Efasasi 4:10 - The Keyagana NT and 25 OT books

¹⁰ Eno emineteno uno lamiʼniya vekamoʼmo agaiʼamo muki vayaʼmo lusi kava huno fikumo hapa maeno apamisiyafeʼmo kokuʼnapiʼmo aeno agaseno uno haiʼniye.

Efasasi 4:10 ပူးပေါင်းရင်းမြစ်များ

Matiyu 24:34

Lama ge lapa nepauve, huno, hemenimo muki maiʼnaya vayaʼmo ofaliʼnisageno muki mani agufa kavaʼmo afole aigiye.

Luki 24:44

Netenoʼaeʼmo, mani kavafeʼmo lapakaeʼeʼmo maiʼneʼnaeʼmo ago lapa paiʼnaeʼmo, muki kavafeʼmo nava gemo huʼa avoʼmo kae maleʼnaya gemo afole aigiye. Moseseʼa avoʼmo kae maleʼniya nava gegi Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya nava gegi Samu mukufiʼmo avoʼmo kae maleʼnaya nava gemogi huno afole aino,

Yoni 1:16

Muki alagepa yaʼamo fiku laha maeno lamisiya yaʼamo agae aipafiʼmo havai teʼniya yaʼmo ani kava huno fiku laha maeno lamiteno halate magoʼe huno laha maeno lamiʼnigeta ago aliʼnone.

Yoni 19:24

alita apake oʼaigetao, huteʼa yokalo lesunageno aeno lagasesiya vekamoʼa ani siotimo aligiye, huʼa huʼnae. Goti mukufiʼmo hu maleʼniya gemo afole aisiyafeʼmo ani kavaʼmo huʼnae. Ani gemoʼmo hunoʼaeʼmo, Kukenaʼnimo aliʼa fako huʼa magoke magoke huʼa aliʼnae. Yokalo leteʼa mago aeno apakaseʼniya vekamoʼa yatala kukenaʼnimo aliʼniye, huno huʼniye.

Yoni 19:28

Yesuʼmo agesa afinoʼaeʼmo, muki aliʼyaʼnimo ago aliʼna hano huʼnove, huno agetenoʼaeʼmo Goti mukufiʼmo huʼniya gemo alino afole aino atesiyafeʼmo ina gemo hunoʼaeʼmo, anifeʼmo neʼnahaiye, huno huʼniye.

Yoni 19:36

Goti mukufiʼmo hu maleʼniya gemo aliʼa afole aiʼa atesayafeʼmo ani kavaʼmo huʼnae. Mago gemoʼmo hunoʼaeʼmo, magoke ayamufamo aiʼa lo oʼaegae, huno huʼniye.

Apa 1:11

Maiʼneʼanaeʼmo, Galeliya vayane, huʼana, Na kava higetapaeʼmo kokuʼnapiʼmo aulu nehae. Ani vekamo Yesuʼa lapakae folagapatiʼmo Gotiʼa kokuʼnapiʼmo avalelino uno haiʼnigetapa ageʼnaya kava huno halate eminegaiye.

Apa 1:9

Gotiʼa kokuʼnapiʼmo avalelino uno haino hiyapiʼmo faleʼnigeʼa ageʼnageno uno haino faleʼniye.

Apa 2:33

Gotiʼa ago alino he tino ateteno kokuʼnapiʼmo avalelino uno haino lamaga haopaleʼmo ateʼnigeno maiʼniye. Muki yaʼmo Afoʼamoʼmo hogoteno, kamiguve, huno ha paiʼniya Aunemeʼamo ago amiʼnigeno Yesuʼa Goti Aunemeʼamo aniʼmo lakigekana huno alino ateʼnigeno emineʼnigetapaeʼmo hemenimo lapakaemo ani afole aiʼniya kavaʼmo ago agetetapa afiʼnae.

Apa 3:18

Amagiʼnayaʼmonanafa Gotiʼa akeyaʼvilaga agaetegati gemo alini eʼa aeʼa hakalo huʼa hapa nepaiya vayaʼmo muki agaiʼa vayaʼai apavayafatiʼmo hunoʼaeʼmo, Kalaisi vekamo agafu kisigeno faligiye, huno huʼniya gemo hemenimo ago afole aiʼniye.

2 Kolitiyani 12:2

Nagaemo mago Kalaisipiʼmoʼmaiʼniya vekamo ageʼnove. Akeyaʼvilaga fotiniʼa kafugamo Gotiʼa ani vekamo avalelino uno haino napa tali kokuʼnapiʼmo ateʼniye. Agufafiʼmo maiʼnifi oʼmaiʼnifi huʼna oʼageʼnovana Gotiʼa ageʼniye.

Efasasi 3:19

Muki alagepa yaʼageʼmo kaipafiʼmo havai teʼniya agufa kava huʼa kagaekana huʼa maisayafeʼmo alagi oʼagesaya agufa kavaʼmo Kalaisiʼa hau ayamopafiʼmo hauʼniya kavaʼmo ageyo, huʼna nunumuʼmo huʼna nelapatove.

Kolosi 1:19

Gotiʼa muki agaiʼa aipa agesamo Kalaisi aipafiʼmo alagi hanesiyafeʼmo hauʼniye.

Kolosi 2:9

Muki Goti aipa agesamo Kalaisi aipa agesafiʼmo alagi lama ge huno hanege hanege huno nehane.

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

Himulu 4:14

Yesuʼa Goti Mafaʼneʼamo hogote ala vekatimo mono huno nelateya vekamo maiʼnenoʼaeʼmo uno haino kokuʼnaʼmo aeno agaseno Gotitegamo uno haino maiʼniyaʼmofeʼmo lagesamo afita fatago huteta aeta hakalo huta hapa nepauna geleʼmo atafauta alagi huta maigetao.

Himulu 7:26

Inagi Yesuʼa ani hogote vekamo mono huno nelateya vekamo maiʼniyaʼmofeʼmo afaʼa laha maegaiye. Agaemo Gotitegamo alagepa kavaʼmo huge vayaʼaitegamo hosu kavaʼmo osuge hosu kavaʼamo ohanege huʼnigeno ma mopafi vayakana huno oʼmaiʼnifa aote vekamo maiʼniye. Gotiʼa kokuʼnapiʼmo alino asaga huno ateʼnigeno kokuʼnapi neʼmaiya vayaʼmo ago aeno apakaseno maiʼniye.

Himulu 8:1

Inagi mani avoʼmo nekaona gemo aepaʼamo haneʼniyana agaemo ani agufa hogote vekamo mono huno nelateya vekamo maiʼniye. Agaemo ala kini vekamo yagaino neʼapateya siyaʼaleʼmo lamaga haopaleʼmo kokuʼnapiʼmo fai maiʼniye.