Efasasi 4:29 - The Keyagana NT and 25 OT books

²⁹ Alino hosu huno apatesiya agufa gemo osutapa hapa maesiya agufa gemo lokiya vaino apatesiya gemo alagepa huʼa oʼafiʼnisaya gemo hapa paigenoʼao alino alagepa huno apateno.

Efasasi 4:29 ပူးပေါင်းရင်းမြစ်များ

Samu 45:2

Kagaemo aeto agufa kanale vekamo maiʼneka muki vayaʼmo alagi aeka apakaseka maiʼnane. Gotiʼa fiku hapa maeno neʼapamiya gemo kavayafiʼmo maleʼnigeka ani gemo nehane. Gotiʼa muki afinaʼmo alino auleno neʼateyaʼmofeʼmae.

Samu 5:9

Lama gemo apavayafiʼmo alagi ohaneʼniye. Apaipafiʼmo hosu kavaʼageʼmo haneʼniye. Lugoʼapimo kano kelimo aliʼa halo neʼaigeno atu neʼaiya kano keligana huno haneʼniye. Apavenafuʼnaletiʼmo hapaisiya agufa gemo nehae.

Mai'naya kavane 12:13

Hosu vayaʼai geʼapimoʼmo aneʼai hegekana huno apatafaugiyaʼmonanafa fatago vayaʼmogi hanageke yaʼmo aeʼa aga segae.

Mai'naya kavane 15:23

Mago vekamoʼmo geʼaleʼmo alagepa gemo huno aeno atagaina huno ha paisigenoʼaeʼmo aipafiʼmo amogaga aigiye. Mago vekamoʼmo alu vekamoʼmo alagepa huno gemo afisiya afinaʼmo alagepa gemo ha paisiyaʼmoʼmo kanale gemo haneʼniye.

Mai'naya kavane 15:7

Afiteʼa ageʼnaya vayaʼmogimo afiʼa aeto hisaya agufa gemo hapa nepaiyaʼmonanafa negi vayaʼmogimo ani agufa gemo nosae.

Mai'naya kavane 16:21

Vayaʼmogimo afiteʼa ageʼnaya vayaʼaifeʼmo apava gemo huʼapaeʼmo, alagepa kavaʼmo hisayafeʼmo ageʼnae, huʼa nehae. Mago vekamoʼmo alagepa gemo alino apaya malesigeʼapaeʼmo afiteʼa agegae.

Aiyeya 50:4

Ala kava neʼmo Gotiʼa nagaemo alagaʼmo nehapaeya vayaʼaifeʼmo hapa maesiya gemo hapa paisuvafeʼmo sukulu nehaya vayaʼmogi apavayagana agufa navayamo namiʼniye. Agaemo muki nateʼaʼe nateʼaʼeʼmo naupatiʼmo alino he tino neʼnate. Alagepa huʼa sukulu huʼnaya vayaʼmogimo alagepa huʼa afiʼnaya kava huʼna afisuvafeʼmo nagesamo alino halo neʼaiye.

Matiyu 5:16

Ani kava hutapa vayaʼai apaulagaleʼmo kanitapimo aeta ha legeʼapao alagepa kavatapimo ageteʼapaeʼmo kokuʼnapi afotapimo agiʼaleʼmo aliʼa asaga huʼa ateyo.

Luki 4:22

muki vayaʼmogimo fiku hapa maeno neʼapamiya gemo avayafatiʼmo huʼnigeʼa afiteʼapaeʼmo hapau aiteʼapaeʼmo, Yosefe mafaʼnemo oʼmaiʼnifi, huʼa huʼnae.

Yoni 1:37

lole vekalaʼmo geʼamo neʼafiʼa vekalaʼmoganimo afiteʼana Yesuʼmo akame huʼana uʼnaʼae.

Lomu 14:19

Amuse huno neʼapateyaʼmofeʼmo magoke laipa lagesamo aliʼneta alita lokiya vaita apatesuna kavaʼmo hisunafeʼmo layamukiki higetao.

Lomu 15:2

Lagaemo lamete lamete huta konagatimogi apamogaga aiʼa alagepa huʼa maisayafeʼmo hapa maeta alita lokiya vaita apatesuna kavaʼmo haneʼniye.

1 Kolitiyani 14:19

nagaemo siosi vayaʼmo aliʼa anupa huʼa maisaya yateʼmo naya magokayagaʼa kefatiʼmo afisaya agufa gemo huʼna hapa paisuvafeʼmo nahauʼniyaʼmonanafa muki teni tauseniʼa kefatiʼmo alu nage alu nagemo aiʼna hapa paisuvafeʼmo oʼnahauʼniye.

Efasasi 4:12

Ani vayaʼmogimo Goti apaote vayaʼamo aliʼa alagepa huʼa alo huʼa apatesageʼa aliʼyaʼamo alisayafeʼmo lekana paino apateʼniye. Goti vayaʼamogimo Goti aliʼyaʼamo alisagenoʼaeʼmo Kalaisi agufamo kosino alopa hegaiye.

Efasasi 4:16

Agufafi alu ya alu yaʼamo alagepa huno haneʼnigeno aeno hapaiʼniya yaʼmoʼa atafauno ateʼnigeno magokepi lokaeno haneʼniye. Agufafi alu ya alu yaʼamoʼa aliʼyaʼmo neʼaligenoʼaeʼmo agufamo ko nesiye. Ani kava huta magokepi lokaeta maiʼnetaeʼmo lahau layamopafiʼmo nelahaigetaeʼmo magokepi ko nesune.

Kolosi 4:6

Haga gemo nehane, huʼa hisayafeʼmo ge hugefeʼmo alagepa geʼageʼmo hiyo. Geʼapileʼmo aeta atagaina hutapa hapa paisayafeʼmo alagepa huta lapakesamo afitetapa hapa paiyo.

1 Tesaloniyani 5:11

Huʼniyaʼmofeʼmo lapakaemo nehaya agufa kavaʼmo hutapa konagatapimogimo magoʼe hutapa hapa maetapa apaipamo alita lokiya vaitapa apatetetapa alita falu fala hutapa apateyo.

1 Pita 2:12

Lapakaemo ma mopafi vayaʼaitegamo alagepa kavaʼmo hiyo. Apakaemo lapakaefeʼmo huʼapaeʼmo, hosu kavaʼmo nehae, huteʼa huʼa faipa huʼa lapatesaya vayaʼmogimo alagepa kavatapimo agesagenoʼaeʼmo Gotiʼa apakaeteʼmo emineno yagaino apatesiya afinaʼmo agiʼaleʼmo aliʼa asaga hugae.

1 Pita 3:1

Aʼneʼapimogitapae, huʼna, lapakaemo ani kavaʼmo hutapa anautapimogi apaiyafiʼmo maiʼnetapa geʼapimo afiyo. Lapakaemo ge osisageʼa Goti geʼamo noʼafiya anautapimogimo lapaketeʼapaeʼmo, apauneʼapameʼmoʼa hosu kavafeʼmo ohapauʼnigeʼa Gotifeʼmo koli nehae, huʼa hisagetapaeʼmo alagepa kavatapiletiʼmo Gotitegamo apavalelitapa egae.

2 Pita 2:18

Apakaemo falo gefatiʼmo huteʼapaeʼmo himuʼnamu kavaʼmo huteʼa afa hosu gemo nehae. Nehuʼapaeʼmo kumai kavaʼmo hisayafeʼmo amega apakufamoʼmo hauʼniya hosu kavaʼmo nehaya vayaʼaitegatiʼmo faiʼa kasalo paeʼa eʼnaya vayaʼai apayateʼmo neʼaliye.