Efasasi 2:20 - The Keyagana NT and 25 OT books

²⁰ Apa vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo Gotiʼa noʼmo faino neʼateya yafakana huʼa maiʼnae. Gotiʼa ani yafateʼmo no kigekana huno alino lapateʼniye. Yesu Kalaisiʼa hogote yafaʼmo aluga aluga atupaleʼmo noʼmo faiʼa neʼataya yafakana huno maiʼniye.

Efasasi 2:20 ပူးပေါင်းရင်းမြစ်များ

Samu 118:22

Yafatetiʼmo noʼmo nekiya vayaʼmogimo mago no nekiya yafafeʼmo, afa yafane, huʼa huteʼa aliʼa yaga auʼa ataleʼnagenoʼaeʼmo Gotiʼa ani yafafeʼmo, hogote yafaʼmo noʼmo aluga alugaʼamo faiʼna atesuva yafaʼmo haneʼniye, huno huteno alino asagauno ateʼniye.

Mai'naya kavane 9:1

Afiteʼa neʼagaya kavaʼmoʼa alagepa a kanogana huno maiʼneno noʼamo ki maleʼniye. Agaemo seveniʼa posi yosamo atala vaiʼniye.

Matiyu 16:18

Pitagamo maiʼnananageʼna siosiʼnimo ani yafateʼmo faiʼna ateteʼna kime kime neʼvisugeʼa vayaʼnimogi Satani lafi kegiʼya kitaʼamo aeʼa yakiʼa uʼa haigae.

Matiyu 21:42

Yesuʼa hunoʼaeʼmo, lapakaemo mago Goti gemo avoʼmo kae maleʼniya gemo lekana opaiʼnafiye. Ani gemoʼa hunoʼaeʼmo, Yafatetiʼmo no nekiya vayaʼmogimo mago no nekiya yafafeʼmo huʼapaeʼmo, afa yafane, huʼa huteʼa aliʼa ataleʼnayaʼmonanafa kanale hogote kona yafaʼmo afole aiʼniye. Ala kava neʼmoʼa mani kavaʼmo alino afole aino ateʼnigeta ageteta lahau aitetaeʼmo, vae, huta, alagepa kavaʼmo huʼniye, huta huʼnone, huno huʼniye.

1 Kolitiyani 12:28

Gotiʼa muki siosifiʼmo neʼmaiya vayaʼmo alu aliʼya alu aliʼyaʼamo alisayafeʼmo lekana paino apateʼniye. Apa vayaʼmo hogote vayaʼmo lekana paino lateʼniye. Napa tu vayaʼmo agaetegati gemo alini eʼa aeʼa hakalo huʼa hapa nepaiya vayaʼamo lekana paino apateʼniye. Napa tali vayaʼmo aliʼa apaya neʼmalaya vayaʼamo lekana paino apateʼniye. Aeto agufa noʼagaya aune kavaʼmo nehaya vayaʼmo lekana paino apatege kaita nehapaiya vayaʼaina aliʼa hapageʼa neʼapataya vayaʼmo lekana paino apatege hapa neʼmaya vayaʼmo lekana paino apatege yagaiʼa neʼapataya vayaʼmo lekana paino apatege alu apake alu apakemo neʼaiya vayaʼmo lekana paino apatege huʼniye.

Galesiya 2:9

Ala apaki neʼapamiya vayaʼmo Yemisiʼagi Pitaʼagi Yoniʼagi huʼa nageʼnayana Gotiʼa Poloʼmo fikumo ha maeno amiteno mani aote aliʼyateʼmo avaleno ateʼniye, huʼa nageteʼapaeʼmo nagaeʼe Manamasiʼeʼmo afalu afalu kavaʼmo huʼa apayaʼmo laʼamiʼnae. Laʼamiteʼapaeʼmo, he kanalenagi utana malaga nofi vayaʼaitegamo aliʼyaʼmo aliʼagetao lagaemo Yu nofi vayaʼaitegamo uta aliʼyaʼmo aligune, huʼa laʼaha paiʼnae.

Efasasi 3:5

Gotiʼa hogoteno akeyaʼvilagamo muki ma mopafi vayaʼmo alino apave oliʼniyaʼmonanafa hemenimo Aunemeʼaletiʼmo laote apa vayaʼamogita Gotitegati gemo alinita eta aeta hakalo huta hapa nepauna vayaʼmo ago alino lave liʼniye.

Kolosi 2:7

Maiʼnetapaeʼmo yosamoʼmo hafuʼyamo neʼaeya kava hutapa agaeteʼmo atafauta alagi hutapa maiyo. Yafateʼmo noʼmo faiʼa neʼataya kava hutapa Kalaisiʼmo atafauta alagi huʼnetapaeʼmo alita lapaya maleʼnona geleʼmo lokiya vaitapa maiʼnetapaeʼmo magoʼe magoʼe hutapa lusi kava huta hao ke hetapa maiyo.

1 Pita 2:6

Goti mukufi gemoʼmo ani kavatefeʼmo hunoʼaeʼmo, Afiyo, huno, Nagaemo yafaʼmo lekana paiʼna ateteʼna noʼmo kisuva yafaʼmo alopa monileʼyaʼmo aeno agaseʼniya yafaʼmo Saiyoni kotegamo maleʼnove. Muki vayaʼmogimo agaefeʼmo apakesamo afiʼa fatago hisayana alagi hapai oʼvaigae, huno hu maleʼniye.

Leveleseni 21:14

Yafa kegiʼyamo faino ateʼniya yafaʼmo tuolofuʼa yafaʼmo haneʼnigeno ani yafateʼmo sipisipi vekamo tuolofuʼa apa vayaʼamogi apakiʼapimo avoʼmo kae maleʼniye.