Efasasi 1:8 - The Keyagana NT and 25 OT books

⁸ Lusi kava huno laha maeno lamitenoʼaeʼmo ageteta neʼafuna kavaʼe alagepa huta lagesamo neʼafuna kavatiʼeʼmo lamiʼnigeta aliʼnone.

Efasasi 1:8 ပူးပေါင်းရင်းမြစ်များ

Samu 104:24

O Ala kava nene, huʼna, asole aliʼyaʼmo alu aliʼya alu aliʼyaʼmo aliʼnane. Kagaemo afiteka ageʼnana kavakamo alopa kavaʼmo haneʼnigeka muki yaʼmo alo huʼnane. Kagaemo alo huʼnana yaʼmoʼmo ma mopafiʼmo alagi havaiteʼniye.

Mai'naya kavane 8:12

Nagaemo afiteʼa neʼagaya kavaʼmo maiʼnove. Nagaemo alagepa kavaʼmo hisayafeʼmo apakesamo neʼafiya kavaʼapiʼeʼmo magokepi lokaeʼna neʼmauve. Nagaemo muki yaʼmo agege muki kavaʼmo alagepa huʼna aliʼna fako huge nehuve.

Aiyeya 52:13

Ala kava neʼmoʼa ina gemo hunoʼaeʼmo, Ageyo, huno, aliʼyaʼnimo neʼaliya vekamoʼmo alagepa huno afiteno ageʼnenoʼaeʼmo aliʼyaʼamo neʼalisigeno alagi afole aigiye. Vayaʼmogimo ala agiʼamo amiteʼapaeʼmo aliʼa asaga huliʼa anagamo uʼa haisageno hogote vekamo maigiye.

Matiyu 11:19

Vemo mafaʼnemoʼmo eno neʼyaʼe aniʼeʼmo neno maiʼnigeʼapaeʼmo ohapauʼnigeʼa lusi neʼyaʼe aniʼeʼmo neʼneya afayaʼe vekamo maiʼniye, huʼa nehae. Takesi moni neʼaliya vayaʼe hosu vayaʼeʼmo apao vekamo maiʼniye, huʼa nehayaʼmonanafa Goti mafaʼneʼamogimo alagepa huno ageteno afiʼniya kavafeʼmo, alagepa kavaʼmo nehiye, huʼa nehae.

Lomu 11:33

Vae, huʼna, solovala aniʼmo lusi vasilonamo haneʼniya kavakana huno agesamo neʼafiya kavaʼe afiteno aliʼyaʼmo neʼaliya kavaʼeʼmo vasilonagana huno haneʼniye. Lagaemo kahauya hugunaʼmonanafa alagi agae aipa agesamo oʼagegaune. Ina laʼmo aliʼyaʼmo neʼaliya kavaʼmo aepaʼamo agegaiye.

Lomu 5:15

Maiʼniyaʼmonanafa Gotiʼa magoke vekaletiʼmo fikumo hapa maeno neʼapamiya kavaʼe mago alu vekamoʼmo huʼniya hosu kavaʼamoʼeʼmo alu kava alu kavaʼmo haneʼniye. Magoke vekamo hosu kavaʼaletiʼmo muki asole vayaʼmo faliʼnayaʼmonanafa Gotiʼa magoke vekamo Yesu Kalaisitetiʼmo asole vayaʼmo fikumo hapa maeno neʼapamiya kavaʼamoʼmo magoʼe huno ago aeno agaseʼniye.

1 Kolitiyani 2:7

Hapa nopaunaʼmonanafa Gotiʼa alino fala ki maleʼniyanageʼa afaʼa oʼagesaya geʼaletiʼmo Gotiʼa afiteno ageʼniya geletiʼmo hapa nepaune. Gotiʼa ma mopamo alo osuʼnenoʼaeʼmo ha le konali yaʼamo alisunafeʼmo ani gemo hu maleʼniye.

Efasasi 1:11

Mafaʼneʼapimogimo muki afoʼapimogi yaʼmo neʼaliya kava huta Gotiʼa muki maleʼniya yaʼamo alisunafeʼmo agaemo muki kavaʼmo hisiyafeʼmo hauʼnigeno agaiʼamo ani kavaʼmo huguve, huno huʼniya geʼaleʼmo akame huno nehiya Gotiʼa hunoʼaeʼmo mafaʼneʼnimo maigae, huno hu maleʼniye.

Efasasi 1:7

Kalaisipiʼmo maiʼnonagenoʼaeʼmo Gotiʼa lusi kava huno fikumo hapa maeno neʼapamiya kavaʼamo mago kagemi yaʼagana huno maleʼniya kavatefeʼmo Yesu kolaʼaletiʼmo miya faino hatu maeno lateʼniya hosu kavatieʼmo afaʼa ateyo, huno laha paiʼniye.

Efasasi 1:9

Hauʼniya kavatefeʼmo ani kavaʼmo huguve, huno agesamo afiteno lokiya gemo hu maleʼniya kavaʼmo hogoteno alino fala ki maleʼniyaʼmonanafa hemenimo ago alino lave liʼniye.

Efasasi 3:10

Gotiʼa hunoʼaeʼmo, alagepa huʼna nagesamo afiteʼna siosi vayaʼalegamo alagepa huʼna alu kava alu kavaʼmo huʼna hapa maesugeʼa enisole vayaʼmo kokuʼnapi maiʼneʼa yagaiʼa neʼapataya vayaʼmogi ageteʼapaeʼmo, Gotiʼa muki yaʼamo alagepa huno ageʼniya vekamae, huʼa hugae, huno hu maleʼniye.

Kolosi 2:3

Hogote kagemi yaʼapimo aliʼa fala kiʼa neʼmalaya kava huno Kalaisipiʼmo muki alagepa huʼa afiteʼa agesaya kavaʼe afisaya kavaʼeʼmo fala kino haneʼniye.

Yuti 1:25

Ha le konali yaʼamo hanege ala agiʼamo hanege himamuʼamo hanege huʼnisigeno hemenimogi muki afinaʼmogi huno yagaino lapatege lapatege huno yagaino lapateno. He, lama ge.

Leveleseni 5:12

Apakaemo alopa gefatiʼmo huʼapaeʼmo, amagiʼnageno faliʼniya aikeli sipisipimoʼa alagi alisiya vekamo maiʼniyaʼmofeʼmo himamuʼamo alige muki alagepa kagemi yaʼamo alige afiteno ageʼniya kavaʼamo alige lokiyaʼamo alige ala agiʼamo alige ha le konali yaʼamo alige muki yaʼamo fikumo alige hisiya vekamo maiʼniye, huʼa huʼnae.