Efasasi 3:20 - The Keyagana NT and 25 OT books

²⁰ Lagaemo agaefeʼmo ge hutaeʼmo, ani kavaʼmo huvo, huta afi nekona kavaʼmo agaemo afaʼa hugiye, huta lagesamo neʼafuna kavaʼeʼmo afaʼa hugiye. Afaʼa magoʼe huno ge huta afi nokona kavaʼe lagesamo noʼafuna kavaʼeʼmo laipafiʼmo aliʼyaʼmo neʼaliya himamuʼaletiʼmo magoʼe huno afaʼa hugiye.

Efasasi 3:20 ပူးပေါင်းရင်းမြစ်များ

Aepa Gemae 17:1

Emalemiʼa naeti naeniʼa kafugamo maitegenoʼaeʼmo Ala kava neʼmo agaetegamo afole aiʼniye. Afole aitenoʼaeʼmo, Nagaemo Gotiʼnamo muki himamu lokiyaʼnimo haneʼniyanagi naulagaleʼmo vaiʼmo oʼalisana kavaʼmo huka maiyo.

Aepa Gemae 18:4

Kahaoke hove. Nagaemo aniʼmo hefiliʼneʼna lapaiyamo sese huʼna lapatetenagetapa yosa aepafiʼmo maitapa haga legae.

Hatu maeno apate'niya gemae 34:6

Ala kava neʼmo Mosese aulagaleʼmo neʼunoʼaeʼmo, Nagaemo Ala kava neʼmo Gotiʼnamae nagaemo Ala kava neʼmo Gotiʼnamae. Nagaemo nahau nayamopafiʼmo nahauge fikumo hapa maeʼna apamige malage huʼna naipamo leʼna oʼapatege lusi kava huʼna nahau huʼna apatege geʼnimo akame huge huʼna neʼmauve.

Salomoni Yokemae 5:1

Nasaʼnimogamo aʼnimogae, huʼna, Nagaemo hoyaʼnilegamo ago eʼna alagepa atumo neʼaiya yaʼmo agiʼamo meyaʼe mago alagepa atumo neʼaiya yaʼeʼmo aliʼna anupa huʼnove. Nagaemo lumemo anoʼaʼe anuʼaʼeʼmo neʼnove. Nagaemo nuʼanuʼe nofi alagafati aniʼeʼmo neʼnove. Nao vayaʼnimogitapae, huʼna, alitapa neyo. Nahau nayamopafiʼmo neʼnahaiya vayaʼnimogitapae, huʼna, He, aniʼmo netapa lapamu hiyo.

Aiyeya 35:2

Ani kotega muki kahaumoʼmo ausemo hesigeno amogaga aigiye. Amogaga aige yokemo huge huno hanegaiye. Lemanoni aveleʼmo ha le konali yaʼamo haneʼniya kava huno ha le konali yaʼamo afole aigiye. Kamo koʼe Saloni koʼeʼmo alagi kanale kotalaʼmo haneʼniya kava huno hau huʼniya koʼmo alagi kanale koʼmo alino hamalegaiye. Muki vayaʼmogi ani kavaʼmo ageteʼapaeʼmo Ala kava neʼmo Gotitimoʼmo kanale ha le konali yaʼaʼe kanale alagepa kavaʼaʼeʼmo agegae.

Aiyeya 55:7

Hosu kavaʼmo nehaya vayaʼmogi hosu kavaʼapimo atalege fatago kavaʼmo nosaya vayaʼmogi apakesamo neʼafiya kavaʼapimo atalege huteʼa Gotitimoʼmo Ala kava netegamo aiʼa atagineʼa eyo. Ala kava neʼmoʼa hau huno apateteno alopa kavaʼmo hunoʼaeʼmo, afaʼa ateyo, huno hapa paigiye.

Neniyo 3:17

Kagaemo huʼnana agufa kavaʼmo lagaetegamo hisanaʼmoʼmo aliʼyaʼamo neʼaluna Gotitimoʼa alopa sitopufiʼmo neleya atafatiʼmo lagufamo afaʼa alino katino lategaiye. O kini vekae, huta, kayapatiʼmo lagufamo afaʼa alino katino lategaiye.

Neniyo 6:20

Agaemo uno kelileʼmo avaʼyi nehunoʼaeʼmo hausoli huʼnigeno ge hunoʼaeʼmo, Neniyo, huno, muki afinaʼmo neʼmaiya Goti aliʼyaʼamo neʼalina vekamogae, Gotikamoʼmo laiyoni anagaʼmogi apavayafatiʼmo kagufamo ago alino katino kateʼnifiye, huno huʼnigeno

Matiyu 3:9

Lapakaemo hutapaeʼmo, Emalehamuʼa lagaiti laginago vekatimo maiʼniye, hutapa lapakesamo oʼafiyo. Gotiʼa mani yafapatiʼmo Emalehamu aginagoʼamo afaʼa alino hamaleno apategaiye.

Yoni 10:10

Kumayaʼmo neʼaliya vekamoʼa kumayaʼmo alige sipisipimo apamagige alino hosu huno apatege hisiyafekeʼmo neʼe. Nagaemo sipisipimo magoʼe huʼa alagepa huʼa maige maige huʼa afaʼa maisayafeʼmo emiʼneʼnove.

Lomu 16:25

Gotiʼa nagaemo aeʼna hakalo nehuva alagepa faigoko geʼaletiʼe Yesu Kalaisifeʼmo ava gemo aeʼa hakalo nehaya geʼaletiʼeʼmo afaʼa alino lokiya vaino lapategaiye. Ma mopamo alo huʼniya afinatetiʼmo ani gemo fala kino haneme haneme eʼniyaʼmonanafa

Lomu 4:21

Agaemo Gotiʼa, huguve, huno huʼniya polomasi geeʼmo lokiya vaino magoke agesamo afiʼnenoʼaeʼmo, ani kavaʼmo afaʼa hugiye, huno huʼniye.

1 Kolitiyani 2:9

Apakaemo oʼafiʼnayaʼmonanafa avoʼmo kae maleʼniya gemoʼa hunoʼaeʼmo, Gotiʼa agaefeʼmo hapau apayamopafiʼmo hapauʼniya vayaʼmogi alisayafeʼmo muki vayaʼmo alo huno apateʼniya yaʼmo apaulagafatiʼmo oʼagege apakesafatiʼmo oʼafige apaipafiʼmo afole oʼaige huʼniya yaʼmo haneʼniye, huno huʼniye.

2 Kolitiyani 9:8

Gotiʼa magoʼe huno fikumo lapa maeno lapamisigeno muki afinaʼmo muki yatapimo magoʼe huno havai teʼnisigetapa muki alagepa aliʼyaʼmo afaʼa aligae.

Efasasi 1:19

Kagaemo lagaetegamo lusi kava huka aeno apakaseʼniya lokiyakaletiʼmo lokiya kavaʼmo huʼnananageka hemeniʼeʼmo nehane. Lokiyakaletiʼmo lokiya kavaʼmo huka Kalaisi agufafiʼmo kayamukiki huka aliʼyaʼmo aliteka faliʼniyatetiʼmo ago alika he tika ateteka lamaga kahaopaleʼmo avalelika uka haika ateʼnana kavaʼmo huka laipafiʼmo ani agufa lokiya kavaʼmo huka aliʼyaʼmo aliʼnanageta lagesamo afita fatago nehune. Mani lokiya kavaʼmo alika apave liyo, huʼna nunumuʼmo huʼna nelapatove.

Efasasi 3:7

Inagi Poloʼnamo mani alagepa gelefeʼmo aliʼyaʼamo alisuvafeʼmo Gotiʼa fikumo naha maeno namiteno himamuʼaletiʼmo naipafiʼmo aliʼyaʼmo aliʼnigeʼna aliʼyaʼamo neʼaluve.

Kolosi 1:29

Nagaeʼeʼmo mani kavaʼmo afole aisiyafeʼmo Kalaisi ayamufaʼaletiʼmo naipafiʼmo lusi kava huno aliʼyaʼmo neʼaligeʼnaeʼmo ayamufaʼaletiʼmo naya mukiki huʼna aliʼyaʼamo neʼaluve.

1 Timoti 1:14

Ala kava netimoʼa lusi kava huno fikumo naha maeno namiʼnigeʼna Kalaisi Yesupiʼmo maiʼneʼnaeʼmo nagesamo afiʼna fatago nehuʼnaeʼmo nahau nayamopafiʼmo nahauʼniye.

Himulu 11:19

Agaemo hunoʼaeʼmo, Gotiʼa himamuʼaletiʼmo falisiya kavapatiʼmo afaʼa alino he tino ategaiye, huno agesamo afitenoʼaeʼmo aune kavaʼmo huno faliʼniyatetiʼmo halate avaleʼniye.

Himulu 7:25

Agaemo muki afinaʼmo nunumuʼmo huno apatesiyafeʼmo alagi maige maige huno neʼmaiyaʼmofeʼmo agaiʼaletiʼmo Gotitegamo neʼaya vayaʼai apakufamo alagi alino katino apateteno apakaetefeʼmo aliʼyaʼamo afaʼa alino hano huno hugiye.

Yemisi 4:12

Keʼaepa gemo apamiʼniya vekamo magoke vekamo maiʼniye. Agaemo apakufamo afaʼa alino katino apatege alino apagoʼya lagauno apatalege hugiye. Lapakaemo alita fako hutapa apatesayafeʼmo nehisayana lapakaemo ina lagitapamo maiʼnae.

2 Pita 1:11

Gotiʼa ani kavatetiʼmo lusi kava huno lapa maeno lapamiteno kitamo yakino lapatesigetapa Ala kava netimo lagufamo alino katino nelateya vekatimo Yesu Kalaisiʼa yagaino apatesiya koteʼmo hanege hanege huno hanesiya koteʼmo uta haitapa maigae.

Yuti 1:24

Laha neʼmaeya Gotiʼa agaiʼageʼmo ageteno afiʼniya vekamo agiʼaleʼmo alita asaga huta ategetao. Agaemo alagi asagauta oʼaisayafeʼmo lapatafauno maigiye. Ha le konali vekamo aulagaleʼmo afaʼa lapavalelino esigenoʼaeʼmo vaiʼmo olapamisigetapa lusi kava hutapa lapamogaga aita maigae.