Efasasi 1:17 - The Keyagana NT and 25 OT books

¹⁷ Nagaemo Ala kava netimo Yesu Kalaisi Gotiʼamo ha le konali yaʼaʼe vekaeʼmo nunumuʼmo huʼnaeʼmo, Kaunekameʼmo apamigeʼapao alagepa apaipa apakesamo aliʼneʼa kageʼa alagepa huteʼa apakesamo afiʼa fatago hiyo.

Efasasi 1:17 ပူးပေါင်းရင်းမြစ်များ

Samu 24:10

Ani ha le konali kini vekamo ina laʼae. Asole ami vayaʼaiteʼmo yagaino neʼapateya kini vekamo ha le konali kini vekamo maiʼniye.

Samu 24:7

Yafa lafi kegiʼya kate kitamo yakitapa ateyo. Hanege hanege huno nehaneya mono note kitamo yakitapa ateyo. Yakitapa atesagenoʼaeʼmo ha le konali kini vekamo eno haineno.

Samu 29:3

Ala kava neʼmoʼa ge nehigenoʼaeʼmo agemoʼmo solovala aniʼmo agotofuleʼmo aino atagu nefae. Ha le konali Goti agemoʼmo hakalu hakalu huge muki solovala haopalegamo hakalu hakalu huge nehiye.

Mai'naya kavane 18:15

Alagepa kavaʼmo hisiyafeʼmo ageʼniya vekamoʼmo magoʼe huno afigiye. Afiteno ageʼniya vekamoʼmo magoʼe huno afisiyafeʼmo alino aya maleʼniya gemo agetafo huʼneno neʼafiye.

Mai'naya kavane 2:5

Ani agufa kavaʼmo nehisanana Ala kava nefeʼmo koli nehaya kavaʼmo aepaʼamo agegane. Kagaemo Gotiʼmo alagepa huka agegane.

Aiyeya 11:2

Ala kava neʼmo Aunemeʼamoʼmo agaeteʼmo emineno maigiye. Ageteno neʼafiya kavanagi afino aeto nehiya kavanagi alino apaya neʼmaleya kavanagi lokiyaʼagi afisiya kavanagi Ala kava nefeʼmo koli huteno akame nehiya kavanagi huno alino amisiya Aunemeʼamo agaeteʼmo maigiye.

Neniyo 10:1

Sailasiʼa Pesiya kini vekamo loleʼe magoʼe kafugamo yagaino neʼapategenoʼaeʼmo Gotiʼa mago gemo Neniyoʼmo alu agiʼamo Melatasasafeʼmo ha paiʼniye. Ani gemo alopa kame kavafeʼmo alagi lama gemo afole aisiya kavafeʼmo huʼniye. Neniyoʼmo alagamuna agetenoʼaeʼmo aepaʼamo ageʼniye.

Neniyo 5:11

Mago vekamo kagaemo yagaiʼnana koteʼmo apaote gotigi apauneʼapameʼamo aipafi maiʼnaya vekamo maiʼniye. Lotokamoʼmo kini vekamo Nepukanesaʼmo maiʼniya afinaʼmo agaemo ani alagepa huno afiteno ageʼniya vekamo ageʼniyana agaemo ageʼniya kavaʼamoʼmo alagepa huʼnigeʼa gotigi ageʼnaya kavakana huno haneʼniye. Lotokamoʼmo Nepukanesaʼmo ani vekamoʼmo lekana paino ateʼnigeno apaune vayaʼaitenagi kanefiʼmo ageʼa aiyaka neʼaliya vayaʼaitenagi Kalatiya vayaʼaitenagi afole aisiya kavafeʼmo ava gemo nehaya vayaʼaitenagi huno yagaino apateʼniye.

Matiyu 11:25

Ani afinaʼmo Yesuʼa nunumuʼmo hunoʼaeʼmo, Afo, huno, Kokuʼnapiʼe ma mopafiʼeʼmo neʼyagaina Ala kava neʼmogae, huʼna, ageteʼa afiʼnaya vayaʼe sukulu huʼnaya vayaʼmogiʼeʼmo ani kavaʼmo alagi oʼagesayafeʼmo alika fala ki maleʼnanaʼmonanafa aise mafaʼne anagaʼmo alika apave liʼnanaʼmofeʼmo kahao ke nehove.

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Matiyu 16:17

Yesuʼa ha painoʼaeʼmo, Saimoniyo Yona mafaʼneʼamogae, huʼna, Gotiʼa alino auleno kateʼniye. Mago ma mopafi vekamoʼmo alino kave oliʼnifa kokuʼnapi Afoʼnimoʼmo alino kave liʼnigeka nageka alagepa huʼnane.

Matiyu 20:33

Ala kava nene, huʼana, laʼaulagatiʼamo alika ayakeka laʼato, huʼana ha paiʼnaʼagenoʼaeʼmo

Matiyu 6:13

Lamalageka hisiya kavategamo lavalelikuka olateka hosu kavategatiʼmo alika atagineka lategeta eno. Kagaika himamukaletiʼe ha le konali yakaletiʼeʼmo yagaika neʼapatane. He, lama ge.

Luki 12:12

Aote Aunemeʼamoʼmo ani afinaʼmo na agufa gemo hisafigeno alino lapaya malesigeta afaʼa hugae, huno hapa paiʼniye.

Luki 2:14

Gotiʼa aeno apakaseʼniya vekamo hogote vekamo agiʼaleʼmo alita asaga higetao. Gotiʼa amuse huno neʼapateya vayaʼai apaipamoʼmo falu hino, huʼa huteʼa apataleʼa kokuʼnapiʼmo uʼa haiʼnae.

Luki 21:15

Nagaiʼnimo alagepa huʼa afiteʼa ageʼnaya gemo aliʼna lapamisugetapa hapa paisageʼa afiteʼapaeʼmo getapileʼmo ge huʼa aeʼa ati kaeʼa ge osugae.

Yoni 14:17

Gotiʼa Aunemeʼamo alagi lama geʼage aepa Aunemeʼamo lapamigiye. Ma mopafi vayaʼmogimo agaemo oʼageʼnayaʼmofeʼmo ageʼa aeto osuʼnayanageʼa afaʼa oʼagegayaʼmonanafa lapakaeʼeʼmo maiʼniyaʼmofeʼmo ago ageʼnae. Agaemo lapakaeʼeʼmo ago maiʼniyanageno lapakaepiʼmo maigiye.

Yoni 14:26

Hemenimo lapa nepauvaʼmonanafa muki yaʼmo Afoʼamoʼmo aote Aunemeʼamoʼmo lapa maesiya vekamo nagiʼniletiʼmo alino atesigeno lapakaetegamo emineno muki geʼamo alino lapaya maleteno lapaipa lapakesamo alino he tino lapatesigetapa lapa nepauva geeʼmo lapakesa afita ho hugae.

Yoni 16:3

Muki yaʼmo Afoʼamoʼmo ageʼa alagepa osuʼnaya kava huʼa nagaemo nageʼa alagepa osuʼnayaʼmofeʼmo ani agufa kavaʼmo lapakaetegamo hugae.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Yoni 20:17

afoʼnimotegamo uʼna ohaiʼnovaʼmofeʼmo nanu okiyo. Naganaʼnimogifeʼmo uka hapa paikaeʼmo, kokuʼnapi Afoʼnimoʼmo Gotiʼnimotegamo Afotapimoʼmo Gotitapimotegamo uʼna haiguve, huno huʼniye, huka uka hapa paiyo, huno ha paiʼniye.

Apa 6:10

Goti Aunemeʼamoʼmo alagepa agesa afi yaʼmo amiʼnigeʼa Sitiveniʼa huʼniya geleʼmo ge huʼa aeʼa oʼagaseʼnae.

Apa 7:2

Sitiveniʼa hunoʼaeʼmo, Naganaʼnimogitapaʼe afoʼnimogitapaʼeʼmo afiyo, huno, Akeyaʼvilaga laginago vekamo Emalehamuʼa Mesopotemiya kotegamo maiʼnenoʼaeʼmo Helani kotegamo oʼuʼnigenoʼaeʼmo aulagaleʼmo ha le konali yaʼaʼe vekamo Gotiʼa afole aitenoʼaeʼmo,

Lomu 1:28

Apakaemo Gotifeʼmo lama ge huʼa apakesa afisayafeʼmo ohapauʼniyaʼmofeʼmo Gotiʼa magoʼe huno apatafauno oʼmaiʼnifa afaʼa apakeno apataleʼnigeʼno hosu apaipa apakesakeʼmo alino he tino apateʼnigeʼa osisaya agufa kavaʼmo nehae.

Lomu 15:6

Magoke lapaipa lapakesamo aliʼnetapa magoke lapavayafatiʼmo Ala kava netimo Yesu Kalaisi Gotiʼamo Afoʼamo agiʼaleʼmo alita asaga hutapa atesayafeʼmae.

1 Kolitiyani 12:8

Goti Aunemeʼamoʼmo mago vayaʼamogimo alagepa faigoko geʼamo aeʼa hakalo huʼa hapa paisayafeʼmo lokiyaʼamo apamige mago vayaʼamogimo alagepa geʼamo aliʼa apaya malesayafeʼmo lokiyaʼamo apamige nehiye.

1 Kolitiyani 14:6

Konagaʼnimogitapae, huʼna, Nagaemo lapakaetegamo uʼna avaʼyi huteʼnaeʼmo alu nage alu nagemo aisuvana haiya kava huʼna lapa maegauve. Lapa oʼmaegauvaʼmonanafa Gotiʼa alino nave liʼniya gemo lapa paisufi afisaya agufa gemo huʼna lapa paisufi Gotitegatiʼmo geʼamo aliʼna aeʼna hakalo huʼna lapa paisufi aliʼna lapaya malesufi huʼnisuvana lapa oʼmaegauve.

1 Kolitiyani 2:10

Muki vayaʼmogimo Oʼageʼnayaʼmonanafa Gotiʼa Aunemeʼaletiʼmo alino lave liʼniye. Goti Aunemeʼamokeʼmo Goti agesafiʼmo fala kino haneʼniya geʼamo neʼageyaʼmofeʼmae.

1 Kolitiyani 2:8

Muki ma mopafiʼmo maiʼneʼa yagaiʼa neʼapataya vayaʼmogimo ani afiteno ageʼniya geʼamo alagi oʼafiʼnae. Afiʼnaesinana ha le konali Ala kava neʼmo malipu yosaleʼmo nili aiteʼa aliʼa he tiʼa oʼateʼnaesine.

2 Kolitiyani 12:1

Nagaiʼnieʼmo namogaga aisuvana naha oʼmaegaiye. Ataleʼna Ala kava neʼmoʼa alino nave liʼnigeʼna alagamuna agegekana huʼna ageʼnova kavafeʼmo lapa paiguve.

Efasasi 1:3

Lagaemo Gotiʼa alita auleta ategetao. Agaemo Ala kava netimo Yesu Kalaisi Gotiʼamoʼmo maige Afoʼamoʼmo maige huʼniye. Lagaemo Kalaisipiʼmo maiʼnonagenoʼaeʼmo agaemo muki aulena yaʼamo kokuʼnapatiʼmo launelameʼmo ha maesiya yatetiʼmo ago alino auleno lateʼniye.

Efasasi 3:5

Gotiʼa hogoteno akeyaʼvilagamo muki ma mopafi vayaʼmo alino apave oliʼniyaʼmonanafa hemenimo Aunemeʼaletiʼmo laote apa vayaʼamogita Gotitegati gemo alinita eta aeta hakalo huta hapa nepauna vayaʼmo ago alino lave liʼniye.

Efasasi 4:13

Ani kavaʼmo huta kosime kosime neʼutaeʼmo magokepi lokaeta maiʼneta magoke lagesamo afita fatago huge Goti Mafaʼneʼamo alagepa huta agege nehutaeʼmo alopa vayakana huta maiʼneta uta haita hapaigune. Kalaisiʼa alagi alopa vekagana huno maiʼniyanageta ani kavaʼmo huta kosime kosime uta Kalaisikana huta maigune.

Filipai 3:15

Neʼuvaʼmofeʼmo alopa vayaʼmo uta haita hapaiʼnona vayaʼmogitamo ani kavaʼmo huta maigetao. Mago vayaʼamogitapamo alu lapakesamo neʼafisayaʼmoʼmo Gotiʼa mani kavaʼmo afaʼa alino lapave ligiye.

2 Timoti 2:25

Goti aliʼyaʼamo neʼalisiya vekamoʼmo gemo amagiʼa neʼatagaya vayaʼaifeʼmo himuʼnamu gefatiʼmo osuno vase vase gemo huno alino api aino apategaiye. Gotiʼa apakaemo lama gemo afiteʼa agesayafeʼmo apaipamo alino afe leno apatesifi, huteno vase vase gefatiʼmo hugiye.

Taitasi 1:1

Nagaemo Poloʼnamo Goti kalavusifiʼmo maiʼneʼnaeʼmo aliʼyaʼamo alige Yesu Kalaisi apa vekaʼamo maige huʼneʼnaeʼmo mani gemo avoʼmo nekaove. Gotiʼa lekana paino apateʼniya vayaʼmogi apakesamo afiʼa fatago huge lama gemo alagepa huʼa afiʼneʼa Gotifekeʼmo alagepa huʼa mono huge hisayafeʼmo nagaemo aliʼyaʼmo neʼaluve.

Yemisi 2:1

Konagaʼnimogitapae, huʼna, lapakaemo Ala kava netimo Yesu Kalaisiʼa ha le konali agi vekaeʼmo lapakesamo afita fatago nehutapaeʼmo ala apaki vayaʼaitegaʼe aise apaki vayaʼaitegaʼeʼmo magoke aiyaya kavaʼmo hiyo.

2 Pita 1:3

Gotiʼa yalagisa vekamoʼmo himamuʼaletiʼmo alagepa huta maiʼneta Gotifekeʼmo alagepa huta mono hisunafeʼmo muki yaʼamo fikumo laha maeno lamiʼniye. Lagaemo Gotiʼmo ageta alagepa huta ageʼnona kavatetiʼmo muki yaʼamo lamiʼnigeta aliʼnone. Ha le konali yaʼamo aliteta agaekana huta maisunafeʼmo lagaefeʼmo eyo, huno keya aeno ge huʼniye.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.

Leveleseni 7:12

Apakaemo huʼapaeʼmo, He lama ge. Gotitimofeʼmo amuse huʼa ateteʼa agiʼaleʼmo aliʼa asaga huʼa ateyo. Alagepa huno ageteno afiʼniya vekamae, huʼa huteʼa hao ke heʼa ala agiʼamo amiyo. Muki yaʼagi lokiyaʼagi himamuʼagi huno haneʼniya vekamae, huʼa, muki afinaʼmo hume hume viyo. He lama ge, huʼa huʼnae.