Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efasasi 2:2 - The Keyagana NT and 25 OT books

2 Ma mopafi hosu kavaʼmo akame huge ala vekamo kokuʼnaʼe mopaʼeʼmo hanetegeno folagate neʼmaiya vekamoʼmo hosu enisole vayaʼaiteʼmo yagaino neʼapateya vekamo geʼamo akame huge huʼnae. Agaemo Goti geʼamo amagiʼa neʼatalaya vayaʼai apaipafiʼmo aliʼyaʼmo neʼaliya aune vekamo maiʼniye.

အခန်းကိုကြည့်ပါ။ ကော်ပီ




Efasasi 2:2
64 ပူးပေါင်းရင်းမြစ်များ  

O Ala kava nene, huʼna, kayatetiʼmo ma mopafi vayaʼai apayapatiʼmo nagufamo alika katika nato. Ma mopafikeʼmo hetamaʼapimo haneʼniye. Kagaemo fala kino haneʼniya alagepa yakamo alika neʼapaminagenoʼaeʼmo apakupafiʼmo havai teʼniye. Mafaʼneʼapimo neʼyaʼmoʼa apamu paeʼniye. Apakaemo kagemi yaʼapimo neʼatalageʼapaeʼmo nute mafaʼneʼapimogi neʼaliye.


Lapakaemo ina lafeʼmo kigi yokalo gemo nehae. Ina lafeʼmo lapavenafuʼnamo sakani huta ave neliye. Lapakaemo Goti gemo amagiʼa neʼatalaya vayaʼmogi mafaʼne anagaʼe humi neʼapataya vayaʼmogi mafaʼne anagaʼenagi hutapa oʼmaiʼnafiye.


Vemo mafaʼnemoʼmo eno neʼyaʼe aniʼeʼmo neno maiʼnigeʼapaeʼmo ohapauʼnigeʼa lusi neʼyaʼe aniʼeʼmo neʼneya afayaʼe vekamo maiʼniye, huʼa nehae. Takesi moni neʼaliya vayaʼe hosu vayaʼeʼmo apao vekamo maiʼniye, huʼa nehayaʼmonanafa Goti mafaʼneʼamogimo alagepa huno ageteno afiʼniya kavafeʼmo, alagepa kavaʼmo nehiye, huʼa nehae.


Mago vayaʼmogi Goti geʼamo afiteʼapaeʼmo ma mopafiʼmo maisaya kavafekeʼmo hapausoli huteʼa kagemi yaʼmoʼa humi neʼapateya yaʼmo alisayafekeʼmo hapaʼye nehigenoʼaeʼmo Goti geʼamo ago aeno ati nekaeya kava huno aufe nofiʼmo haneʼniya yapiʼmo asagauno aiʼniya avina yakana huʼa maiʼnae.


Hoyamo haneʼniya kava huno muki ma mopamo haneʼniye. Alagepa avina yaʼmo haneʼniya kava huʼa Gotiʼa yagaino neʼapateya vayaʼmo maiʼnae. Hosu inoʼmo haneʼniya kava huʼa hosu vekamo vayaʼamo maiʼnae.


Aliʼyaʼmo afoʼamoʼmo kagemi yaʼaleʼmo hosu kavaʼmo huno yagaino ateʼniya vekamo agiʼaleʼmo alino asaga huno atetenoʼaeʼmo, agufaeʼmo alagepa huno agesamo afiʼniye, huno huʼniye. Ma mopafi vayaʼmogimo ma mopafi vayaʼaitegamo alu kava alu kavaʼmo hisayafeʼmo alagepa huʼa apakesamo afiteʼa hale yateʼmo neʼmaiya vayaʼmo aeʼa apaka seʼa maiʼnae.


Pitafeʼmo hunoʼaeʼmo, Saimoniyo, Saimoniyo, huʼna, Sataniʼa Gotifeʼmo hunoʼaeʼmo, apakaemo apavaleka namigeʼnao haiya agufa kavaʼmo hisafigeʼna apamalageka huʼna apakegauve, huno ha paiʼniye.


Hemenimo ma mopafi vayaʼai hosu kavaʼapimo afole aisigeno Gotiʼa alino fako huno apategaiye. Hemenimo ma mopafi vayaʼaiteʼmo yagaino neʼapateya vekamo alino hafaino atalegaiye.


Sataniʼa Yutasiʼmo Isakaliyoti kotega vekamo Saimoni mafaʼnemoʼa Yesuʼmo avaleno hosu vayaʼai apayapiʼmo atesiya agesamo amiʼniye. Neʼyaʼmo neteʼapaeʼmo Yesuʼa ago ageʼniyana muki yaʼmo Afoʼamoʼmo muki vayaʼaiteʼe muki yateʼeʼmo yagaisuvafeʼmo lekana paino nateʼniye. Gotitegatiʼmo emiʼneʼnovanageʼna halate Gotitegamo uʼna haiguve, huno ago ageʼniye.


Yutasiʼa peleti maya atupamo aliʼnigenoʼaeʼmo Sataniʼa agae aipafiʼmo faleno haiʼniye. Yesuʼa Yutasifeʼmo hunoʼaeʼmo, huguve, huka nehana kavaʼmo malage huka huvo, huno ha paiʼniye.


Ma mopafi vayaʼaiteʼmo yagaino neʼapateya vekamo ago neʼeyaʼmofeʼmo yatala gemo lapa opaiguve. Ago neʼeyaʼmonanafa agae yaʼmo naipafiʼmo ohaneʼniyaʼmofeʼmo afaʼa yagaino oʼnategaiye.


Lapakaemo ma mopafi vayaʼmo maiʼnaesinana ma mopafi vayaʼmogimo vayaʼapieʼmo hapauʼniya agufa kavaʼmo huʼa lapakaefeʼmo hapau apayamopafiʼmo hapauʼniesine. Hapauʼniyesinaʼmonanafa nagaemo ma mopafi vayapatiʼmo lekana paiʼna lapateʼnogetapa ma mopafi vayapiʼmo oʼmaiʼnayaʼmofeʼmo lapakaefeʼmo apaini nehae.


Nagaemo ma mopafi vayaʼaiteʼmo yagaino neʼapateya vekamo ago agoti huʼna ateʼnovaʼmofeʼmo agoti huʼna apatesuva kavaʼmo alino apave lisigeʼa agegae.


Ma mopafi vayaʼmogimo lapakaefeʼmo afaʼa alagi apaini osugae. Nagaemo hosu kavaʼapieʼmo gemo aeʼna hakalo huʼna hapa nepauvaʼmofeʼmo nagaefeʼmo apaini nehae.


Yesuʼa hunoʼaeʼmo, lapakaemo afelagatiʼmo eʼnageʼna nagaemo anagatiʼmo emiʼneʼnove. Lapakaemo ma mopafi vayaʼmo maiʼnae. Nagaemo ma mopafi vekamo oʼmaiʼnove.


Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.


Mago vekamo Efasasi taonifiʼmo maiʼneno avoʼmo nekaeya vekamo he tiʼnigeʼapaeʼmo ageteʼa ge osuʼa maiʼnagenoʼaeʼmo, Efasasi vayane, huno, Muki vayaʼmogi afiʼnayana Efasasi taonifiʼmo ala Atemisi mono noʼe kokuʼnapatiʼmo asagauno aiʼniya yafaʼeʼmo haneʼnigeta yagaiʼnone.


Pitaʼa hunoʼaeʼmo, Ananaiyasiyo, huno, Na kava higeka Sataniʼmo ateʼnanageno kaipafiʼmo faleno uno haiʼnigeka mago vekamoʼmo mago mopamo miya faiʼniya monimo alika fako huka maleteka eka Goti Aunemeʼaeʼmo aigofe gemo huʼnane.


Ma mopafi vayakana hutapa oʼmaigenoʼao Gotiʼa saufa lapaipa lapakesaʼe vayaʼmo alino hamaleno lapateno. Lapakaemo ani kavatetiʼmo Gotiʼa hiyo, huno nehiya kavaʼmo amalageka hutapa agegae. Agetetapaeʼmo, alagepa kavaʼmo Gotiʼa hauʼniya kavaʼmogeno uno haino hapaiʼniya kavaʼmo haneʼniye, hutapa agegae.


Nagaemo ma mopafi vayaʼaifeʼmo nagesamo oʼafiʼnofa siosi vayaʼaifekeʼmo nagesamo afiteʼna ani avoʼmo kaeʼnove. Ma mopafi vayapatiʼmo kumai kavaʼmo nehaya vayanagi magoʼe yaʼmo alisayafeʼmo hapaʼye nehiya vayanagi kumayaʼmo neʼaliya vayanagi aigofe gotiʼapimogitefeʼmo mono nehaya vayanagi huʼa maiʼnayaʼmofeʼmo apakaeʼeʼmo magokepi lokaeta oʼmaita laote maisuna kaʼmo ohaneʼniye.


Hogotetapa magoʼamogitapamo ani agufa vayaʼmo maiʼnae. Maiʼnayaʼmonanafa Kalaisiʼa ani faleno lapateʼnigeno Goti Aunemeʼamoʼa lapavaleno lapaote lapateʼnigeno Gotiʼa Ala kava netimo Yesu Kalaisi agiʼaletiʼe Aunemeʼaletiʼeʼmo, naulagaleʼmo fatago vayaʼmo maiʼnae, huno lapa paiʼniye.


Ma mopafi vayaʼmogi gotiʼapimoʼa apakesamo afiʼa fatago nosaya vayaʼai apakesamo afisaya apaulagamo alino fali kaeno apateʼnigeʼapaeʼmo afaʼa noʼagae. Kalaisiʼa Goti auneʼamo alagi maiʼniyaʼmonanafa apakaemo Kalaisi ha le konali yaʼaeʼmo alagepa faigoko geʼamoʼmo aeno ha neleya konali yaʼamo afaʼa oʼagegae.


Gotiʼa Afotimoʼmo hauʼnigeno Kalaisiʼa geʼamo akame huno hemenimo ma mopafi kavategatiʼmo lagufamo alino katino latesiyafeʼmo hosu kavatilefeʼmo agufamo amiteno faliʼniye.


Kalaisiʼa kokuʼnapiʼmo maiʼnenoʼaeʼmo hemenimo yagaiʼa neʼapataya vayanagi enisole vayanagi himamu vayanagi ala kava vayanagi ala apaki vayanagi huno ago aeno apakaseno hemenimo yagaino neʼapateyanageno henagaʼamo afole aisiya afinaʼeʼmo ani kavakeʼmo huno yagaino apategaiye.


Alo huno lapateʼniyaʼmofeʼmo lapakaemo, hogoteta maiʼnona afinaʼmo haiya agufa kavaʼmo huta maiʼnopi, hutapa lapakesamo afita ho hiyo. Itatapimogimo aliʼa lapateʼnagetapaeʼmo Yu nofi vayaʼmo oʼmaiʼnae. Yu vayaʼmogi apayatetiʼmo apakufamo lagauʼnaya vayaʼmogimo lapakaefeʼmo huʼapaeʼmo, Goti keʼaepa geʼamo oʼafiʼnaya vayaʼmogeʼapaeʼmo apakufamo olagauʼnaya vayaʼmo maiʼnae, huʼa nehae.


Lapakaemo afagiʼaleʼmo maiʼnayaʼmonanafa hemenimo Kalaisi Yesupiʼmo maiʼnagenoʼaeʼmo Kalaisiʼa kolaʼaletiʼmo lapavalelineno Goti haopaleʼmo lapateʼniye.


Mukiʼamogitamo apakaekana huta maiʼnogeno lagufamoʼe lagesamoʼeʼmo lahaʼye huʼnigetaeʼmo lagufamoʼmo hauʼniya kavaʼmo huge hosu kavafeʼmo lagesamo afita akame huge huʼnone. Itatimogi aliʼa lateʼnagetaeʼmo muki ma mopafi vayakana huta hosu laipamo alita maiʼnonaʼmofeʼmo Gotiʼa aipamo leno nelateyanageno kayoʼmo lamisiya agufa kavaʼmo huta maiʼnone.


Ani kavaʼmo hutapa maiʼnayaʼmofeʼmo nagaemo Ala kava neʼmo agiʼaletiʼmo lokiya gemo huʼna lapa paiʼnaeʼmo, Malaga vayaʼmogi nehaya agufa kavaʼmo hogotetapa huʼnayaʼmonanafa hemenimo magoʼe hutapa osiyo. Fikumo apakesamo neʼafigenoʼaeʼmo apaipa apakesamoʼmo hani huʼnigeno apaipamo lokiya vaiʼniyaʼmofeʼmo noʼagayaʼmofeʼmo Gotiʼa afaʼa maisaya yaʼmo neʼapamiya yaʼmo oʼaliʼa malaga vayaʼmo maiʼnae.


Agaemo hunoʼaeʼmo, hogotetapa huʼnaya kavatapilefeʼmo atafa vekatapimo alita ataleyo, huno alino lapaya maleʼniye. Atafa vekatapimoʼa lapaʼye nehiya kavatapiletiʼmo kasalime kasalime uno humi nelapate.


Mani agufa hosu kavaʼmo nehayaʼmofeʼmo Goti geʼamo oʼafiʼa amagiʼa neʼatalaya vayaʼaifeʼmo aipamo leno neʼapateyanageno alagi apamagigiyaʼmofeʼmo fiku yanageʼa mago vayaʼmogi afa gemo huteʼa humi lapategae.


Hogotetapa hanipiʼmo maiʼnayaʼmonanafa hemenimo Ala kava nepiʼmo maiʼnetapaeʼmo ha le yakana hutapa maiʼnayaʼmofeʼmo ha le mafaʼneʼamogimo hisaya agufa kavaʼmo hiyo.


Na kava hinagetaene. Lagaemo apakufaʼe kolaʼapiʼeʼmo haneʼniya vayaʼeʼmo kamemo nosunaʼmonanafa kokuʼnapiʼmo maiʼneʼa hosu kavaʼmo huʼa yagaiʼa neʼapataya apaune vayaʼeʼmo kamemo nehune. Ala apaki vayaʼenagi himamu vayaʼenagi ma mopafi vayaʼmo hani yapiʼmo neʼmaiya vayaʼaiteʼmo yagaiʼa neʼapataya vayaʼenagi huta kamemo nehunaʼmofeʼmo


Lapakaemo mago afinaʼmo Gotiʼeʼmo lokaeta oʼmaitapa lapaote maige aote maige hutapaeʼmo hosu kavaʼmo 4 huge hosu lapakesamo afige hutapa maiʼnetapaeʼmo kame vayaʼamo maiʼnayaʼmonanafa hemenimo agaiʼaʼeʼmo alino nanu aeno lapateʼniye.


Nimasiʼa hemeni haneʼniya ma mopafi yafekeʼmo hauʼnigeno alagi ago nataleno Tesalonaika taonifiʼmo uʼniye. Kilesenisiʼa Galesiya kotegamo uʼniye. Taitasiʼa Namalesiya kotegamo uʼniye.


Gotiʼa muki yaʼmo afoʼamo aulagaleʼmo alagepa monoʼmo nehaya kavaʼmo haneʼniyana kogu aʼnemogiʼe megusa mafaʼne anagaʼmogiʼeʼmo kana yaʼmo neʼaliya afinaʼmo uʼa hapa maege ma mopafi vayaʼmogimo aliʼa hosu huʼa oʼapatesayafeʼmo apakaiʼapileʼmo alagepa huʼa yagaiʼa apatege nehaya kavaʼmo haneʼniye.


Agaemo magoke kavafeʼmo agesamo oʼafiʼnifa lole agesamo neʼafiya vekamo maiʼniyaʼmofeʼmo Ala kava netegatiʼmo mago yaʼmo afaʼa oʼaligiye. Fiku yanageno aliguve, huno agesamo afigiye.


Veyalave kotalakemo amagitapa ataleʼnaya ve aʼnemogitapae, huʼna, ma mopafi vayaʼe kavaʼeʼmo aliʼa apao yaʼmo nehisaya vayaʼmogi Gotiʼmo kame huʼa neʼatae, hutapa oʼafiʼnafiye. Haiya vekamoʼmo ma mopafi kavaʼmo ao vekamo maisiyafeʼmo hauʼnifi agaiʼamo Goti kameʼamo hamaleʼniye.


Lapakaemo gemo neʼafiya mafaʼnegana hutapageʼmo maiyo. Hogotetapa Goti geʼamo oʼafiʼnetapaeʼmo amega lapakufamoʼmo hauʼniya kavaʼmo akame hutapa maiʼnayaʼmonanafa hemenimo lapakaefeʼmo keya aeno ge huʼniya vekamo alagepa aote vekamo maiʼniya kava hutapa muki kavaʼamo nehutapaeʼmo alagepa lapaote vayaʼmo maiyo.


Lagaemo hogoteta malaga vayaʼmogi hapauʼniya kavakeʼmo alagi huʼnonaʼmonanafa hemenimo magoʼe huta osugune. Hogoteta kumai kavaʼmo hisunafeʼmo apayate alige amega lagufamoʼmo hauʼniya kavaʼmo huge aniʼmo neteta negi nagi kavaʼmo huge ogefagemo huge aniʼmo neteta hosu kigi yokalo gemo huge hutetaeʼmo aigofe gotitefeʼmo hosu monoʼmo huʼnone.


Kumai kavaʼmoʼa apaulagafiʼmo havai teʼniyanageʼa hosu kavaʼmo alagi oʼatalegae. Apakaemo lokiya vaiʼa noʼmaiya vayaʼai apayate neʼaliye. Hapaʼye hisiya kavaʼmo alagi ago afiteʼa ageʼnae. Apakaemo lifana huno apateʼniya mafaʼnemo maiʼnae.


Muki vayaʼmogi fatago kavaʼmo nosaya vayaʼmo Goti mafaʼneʼamo oʼmaiʼnae. Konagaʼapieʼmo nohapaiya vayaʼmogimo ani kavaʼmo huʼa Goti mafaʼneʼamo oʼmaiʼnae. Ani kavatetiʼmo Goti mafaʼnemo maiʼnafi Satani mafaʼnemo maiʼnafi huʼa apakegae.


Sataniʼa aepa faiʼniya afinatetiʼmo hosu kavakeʼmo hume hume neʼeya kava huʼa muki vayaʼmogi hosu kavaʼmo nehaya vayaʼmo Satani vayaʼamo maiʼnae. Goti Mafaʼneʼamoʼmo Satani aliʼyaʼamo alagi alino hano huno atalesiyafeʼmo emineno afole aiʼniye.


Aise mafaʼneʼnimogitapae, huʼna, lapakaemo Goti mafaʼneʼamo maiʼnetapaeʼmo kamemo hutapa aigofe vayaʼmo ago aeta apakaseʼnae. Lapaipafiʼmo maiʼniya Aunemeʼamoʼa ma mopafi vayaʼai apaipafiʼmo maiʼniya aunemeʼamo ago aeno agaseno maiʼniyaʼmofeʼmae.


Lagaemo ago ageʼnonana Goti mafaʼneʼamo maiʼnonaʼmonanafa muki ma mopafi vayaʼmogimo hosu vekamo aiyafiʼmo maiʼnageno yagaino neʼapate.


Gotiʼa alino apateʼniya mafaʼneʼamogimo ma mopafi kavaʼeʼmo kame huʼa aeʼa neʼagasae. Lagaemo Goti Mafaʼneʼaeʼmo lagesamo afita fatago huʼnona kavatetiʼmo ma mopafi kavaʼmo kame huta ago aeta agaseʼnone.


Aliʼa hapa faiʼa apataleteʼa alopa nagaloʼyavemo akeyaʼvilaga maiʼniya nagaloʼyavemoʼmo aigofe geʼaletiʼmo muki ma mopafi vayaʼmo apakesamo nefaiya nagaloʼyavemo aliʼa hafaiʼa ataleʼnageno ma mopafiʼmo asagauno aiʼniye. Mago agiʼamo Nevoʼae ani agimo aepaʼamo haneʼniyana huno faipa huno neʼapateya vekamae. Mago agiʼamo Sataniʼae ani agimo aepaʼamo haneʼniyana kame vekamae. Apakaemo agaeʼe enisole vayaʼaʼeʼmo aliʼa hapafaiʼa apataleʼnageʼa ma mopafiʼmo asagauʼa aiʼnae.


Gotiʼa afaʼa ateʼnigeno maiʼneno hogote afela afumo himamuʼaletiʼmo noʼagaya agufa aune kavaʼmo magoʼe kavaʼmo huʼniyaʼmofeʼmo ma mopafi vayaʼmo humi apateʼniye. Agaemo naipeletiʼmo agenopafiʼmo aiʼnigeno falisiya agufa amuʼmo aleʼniyaʼmonanafa ago aleno hateʼniya afela afumo agiʼaleʼmo aliʼa asaga huʼa atesayafeʼmo, auneʼamo alo hutapa maleyo, huno huʼniye.


Muki ma mopafi vayaʼmo afaʼa maisaya yaʼmo aliʼnisaya vayaʼai apakiʼapimo avoʼmo kae maleʼniya mukufiʼmo apakiʼapimo avoʼmo okaeʼnisiya vayaʼmogimo afela afulefeʼmo mono hugae. Ani mukumo ma mopamo faino ateʼniya afinaʼmo kamiti amagiʼnaya sipisipi vekamo mukuʼamo haneʼniye.


Napa seveni enisole vekamoʼmo yuvapaʼamo alinino uno hiya kokuʼnapiʼmo aino lakiʼnigenoʼaeʼmo mago vekamo aote mono nopatiʼmo yagaino neʼapateya vekamo siyaʼaletiʼmo alopa gefatiʼmo hunoʼaeʼmo, muki kavaʼmo alagi hano huʼniye, huno huʼniye.


Agaemo alopa nagaloʼyavemo akeyaʼvilaga maiʼniya nagaloʼyavemo agiʼamo Nevoʼae huno hanege mago alu agiʼamo Sataniʼae huno hanege huʼniya vekamo atafauno seli nofitetiʼmo kino ateʼnigeno vani tauseniʼa kafugamo maiʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ