategamo maiʼneʼanaeʼmo Keniʼa aganaʼamoʼmo kamitimo amagiʼnigeno faliʼniye.

Samu 101:5

Huʼa faipa huʼa neʼataya vayaʼmo hapafaiʼna apatalegauve. Ala vayaʼmo maiʼnone, huʼa huteʼa himuʼnamu kavaʼmo nehaya vayaʼmo nagaeʼeʼmo oʼmaigae.

Samu 140:11

Aigofe gemo huteʼa huʼa faipa huʼa neʼapataya vayaʼmo afaʼa apateʼnegeʼa ma mopafiʼmo lokiya vaiʼa oʼmaiyo. Kaveta hisayafeʼmo nehaya vayaʼmogeno apakaeteʼmo hosu kavaʼmo afole aiteno alino hano huno apataleno.

Samu 15:3

huʼa faipa huʼa oʼapatege apao vayaʼaitegamo hosu kavaʼmo osuge hapaopaleʼmo maiʼnaya vayaʼaifenagi alu vayaʼaifenagi huʼa hosu faigoko gemo nehaya gemo oʼafige

Samu 37:8

Lapaipamo oletapa hosu kavatefeʼmo alagi lapayamukiki osiyo. Lapakaemo hosu kavaʼmo hisayafeʼmo lapakesa alaʼamo afitetapa lapausoli osiyo.

Samu 50:20

Itopaleʼmo maiʼnetapaeʼmo konagatapimogifeʼmo apakamelega gemo nehae. Lapakaemo itatapimogi mafaʼneʼapieʼmo huta faipa hutapa neʼapatae.

Samu 64:3

Apakaemo apavenafuʼnaleʼmo kuʼme kaneʼnageno aveʼmo neʼneya naipegana huno haneʼniye. Hosu geʼapimoʼmo kevegana huno haneʼniye.

Mai'naya kavane 10:12

Apaipafiʼmo apaini nehaya kavaʼmoʼa kaveta nehaya kavaʼmo alino afole aino neʼateyaʼmonanafa hapau apayamopafiʼmo nehapaiya kavaʼmoʼa hosu kavaʼapimo aeno ati nekae.

Mai'naya kavane 10:18

Ina laʼmo aipafiʼmo aini nehiya kavaʼmo aeno ati kaesiʼmoʼmo muki afinaʼaeʼmo aigofe gemo nehiye. Aigofeʼmo nehuno huno faipa huno neʼateya gemo aino atagu faesiyafeʼmo vayaʼaifeʼmo hapa nepaiya vekamoʼa negi nagi vekamo maiʼniye.

Mai'naya kavane 14:17

Malage huno aipamo neleya vekamoʼmo negi kavaʼmo nehiye. Gotiʼa hosu aliʼyaʼmo neʼaliya vekaeʼmo alagi ohauʼniye.

Mai'naya kavane 18:8

Apakamelega gemo nehaya gemoʼa haga neʼyakana huno haneʼniye. Ani agufa gemoʼmo vayaʼmogi apaipafiʼmo uno nelamiye.

Mai'naya kavane 19:12

Kini vekamoʼmo aipamo neleya kavaʼamoʼmo laiyonimoʼmo alopa gefatiʼmo age neʼaiya agufa kava huno haneʼniye. Kini vekamoʼmo hapaoke neheya kavaʼamoʼmo kahauleʼmo lao yaʼmo emineʼniya yakana huno haneʼniye.

Mai'naya kavane 25:23

Yasimoʼmo koʼmo alino hafailino neʼviya kava huno lokiya augosamo nekaliya kavaʼmoʼa apakamelega gemo alino hafaino neʼatale.

Mai'naya kavane 26:20

Atamo ohanesiyaʼmoʼmo neleyaʼyaʼamo yu hesiya kava huno apakamelega gemo nehiya vekamo oʼmaisiyaʼmoʼmo kaveta nehaya kavaʼmo hano hugiye.

Mai'naya kavane 29:22

Aipamo malage huno neleya vekamoʼmo kavetamo nehaya kavaʼmo alino afole aino neʼate. Aipamo leʼnigeno lusi kava huno ayamufamo neʼvaleya vekamoʼmo asole hosu kavaʼmo nehiye.

Mai'naya kavane 29:9

Afiteno ageʼniya vekamoʼmo negi vekamo agoti huno atesiyaʼmoʼmo negi vekamoʼmo aipamo lege kigi huge huno faipa huno atege hisigeʼanaeʼmo anaipamo falu osugiye.

Apa 21:30

Muki Yulusalemu taonifiʼmo maiʼnaya vayaʼmogimo lusi kava huʼa apano aeteʼapaeʼmo nagu nagu huʼa uʼa aliʼa anupa huteʼa alopa mono nopiʼmo uʼa haiʼa Poloʼa atafauʼa heʼa avayu huliʼa kumatega uʼa lamiʼnae. Kumatega heʼa avayu huliʼa nelamigeʼapaeʼmo malage huʼa alopa mono nopi kitamo kiʼnae.

Lomu 3:14

Apakaemo lifana geʼe hapai vaiʼa neʼapataya kavaʼeʼmo apaipafiʼmo havai teʼniye.

1 Kolitiyani 14:20

Konagaʼnimogitapae, huʼna, mafaʼne anagaʼmogimo neʼafiya agufa lapakesamo oʼafiyo. Vayaʼaitegamo hosu kavaʼmo osisayafeʼmo aise mafaʼnegana hutapa maiyo. Maigayaʼmonanafa gemo aepaʼamo afisayafeʼmo alopa vayakana hutapa maiyo.

1 Kolitiyani 5:8

Hopa afina kavaʼmo hisunafeʼmo hosu kavaʼmo osuge hanageke yaʼmo alita oʼapamige huteta ani kava huta atafa peleti mayamo alino ko sino neʼateya peleti mayamo alita atalegetao. Yaveyave laipamo aliʼneta lama gemo huteta ani kava huta ko nosiya peleti mayamo alita hopa afina kavaʼmo higetao.

2 Kolitiyani 12:20

Uʼna lapakesuvana oʼnahauʼnisiya kavaʼmo hutapa maiʼnisageʼna lapakesufi huteʼna koli nehuve. Oʼnahauʼnisiya kavaʼmo nehisayana nagaeʼeʼmo olapauʼnisiya kavaʼmo lapakaetegamo huguve. Fiku yanagetapa ge vaige lapaipa kafa hapaege falo gemo huge lapaote lapaote hutapa maige huta faipa hutapa apatege sumi sumi gemo huge lapakufamo avalelitapa haige lapano aege hutapa maiʼnae.

Galesiya 5:20

Aigofe gotiʼapimogitefeʼmo mono nehuʼapaeʼmo apaune kavaʼmo huge lusa kavaʼmo huge analisa apamagige apaini huʼa apatege ge vaige apaipa kafa hapaege apaipa lege apakaiʼapieʼmo apakesamo afige alu apaipa alu apaipamo kalige aliʼa fako huʼa apatege nehae.

Efasasi 4:22

Agaemo hunoʼaeʼmo, hogotetapa huʼnaya kavatapilefeʼmo atafa vekatapimo alita ataleyo, huno alino lapaya maleʼniye. Atafa vekatapimoʼa lapaʼye nehiya kavatapiletiʼmo kasalime kasalime uno humi nelapate.

Efasasi 4:25

Inagi magoʼe hutapa aigofe gemo osutapa magoke agufafiʼmo alu ya alu yaʼamo maiʼnonaʼmofeʼmo mukiʼamogitapamo konagatapimogifeʼmo lama gemo hiyo.

Efasasi 4:26

Hosu kavafeʼmo lapaipamo leno. Lapaipamo lesiya afinaʼmo hosu kavaʼmo osiyo. Fiku yanagetapa lapaipamo leme leme neʼvisageno yegemo uno lamino falegaiye.

Kolosi 3:19

Anauʼapimogitapae, huʼna, aʼnetapilegamo lokiya kavaʼmo osutapa apakaefeʼmo lapau lapayamopafiʼmo lapaino.

Kolosi 3:8

hemenimo muki mani agufa hosu kavaʼmo ataleyo. Lapaipamo olege lapai vaitapa oʼapatege hanageke yaʼmo alita oʼapamige huta faipa huta oʼapatege hosu kigi yokalo gemo osuge lapaʼye hisiya kavaʼmo alino afole aino atesiya agufa gemo osuge hutapa maiyo.

1 Timoti 3:11

Ani kavaʼmo huno aʼamoʼmo alagepa huno yagaisiya agufa a kanogeʼmo maigiye. Hosu faigoko gemo osuno agufaleʼmo alagepa huno yagaino atege muki kavatefeʼmo alagepa kavaʼmo huge nehisiya a kanomoʼmo maigiye.

1 Timoti 3:3

Lusi aniʼmo neteno negi nagi osuge kaveta osuge monieʼmo haʼye osuge huteno yagu yaga huno maige ge neʼvaiya kavafeʼmo ohauge ma mopafi yafeʼmo lusi kava huno ohauge hisiya vekamoʼmo maigiye.

1 Timoti 5:13

Magoʼe huʼa hosu kavaʼmo huʼa aliʼyaʼmo oʼaliʼa alu nopi alu nopiʼmo uʼeʼa nehuʼapaeʼmo hosu faigoko gemo hulitata huge himuʼnamu kavaʼmo huge nagaekeʼmo ageteʼna afiʼnove, huʼa huge osisaya agufa gemo afaʼa huge nehae.

2 Timoti 2:23

Negi maleteʼa fiku gemo huge afige huʼa neʼmaisayaʼmoʼmo ago afiʼnanana gemo vaige vaige huʼa maigayanagi maika halove huka apato.

2 Timoti 3:3

Apakaemo afamo anagaʼapieʼmo ohapauge vayaʼai hosu kavaʼapilefeʼmo afaʼa ateyo, huʼa osuge huʼa faipa huʼa apatege hapauʼniya kavateʼmo alagepa huʼa oʼyagaige hapau huʼa oʼapatege muki alagepa kavatefeʼmo apaini huge hugae.

Taitasi 1:7

Yagaiʼa apatesaya vayatama vayaʼmogi Goti noʼaleʼmo yagaigayaʼmofeʼmo vaiʼmo oʼapamisageʼa afaʼa neʼmaisaya vayaʼmo maigae. Himuʼnamu kavaʼmo huge malage huno apaipamo lege aniʼmo neteʼa negi nagi kavaʼmo huge kaveta huge monieʼmo hapaʼye huge huʼa maiʼnisaya vayaʼmo oʼmaigae.

Taitasi 2:3

Ani kava huka anekalo aʼneʼaifeʼmo alika apaya malegeʼapao aniʼmo neteʼa negi gemo osuge hosu faigoko gemo osuge huteʼa alagepa huʼa yagaiʼa neʼapataya yahauve aʼnegana huʼa maiyo. Apakaemo alagepa gemo venemo aʼne anagaʼaifeʼmo aliʼa apaya malegeʼapao

Yemisi 1:19

Nahauʼniya konagaʼnimogitapae, huʼna, geʼaletiʼmo alino lapateʼniyaʼmofeʼmo mukiʼamogitapamo geʼamo afisayafeʼmo lapayamukiki hutapa afiyo. Gemo hisayafeʼmo vase vase hutapa ge hiyo. Lapaipamo lesiyafeʼmo vase vase huno lapaipamo leno.

Yemisi 3:14

Hugiyaʼmonanafa hosu lapaipa kafa hapaege hosu lapaipa kalita apatege ala lapaki alisayafeʼmo lapauge nehisiyana alagepa vayaʼmo maiʼnone, hutetapa lama geʼamo aetapa ati okaeyo.

Yemisi 4:11

Konagatapimogifeʼmo huta faipa hutapa oʼapateyo. Mago vekamoʼmo konagaʼamofeʼmo huno faipa huno ateteno alino fako huno atesiyana Goti keʼaepa geʼaeʼmo huno faipa huno ateteno alino fako huno neʼate. Lapakaemo keʼaepa geʼamo alita fako hutapa atesayana keʼaepa geʼamo akame osutapa keʼaepa geʼamo alita fako hutapa neʼatae.

1 Pita 2:1

Huʼniyaʼmofeʼmo lapakaemo vayaʼaitegamo hosu kavaʼmo osuge aigofe gemo osuge ala lapakitapimo alisayafeʼmo amega lapakufale alagepa kavaʼmo osuge lapaipa kafa ohapaege huta faipa huta oʼapatege hiyo.

1 Yoni 3:12

Kenikana huta oʼmaigetao. Keniʼa hosu vekamo mafaʼneʼamo maiʼneno aganaʼamoʼmo kamitimo amagiʼnigeno faliʼniye. Na kava higeno kamitimo amagiʼniye. Keniʼa hosu kavaʼmo huʼnigeno aganaʼamoʼmo fatago kavaʼmo huʼniyaʼmofeʼmo kamitimo amagiʼnigeno faliʼniye.

1 Yoni 3:15

Konagaʼamofeʼmo aini hisiyana konagaʼamoʼmo kamitimo amagiʼniya vekagana huno maiʼniye. Lapakaemo ago afiʼnayana kamitimo neʼapamagiya vayaʼai apaipafiʼmo maige maige huʼa neʼmaiya yaʼmo alagi nohane.

Leveleseni 12:10

Aliʼa hapafaiʼa apataleʼnageʼnaeʼmo afiʼnovana kokuʼnapatiʼmo alopa gefatiʼmo ge huʼapaeʼmo, Goti aulagaleʼmo felugaʼe haniʼilagaʼeʼmo he tiʼneno konagatimogifeʼmo huno faipa huno neʼapateya vekamo kokuʼnapatiʼmo ago aliʼa hafaiʼa ataleʼnayaʼmofeʼmo hemenimo Gotiʼa vayaʼamogi apakufamo alino katino apatege ala kini vekamo himamuʼaletiʼmo huge Gotitimoʼa yagaino apatege lekana paino ateʼniya Kalaisi vekamo himamuʼamo afole aige hugiye.