Efasasi 4:25 - The Keyagana NT and 25 OT books

²⁵ Inagi magoʼe hutapa aigofe gemo osutapa magoke agufafiʼmo alu ya alu yaʼamo maiʼnonaʼmofeʼmo mukiʼamogitapamo konagatapimogifeʼmo lama gemo hiyo.

Efasasi 4:25 ပူးပေါင်းရင်းမြစ်များ

Samu 119:29

Aigofe kateʼmo oʼvisuvafeʼmo ka akani maleteka keʼaepa gemo fikumo namiyo.

Samu 15:2

Vaiʼmo oʼaliʼa he tiʼa umenitata huge fatago kavaʼmo huge apaipafatiʼmo lama gemo huge

Mai'naya kavane 12:17

Agotileʼmo lama ge faigoko gemo nehiya vekamoʼmo fatago kavaʼmo alino apave neliyaʼmonanafa aigofe faigoko gemo nehiya vekamoʼmo humi apatesiya agufa gemo nehiye.

Mai'naya kavane 12:19

Aigofe gemoʼmo aise afinaʼmo hanegaiyaʼmonanafa lama gemoʼmo hanege hanege huno hanegaiye.

Mai'naya kavane 12:22

Ala kava neʼmoʼa aigofe gemo nehaya vayaʼaifeʼmo alagi ohauʼniyaʼmonanafa lama gemo nehaya vayaʼaifeʼmo hapaoke nehe.

Mai'naya kavane 21:6

Aigofe gemo huteʼa asole monimo alisayafeʼmo kahauya nehaya vayaʼmo ani kava huʼa falisaya kavafeʼmo kahauya nehae. Asole yaʼmo aligune, huʼa apakesamo neʼafiya yaʼmoʼa alagamunamo ageʼnageno malage huno apake nekaniya kava huno hano hugiye.

Mai'naya kavane 24:28

Agotileʼmo ukaeʼmo kahaopaleʼmo neʼmaiya vekamoʼmo hosu kavaʼmo osuʼnisigekaeʼmo agaetegamo hosu faigoko gemo osuvo. Fiku yanageka aigofe gemo hugane.

Mai'naya kavane 6:17

Apakufamo apavaleliʼa haiteʼa hinuʼnamu gemo nehaya kavanagi apavayaletiʼmo aigofe gemo nehaya gegi vayaʼmo apayateti fikumo neʼapamagiya kavanagi hosu kavaʼmo hisayafeʼmo apaipafiʼmo apakesamo afiʼa aliʼa fako nehaya kavanagi apaiyaletiʼmo nagu nagu huʼa uʼa hosu kavaʼmo nehaya kavanagi agotileʼmo aigofe faigoko gemo nehaya kavanagi alagepa huʼa magokepi lokaeʼa maisayafeʼmo ohapauʼnigeʼa aliʼa fako huʼa neʼapataya kavafenagi huno alagi ohauʼniye.

Mai'naya kavane 8:7

Muki geʼaʼnimo lama geʼageʼmo haneʼniye. Nagaemo aigofe kavafeʼmo alagi oʼnahaiye.

Aiyeya 63:8

Ala kava neʼmoʼa ina gemo hunoʼaeʼmo, Ani vayaʼmo alagi nagaiʼni vayanageʼa humi nateteʼa aigofe gemo osugae, huno huʼniye. Inagi apakufamo alino katino apatesiya vekamo hamaleʼniye.

Yoni 8:44

Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.

Lomu 12:5

Ani kava huta asole vayaʼmo maiʼnetaeʼmo Kalaisiʼa magoke vekamo agufafiʼmo maiʼnone. Lamete lamete huta maiʼnonaʼmonanafa magoke vekamo agufafiʼmo alu ya alu yaʼamo maiʼnonaʼmofeʼmo afalu afalugana huta maiʼnone.

1 Kolitiyani 10:17

Magoke peleti mayamo haneʼniya kava huta mukiʼamogita magoke vayaʼmo maiʼnone. Magoke peleti mayafatiʼmo neʼnonaʼmofeʼmo magoke vayaʼmo maiʼnone.

2 Kolitiyani 7:14

Nagaemo Taitasifeʼmo lapakitapileʼmo aliʼna asaga huʼna lapateʼnova gelefeʼmo navagage nosiye. Lapa paiʼnona gemo lama gemo haneʼniya kava huno Taitasifeʼmo lapakitapileʼmo alita asaga huta lapateʼnona gemo afole yategamo afole aiʼnigeno lama gemo haneʼniye.

Efasasi 4:15

Lagaemo vayaʼaifeʼmo lahauʼnisigeta lavayafatiʼmo lama gemo nehutaeʼmo kosime kosime uta Kalaisigana huta maigune. Muki vayaʼmo apakenopamokeʼmo muki apakufaleʼmo yagaino apateʼniya kava huno Kalaisiʼa lagenopagana huno maiʼneno yagaino nelategeno agufamo alino kosino neʼate.

Efasasi 4:22

Agaemo hunoʼaeʼmo, hogotetapa huʼnaya kavatapilefeʼmo atafa vekatapimo alita ataleyo, huno alino lapaya maleʼniye. Atafa vekatapimoʼa lapaʼye nehiya kavatapiletiʼmo kasalime kasalime uno humi nelapate.

Efasasi 4:31

Atu ofa lapaipamo okalige lapaipamo olege lapai oʼvaige falo gemo osuge ge ohapauge muki agufa lapaini nehaya kavaʼmo atalege hutapa maiyo.

Efasasi 5:30

Agufaʼamo maige agufafi alu ya alu yaʼamo maige ayamufafiʼmo alu ya alu yaʼamo maige huʼnonaʼmofeʼmae.

Kolosi 3:8

hemenimo muki mani agufa hosu kavaʼmo ataleyo. Lapaipamo olege lapai vaitapa oʼapatege hanageke yaʼmo alita oʼapamige huta faipa huta oʼapatege hosu kigi yokalo gemo osuge lapaʼye hisiya kavaʼmo alino afole aino atesiya agufa gemo osuge hutapa maiyo.

Kolosi 3:9

Lapakaemo atafa vekatapimoʼmo atalege atafa vekatapimoʼa nehiya kavaʼmo atalege hutetapa saufa vekatapimo alita vaiʼnayaʼmofeʼmo konagatapieʼmo aigofe gemo osiyo. Gotiʼa saufa vekatapimo alo huʼniyanagetapa Gotina ageta aeto nehutapaeʼmo agaekana hutapa maisayafeʼmo saufa vekatapimo alino saufa vekamo hamaleno nelapate.

1 Timoti 1:10

Kumai kavaʼmo nehaya vayaʼaitefenagi vemogi ve apafalugi neʼaliya vayaʼaitefenagi vayaʼmo kumayaʼmo neʼapavalaya vayaʼaitefenagi aigofe gemo nehaya vayaʼaitefenagi apagoʼyamo ataleteʼa aigofe gemo nehaya vayaʼaitefenagi huno hu maleʼniye. Inagi mani hosu kavatefenagi muki alu hosu kava alu hosu kavatefenagi huno hu maleʼniye. Kaitaʼmo haugekana gemo ohaneʼneno vayaʼmo alino hapageno neʼapateya geʼamo ago amagiʼa neʼatalaya kavateʼefeʼmo hu maleʼniye.

1 Timoti 4:2

Apavayaletiʼmo aigofe gemo hugayaʼmonanafa apakupi mafaʼnemo faliʼnegekana huno maiʼniye.

Taitasi 1:12

Mago Kiliti kotega vayapati vekamoʼmo gemo aeno hakalo huno hapa nepaiya vekamoʼmo hunoʼaeʼmo, Muki afinaʼmo Kiliti kotega vayaʼmogi aigofe gemo huge afela afugana huʼa maige aliʼyaʼmo oʼaliʼa maiʼneʼa alopa neʼyaʼmo nesayafekeʼmo apakesamo afige huʼnae, huno huʼniye.

Taitasi 1:2

Gotiʼa alagi aigofe gemo nosiya vekamoʼmo hogoteno ma mopamo alo osuʼnenoʼaeʼmo, fikumo hapa maeʼna apamisugeʼa maige maige huʼa maigae, huno polomasi gemo ago hu maleʼniyaʼmofeʼmo agava maiʼneʼapaeʼmo apavayagunagu nehae.

Himulu 12:1

Ani asole vayaʼmogi apakesamo afiʼa fatago huʼnaya kavaʼmo aliʼa lave liʼnaya vayaʼmo faliteʼapaeʼmo hiyakana huʼa maiʼneʼa faiʼa vego huʼa lateʼa maiʼnageta folagapiʼmo maiʼnonageʼapaeʼmo aulu lahaeʼa lageʼa maiʼnae. Aulu lahaeʼa lageʼa maiʼnayaʼmofeʼmo lagaemo aliʼnona kana yaʼmo atalege latafausiya hosu kavaʼmo hatu maeta atalege huteta lesisi agufa kavaʼmo huta oʼataleta atafauta alagi huta maiʼneta laulagaleʼmo valino lateʼniya kateʼmo nagu nagu huta vigetao.

Yemisi 1:21

Inagi muki hosu oʼaniʼya kavaʼmo lapaipafiʼmo havai teʼniya kavaʼmo alita ataletetapa Goti aiyafiʼmo ape huta maiʼnetapa lapaipafiʼmo faiʼniya geʼamo aliyo. Ani gemokeʼmo lapakufamo afaʼa alino katino lapategaiye.

1 Pita 2:1

Huʼniyaʼmofeʼmo lapakaemo vayaʼaitegamo hosu kavaʼmo osuge aigofe gemo osuge ala lapakitapimo alisayafeʼmo amega lapakufale alagepa kavaʼmo osuge lapaipa kafa ohapaege huta faipa huta oʼapatege hiyo.

Leveleseni 21:8

Maigayaʼmonanafa vayaʼaifeʼmo koli huteʼa Goti geʼamo neʼatalaya vayanagi apakesamo afiʼa fatago nosaya vayanagi alagi faipa vayanagi vayaʼmo neʼapamagiya vayanagi kumai kavaʼmo nehaya vayanagi Satani himamuʼaletiʼmo noʼagaya agufa apaune kavaʼmo nehaya vayanagi aigofe gotiʼapimogitefeʼmo mono nehaya vayanagi muki agufa aigofe gemo nehaya vayanagi huʼa ata kotuʼmo sofa yafapiʼmo neleya ata kotupiʼmo maigae. Ata kotupiʼmo maisaya kavaʼmo agiʼamo napa tu afinaʼmo falisaya kavaʼmae.

Leveleseni 22:15

Negayaʼmonanafa kalagana vayanagi Satani himamuʼaletiʼmo noʼagaya agufa aune kavaʼmo nehaya vayanagi kumai kavaʼmo nehaya vayanagi vayaʼmo neʼapamagiya vayanagi aigofe gotiʼapimogitefeʼmo mono nehaya vayanagi muki vayaʼmogimo aigofe kavafeʼmo hapauʼnigeʼapaeʼmo aigofe gemo nehaya vayanagi huʼa ani taonimo malagamo maigae.