Efasasi 2:3 - The Keyagana NT and 25 OT books

³ Mukiʼamogitamo apakaekana huta maiʼnogeno lagufamoʼe lagesamoʼeʼmo lahaʼye huʼnigetaeʼmo lagufamoʼmo hauʼniya kavaʼmo huge hosu kavafeʼmo lagesamo afita akame huge huʼnone. Itatimogi aliʼa lateʼnagetaeʼmo muki ma mopafi vayakana huta hosu laipamo alita maiʼnonaʼmofeʼmo Gotiʼa aipamo leno nelateyanageno kayoʼmo lamisiya agufa kavaʼmo huta maiʼnone.

Efasasi 2:3 ပူးပေါင်းရင်းမြစ်များ

Aepa Gemae 5:3

Atamuʼa vani hataleti tetiʼa kafugamo maiteno ve mafaʼnemo agaiʼagana huno alino atetenoʼaeʼmo agiʼamo Setiʼae huno ateʼniye.

Aepa Gemae 6:5

Ani afinaʼmo Ala kava neʼmoʼa ma mopafi ve aʼnemogi hosu kavaʼapimo ageyana alagi alopa hosu kavaʼmo haneʼnigeno ageʼniye. Muki vayaʼmogimo muki apaipa apakesamo neʼafiya yaʼapifiʼmo hosu kavaʼageʼmo muki afinaʼae afinaʼaeʼmo hanelino hanelino usiya agufa kava huʼnigeno ageʼniye.

Aepa Gemae 8:21

Kaeʼnigeno ani ofalinimoʼmo haga atumo ailino uno haiʼnigeno Ala kava neʼmoʼa atuʼamo afitenoʼaeʼmo aipafiʼmo agesa afinoʼaeʼmo, halate magoʼe huʼna geʼniletiʼmo vayaʼai kavatefeʼmo mopamo aliʼna hosu huʼna oʼategauve. Muki vayaʼmo aise mafaʼnemo maiʼnaya afinatetiʼmo muki apaipa apakesa neʼafiya yaʼapifiʼmo alagi hosuʼniyaʼmofeʼmogeʼna hemenimo huva agufa kavaʼmo halate magoʼe huʼna muki apauneʼapameʼe yaʼmo aliʼna hano huʼna oʼapatalegauve.

Samu 51:5

Vae, huʼna, itaʼnimoʼmo nagae aipaguʼeʼmo aepa faiʼniya afinaʼmo hosu kavapiʼmo maiʼnove. Itaʼnimo aipafiʼmo maiʼneʼnaeʼmo hosu mafaʼnemo maiʼnove.

Aiyeya 53:6

Lagaemo sipisipigana huta maiʼneta alagepa kaʼmo ataleta atagu faeta uteta huta maiʼnone. Lagaemo ataleta lahauʼniya kateʼmo lamete lamete huta uʼnone. Inagi Ala kava neʼmoʼa mukiʼamogita hosu kavatimo alino anupa huno agaeteʼmo maleʼniye.

Yoni 1:13

Apakaemo itaʼapi afoʼapimogi kolatetiʼmo aliʼa oʼapatege apakaiʼapi hapauʼnigeʼa aliʼa oʼapatege alu vayaʼmogi hapauʼnigeʼa aliʼa oʼapatege huʼnayaʼmonanafa Gotiʼa agaiʼamo hauʼnigeno alino apateʼnigeʼa mafaʼneʼamo ha maleʼnae.

Yoni 8:44

Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.

Apa 14:16

Akeyaʼvilagamo muki afinaʼmo Gotiʼa afaʼa apakeno apataleʼnigeʼapaeʼmo apakaiʼapimo hapauʼniya kavaʼmo huʼnayaʼmonanafa

Lomu 1:24

Huʼnayaʼmofeʼmo Gotiʼa hosu kavaʼmo hisayafeʼmo magoʼe huno apatafauno oʼmaino afaʼa apakeno apataleʼnigeʼapaeʼmo hapauʼniya kavaʼmo huʼa kumai kavaʼmo huʼnae. Apavagage hisiya agufa kavakeʼmo huteʼa apakaiʼapi apakufamo aliʼa hosu huʼa atege vayaʼai apakufamo aliʼa hosu huʼa apatege huʼa maiʼnae.

Lomu 11:30

Lapakaemo mago afinaʼmo Goti geʼamo oʼafiʼnaya kava huʼa hemenimo Yu vayaʼmogi Goti geʼamo noʼafiyaʼmofeʼmo Gotiʼa lapakaefeʼmo hau huno lapateʼniye.

Lomu 13:14

Lapakaemo lapakufamoʼmo hauʼniya kavaʼmo afole aisayafeʼmo alo osutapa Ala kava netapimo Yesu Kalaisikeʼmo kukenagana hutapa alita vaiyo.

Lomu 2:14

Yu nofi vayapatiʼmo oʼmaiʼnaya vayaʼmogimo keʼaepa geʼamo oʼaliʼnayaʼmonanafa keʼaepa geʼamo akame nehagetaeʼmo, Goti keʼaepa geʼamo apaipafiʼmo haneʼniye, huta apakeʼnone.

Lomu 5:10

Goti kameʼamo maiʼnonagenoʼaeʼmo mafaʼneʼamo faliʼniya kavatetiʼmo alino ao yaʼmo hu maleʼniyaʼmofeʼmo ao vayaʼmo maiʼnonagenoʼaeʼmo mafaʼneʼamo he tino afaʼa maiʼniya himamuʼaletiʼmo magoʼe huno lagufamo alino katino lategaiye.

Lomu 5:9

Gotiʼa kolaʼamo aino lakino lateʼniya kavatetikeʼmo, naulagaleʼmo fatago vayaʼmo maiʼnae, huno laha paiʼniyaʼmofeʼmo Gotiʼa aipamo leno nelateya kayoʼmo lamisiya kavategatiʼmo magoʼe huno laha maeno lagufamo alino katino lategaiye.

Lomu 6:12

Lapakaemo ani kava hutapa neʼmaiyaʼmofeʼmo hosu kavaʼmo afaʼa ateʼnigenoʼa nefaliya lapakufaleʼmo yagaino olapateno. Fikumo yanagetapa lapakufamoʼmo hauʼniya kavaʼmo hugae.

Lomu 7:18

Ago ageʼnovana mago alagepa yaʼmo naipafiʼmo ohaneʼniye. Atafa naipafifeʼmo nehuve. Muki afinaʼmo alagepa kavaʼmo hisuvafeʼmo nahauʼniyaʼmonanafa alagepa kavaʼmo hisuva kaʼmo ageʼnove.

Lomu 9:22

Ani kavaʼmo huno Gotiʼa aipamo leno neʼapateya kayoʼe himamuʼaʼeʼmo afaʼa alino apave lisiyafeʼmo hauʼniyaʼmonanafa aipamo leno neʼapateya vayaʼmo malage huno oʼapamagino yatala afinaʼmo afaʼa apakeno maiʼniye. Apakaemo mopa kegana huʼa maiʼnayanageno Gotiʼa alino hano huno apatalesiyafeʼmo apakaiʼapimo alo huʼa maiʼnae.

1 Kolitiyani 4:7

Ina laʼmo aeto agufa vayaʼmo alino hamaleno lapateʼniye. Na agufa yaʼmo aliʼnaya yatapimo Gotiʼa olapamiʼniye. Haʼao, muki yatimo lamiʼniye, hutapa nehisayana na kava higetapaeʼmo olapamiʼniyesina agufa kavatefeʼmo lapakitapileʼmo alitapa asaga hutapa nelapatae.

2 Kolitiyani 7:1

Nahau nayamopafiʼmo nahauʼniya vayaʼnimogitapae, huʼna, Gotiʼa ani kavaʼmo huguve, huno hu maleʼniya gemo ago afiʼnonaʼmofeʼmo lagaitimo muki hosu kavatimo lagufaleʼe laipa lagesafiʼeʼmo oʼaniʼya faiʼniya yakana huno haneʼniya kavaʼmo aeta kalo paeta atalegetao. Gotifeʼmo koli nehutaeʼmo aote kavaʼmo agetetaeʼmo alagi hume hume utah haita hapaigetao.

Galesiya 3:22

Huʼniyesinaʼmonanafa Goti mukufiʼmo avoʼmo kae maleʼniya gemoʼa hunoʼaeʼmo, hosu kavaʼmoʼa muki ma mopafi vayaʼmo kalavusi huno apateʼniye. Yesu Kalaisifekeʼmo apakesamo afiʼa fatago nehaya kavatetiʼmo fikumo hapa maeʼna apamiguve, huno hu maleʼniya yaʼmo apakesamo afiʼa fatago nehaya vayaʼmo alino apamisiyafeʼmo kalavusi huno apateʼniye.

Efasasi 2:2

Ma mopafi hosu kavaʼmo akame huge ala vekamo kokuʼnaʼe mopaʼeʼmo hanetegeno folagate neʼmaiya vekamoʼmo hosu enisole vayaʼaiteʼmo yagaino neʼapateya vekamo geʼamo akame huge huʼnae. Agaemo Goti geʼamo amagiʼa neʼatalaya vayaʼai apaipafiʼmo aliʼyaʼmo neʼaliya aune vekamo maiʼniye.

Efasasi 4:22

Agaemo hunoʼaeʼmo, hogotetapa huʼnaya kavatapilefeʼmo atafa vekatapimo alita ataleyo, huno alino lapaya maleʼniye. Atafa vekatapimoʼa lapaʼye nehiya kavatapiletiʼmo kasalime kasalime uno humi nelapate.

Kolosi 1:21

Lapakaemo mago afinaʼmo Gotiʼeʼmo lokaeta oʼmaitapa lapaote maige aote maige hutapaeʼmo hosu kavaʼmo 4 huge hosu lapakesamo afige hutapa maiʼnetapaeʼmo kame vayaʼamo maiʼnayaʼmonanafa hemenimo agaiʼaʼeʼmo alino nanu aeno lapateʼniye.

1 Tesaloniyani 4:13

Inagi konagatimogitapae, huta, mago vayaʼmogimo, faliʼnaya vayaʼmo he otigae, huʼa apakesamo neʼafiyaʼmofeʼmo apakava oʼmaige apavayagunagu osuge huteʼa lusi kava huʼa yulagefa neʼaiye. Ani agufa kavaʼmo osutapa faliʼnaya vayaʼaifeʼmo lama gemae, hutapa afisayafeʼmo nahauʼniye.

1 Tesaloniyani 5:6

Maiʼnonaʼmofeʼmo mago vayaʼmo apau kaleʼa neʼmaiya kava huta lagaemo lau kaleta oʼmaita laipa lagesaleʼmo yagaita lateteta maigetao.

1 Timoti 6:9

Kagemi yaʼapiʼe vayaʼmo maisayafeʼmo hapauʼnisiya vayaʼmo apamalageka hisiya kateʼmo neʼvagenoʼaeʼmo hosu hapaʼye kavaʼapimoʼa aneʼaifiʼmo hegekana huno neʼapatafaigeʼa alagi asagauʼa neʼaiyanageʼa ata kopiʼmo uʼa lamiʼa maigae.

Taitasi 3:3

Hogoteta apakaekana huta maiʼneta negi kava huta ge oʼafita aigofe gegeʼmo afita maiʼnone. Asole agufa hosu kavatimo haneʼniyana lagufamoʼmo hauʼniya kavatimoʼe hosu lahaʼye nehiya kavaʼmoʼeʼmo yagaino lateʼnigeta alagepa huʼa oʼmaisayafeʼmo lagesamo afiʼnetaeʼmo hosu laipamo kalita apatege laipa kafa hapaege huta maiʼnone. Lagaefeʼmo apaini huʼnagetaeʼmo lagaeʼeʼmo apakaefeʼmo laini huʼnone.

1 Pita 1:14

Lapakaemo gemo neʼafiya mafaʼnegana hutapageʼmo maiyo. Hogotetapa Goti geʼamo oʼafiʼnetapaeʼmo amega lapakufamoʼmo hauʼniya kavaʼmo akame hutapa maiʼnayaʼmonanafa hemenimo lapakaefeʼmo keya aeno ge huʼniya vekamo alagepa aote vekamo maiʼniya kava hutapa muki kavaʼamo nehutapaeʼmo alagepa lapaote vayaʼmo maiyo.

2 Pita 2:14

Kumai kavaʼmoʼa apaulagafiʼmo havai teʼniyanageʼa hosu kavaʼmo alagi oʼatalegae. Apakaemo lokiya vaiʼa noʼmaiya vayaʼai apayate neʼaliye. Hapaʼye hisiya kavaʼmo alagi ago afiteʼa ageʼnae. Apakaemo lifana huno apateʼniya mafaʼnemo maiʼnae.

2 Pita 2:18

Apakaemo falo gefatiʼmo huteʼapaeʼmo himuʼnamu kavaʼmo huteʼa afa hosu gemo nehae. Nehuʼapaeʼmo kumai kavaʼmo hisayafeʼmo amega apakufamoʼmo hauʼniya hosu kavaʼmo nehaya vayaʼaitegatiʼmo faiʼa kasalo paeʼa eʼnaya vayaʼai apayateʼmo neʼaliye.

1 Yoni 2:16

Muki ma mopafi kavaʼmo haneʼniyana apakufamoʼmo haʼye nehiya kavaʼmo hanege ageteʼapaeʼmo hapaʼye nehiya kavaʼmo hanege aliteʼa ala apakimo neʼaliya kavaʼmo hanege huʼniye. Ani kavaʼmo Goti kavaʼamo ohaneʼnifa ma mopafi kavaʼmo haneʼniye.

1 Yoni 2:8

Afiʼnayaʼmonanafa hemenimo saufa keʼaepa gemo lapakaefeʼmo avoʼmo nekaove. Mani keʼaepa gemo agaepiʼmo haneʼnigenoʼaeʼmo lapakaepiʼeʼmo haneʼniye. Hani huʼniya kavaʼmo hano hugefeʼmo nehigenoʼaeʼmo ha le yaʼmoʼa aeno ha neleyaʼmofeʼmae.