Efasasi 4:15 - The Keyagana NT and 25 OT books

¹⁵ Lagaemo vayaʼaifeʼmo lahauʼnisigeta lavayafatiʼmo lama gemo nehutaeʼmo kosime kosime uta Kalaisigana huta maigune. Muki vayaʼmo apakenopamokeʼmo muki apakufaleʼmo yagaino apateʼniya kava huno Kalaisiʼa lagenopagana huno maiʼneno yagaino nelategeno agufamo alino kosino neʼate.

Efasasi 4:15 ပူးပေါင်းရင်းမြစ်များ

Samu 32:2

Gotiʼa hosu kavaʼapimo haneʼniye, huno nosigeʼa humi nami kavaʼmo osuʼnaya vayaʼmo aulena vayaʼmo maiʼnae.

Malakai 4:2

Alagi oʼmaigayaʼmonanafa nagiʼnilefeʼmo koli nehaya vayaʼaitegamo ani kavaʼmo huno fatago vekamo yegegana huno hainesiya kavaʼamoʼmo alino hapageno apatesigeʼa alagepa huʼa maigae. Nopatiʼmo pulumaka anaʼau anagaʼmo kita yakiʼa apateʼnageʼapaeʼmo aeʼa hailo hailo huliʼa neʼvaya kava hutapa ugae.

Yoni 1:47

Yesuʼa ageyana Natanieloʼmo agaetegamo eʼnigeno agetenoʼaeʼmo, lama ge Isaleli vekamo maiʼniye. Magoke aigofe geʼamo ohaneʼniya vekamae, huno huʼnigeno

Lomu 12:9

Aigofe olahapauno lapaipafatiʼmo lapau lapayamopafiʼmo lahapaino. Hosu kavafeʼmo alagi olahapauʼninagetapa alagepa kavateʼmo atafautapa alagi hutapa maiyo.

1 Kolitiyani 11:3

Nehuvaʼmonanafa mago gemo afisayafeʼmo nahauʼniye. Gotiʼa Kalaisi agenopagana huno maiʼnenoʼaeʼmo yagaino neʼate. Kalaisiʼa muki Kalisitini ve anagaʼmogi apakenopagana huno maiʼneno yagaino neʼapate. Ve anagaʼmogimo aʼne anagaʼmogi apakenopagana huʼa maiʼneʼapaeʼmo yagaiʼa neʼapatae.

2 Kolitiyani 4:2

Lagaemo lavagage osisiyafeʼmo hosu kavatimo aeta ati nokaone. Humi lapateteta Goti geʼamo alita afe leta anonale alu gemo nosune. Lagaemo Goti aulagaleʼmo lama geʼamo afole yateʼmo aeta hakalo huta hapa nepaunagenoʼaeʼmo muki vayaʼai yuʼilaga vekaʼapimoʼa hunoʼaeʼmo, lama gemo nehaya vayaʼmo maiʼnae, huno nehiye.

2 Kolitiyani 8:8

Nagaemo mani kavaʼmo hiyo, huʼna osuʼnovaʼmonanafa mago vayaʼmogi apayamukiki huʼnaya kavatetiʼmo lama ge hutapa lapau lapayamopafiʼmo nelapaiya kavafeʼmo lapamalageka huʼna ge huʼna lapafi nekove.

Efasasi 1:22

Gotiʼa muki yaʼe vayaʼeʼmo Kalaisi aiyafiʼmo alino apateteno hogote vekamo yagaino neʼapateya vekamo siosi vayaʼaiteʼmo yagaino apatesiyafeʼmo avaleno apamiʼniye.

Efasasi 1:4

Akeyaʼvilagamo ma mopamo alo osuʼniya afinaʼmo Goti aulagaleʼmo laote vayaʼamo maiʼnisunagenoʼaeʼmo hosu kavatimo alagi ohanesiyafeʼmo Kalaisipiʼmo maiʼnaya vayane, huno lekana paino lateʼniye.

Efasasi 2:21

Agaepiʼmo muki yaʼaleʼmo atafauʼneno Ala kava neʼmo aote mono noʼamo kime kime uno nehaiye.

Efasasi 4:25

Inagi magoʼe hutapa aigofe gemo osutapa magoke agufafiʼmo alu ya alu yaʼamo maiʼnonaʼmofeʼmo mukiʼamogitapamo konagatapimogifeʼmo lama gemo hiyo.

Efasasi 5:23

Kalaisiʼa siosi vayaʼaiteʼmo yagaino neʼapateya vekamo maiʼniya kava huʼa anautapimogi yagaiʼa nelapataya vayaʼmo maiʼnae. Kalaisiʼa siosi vayaʼai apakufamo alino katino neʼapateya vekamoʼmo maiʼneno agufaʼamoʼmo agenopagana huno haneʼneno siosi vayaʼaiteʼmo yagaino neʼapate.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Pita 2:2

Nute mafaʼnemogimo nufekeʼmo lusi kava huno nehapaiye. Goti geʼamo nukana huno haneʼniyaʼmofeʼmo mani alagepa nufeʼmo lapauʼninagetapa neyo netapa kosigae.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.

1 Yoni 3:18

Aise mafaʼneʼnimogitapae, huʼna, lavayaʼaletikeʼmo geʼageʼmo hutaeʼmo, lahau layamopafiʼmo nelahaiye, huta osuta alagi lama ge huno lahau layamopafiʼmo lahauʼninageta alagepa kavaʼmo higetao.