Efasasi 2:7 - The Keyagana NT and 25 OT books

⁷ Gotiʼa lusi kava huno fikumo laha maeno lamiʼniya kavaʼamo kagemi yaʼagana huno haneʼnigeno Kalaisi Yesutetiʼmo agaiʼa aipamo alino ao yaʼmo hu maleʼniya kavaʼmo alino apave lisigeʼapaeʼmo afole aisiya afinaʼmo ageʼa maigae.

Efasasi 2:7 ပူးပေါင်းရင်းမြစ်များ

Samu 106:48

Isaleli vayaʼai Gotiʼapimo agiʼaleʼmo alita asaga hiyo. Hemenimo agiʼaleʼmo alita asaga hutetapa muki afinaʼaeʼmo agiʼaleʼmo alita asaga hiyo. Muki vayaʼamogitapamo he, lama ge hutapa hiyo. Agiʼaleʼmo alita asaga hiyo. Gotiʼa hosu kavategatiʼmo apakufamo alino katino neʼapateya kavafeʼmo huʼniya gemae.

Samu 41:13

Ala kava neʼmo Isaleli vayaʼai Gotiʼapimoʼmo akeyaʼvilagamo maige hemenimo maige muki afinaʼaeʼmo maige huno aulena Gotiʼa maino.

Aiyeya 60:15

Yulusalemuo, huʼna, kagaefeʼmo apaini huteʼa kataleʼa uʼnayaʼmofeʼmo vayaʼmo kakaleʼmo uʼeʼa osuʼnae. Osuʼnayaʼmonanafa nagaemo hanege hanege huno hanesiya kanale hogote taonimo aliʼna hamaleʼna katesugeʼa muki kafugaʼae kafugaʼaeʼmo vayaʼmogimo kagaefeʼmo apamogaga aigae.

Lomu 2:4

Gotiʼa kagemi yaʼagana huno maleʼniya yapatiʼmo kagaetegamo lusi alagepa kavaʼmo huteno malage huno aipamo leno okateno yatala afinaʼmo afaʼa nekateyaʼmonanafa alagepa huka kagesa oʼafiʼneka afa kavane, huka kagesamo neʼafipiye. Gotiʼa kaipamo alika afe lesanafeʼmo kagaetegamo alagepa kavaʼmo nehiye, huka oʼafiʼnapiye.

Efasasi 1:7

Kalaisipiʼmo maiʼnonagenoʼaeʼmo Gotiʼa lusi kava huno fikumo hapa maeno neʼapamiya kavaʼamo mago kagemi yaʼagana huno maleʼniya kavatefeʼmo Yesu kolaʼaletiʼmo miya faino hatu maeno lateʼniya hosu kavatieʼmo afaʼa ateyo, huno laha paiʼniye.

Efasasi 2:4

Maiʼnonaʼmonanafa kagemi yaʼapiʼe vayaʼmogimo alopa kagemi yaʼapimo haneʼniya kava huno Gotiʼa hau huno neʼapateya kavaʼamo kagemi yaʼagana huno haneʼniya vekamoʼmo lagaefeʼmo hau ayamopafiʼmo hauʼniye.

Efasasi 3:21

Siosi vayaʼamogitamo muki kafugaʼae kafugaʼaeʼmo agiʼaleʼmo alita asaga huge huge huta maigetao. He, lama ge.

Efasasi 3:5

Gotiʼa hogoteno akeyaʼvilagamo muki ma mopafi vayaʼmo alino apave oliʼniyaʼmonanafa hemenimo Aunemeʼaletiʼmo laote apa vayaʼamogita Gotitegati gemo alinita eta aeta hakalo huta hapa nepauna vayaʼmo ago alino lave liʼniye.

2 Tesaloniyani 1:12

Na kava hisayafeʼmae. Gotiʼe Ala kava neʼmo Yesu Kalaisiʼeʼmo fikumo lapa maeʼana lapamiteʼana lapaipafiʼmo aliʼyaʼmo alisaʼageʼapaeʼmo vayaʼmogi ani kavaʼmo ageteʼapaeʼmo Ala kava netimo Yesu Kalaisi agiʼaleʼmo aliʼa asaga huʼa atesayafeʼmae. Ani kavaʼmo hisageʼa Kalaisitetiʼmo lapakitapileʼmo aliʼa asaga huʼa lapategae.

Taitasi 3:4

Ani agufa kavaʼmo hume hume neʼonagenoʼaeʼmo lagufamo alino katino nelateya vekamo Gotiʼa alino ao yaʼmo huteno ma mopafi vayaʼaifeʼmo hau ayamopafiʼmo hauʼniya kavaʼamo laulagaleʼmo ago alino afole aino ateʼnigeta ageʼnone.

1 Pita 1:12

Gotiʼa hunoʼaeʼmo, lapakaitapilefeʼmo ani aliʼyaʼmo noʼalifa henagaʼamo afole aisaya vayaʼaitefeʼmo ani aliʼyaʼmo neʼaliye, huno hapa paiʼniye. Hemenimo apa vayaʼmogita Aote Aunemeʼamo kokuʼnapatiʼmo alino ateʼnigeno emineʼniya Aunemeʼamo himamuʼaletiʼmo mani alagepa faigoko geʼamo lapa nepaune. Enisole vayaʼmogiʼeʼmo ani kavaʼmo aepaʼamo agesayafeʼmo nehapaiye.