Efasasi 4:12 - The Keyagana NT and 25 OT books

¹² Ani vayaʼmogimo Goti apaote vayaʼamo aliʼa alagepa huʼa alo huʼa apatesageʼa aliʼyaʼamo alisayafeʼmo lekana paino apateʼniye. Goti vayaʼamogimo Goti aliʼyaʼamo alisagenoʼaeʼmo Kalaisi agufamo kosino alopa hegaiye.

Efasasi 4:12 ပူးပေါင်းရင်းမြစ်များ

Luki 22:32

Ha paiʼniyaʼmonanafa kagesamo afika fatago nehana kavakamo hano osisiyafeʼmo nunumuʼmo huʼna kateʼnovaʼmofeʼmo kaipamo alika afe letekaeʼmo konagakamogimo alika lokiya vaika apato, huno ha paiʼnigenoʼaeʼmo,

Apa 1:17

Yesuʼa lekana paino ateʼnigeno lagaeʼeʼmo magokepi lokaeno aliʼyaʼmo alino maiʼniye, huno hapa paiʼniye.

Apa 1:25

Yutasiʼa aliʼyaʼamo ataleno uno faliteno koʼalegamo lamino maiʼniyaʼmofeʼmo lekana paika ateʼnisana vekamoʼmo Yutasi aimuʼyaleʼmo eno apa vekamo maiʼneno Yutasiʼa aliʼniya agufa aliʼyaʼmo aligiye, huʼa nunumuʼmo huʼnae.

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Apa 20:24

falisuva kavaʼmo ina agufa kavaʼmogeʼna nagesa oʼafiʼnove. Gotiʼa fiku hapa maeno neʼapamiya gemo Ala kava neʼmo Yesufeʼmo alagepa faigoko geʼamo aeʼna hakalo huʼna hapa paisuva aliʼyaʼamo namiʼniye. Nagaemo ofaliʼna afaʼa maisuvafeʼmo ataleʼna maiʼna halove huʼna maiguve, huʼna nagesa noʼafufa namiʼniya aliʼyaʼnimo aliʼna hano huʼna atesuvafeʼmo nagu nagu huʼna uʼna atupaleʼmo avaʼyi huteʼna namogaga aiguve, huʼna nagesamo neʼafuve.

Apa 20:28

Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Apa 9:31

Ani afinaʼmo Goti mafaʼneʼamo aliʼa anupa huʼa maiʼnaya vayaʼmo Yutiya kotegagi Galeliya kotegagi Sameliya kotegagi huʼa maiʼnaya siosi vayaʼmogimo apaipamoʼmo falu huʼnigeʼa apayamufa huʼa maiʼnae. Gotifeʼmo koli huʼa maiʼnagenoʼaeʼmo Goti Aunemeʼamoʼmo alagepa huno hapa maeʼnigeʼa alagepa huʼa maiʼnageʼapaeʼmo magoʼe magoʼe huʼa asole vayaʼmo Goti mafaʼneʼamo hamaleʼnae.

Lomu 12:5

Ani kava huta asole vayaʼmo maiʼnetaeʼmo Kalaisiʼa magoke vekamo agufafiʼmo maiʼnone. Lamete lamete huta maiʼnonaʼmonanafa magoke vekamo agufafiʼmo alu ya alu yaʼamo maiʼnonaʼmofeʼmo afalu afalugana huta maiʼnone.

Lomu 12:7

Hapa maetapa aliʼyaʼmo alisayafeʼmo lapamiʼnisiyana ani kavaʼmo hutapa hapa maetapa aliʼyaʼmo aliyo. Alitapa apaya malesayafeʼmo lapamiʼnisiyana ani kavaʼmo hutapa alita apaya maleyo.

Lomu 14:19

Amuse huno neʼapateyaʼmofeʼmo magoke laipa lagesamo aliʼneta alita lokiya vaita apatesuna kavaʼmo hisunafeʼmo layamukiki higetao.

Lomu 15:14

Konagaʼnimogitapae, huʼna, alagepa kavaʼe afiʼnaya geʼeʼmo lapaipa lapakesafiʼmo havai teʼniyanagetapa afaʼa alita apaya malegae, huʼna lole nagesamo oʼafiʼnofa magoke nagesamo neʼafuve.

Lomu 15:2

Lagaemo lamete lamete huta konagatimogi apamogaga aiʼa alagepa huʼa maisayafeʼmo hapa maeta alita lokiya vaita apatesuna kavaʼmo haneʼniye.

Lomu 15:29

Ago afiʼnovana uʼna avaʼyi huteʼna Kalaisifeʼmo alagepa faigoko geʼaletiʼmo magoʼe huʼna aliʼna auleʼna lapategauve.

1 Kolitiyani 12:27

Ani kavaʼmo huno haneʼnigetapa Kalaisi agufaʼamo maiʼnetapaeʼmo agufafiʼmo alu ya alu yaʼamo maiʼnae.

1 Kolitiyani 12:7

Goti Aunemeʼamoʼmo muki siosi vayaʼmo apamete apamete huʼa hapa maesayafeʼmo muki vayaʼai apaipafiʼmo maiʼnigeʼa apakaemo alu kava alu kavatetiʼmo aliʼyaʼmo neʼaliye.

1 Kolitiyani 14:12

Lapakaemo Goti Aunemeʼamoʼmo alino neʼapamiya himamuʼamo Goti aliʼyaʼamo alisaya himamuʼamo alisayafeʼmo lapaya mukiki nehayaʼmofeʼmo hogotetapa muki siosi vayaʼmo hapa maesaya yaʼmo aliʼnetapaekeʼmo hapa maeyo.

1 Kolitiyani 14:14

Alu nagemo aiʼna nunumuʼmo hisuvana nauneʼnameʼmoʼa nunumuʼmo nehiyaʼmonanafa nagesamoʼa alagamo alino afole aino oʼatesigeno apakesafiʼmo alagamo oʼaegaiye.

1 Kolitiyani 14:26

Konagaʼnimogitapae, huʼna, mani gemo nehuvaʼmofeʼmo na kava hisaya kavaʼmo haneʼniye. Afiyo, lapakaemo alita anupa huta maiʼnetapaeʼmo mukiʼamogitapamo lapamete lapamete hutapa ge nehae. Mago vekamoʼmo yokemo lekana paino huge mago vekamoʼmo alino lapaya malege mago vekamoʼmo Gotiʼa alino ave liʼniya gemo lapa paige mago vekamoʼmo alu age aige mago vekamoʼmo alu agemo alino afe leno lapa paige hutapa neʼmaiye. Lapakaemo ika ika kavaʼmo osutapa siosi vayaʼmo alita lokiya vaitapa apatesayafeʼmo muki kavaʼmo alita alagepa hutapa hiyo.

2 Kolitiyani 12:19

Lapakaemo mani gemo alita lekana paitetapaeʼmo, laulagaleʼmo halate apakaiʼapi hapa maesiya gemo nehae, hutapa lapakesamo neʼafifiye. Haʼao, Kalaisipiʼmo maiʼnetaeʼmo Goti aulagaleʼmo ani gemo nehune. Nahau nayamopafiʼmo nahauʼniya vayaʼnimogitapae, huʼna, muki kavaʼmo nehutaeʼmo lapa maesuna kavaʼeʼmo nehune.

2 Kolitiyani 13:11

Konagaʼnimogitapae, huʼna, hemenimo geʼnimo alagi huʼna hano huvanagi lapamogaga aitapa maiʼnetapaeʼmo kavatapimo alita api aitapa maiyo. Hiyo, huʼna avoʼmo kaeʼnova gemo afitetapa akame hiyo. Magoke lapaipa lapakesamo alitetapa maiyo. Alagepa hutapa magokepi lokaetapa maigenoʼao Gotiʼa hapau apayamopafiʼmo hapauʼnigeʼa alagepa huʼa magokepi lokaeʼa neʼmaiya kavaʼmo afoʼamoʼmoʼmo lapakaeʼeʼmo magokepi lokaeno maino.

2 Kolitiyani 13:9

Ani kavatefeʼmo lapakaemo alagepa kavaʼmo nehutapaeʼmo lapayamufa hutapa maiʼnagetaeʼmo lapakaeteʼmo layamufa nosunaʼmonanafa lamogaga neʼaune. Alagepa kavaʼmo hutapa lokaetapa maisayafeʼmo lahauʼniye.

2 Kolitiyani 3:8

Ani aliʼyaʼmoʼmo ha le konali yaʼamo haneʼniyaʼmonanafa Aunemeʼamoʼmo neʼaliya aliʼyaʼmo ha le konali yaʼamoʼmo magoʼe huno lusi kava huno aeno agaseʼniye.

2 Kolitiyani 4:1

Gotiʼa hau huno lateteno ani aliʼyaʼmo lamiʼniyaʼmofeʼmo laipamoʼmo kana osuʼnigeta oʼatalone.

2 Kolitiyani 5:18

Muki ani kavaʼmo afoʼamoʼmo Gotiʼa maiʼniye. Agaemo Yesu Kalaisitetiʼmo agaiʼaʼeʼmo alino nanu aeno latetenoʼaeʼmo agaiʼaʼeʼmo alino nanu aeno lapateʼniye, huta hapa paisuna aliʼyaʼamo ago lamiʼniye.

2 Kolitiyani 6:3

Aliʼyatieʼmo huʼa faipa huʼa olatesayafeʼmo vayaʼai apaiyafiʼmo hapaesiya yaʼmo noʼmalonaʼmonanafa

2 Kolitiyani 7:1

Nahau nayamopafiʼmo nahauʼniya vayaʼnimogitapae, huʼna, Gotiʼa ani kavaʼmo huguve, huno hu maleʼniya gemo ago afiʼnonaʼmofeʼmo lagaitimo muki hosu kavatimo lagufaleʼe laipa lagesafiʼeʼmo oʼaniʼya faiʼniya yakana huno haneʼniya kavaʼmo aeta kalo paeta atalegetao. Gotifeʼmo koli nehutaeʼmo aote kavaʼmo agetetaeʼmo alagi hume hume utah haita hapaigetao.

Efasasi 1:23

Siosi vayaʼmo Kalaisi agufaʼamo maiʼnae. Siosi vayaʼamo oʼmaiʼnaesinana agenopaʼageʼmo haneʼniyesinaʼmonanafa Kalaisi siosi vayaʼamo maiʼnayaʼmofeʼmo muki agufafi yaʼamo haneʼnigeno alagepa huno neʼmaiye. Agaemo muki haopalegamo maiʼnenoʼaeʼmo muki yateʼe vayaʼaiteʼeʼmo yagaino neʼapateya vekamo maiʼniye.

Efasasi 4:16

Agufafi alu ya alu yaʼamo alagepa huno haneʼnigeno aeno hapaiʼniya yaʼmoʼa atafauno ateʼnigeno magokepi lokaeno haneʼniye. Agufafi alu ya alu yaʼamoʼa aliʼyaʼmo neʼaligenoʼaeʼmo agufamo ko nesiye. Ani kava huta magokepi lokaeta maiʼnetaeʼmo lahau layamopafiʼmo nelahaigetaeʼmo magokepi ko nesune.

Efasasi 4:29

Alino hosu huno apatesiya agufa gemo osutapa hapa maesiya agufa gemo lokiya vaino apatesiya gemo alagepa huʼa oʼafiʼnisaya gemo hapa paigenoʼao alino alagepa huno apateno.

Efasasi 4:4

Kalaisi agufaʼamo maiʼnonagenoʼaeʼmo magoke agufamo haneʼniye. Magoke Aunemeʼamo maiʼniye. Magoke kavafekeʼmo agava neʼmaune. Gotiʼa keya aeno ge huʼnigetaeʼmo ani magoke kavafekeʼmo agava maiʼneta lavayagunagu nehune.

Kolosi 1:24

Nagaemo lapakaetefeʼmo kana yaʼmo neʼaluvaʼmofeʼmo namogaga neʼauve. Kalaisiʼa kana yaʼmo aliʼniya kava huʼna agufalefeʼmo kana yaʼmo neʼaluve. Kalaisi agufaʼamo agaiʼa siosi vayaʼamae. Goti mafaʼneʼamogi kanamo neʼaliya aliʼyaʼapimo hano osuʼniye. Nagaemo kana yaʼmo neʼaluva hetamaʼnimo aliʼna hapa maegauve.

Kolosi 1:28

Lagaemo muki vayaʼamo apavalelita uta apatesunageʼa Goti aulagaleʼmo Kalaisipiʼmo maiʼneʼa uʼa haiʼa hapaisayafeʼmo muki vayaʼaifeʼmo Kalaisife ava gemo aeta hakalo huta hapa nepaune. Lagaemo alagepa huta lagesamo afiʼnetaeʼmo muki vayaʼaifeʼmo hutaeʼmo, ehetapiye, huta huge muki vayaʼaina alita apaya malege huta neʼmaune.

Kolosi 4:17

Lapakaemo Akipasifeʼmo Ala kava neʼmoʼa kamiʼniya aliʼyakamo alika hano huvo, hutapa ha paiyo.

1 Timoti 1:12

Ala kava netimo Kalaisi Yesuʼa nagaefeʼmo agesamo afinoʼaeʼmo, aliʼyaʼnimo oʼataleno muki afinaʼmo alagepa huno aliʼyaʼmo aligiye, huno huteno lokiya vaino nateteno aliʼyaʼaleʼmo navaleno nateʼniyaʼmofeʼmo hao ke nehove.

2 Timoti 4:11

Lukiʼa agaiʼageʼmo nagaeʼeʼmo lokaeno maiʼniye. Makiʼa Goti aliʼyaʼmo neʼalinoʼaeʼmo alagepa huno naha maegaiyanagi avalelika eno.

2 Timoti 4:5

Afigayaʼmonanafa kagaemo muki afinaʼmo alagepa huka kagesamo afiteka kagaikaleʼmo alagepa huka yagaika kato. Hanageke yaʼmo neʼalikaeʼmo oʼataleka atafauka alagi huka maiyo. Uʼeʼa huʼa alagepa faigoko gemo aeʼa hakalo huʼa hapa nepaiya vayaʼmogi neʼaliya agufa aliʼyaʼmo lokiya vaika aliyo. Goti aliʼyaʼamo neʼalina aliʼyakamo muki agufa kavaʼalefeʼmo aliyo.

Himulu 13:17

Lapakaemo yagaiʼa nelapataya vayaʼai apaiyafiʼmo maiʼnetapa geʼapimo afiyo. Apakaemo lapakupi mafaʼneleʼmo yagaiʼa neʼataya aliʼyaʼapilefeʼmo Gotifeʼmo ha paigae. Geʼapimo afigenoʼao apaipamoʼmo kana osuʼnisigeʼa apamogaga aiʼa aliʼyaʼmo aliyo. Apaipamoʼmo kana hisiya kavaʼmoʼa lapa oʼmaegaiye.

Himulu 6:1

Lagaemo agava maiʼnona vekamo Kalaisi vekaeʼmo ava gemo aepa faita afiʼnona gemo afiʼnone. Aepa faita afiʼnona gemo haneʼniyana lokiya ovaiʼniya kavatefeʼmo lapaipamo alita afe leyo, huʼa huʼnageta afige Gotifeʼmo lapakesamo afita fatago hiyo, huʼa huʼnageta afige sese nehaya kavafeʼmo aliʼa laya maleʼnageta afige aliʼa apaya neʼmalaya gemo afige faliʼnaya vayaʼmo he tisaya kavafeʼmo ava gemo afige agoti huno apatesiya kavafeʼmo ava gemo afige huʼnone. Ani aepa faita afiʼnona gemoʼmo noʼmo faiʼa neʼataya yakana huno haneʼniye. Fiku yanageta halate alita faita ategaunanagi ataleta uta haita hapaigetao.