Efasasi 1:7 - The Keyagana NT and 25 OT books

⁷ Kalaisipiʼmo maiʼnonagenoʼaeʼmo Gotiʼa lusi kava huno fikumo hapa maeno neʼapamiya kavaʼamo mago kagemi yaʼagana huno maleʼniya kavatefeʼmo Yesu kolaʼaletiʼmo miya faino hatu maeno lateʼniya hosu kavatieʼmo afaʼa ateyo, huno laha paiʼniye.

Efasasi 1:7 ပူးပေါင်းရင်းမြစ်များ

Samu 130:4

Magoke vekamo alagi faino kasalo opaeyesinaʼmonanafa kagaefeʼmo koli huteʼa mono hisayafeʼmo hosu kavatimo alika ataleʼnane.

Samu 130:7

Isaleli vayaʼmogitapae, huʼna, Ala kava nefeʼmo lapakesamo afitetapa lapa maesiyafeʼmo lapavayagunagu hutapa maiyo. Ala kava neʼmoʼa vayaʼaeʼmo hau huno neʼapateyanageno olapatalegaiye. Agaemo muki alu hosu kava alu hosu kavapatiʼmo miya faino hatu maeno neʼapateyaʼmofeʼmo ani kavafeʼmo lapakesamo afiteta lapavayagunagu hutapa maiyo.

Hatu maeno apate'niya gemae 34:7

Nagaemo nahau huʼna neʼapatova kavateʼmo yagaiʼnovanageʼna tauseni tauseniʼa vayaʼaifeʼmo nahau huʼna apategauve. Nagaemo himuʼnamu kavanagi keʼaepa geʼnimo amagiʼa neʼatalaya kavanagi hosu kavaʼapigi huʼna aliʼna neʼatalove. Neʼatalovaʼmonanafa vaiʼapimo haneʼniya vayaʼmo afaʼa apakegeʼna oʼapategauve. Nagaemo afoʼapimogimo huʼnaya hosu kavaʼapilefeʼmo mafaʼne anagaʼapigi lotoʼapimogiʼe apakinago vayaʼenagi huʼna kayoʼmo apamiguve, huno ha paiʼniye.

Aiyeya 43:25

Nagaiʼnilefeʼmo nagaiʼnimo keʼaepa gemo amagitapa ataleʼnaya kavatapimo aeʼna kalo paeʼna ataleʼnove. Nagaemo hosu kavatapieʼmo nagesamo oʼafiʼna nage kaniʼna atalegauve.

Neniyo 9:19

O Ala kava nene, huʼna, afiyo. O Ala kava nene, huʼna, hosu kavatimo alika atalo. O Ala kava nene, huʼna, afiteka laha mao. Afaʼa oʼmaika kagaikalefeʼmo malage huka aliʼyaʼmo aliyo. Taoniʼe vayaʼeʼmo kagaika yaʼmo haneʼniyaʼmofeʼmae.

Neniyo 9:9

Lagaemo kaiyafi oʼmaita kataleta uʼnonaʼmonanafa kahau huka lateteka hosu kavatimo alika ataleʼnane.

Yona 4:2

Yonaʼa nunumuʼmo hunoʼaeʼmo, Ala kava nene, huno, Koʼnimo ataleʼna oʼmeʼnova afinaʼmo ani kavaʼmo hugane, huʼna huʼnofiye. He, ani gemo ago huʼnove. Ani kavaʼmo hugane, huʼna nagesamo afiʼnovaʼmofeʼmo ataleʼna naune hetaleʼna Tasisi taonifiʼmo ugefeʼmo huʼnove. Ago afiʼnovana kagaemo fiku hapa maeka apamiteka kahau huka neʼapatana Gotigamo maiʼnane. Kaipamo malage huno nole. Kahau kayamopafiʼmo kahauʼniya kavaʼmo asole kavakamo haneʼniye. Kagaemo vayaʼmo apamagisanafeʼmo okahauʼniyaʼmofeʼmo halate alu kaipa kagesamo afiʼnane.

Maika 7:18

Ina laʼmo Gotigakana huno maiʼniye. Kagaemo hosu kavaʼapilefeʼmo afaʼa ateyo, huka huteka alika neʼatalane. Kagaemo aise nofi vayaʼmo logufa vayakamogimo gekamo amagiʼa ataleʼnaya hosu kavaʼapimo uka aeka aga seka alika neʼatalane. Hau huno latesiyafeʼmo amuse nehiyaʼmofeʼmo muki afinaʼmo aipamo leno lateme lateme noʼviyanageno hau huno lategaiye.

Matiyu 20:28

Vemo mafaʼnemo ani kava huno vayaʼmogi ha maeʼa yagaiʼa atesayafeʼmo emiʼnoʼmeʼnifa hapa maeno yagaino apateteno muki asole vayaʼaitefeʼmo falino miya faino hatu maeno apatesiyafeʼmo emineʼniye, huno hapa paiʼniye.

Matiyu 26:28

Mani kapufi aniʼmo saufa kotalake kolaʼnimae. Gotiʼa hu maleʼniya kotalakemo mani kava huguve, huno hu maleʼniya gemo afole aisiyafeʼmo aiʼna lakiguve. Nagaemo asole vayaʼai hosu kavaʼapimo aliʼna atalesuvafeʼmo kolaʼnimo aiʼna lakiʼna apategauve.

Matiyu 6:12

Vayaʼai anonaʼapilefeʼmo afaʼa ateyo, huta nehuna ge huka anonatilefeʼmo afaʼa ateyo, huka laha paiyo.

Maki 14:24

Agaemo hunoʼaeʼmo, mani kapufi aniʼmo kolaʼnimae. Gotiʼa mani kavaʼmo huguve, huno hu maleʼniya saufa kotalakemo afole aisiyafeʼmo muki asole vayaʼaitefeʼmo aiʼna lakiguve.

Luki 1:77

Kagaemo hukaeʼmo, Gotitimoʼmo aipamoʼmo falu huteno hau huno lateteno ha le yakana vekamo alino ateʼniye. Yegemoʼmo aeno ha lelino haine neʼeya kavakana huno lagaetegamo eʼniye. Gotiʼa agaetetiʼmo lapakufamo alino katino lapateteno hosu kavatapimo alino atalegaiye.

Luki 24:47

He tino maiʼnisigeʼapaeʼmo Yulusalemu taonifatiʼmo aepa faiteʼa hapa paiʼapaeʼmo, lapaipamo alita afe legenoʼao Gotiʼa Kalaisi agiʼaletiʼmo hosu kavatapimo alino ataleno, huʼa hapa paiteʼapaeʼmo ani agufa gemo huʼa muki nofi vayaʼaifeʼmo aeʼa hakalo huʼa hapa paigae, huʼa avoʼmo kae maleʼnae.

Yoni 20:23

Lapakaemo mago vayaʼaifeʼmo, Gotiʼa hosu kavatapimo alino ataleʼniye, hutapa hapa paisagenoʼaeʼmo ago alino ataleʼniyanageno hosu kavaʼapaimo ohanegaiye. Ani ge hutapa mago vayaʼaifeʼmo Gotiʼa hosu kavatapimo alino oʼataleʼniye, hutapa hapa paisagenoʼaeʼmo alino oʼataleʼniyanageno hosu kavaʼapimo afaʼa hanegaiye, huno hapa paiʼniye.

Apa 10:43

Muki laginago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼmogimo ava gemo huʼapaeʼmo, Gotiʼa ani vekamo agiʼaletiʼmo agaefeʼmo apakesamo afiʼa fatago nehaya vayaʼai hosu kavaʼapimo alino atalegaiye, huʼa avoʼmo kae maleʼnae, huno hapa paiʼniye.

Apa 2:38

Pitaʼa hunoʼaeʼmo, Lapaipamo alita afe letetapa Yesu agiʼaletiʼmo aniʼmo falegenoʼao Gotiʼa hosu kavatapimo alino ataleteno Aunemeʼamo fikumo lapamaeno lapamino.

Apa 20:28

Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Apa 3:19

Ani kavaʼmo huʼniyaʼmofeʼmo lapaipamo alitapa afe legenoʼao Gotiʼa hosu kavatapimo alino ataleteno aipamoʼmo falu huno lapateno.

Lomu 2:4

Gotiʼa kagemi yaʼagana huno maleʼniya yapatiʼmo kagaetegamo lusi alagepa kavaʼmo huteno malage huno aipamo leno okateno yatala afinaʼmo afaʼa nekateyaʼmonanafa alagepa huka kagesa oʼafiʼneka afa kavane, huka kagesamo neʼafipiye. Gotiʼa kaipamo alika afe lesanafeʼmo kagaetegamo alagepa kavaʼmo nehiye, huka oʼafiʼnapiye.

Lomu 3:24

Noʼaliyaʼmonanafa Gotiʼa Kalaisi Yesuʼmo miya faino hatu maeno lateʼniya kavatetiʼmo, naulagaleʼmo fatago vayaʼmo maiʼnae, huno laha paiʼniye. Gotiʼa muki kavatilefeʼmo agesa oʼafino fikumo laha maeno lamiʼniye.

Lomu 3:25

Agaemo mafaʼneʼamo kolaʼaeʼmo lagesamo afita fatago hisuna kavatetiʼmo aipamo leno olateno aipamo falu huno latesiyafeʼmo mafaʼneʼamo muki vayaʼai apaulagaleʼmo alino afole aino ateʼniye. Akeyaʼvilagamo Goti vayaʼamogi hosu kavaʼmo huʼnagenoʼaeʼmo kayoʼmo oʼapamino afaʼa apakeno apataleʼniye. Gotiʼa hau huʼniya kavaʼaletiʼmo fatago kavaʼmo huʼnove, huno alino lave lisiyafeʼmo mafaʼneʼamo muki vayaʼai apaulagaleʼmo alino afole aino ateʼniye.

Lomu 9:23

Ani kavaʼmo huno Gotiʼa mago vayaʼamo lusi ha le konali yaʼamo alino apavelisigeʼa agesayafeʼmo hogoteno alo huno apateʼniye. Apakaemo mopa kegana huʼa maiʼnayanageno Gotiʼa hau huno apategaiye.

1 Kolitiyani 1:30

Gotiʼa Kalaisi Yesupiʼmo faleno lapateʼnigetapa maiʼnae. Gotiʼa Kalaisiʼmo alino hamaleno ateʼniyanageta Gotitegatiʼmo ageteta afisuna agufa kavaʼmo hamaleʼniye. Ina kava huno Kalaisiʼa Goti aulagaleʼmo fatago vayaʼmo maisunafeʼmo fatago kavatimo maiʼniyanageno hemenimo magoʼe magoʼe huno alino alagepa huno nelateyanageno muki hosu kavapatiʼmo lagufamo alino katino lategaiye.

2 Kolitiyani 8:9

Ala kava netimo Yesu Kalaisiʼa fikumo lapa maeno lapamiʼniya kavafeʼmo ava gemo ago afiʼnae. Hogoteno yahauve vekamo maiʼniyaʼmonanafa lapakaemo yahauve vayaʼmo maisayafeʼmo kagemi yaʼamo oʼhaneʼniya vekamo hamaleʼniye.

Efasasi 1:14

Gotiʼa maleʼniyanageno lamisiya yapatiʼmo Aunemeʼamo ago lamiʼniyaʼmofeʼmo ago afiʼnonana miya faino lateʼniya vayaʼamo alagi hatu maeno lateteno lavalelino uno haisigeta muki yaʼamo aligune. Agaemo ha le konali yaʼamo alino apave lisigeʼapaeʼmo agiʼaleʼmo aliʼa asaga huʼa atesayafeʼmo ani kavaʼmo huʼniye.

Efasasi 1:18

Apakaefeʼmo keya aeka ge huʼnanageʼapaeʼmo eʼa apamisana yafeʼmo apavayagunagu huʼa agava neʼmaiye. Ha le yakamo apamiteka apaipafi apaulagamo alika ayakeka ategeʼapao mafaʼneʼapimogimo muki afoʼapimogi yaʼmo neʼaliya kava huka apaote vayaʼaina hetamaʼapimo apamisanageʼa ageʼa alagepa huteʼapaeʼmo, ha le konali yaʼamo alagepa yaʼmo haneʼniye, huʼa agava maiyo.

Efasasi 1:6

Fikumo laha maeno lamiʼniya ha le konali yaʼamo alino apave lisigeʼapaeʼmo ageteʼa agiʼaleʼmo aliʼa asaga huʼa atesayafeʼmae. Agaemo hau ayamopafiʼmo hauʼniya mafaʼneʼaletiʼmo ani kavaʼmo huno fikumo laha maeno lamiʼniye.

Efasasi 1:8

Lusi kava huno laha maeno lamitenoʼaeʼmo ageteta neʼafuna kavaʼe alagepa huta lagesamo neʼafuna kavatiʼeʼmo lamiʼnigeta aliʼnone.

Efasasi 2:4

Maiʼnonaʼmonanafa kagemi yaʼapiʼe vayaʼmogimo alopa kagemi yaʼapimo haneʼniya kava huno Gotiʼa hau huno neʼapateya kavaʼamo kagemi yaʼagana huno haneʼniya vekamoʼmo lagaefeʼmo hau ayamopafiʼmo hauʼniye.

Efasasi 2:7

Gotiʼa lusi kava huno fikumo laha maeno lamiʼniya kavaʼamo kagemi yaʼagana huno haneʼnigeno Kalaisi Yesutetiʼmo agaiʼa aipamo alino ao yaʼmo hu maleʼniya kavaʼmo alino apave lisigeʼapaeʼmo afole aisiya afinaʼmo ageʼa maigae.

Efasasi 3:16

Nunumuʼmo nehuʼnaeʼmo, lusi kava huka ha le konali vekamo maiʼnanaʼmofeʼmo ha le konali kagemi yakalefeʼmo himamukaletiʼe Kaunekametetiʼeʼmo apakupi mafaʼnemo lokiya vaika apato. Kalaisiʼa agaefeʼmo apakesamo afiʼa fatago nehaya kavatetiʼmo apaipafiʼmo alagi maiyo. Kalaisiʼa apaipafiʼmo maiʼnisigeʼapaeʼmo hapau apayamopafiʼmo hapauʼnisigeʼa hapafuʼyamo aegekana huʼa maiʼneʼa noʼmo faiʼa neʼataya yateʼmo alagi atafauʼa alagi huʼa maiyo.

Efasasi 3:8

Muki apaote vayaʼamogimo aeʼa naga seʼnageʼna henaga vekamo maiʼnovaʼmonanafa kanale yaʼmo ageta lekana opaisuna agufa yaʼmo Kalaisiʼa neʼapamiya kagemi yaʼalefeʼmo ava gemo alu nofi vayaʼaifeʼmo aeʼna hakalo huʼna hapa paisuvafeʼmo fikumo naha maeno namiʼniye.

Filipai 4:19

Gotiʼnimoʼa Kalaisi Yesutetiʼmo asole yaʼmo maleʼniya yapatiʼmo lapakaemo muki kafu huʼnisaya yaʼmo fikumo lapamigiye.

Kolosi 1:14

Agaepiʼmo maiʼnonagenoʼaeʼmo kolaʼaletiʼmo miya faino hatu maeno latetenoʼaeʼmo hosu kavatimo alino ataleʼniye.

Kolosi 1:27

Gotiʼa muki nofi vayaʼaitegamo asole ha le konali kavaʼamo fala kiʼniyanageno alino apave lisiyafeʼmo hauʼnigenoʼaeʼmo agesamo afiʼniye. Mani fala kiʼniya gemo Kalaisiʼa lapaipafiʼmo maiʼniya vekaeʼmo ava gemo haneʼniye. Agaetefeʼmo ha le konali yaʼamo alisayafeʼmo lapavayagunagu hutapa agava neʼmaiye.

Kolosi 2:13

Hosu lapakufamo olagautapa hosu kavapiʼmo maiʼnetapaeʼmo faliʼnaya vayakana huta maiʼnagenoʼaeʼmo Kalaisiʼeʼmo alino he tino lapateʼniye. Gotiʼa muki hosu kavatimo alino ataletenoʼaeʼmo

Kolosi 2:2

Lapaipamoʼmo atete osuno lokiya vaino haneʼnisigetapa lapau lapayamopafiʼmo lapauʼnisigetapa magoke lapaipa lapakesamo alita maisayafeʼmo aliʼyaʼmo neʼaluve. Ani kavaʼmo huta maiʼnetapaeʼmo Gotiʼa hogoteno alino fala kino ateʼneno alino lapaveliʼniya vekamo Kalaisiʼmo alagepa hutapa ageta aeto hutetapa lole lapakesamo oʼafitapa lusi kava huta magoke lapakesamo afisayafeʼmo nahauʼniye.

1 Timoti 2:6

Agaemo muki vayaʼmo miya faino hatu maeno apatesiyafeʼmo agaiʼa agufamo Gotina amiʼnigeʼapaeʼmo Gotiʼa lekana pai maleʼniya afinaʼmo geʼamo aeʼa hakalo huʼa hapa paigae.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Taitasi 3:6

Lagufamo alino katino nelateya vekatimo Yesu Kalaisitetiʼmo lagaeteʼmo Aunemeʼamo aniʼmo lakigekana huno lamiʼniye.

Himulu 9:22

Vayaʼmogi keʼaepa gemo akame hisayafeʼmo alagi hogoʼamo muki hosu kavaʼapimo afumo kolatetiʼmo aeʼa kalo paeʼa atalesaya kavaʼmo huʼnae. Kolaʼmo aino olakiʼnisiyaʼmoʼmo Gotiʼa vayaʼai hosu kavaʼapimo alino oʼatalegaiye.

1 Pita 2:24

Agaiʼageʼmo hosu kavatimo agufafiʼmo aliteno malipu yosaleʼmo faliʼniye. Hosu kavatilefeʼmo falitetaeʼmo alagepa kavaʼalefeʼmo afaʼa maisunafeʼmo faliʼniye. Amagiʼnageno fugaginaʼamoʼmo huʼniya kavaʼaletiʼmo Gotiʼa alino auleno lapateʼniye.

1 Pita 3:18

Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.

1 Yoni 2:12

Aise mafaʼneʼnimogitapae, huʼna, Gotiʼa Kalaisi agiʼalefeʼmo hosu kavatapimo ago alino ataleʼniyaʼmofeʼmo lapakaefeʼmo mani gemo avoʼmo kaeʼnove.

1 Yoni 2:2

Agaiʼamo Gotiʼa aipamoʼmo falu huno latesiyafeʼmo maiʼniye. Gotiʼa lagaefekeʼmo aipamoʼmo falu huno latesiyafeʼmo oʼmaiʼnifa muki ma mopafiʼmo maiʼnaya vayaʼefeʼmo Gotiʼa aipamoʼmo falu huno apatesiyafeʼmo maiʼniye.

1 Yoni 4:10

Alopa alagepa kavaʼmo haneʼniyana lagaemo Gotifeʼmo lahau layamopafiʼmo olahauʼniyaʼmonanafa Gotiʼa lagaefeʼmo hau ayamopafiʼmo hauʼniye. Agaemo lagaefeʼmo hau ayamopafiʼmo hauʼnisigeno aipamoʼmo falu huno latesiyafeʼmo Mafaʼneʼamo alino ateʼnigeno emineno hosu kavatilefeʼmo falino miya faino lateʼniye.

Leveleseni 14:4

Apakaemo aʼneʼeʼmo magokepi lokaeʼa ohavaeʼnaya vayaʼmo yaveyave apaipa vayaʼageʼmo maiʼnae. Apakaemo aikeli sipisipimo haiyategamo uʼnifi akame huʼa neʼvae. Agaemo ma mopafi vayapatiʼmo miya faino hatu maeno apateʼniye. Yu vayaʼmogimo hoyafatiʼmo hogoteno leʼniya neʼyaʼmo aliʼa Gotiʼa amiʼnageno Gotiʼa neʼyaʼmo haneʼniya kava huʼa apakaemo Gotiʼe aikeli sipisipi vekaʼeʼmo vayaʼanimo maiʼnae.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.