Efasasi 4:28 - The Keyagana NT and 25 OT books

²⁸ Kumaya neʼaliya kavaʼmo ataletapa lapayatetiʼmo aepa faitapa alagepa aliʼyaʼmo aliyo, kagemi yaʼapimo ohanesiya vayaʼaina apamisayafeʼmae.

Efasasi 4:28 ပူးပေါင်းရင်းမြစ်များ

Hatu maeno apate'niya gemae 20:15

Kumayaʼmo oʼaliyo.

Hatu maeno apate'niya gemae 20:17

Lapakaemo mago vayaʼmogi noʼapiyeʼmofi aʼapiyeʼmofi aliʼyaʼapimo neʼaliya vayaʼaifeʼmofi aliʼyaʼapimo neʼaliya aʼneʼaifeʼmofi pulumakaʼapiyeʼmofi nokiʼapiyeʼmofi muki yaʼapiyeʼmofi huno lapaʼye osino, huno hapa paiʼniye.

Mai'naya kavane 13:11

Hosu kavatetiʼmo fikumo neʼaliya monimoʼmo alino aise hume hume uno lamigiyaʼmonanafa lokiya aliʼyaʼmo hapaise vose huʼa aliteʼa neʼaliya monimoʼmo magoʼe huno kosime kosime uno haigiye.

Mai'naya kavane 14:23

Aliʼyaʼmo neʼaliya vayaʼmo miyaʼapimo aligayaʼmonanafa afaʼa maiʼneʼa geʼageʼmo nehaya vayaʼmo kafu hugae.

Mai'naya kavane 21:26

Muki afinaʼmo mago yaʼmo alisiyafeʼmo haʼye nehiyaʼmonanafa fatago vekamoʼmo muki yaʼamo agegeno noʼmalefa fikumo alino neʼapamiye.

Mai'naya kavane 28:13

Hosu kavaʼapimo aeʼa ati nekaya vayaʼmo alagepa huʼa oʼmaigayaʼmonanafa hosu kavaʼapieʼmo Gotifeʼmo aeʼa hakalo huʼa ha nepaiya vayaʼaifeʼmo hau huno neʼapate.

Mai'naya kavane 30:9

Fiku yanageʼna asole yaʼmo alisuvana nakameʼyamo kamiteʼna, Ala kava neʼmo ina laʼmae, huʼna huge kafu huteʼna kumayaʼmo aliteʼnaeʼmo Gotiʼnimogae, huʼna nehuva kagikaleʼmo aliʼna afepi katege huguve.

Mai'naya kavane 31:20

Agaemo kagemi yaʼapimo ohaneʼniya vayaʼmo apamige kafu nehaya vayaʼmo hapa maege nehiye.

Luki 19:8

Sakiyasiʼa muki vayaʼai apaulagaleʼmo he tino maiʼnenoʼaeʼmo, Ala kava nene, huno, ago, huno, kagemi yaʼnimo folagapatiʼmo aliʼna fako huʼna kagemi yaʼapimo ohaneʼnisiya vayaʼaina apamiteʼna mago vayaʼaifeʼmo aigofe gemo huteʼna kumayaʼmo aliʼnisuvana foʼa afinaʼmo aliʼna fako huʼna anonaʼapilefeʼmo apamite apamite huʼna neʼapamuve, huno ha paiʼnigeno

Luki 3:8

Magoʼe gemo hunoʼaeʼmo, lapaipamo alita afe leʼnisaya agufa kavaʼmo huta maiyo. Emalehamuʼa laginago vekamo maiʼniyaʼmofeʼmo alagepa huta maigune, hutapa lapakesamo oʼafiyo. Gotiʼa mani yafafeʼmo ha paisigeno Emalehamu aginagoʼamo afaʼa alino hamaleno apategaiye.

Yoni 12:6

Kagemi yaʼapimo ohaneʼnisiya vayaʼaifeʼmo agesa oʼafiʼniyaʼmonanafa moni kuteʼmo neʼyagaiya vekamo maiʼneno kupatiʼmo kumayaʼmo neʼaliya vekamo maiʼniyaʼmofeʼmo ani gemo huʼniye.

Yoni 13:29

Yutasiʼa moni kuteʼmo neʼyagaiya vekamo maiʼniyaʼmofeʼmo mago geʼamo neʼafiya vayaʼmogi, uka hopa afinaʼmo nesuna neʼyaʼmo miya faiyo, huno huʼnifi, kagemi yaʼapimo ohaneʼnisiya vayaʼaina alika fako huka apamiyo, huno huʼnifi, huʼa apakesa afiʼnae.

Lomu 12:13

Kagemi yatapimo alita fako hutapa apaote vayaʼmo kagemi yaʼapimo ohaneʼnisiya vayaʼmo apamiyo. Nata vayaʼmo esagetapaeʼmo alagepa huta yagaitapa apateyo.

1 Kolitiyani 4:12

Neʼyatimo nesuna yaʼmo alisunafeʼmo lokiya aliʼyaʼmo neʼalune. Huʼa faipa huʼa nelatagetaeʼmo, Gotiʼa lahapa maeno, huta nehune. Apaini huʼa nelatagetaeʼmo afaʼa maiʼnone.

2 Kolitiyani 8:12

Lapakaemo hogoteno lapauʼnisiyaʼmoʼmo maleʼnisaya yapatiʼmo alita fako hutapa magoke aiyaya hutapa hisagenoʼaeʼmo Gotiʼa haugiye. Gotiʼa moniʼapimo ohanesigeʼa ofalinimo osisaya vayaʼaifeʼmo ofalinimo hiyo, huno afaʼa osugiye.

2 Kolitiyani 8:2

Alopa hanageke yaʼmoʼa apamalageka huʼnigeʼapaeʼmo lusi kava huʼa kafu huʼnayaʼmonanafa magoʼe huʼa apamogaga aiteʼapaeʼmo alopa monimo ofalinimo huʼnae.

Galesiya 6:10

Hapa maesuna kaʼmo haneʼnisiyaʼmoʼmo muki vayaʼaina afaʼa hapa maegaunaʼmonanafa apakesamo afiʼa fatago nehaya afamo anagatimo magoʼe huta hapa maegaune.

1 Timoti 6:18

Kagemi yaʼapiʼe vayaʼmo asole alagepa kavaʼmo kagemi yaʼapigana huʼa malesayafeʼmo alagepa kavaʼmo nehuʼapaeʼmo fikumo apamige kagemi yaʼapimo fako huʼa apamisayafeʼmo hapauge huʼa maiyo.

Taitasi 3:14

Vayatimogi muki afinaʼmo alagepa kavaʼmo nehuʼa mago yafeʼmo kafu nehaya vayaʼmo hapa maesayafeʼmo fiku yanageʼa kafu hugayanagi apakeyo.

Taitasi 3:8

Mani nehuna gemo lama gemo haneʼniyaʼmofeʼmo ani kavafeʼmo lokiya gemo huka hapa paisanafeʼmo nahauʼniye. Hapa paigeʼapao Gotifeʼmo apakesamo afiʼa fatago huʼnaya vayaʼmogimo apayamukiki huʼa alagepa kavaʼmo hiyo. Ani kavaʼmo alagepa kavaʼmo haneʼneno vayaʼaina hapa neʼmaeya kavaʼmo haneʼniye.