Apa 9:4 - The Keyagana NT and 25 OT books

⁴ Agetenoʼaeʼmo mopafiʼmo asagauno aino agoʼya faino maiʼnigenoʼaeʼmo, Solo, Solo, huno, Na kava higekaeʼmo nagaefeʼmo kaini huka neʼnatane, huno ha paiʼnigenoʼaeʼmo,

Apa 9:4 ပူးပေါင်းရင်းမြစ်များ

Aepa Gemae 16:8

Enisole vekamoʼmo hunoʼaeʼmo, Hegao, huno, Selai aliʼyaʼamo neʼalina aʼmogae, huno, haiyaʼalegati ekaeʼmo haiyategamo visanafe nehane, huno ge huno afi geʼnigenoʼaeʼmo, Nagaemo Selaiʼmo aliʼyaʼmo neʼaluva a kanomo aulagaletiʼmo ataleʼna naune heʼna neʼove, huno ha paiʼnigeno,

Aepa Gemae 22:11

Ala kava neʼmo enisole vekaʼamoʼmo kokunapatiʼmo ge hunoʼaeʼmo, Emalehamuo, Emalehamuo, huno keya aeno ge huʼnigeno Emalehamuʼa, maiʼnove, huno ha paiʼniye.

Aepa Gemae 3:9

Ala kava neʼmoʼa Atamufeʼmo keya aeno ge hunoʼaeʼmo, Haiyateʼmo maiʼnane, huno keya aeno ge huʼnigenoʼaeʼmo,

Hatu maeno apate'niya gemae 3:4

Ala kava neʼmoʼa ani yosafatiʼmo Moseseʼmo ageno maiʼnigenoʼaeʼmo ani yosamo agesiyafeʼmo kaʼmo ataleno aniyateʼmo eʼnigenoʼaeʼmo, Moseseyo, Moseseyo, huno huʼnigeno, ove, huno huʼnigenoʼaeʼmo

Aiyeya 6:8

Nagaemo Ala kava neʼmoʼa ge huʼnigeʼna afiʼnove. Ina gemo hunoʼaeʼmo, Ina laʼmo aliʼna atesugeno ugiye. Ina laʼmo laha maeno geʼnimo alinino ugiye, huno huʼnigeʼna afiteʼnaeʼmo, Nagaemo manileʼmo maiʼnovanagi alika nategeʼna vino, huʼna ha paiʼnove.

Aiyeya 63:9

Apakaemo muki kana yaʼmo aliʼnagenoʼaeʼmo ani kana yaʼmo aipafiʼmo asagauno aiʼnigeno agaeʼeʼmo aliʼniye. Goti aulagaleʼmo maiʼniya enisole vekamoʼmo apakufamo alino katino apateʼniye. Hau ayamopafiʼmo hauʼnigeno hau huno apateteno miya faino hatu maeno apateʼniye. Akeyaʼvilagamo muki afinaʼae afinaʼaeʼmo apasagauno apavalelino uʼniye.

Napa 16:45

Lanakaemo mani vayaʼaitegatiʼmo ataletana viʼao. Malage huʼna aliʼna hano huʼna apatalegauvanagi. Ani gemo afiteʼanaeʼmo anaugosalegatiʼmo mopafiʼmo anakoʼya faiʼnaʼae.

Matiyu 25:40

Ala kini vekaʼapimoʼmo hunoʼaeʼmo, lama ge lapa nepauve, huno, lapakaemo nagae vayapatiʼmo ina agufa naganaʼnimogitegamo ani kava huʼnaya kavaʼmo nagaetegageʼmo huʼnae, huno hapa paigiye.

Luki 10:41

Matao, Matao, huno, muki kavafeʼmo kagesa alaʼamo afiʼnanageno kaipamoʼmo atete nehiyaʼmonanafa alagepa huka maisana yaʼmo alisana yaʼmo magoke yaʼmo haneʼniye.

Yoni 18:6

Yesuʼa hunoʼaeʼmo, ani vekamo nagaemo maiʼnove, huno hapa nepaigeʼapaeʼmo apakamelegatiʼmo apaune heʼa uʼa mopafiʼmo asagauʼa aiʼnae.

Yoni 20:16

Yesuʼa hunoʼaeʼmo, Maliyao, huno huʼnigeno aino afe leno Himulu gefatiʼmo hunoʼaeʼmo, Lamonai, ina ge huno, Tisao, huno huʼnigenoʼaeʼmo,

Yoni 21:15

Neʼyaʼmo neteʼapaeʼmo Yesuʼa Saimoni Pitafeʼmo hunoʼaeʼmo, Yoni mafaʼneʼamo Saimoniyo, huno, nagaefeʼmo kahau kayamopafiʼmo kahauʼnigeka ani vayaʼaina aeka apakaseka maiʼnapiye, huno afi geʼnigenoʼaeʼmo, Ala kava nene, huno, ago nageʼnanana kagaefeʼmo nahauʼniye, huno ha paiʼnigenoʼaeʼmo, nagae aikeli sipisipi vayaʼmo neʼyaʼmo apamiyo, huno ha paiʼniye.

Apa 5:10

malage huno mopafiʼmo asagauno aiteno faliʼniye. Neya vemogimo eʼa agayana ago faliʼnigeʼa hiʼyopa alini uʼa anauʼamoʼeʼmo lokaeʼa kiʼa anateʼnae.

Apa 9:5

Ala kava nene, huno, kagaemo ina lagae, huno afi geʼnigenoʼaeʼmo, Nagaemo Yesuʼnamo kaini huka neʼnatana vekamo maiʼnove.

Lomu 11:22

Gotiʼa ani kavaʼmo huʼniyaʼmofeʼmo yuna aipamo kalino nelapateya kavaʼaʼe lokiya aipamo kalino neʼapateya kavaʼaʼefeʼmo lapakesamo afiyo. Agaemo asagauʼa aiʼnaya vayaʼaifeʼmo lokiya aipamo kalino neʼapateyaʼmonanafa lapakaefeʼmo yuna aipamo kalino nelapate. Lapakaemo yuna aipamo kalino nelapateya kavaʼafiʼmo maime maime neʼvisayana yuna aipamo kalino lapategaiyaʼmonanafa atalesayaʼmoʼmo Gotiʼa ani kava huno lapakaeʼeʼmo alino lo aeno lapatalegaiye.

1 Kolitiyani 12:12

Mago vekamoʼmo magoke agufamo haneʼniyaʼmonanafa muki agufafiʼmo alu ya alu yaʼamo haneʼniye. Agufafiʼmo asole yaʼamo haneʼniyaʼmonanafa magoke agufamo haneʼniye. Ani kavaʼmo huno Kalaisi agufamo haneʼniye.

1 Kolitiyani 4:7

Ina laʼmo aeto agufa vayaʼmo alino hamaleno lapateʼniye. Na agufa yaʼmo aliʼnaya yatapimo Gotiʼa olapamiʼniye. Haʼao, muki yatimo lamiʼniye, hutapa nehisayana na kava higetapaeʼmo olapamiʼniyesina agufa kavatefeʼmo lapakitapileʼmo alitapa asaga hutapa nelapatae.

Efasasi 5:30

Agufaʼamo maige agufafi alu ya alu yaʼamo maige ayamufafiʼmo alu ya alu yaʼamo maige huʼnonaʼmofeʼmae.