Efasasi 4:14 - The Keyagana NT and 25 OT books

¹⁴ Magoʼe huta mafaʼnegana huta oʼmaita kosigune. Mafaʼnegana huta maiʼnisunaʼmoʼmo aigofe vayaʼmogi aliʼa apaya neʼmalaya gemoʼmo yasimo alinino uneno nehigeno aino afelo afalo nehiya sipigana huta maigune. Apakaemo apakaiʼapimo apakesamo afiteʼa humiʼnami gemo huteʼa apayate neʼaliye.

Efasasi 4:14 ပူးပေါင်းရင်းမြစ်များ

Samu 10:9

Laiyonimoʼmo fala nekiya kava huno kagemi yaʼapimo ohaneʼniya vayaʼmo apatafausiyafeʼmo fala kino maiteno yagaino maiʼniye. Umeniʼaletiʼmo neʼapatafaiye.

Samu 59:3

Apakaemo apako fala kiʼa maiʼneʼa kamitimo namagisageʼna falisuvafeʼmo nehae. Apakaemo hosu kame vayaʼmo aliʼa anupa huʼa maiʼneʼa nagaeʼeʼmo kamemo hisayafeʼmo nehae. O Ala kava nene, huʼna, Apakaemo hosu kava anonaʼnilefeʼmo nosafa nagaetegamo fikumo hosu kavaʼmo hisayafeʼmo nehae.

Maika 7:2

Muki ma mopafiʼmo fatago vayaʼmo faliʼnae. Magoke fatago vekamo oʼmaiʼniye. Muki vayaʼmogimo alu vayaʼaifeʼmo kame huʼa apateteʼa aliʼa hosu huʼa apatesaya kafeʼmo kahauya nehae. Muki vayaʼmogimo apakaiʼapi nofi vayaʼmo apatafauʼa kamitimo apamagisayafeʼmo umenimo aliniʼa neʼvae.

Matiyu 11:7

Yoni geʼamo neʼafiya vayaʼmo ataleʼa neʼvagenoʼaeʼmo Yesuʼa asole vayaʼmo aliʼa anupa huʼa maiʼnaya vayaʼaifeʼmo aepa faino Yonifeʼmo ava gemo huno hapa painoʼaeʼmo, Lapakaemo na agufa yaʼmo agesayafeʼmo kaʼme kotegamo uʼnae. Lapakaemo yasimoʼmo hopaleʼmo alisigenoʼaeʼmo uti uti aisiya yaʼmo agesayafeʼmo uʼnafiye.

Matiyu 24:11

Asole aigofe gemo alini eʼa aeʼa hakalo huʼa hapa paisaya vayaʼmo afole aiteʼa asole vayaʼaifeʼmo humi apategae.

Matiyu 24:24

Mago vayaʼmogi, Kalaisiʼnamo maiʼnove, huʼa huge mago vayaʼmogi Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huʼa huge huteʼa magoʼe huʼa noʼagaya agufa apaune kavaʼmo hugayaʼmofeʼmae. Lekana paino apateʼniya vayaʼmo humi apatesayafeʼmo hugayana afaʼa humi oʼapategae.

Apa 23:21

Ani gemo kaha paisagekaeʼmo oʼafiyo. Fotiʼamo ago aeno agaseno magoʼe vayaʼmo kateʼmo fala kiʼa yagaiʼa maigae. Apakaemo huʼapaeʼmo, Neʼyaʼmo oʼneta mosita maime maime neʼuta Poloʼmo amagisunageno falitesigetaekeʼmo halate neʼyaʼmo negaune. Alagi lama gemo nehune, huʼa apagoʼya ataleʼnae. Ago alo huʼa kagaefekeʼmo kagava maiʼnae, huno ha paiʼniye.

1 Kolitiyani 12:2

Lapakaemo ago ageʼnayana malaga vayaʼmo maiʼnagenoʼaeʼmo lapavalelino uno apake noʼaiya negi aigofe gotiʼapimogitegamo lapateʼnigetapa hosu kateʼmo uʼnae.

1 Kolitiyani 14:20

Konagaʼnimogitapae, huʼna, mafaʼne anagaʼmogimo neʼafiya agufa lapakesamo oʼafiyo. Vayaʼaitegamo hosu kavaʼmo osisayafeʼmo aise mafaʼnegana hutapa maiyo. Maigayaʼmonanafa gemo aepaʼamo afisayafeʼmo alopa vayakana hutapa maiyo.

1 Kolitiyani 3:19

Ma mopafi vayaʼmogi afiteʼa ageʼnaya kavaʼmo Goti aulagaleʼmo negi nagi kavaʼmo haneʼniye. Ani kavatefeʼmo Goti mukufi gemoʼmo hunoʼaeʼmo, Afiteʼa ageʼnaya vayaʼmogimo avame name kavaʼmo nehagenoʼaeʼmo Gotiʼa aneʼaifiʼmo hegekana huno neʼapatafaiye, huno huʼniye.

2 Kolitiyani 2:17

Asole tisa vayatapimogimo umenitata huʼa kagemi yaʼapimo maketi nehaya vayakana huʼa Goti geʼamo aeʼa hakalo huʼa hapa nepaiyaʼmonanafa lagaemo Kalaisipiʼmo maiʼnetaeʼmo Gotiʼa lamiʼniya aliʼyaʼamo neʼalitaeʼmo Goti aulagaleʼmo laipafatiʼmo aeta hakalo huta hapa nepaune.

2 Kolitiyani 4:2

Lagaemo lavagage osisiyafeʼmo hosu kavatimo aeta ati nokaone. Humi lapateteta Goti geʼamo alita afe leta anonale alu gemo nosune. Lagaemo Goti aulagaleʼmo lama geʼamo afole yateʼmo aeta hakalo huta hapa nepaunagenoʼaeʼmo muki vayaʼai yuʼilaga vekaʼapimoʼa hunoʼaeʼmo, lama gemo nehaya vayaʼmo maiʼnae, huno nehiye.

Galesiya 3:1

Galesiya vayaʼmogitapae, huʼna, alagi lusi kava hutapa negi neʼmalae. Ina laʼmo negi nofiʼmo aeno lapamiʼnigetapaeʼmo lama gemo akame nosae. Lagaemo Yesu Kalaisiʼa malipu yosaleʼmo faliʼniya kavafeʼmo ava gemo lapaulagafatiʼmo ageʼnegekana hutapa afisayafeʼmo lapakae folagapiʼmo maiʼneta aeta hakalo huta ago lapa paiʼnone.

Efasasi 6:11

Lapakaemo muki kamemo hisaya kukenamo Gotiʼa lapamiʼniya kukenamo vaitetapa maiyo, Sataniʼa lapamalageka nehisigetapaeʼmo kamemo hutetapa he titapa maigayanagi.

1 Timoti 3:6

Saufamo Goti mafaʼnemo hamaleʼnisiya vekamoʼmo vayatama vekamo oʼmaigiye. Sataniʼa himuʼnamu agesamo afiʼnigenoʼaeʼmo Gotiʼa hunoʼaeʼmo, hosu kagesamo afiʼnane, huno huʼniya agufa gemo huno saufamo agesamo afino fatago huʼnisiya Goti mafaʼnemoʼmo agufamo avalelino nehaisigenoʼaeʼmo Gotiʼa, hosu kavaʼmo huʼnane, huno hugiye.

2 Timoti 1:15

Ago afiʼnanana muki Esiya kotega vayanagi Esiya vekalaʼmo Fiselasiʼagi Hemosenisiʼagi huʼa ago nataleʼnae.

2 Timoti 3:13

Inagi hosu vayaʼmogi humi apatesaya vayaʼmo magoʼe magoʼe huʼa hosu kavaʼmo huʼa humi neʼapatesagenoʼaeʼmo Sataniʼa apakaeʼeʼmo humi apategaiye.

2 Timoti 4:3

Henagaʼamo kaita haugekana huno ohaneʼneno vayaʼmo alino hapageno neʼapateya geeʼmo ohapaugiyaʼmofeʼmo ani agufa gemo alika apaya malo. Apakaiʼapi nehapaiya kavaʼmo akame huteʼa hapauʼniya gemo afisayafeʼmo aliʼa apaya neʼmalaya vayaʼmo apavaleliʼa ete ete hugae.

Himulu 13:9

Fiku yanageʼa mago vayaʼmogi aeto aeto agufa geletiʼmo lapayateʼmo heʼa lapavayu huliʼa ugayanagi ehetapiye. Alagepa kavanageno Gotiʼa fikumo lapa maeno nelapamiya gemoʼa lapaipa lapakesamo alino lokiya vaino lapategaiye. Neʼyafeʼmo, neyo, huʼa huge oʼneyo, huʼa huge nehaya gemoʼa lapaipa lapakesamo alino lokiya vaino olapategaiye. Ani gemo akame nehaya vayaʼmo hapa oʼmaeʼniye.

Yemisi 1:6

Amigiyaʼmonanafa lole agesamo oʼafiʼneno alagepa huno agesamo afino fatago huʼnenoʼaeʼmo ge huno afi gegaiye. Lole agesamo neʼafiya vekamo solovala aniteʼmo yasimo neʼaligenoʼaeʼmo aino holakau holakau hulino uneno nehiya agufa anikana huno maiʼniye.

Yemisi 3:4

Lapakaemo sipiʼefeʼmo lapakesamo afiyo. Sipimo alopa yakefamo haneʼniyaʼmonanafa sipileʼmo neʼaliya vekamoʼmo lusi yasimo aliteno alino agoʼya failino neʼviya sipimoʼmo aise agoʼya kayoʼmo haneʼnigeno alagepa huno yagaiʼneno alino ho huno ateʼnigeno neʼviye.

2 Pita 2:18

Apakaemo falo gefatiʼmo huteʼapaeʼmo himuʼnamu kavaʼmo huteʼa afa hosu gemo nehae. Nehuʼapaeʼmo kumai kavaʼmo hisayafeʼmo amega apakufamoʼmo hauʼniya hosu kavaʼmo nehaya vayaʼaitegatiʼmo faiʼa kasalo paeʼa eʼnaya vayaʼai apayateʼmo neʼaliye.

1 Yoni 2:19

Apakaemo ago lataleʼa uʼnayaʼmonanafa vayatimo oʼmaiʼnae. Apakaemo lagaepatiʼmo maiʼnaesinana olataleʼa lagaeʼeʼmo magokepi lokaeʼa maiʼnaesine. Ani vayapatiʼmo mago vayaʼmogi vayatimo oʼmaiʼnae, huta apakesunafeʼmo ago lataleʼa uʼnae.

1 Yoni 2:26

Nagaemo humi lapatesayafeʼmo nehaya vayaʼaifeʼmo apava gemo huʼna lapakaefeʼmo avoʼmo kaeʼnove.

1 Yoni 4:1

Nahauʼniya vayaʼnimogitapae, huʼna, Asole aigofe vayaʼmogi gemo aeʼa hakalo huʼa hapa nepaiya vayaʼmo muki ma mopafiʼmo umenitata nehae. Umenitata nehayanagi lama gemo nehae, huta oʼafitapa alagepa huta alita fako hutapa afitetapaeʼmo, Gotitegatiʼmo eʼnafi oʼmeʼnafi, hutapa afiyo.

Yuti 1:12

Lapakaemo magoke konagamo maiʼnone, hutetapa magokepi alita anupa huta maiʼnetapaeʼmo neʼyaʼmo neʼnaya afinaʼmo mani vayaʼmogi koli osuʼa lusi neʼyaʼmo neʼneʼapaeʼmo apakaiʼapiekeʼmo apakesamo afiteʼa yagaiʼa neʼapatayaʼmonanafa kukenaleʼmo mago hosu yaʼmoʼa aeno nekamaeya agufa yakana huʼa maiʼnae. Apakaemo hiyapatiʼmo mago ko noʼaiya hiyaʼmo yasimoʼmo alinino neʼviya hiyakana huʼa maiʼnae. Yosa alagamo afu neleya afinaʼmo mago alagamo oʼaeʼniya yosamo hafuʼyaʼaʼeʼmo aino halaka tiʼnigeno alagi falu teʼniya yosagana huʼa maiʼnae. Apakaemo lole afinaʼmo faliʼnaya vayaʼmo maiʼnae.

Leveleseni 19:20

Agaemo afela afuʼe aigofe aune vekaʼeʼmo anatafauno kalavusi huno anateʼniye. Aigofe aune vekamoʼmo afela afumo agiʼalefeʼmo aeto agufa noʼagaya aune kavaʼmo huteno afela afumo alagena yaʼamo aliteʼa afela afumo auneʼalefeʼmo mono nehaya vayaʼaifeʼmo hogoteno humi apateʼniye. Lole vekalaʼmo ofaliʼana afaʼa maiʼnaʼagenoʼaeʼmo ata kotuʼmo sofa yafapiʼmo neleya ata kotupiʼmo alino yaga auno anataleʼnigeʼana maiʼnaʼae.