Efasasi 1:16 - The Keyagana NT and 25 OT books

¹⁶ Gotifekeʼmo hao ke heʼna lapateteʼnaeʼmo muki afinaʼmo oʼataleʼna nunumuʼmo huʼna nelapatove.

Efasasi 1:16 ပူးပေါင်းရင်းမြစ်များ

Aepa Gemae 40:14

Alagepa huka maikaeʼmo kahaoke hovanagi, nagaefeʼmo kagesamo afiteka naha maeka kini vekaeʼmo ha paigenoʼao kalavusifatiʼmo hatu maeno nategaiye.

Aiyeya 62:6

Yulusalemuo, huʼna nagaemo yafa lafi kegiyakaleʼmo kava yagaisaya vayaʼmo aliʼna apateʼnovanageʼa felugaʼe haniʼilagaʼeʼmo afaʼa oʼmaiʼa apake aigae. Lapakaemo Ala kava nefeʼmo ava gemo nehaya vayaʼmogitapamo afaʼa oʼmaitapa ge hiyo.

Kolosi 1:3

Hogotetapa alagepa faigoko gemo afitetapaeʼmo Gotiʼa kokuʼnapiʼmo maleʼniya yateʼmo yagaino nelapateya yafeʼmo ava gemo afitetapa lapavayagunagu hutapa agava neʼmaiye. Agava maiʼnetapaeʼmo Kalaisi Yesufeʼmo lapakesamo afita fatago huʼnetapaeʼmo muki apaote vayaʼaifeʼmo lapau lapayamopafiʼmo lapauʼniya kavafeʼmo lapava gemo afiʼnone. Afiʼnona afinatetiʼmo muki afinaʼaeʼmo nunumuʼmo huta nelapatone. Ala kava netimo Yesu Kalaisi afoʼamoʼmo Gotifeʼmo hao ke heta nelapatone.

Kolosi 1:9

Ani kavaʼmo hutapa maiʼnayaʼmofeʼmo afiʼnona afinatetiʼmo oʼataleta nunumuʼmo huta lapateme lapateme eta maiʼnone. Lagaemo, Apakaemo kahauʼnisiya kavaʼmo hisayafeʼmo kaunekameʼmoʼa alino apaya malenageʼa alagepa huʼa apakesamo afiteʼa ageʼa aeto nehaya kavaʼmo apaipafiʼmo havai teno, huta nunumuʼmo nehune.

1 Tesaloniyani 1:2

Lagaemo mukiʼamogitapaeʼmo Gotifeʼmo muki afinaʼmo nunumuʼmo huta hao ke nehone.

1 Tesaloniyani 5:17

Muki afinaʼmo oʼataletapa nunumuʼmo hiyo.

2 Tesaloniyani 1:3

Konagatimogitapae, huta, lapakesamo afita fatago nehaya kavaʼmoʼa ko sino alopa heʼnigetapaeʼmo konagatapimogifeʼmo lapauʼniyanageno magoʼe magoʼe huno nelapaiye. Ani kavaʼmo nehayaʼmofeʼmo kanale kavaʼmogeta lapakaefeʼmo muki afinaʼmo Gotifeʼmo hao ke hesuna kavaʼmo haneʼniye.

1 Samiyo 12:23

Nagaiʼnieʼmo huʼnaeʼmo, Fiku yanageʼna magoʼe huʼna nunumuʼmo huʼna olapatesuvaʼmoʼmo Ala kava netegamo hosu kavaʼmo huguve. Nagaemo alagepa kavaʼe fatago kavaʼeʼmo hisayafeʼmo aliʼna lapaya malegauve.

1 Samiyo 7:8

Koli huteʼapaeʼmo Samiyofeʼmo ha paiʼapaeʼmo, Kagaemo Ala kava neʼmo Gotitimoʼmo oʼataleka Filisatini vayaʼai apayapatiʼmo lagufa alino katino latesiyafeʼmo nunumuʼmo huka lato, huʼa huʼnae.