Efasasi 4:19 - The Keyagana NT and 25 OT books

¹⁹ Apaipamoʼmo faligekana huno haneʼnigeʼa apaipafiʼmo aliʼa oʼamalagiʼa apakufaleʼmo yagaiʼa oʼateʼneʼa alu kava alu kavaʼmo oʼaniʼya kavaʼmo nehuʼapaeʼmo magoʼe huno hapaʼye huʼnigeʼa maiʼnae.

Efasasi 4:19 ပူးပေါင်းရင်းမြစ်များ

Aiyeya 56:11

He, apakaemo neʼyaʼmo magoʼe magoʼe huʼa nesayafeʼmo hapaʼye nehiya kalagana huʼa maiʼneʼa muki afinaʼmo magoʼe huno neʼyafeʼmo nehapaiye. Sipisipileʼmo yagaiʼa neʼapataya vayaʼmogi afiʼa aeto nosae. Mukiʼamogimo apakaiʼapi hapauʼniya kavaʼmo huʼa apakaiʼapiekeʼmo apakesamo neʼafiye.

Maki 7:22

kumaya alisaya kavaʼmo afole aige hapaʼye hisaya kavaʼmo afole aige muki agufa hosu kavaʼmo afole aige aigofe kavaʼmo afole aige ge oʼafiʼa kumai kavaʼmo nehaya kavaʼmo afole aige apaketeʼa apaipa kafamo nehapaya kavaʼmo afole aige huʼa faipa huʼa neʼapataya gemo afole aige himuʼnamu nehaya kavaʼmo afole aige negi nagi kavaʼmo afole aige nehiye.

Efasasi 4:17

Ani kavaʼmo hutapa maiʼnayaʼmofeʼmo nagaemo Ala kava neʼmo agiʼaletiʼmo lokiya gemo huʼna lapa paiʼnaeʼmo, Malaga vayaʼmogi nehaya agufa kavaʼmo hogotetapa huʼnayaʼmonanafa hemenimo magoʼe hutapa osiyo. Fikumo apakesamo neʼafigenoʼaeʼmo apaipa apakesamoʼmo hani huʼnigeno apaipamo lokiya vaiʼniyaʼmofeʼmo noʼagayaʼmofeʼmo Gotiʼa afaʼa maisaya yaʼmo neʼapamiya yaʼmo oʼaliʼa malaga vayaʼmo maiʼnae.

Kolosi 3:5

Aligayaʼmofeʼmo ma mopafi haneʼniya lapakufafiʼmo alu ya alu yatapiletiʼmo nehaya kavaʼmo amagita falita ataleyo. Kumai kavanagi oʼaniʼya kavanagi hosu lapaipa nekaliya kavanagi hosu kavafeʼmo lapaka neteya kavanagi ma mopafi yafeʼmo lapaʼye nehiya kavanagi hutapa amagitapa falita ataleyo. Ma mopafi yafeʼmo hapaʼye nehisiya vayaʼmogi aigofe gotitefeʼmo mono nehae.

1 Timoti 4:2

Apavayaletiʼmo aigofe gemo hugayaʼmonanafa apakupi mafaʼnemo faliʼnegekana huno maiʼniye.

1 Pita 4:3

Lagaemo hogoteta malaga vayaʼmogi hapauʼniya kavakeʼmo alagi huʼnonaʼmonanafa hemenimo magoʼe huta osugune. Hogoteta kumai kavaʼmo hisunafeʼmo apayate alige amega lagufamoʼmo hauʼniya kavaʼmo huge aniʼmo neteta negi nagi kavaʼmo huge ogefagemo huge aniʼmo neteta hosu kigi yokalo gemo huge hutetaeʼmo aigofe gotitefeʼmo hosu monoʼmo huʼnone.

2 Pita 2:22

Ani agufa vayaʼaifeʼmo alagi lama gemo huʼa aeʼa kalafefa gemo huʼapaeʼmo, kalamogimo mu valiʼa ataleʼa uteʼa halate aiʼa atagineʼa eʼa neʼnae. Ani kava huʼa afumo aniʼmo faleʼa ateʼnaya afumoʼmo halate uno hapafiʼmo kasepu neʼaiye, huʼa huʼnae.

Yuti 1:11

Vaehae, huʼna, apakaetegamo kagegage kavaʼmo afole aigiye. Keniʼa hosu kateʼmo uʼniya kava huʼa ani kateʼmo uʼnae. Melamiʼa monimo alisiyafeʼmo hosu kavaʼmo huʼniya kavaʼmo huʼa apayamukiki huʼnae. Kolaʼa Mosese geʼamo oʼafiʼniyaʼmofeʼmo Gotiʼa alino agoʼya lagauno ataleʼniya kava huʼa hosu kavaʼmo nehayanageno alino apagoʼya lagauno apatalegaiye.

Leveleseni 18:3

Ani taonifiʼmo haneʼniya kumai kavaʼmoʼmo nofi alagafati aniʼmo lokiya anikana huno haneʼnigeʼapaeʼmo muki alu kotega alu kotegamo maiʼnaya vayaʼmogimo neʼnae. Ma mopafi kini vayaʼmogimo agaeʼeʼmo kumai kavaʼmo huʼnae. Agaemo lusi kava huno haʼye huʼnigeʼapaeʼmo ma mopafi misinisi vayaʼmogimo aliʼa maketi huteʼa asole kagemi yaʼapimo haneʼniya vayaʼmo hamaleʼnae, huno huʼniye.