Efasasi 3:21 - The Keyagana NT and 25 OT books

²¹ Siosi vayaʼamogitamo muki kafugaʼae kafugaʼaeʼmo agiʼaleʼmo alita asaga huge huge huta maigetao. He, lama ge.

Efasasi 3:21 ပူးပေါင်းရင်းမြစ်များ

Samu 115:1

O Ala kava nene, huta, Kagaemo lagitilefeʼmo ha le konali lagitimo olamika kagikalefeʼmo ha le konali kagikamo aliyo.

Samu 72:19

Ha le konali agiʼaleʼmo muki afinaʼmo aliʼa asaga hiyo. Ala agiʼamoʼmo muki ma mopafiʼmo aino atagu faeno uneno hisigeʼa muki vayaʼmogimo agiʼaleʼmo aliʼa asaga hiyo. He, lama ge, lama ge.

Aiyeya 42:12

Apategeʼapao afagi kotega maiʼnaya vayaʼmogimo hale konali agiʼamo amige ala agiʼaleʼmo aliʼa asaga huʼa atege hiyo.

Aiyeya 6:3

Mago enisole vekamoʼmo alu enisole vayaʼaifeʼmo hunoʼaeʼmo, Ala kava neʼmoʼa asole vayaʼaiteʼmo yagaino neʼapateya vekamo aote vekamo maiʼniye, aote vekamo maiʼniye, aote vekamo maiʼniye. Ha le konali yaʼamoʼmo muki ma mopafiʼmo aino atagu faeno uneno huno havai teʼniye, huno hapa paiʼnigeʼa alu enisole vayaʼmogi afiteʼa ani gemo huʼa hapa paige huʼnae.

Matiyu 6:13

Lamalageka hisiya kavategamo lavalelikuka olateka hosu kavategatiʼmo alika atagineka lategeta eno. Kagaika himamukaletiʼe ha le konali yakaletiʼeʼmo yagaika neʼapatane. He, lama ge.

Luki 2:14

Gotiʼa aeno apakaseʼniya vekamo hogote vekamo agiʼaleʼmo alita asaga higetao. Gotiʼa amuse huno neʼapateya vayaʼai apaipamoʼmo falu hino, huʼa huteʼa apataleʼa kokuʼnapiʼmo uʼa haiʼnae.

Lomu 11:36

Gotiʼa muki yaʼmo afoʼamoʼmo maiʼnigeno muki yaʼamo agaetetikeʼmo afole neʼaiye. Muki yaʼamo agaetetiʼmo hemenimo haneʼnigeno yagaino neʼate. Agaiʼalefeʼmo muki vayaʼe yaʼeʼmo afole aiʼnae. Muki vayaʼmogimo muki afinaʼmo agiʼaleʼmo aliʼa asaga huge huge huʼa maiyo. He, lama ge.

Lomu 16:27

Agaemo magoke Gotiʼa agaiʼageʼmo muki yaʼamo ageno aeto huʼniya vekamo agiʼaleʼmo Yesu Kalaisitetiʼmo aliʼa asaga hume hume uʼa aliʼa asaga huʼa hano osuʼa aliʼa asaga hiyo. He, lama ge.

Galesiya 1:5

Goti agiʼaleʼmo muki afinaʼae afinaʼaeʼmo alita asaga huge huge huta maigetao.

Efasasi 1:6

Fikumo laha maeno lamiʼniya ha le konali yaʼamo alino apave lisigeʼapaeʼmo ageteʼa agiʼaleʼmo aliʼa asaga huʼa atesayafeʼmae. Agaemo hau ayamopafiʼmo hauʼniya mafaʼneʼaletiʼmo ani kavaʼmo huno fikumo laha maeno lamiʼniye.

Efasasi 2:7

Gotiʼa lusi kava huno fikumo laha maeno lamiʼniya kavaʼamo kagemi yaʼagana huno haneʼnigeno Kalaisi Yesutetiʼmo agaiʼa aipamo alino ao yaʼmo hu maleʼniya kavaʼmo alino apave lisigeʼapaeʼmo afole aisiya afinaʼmo ageʼa maigae.

Efasasi 4:1

Inagi nagaemo Ala kava netefeʼmo kalavusi huʼneʼnaeʼmo, Gotiʼa alagepa kavaʼmo hutapa maisayafeʼmo keya aeno ge huʼniya agufa kavaʼmo hutapa maiyo, huʼna aliʼna he tiʼna nelapatove.

Filipai 2:11

Yesu Kalaisiʼa Ala kava neʼmo maiʼniye, huʼa huteʼa afotimo Goti agiʼaleʼmo aliʼa asaga hugae.

Filipai 4:20

Afotimo Goti agiʼaleʼmo muki afinaʼae afinaʼaeʼmo alita asaga hulita vigetao. He, lama ge.

2 Timoti 4:18

Inagi Ala kava neʼmoʼa muki hosu kavapatiʼmo nagufamo alino katino nateteno kokuʼnapiʼmo yagaino neʼapateya koteʼmo navalelino uno haino nategaiye. Muki afinaʼmo ha le konali agiʼamo alagi hanege hanege huno haneno. He, lama gemae.

Himulu 13:21

Muki alagepa kavafeʼmo kahauʼnisiya kavaʼmo hisayafeʼmo alagi alika alagepa huka apato. Yesu Kalaisitetiʼmo apaipafiʼmo aliʼyaʼmo aligeʼapao kahauʼnisiya kavaʼmo hiyo. Kagikaleʼmo alita asaga huta katesunageka ala kagi vekamo maige maige huka maiyo. He, lama ge.

1 Pita 2:5

Lapakaeʼeʼmo afaʼa maisaya yafakana huta maiʼnagenoʼaeʼmo Gotiʼa lapakaetetiʼmo Goti Aunemeʼamo maisiya noʼmo kime kime neʼe. Lapaote vayaʼmo maiʼnetapa lapaipafatiʼmo Gotiʼa amuse huno lapatesiya ofalinimo Yesu Kalaisitetiʼmo Gotiʼa amisayafeʼmo mono hutapa neʼapataya vayaʼmo maiʼnae.

1 Pita 5:11

Agaemo muki afinaʼae afinaʼaeʼmo hale konali yaʼmo alige yagaino apatege huno maige maige huno maino. He, lama ge.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.

Yuti 1:25

Ha le konali yaʼamo hanege ala agiʼamo hanege himamuʼamo hanege huʼnisigeno hemenimogi muki afinaʼmogi huno yagaino lapatege lapatege huno yagaino lapateno. He, lama ge.