Apa 9:20 - The Keyagana NT and 25 OT books

²⁰ Soloʼa Goti geʼamo neʼafiya vayaʼeʼmo Namasakasi taonifiʼmo mago afinaʼmo maiʼniye. Malage huno Yu vayaʼai mono noʼale noʼaleʼmo uneno huno Kalaisifeʼmo hunoʼaeʼmo, Ani vekamo Goti mafaʼneʼamo maiʼniye, huno aeno hakalo huno hapa paiʼniye.

Apa 9:20 ပူးပေါင်းရင်းမြစ်များ

Samu 2:12

Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Samu 2:7

Kini vekamoʼmo hunoʼaeʼmo, Ala kava neʼmoʼa hu maleʼniya gemo aeʼna hakalo huʼna lapa paiguve, huno huʼniye. Agaemo, Hemeni afinaʼmo mafaʼneʼnimo aliʼna kateʼnogeka maiʼnane, huno naha paiʼniye.

Matiyu 27:43

Agaemo Gotifeʼmo alino amufa amiʼniye. Agaemo hunoʼaeʼmo, Goti mafaʼneʼamo maiʼnove, huno huʼniyaʼmofeʼmo Gotiʼa agufamo alino katino atesifigeta agegaune, huʼa huteʼa huʼa faipa huʼa ateʼnae.

Matiyu 27:54

Ati vayaʼaiteʼmo yagaino neʼapateya vekaʼe ati vayaʼaʼeʼmo Yesuteʼmo yagaiʼa maiʼneʼa ageʼnayana imima aliʼnigeno muki kavaʼmo afole aiʼnigeʼa ageteʼapaeʼmo lusi kava huʼa koli huteʼapaeʼmo, alagi lama gemo hune, huʼa, ani vekamo Goti mafaʼneʼamo maiʼniye, huʼa huʼnae.

Matiyu 4:3

Apamalageka nehiya vekamoʼmo agaetegamo eno avaʼyi huteno, Goti mafaʼneʼamo maiʼnisanana mani yafafeʼmo, peleti mayamo alika hamalo, huka huvo, huno ha paiʼniye.

Yoni 1:49

Tisao, huno, Goti mafaʼneʼamo maiʼneka Isaleli vayaʼaiteʼmo yagaika neʼapatana kini vekaʼapimo maiʼnane, huno ha paiʼniye.

Yoni 19:7

Yu vayaʼmogi huʼapaeʼmo, agaemo Goti mafaʼneʼamo maiʼnove, huno huʼniyaʼmofeʼmo keʼaepa getimoʼmo hunoʼaeʼmo, ago faligiye, huno huʼniye, huʼa ha paiʼnae.

Yoni 20:28

Tomasiʼa hunoʼaeʼmo, Ala kava neʼnimo Gotiʼnimogae, huno ha paiʼnigenoʼaeʼmo,

Yoni 20:31

Lapakesamo afita fatago hutetapaeʼmo, Yesuʼa Kalaisi vekamo Goti Mafaʼneʼamo maiʼniye, hutetapa maiʼnetapaeʼmo agiʼaletiʼmo alagepa hutapa maige maige hutapa maisayafeʼmo mani gemo huʼna avoʼmo kae maleʼnove.

Apa 13:14

Pega taonifiʼmo atale uʼana Atiyoki kotega taonimo Pisitiya kotegamo uʼana avaʼyi huteʼana Sapati afinaʼmo Yu vayaʼai mono nopiʼmo uʼana haiʼnaʼae.

Apa 13:46

Poloʼe Manamasiʼeʼmo koli osuʼana lokiya gefatiʼmo hapa paiʼanaeʼmo, laʼagaemo Goti geʼamo hogotetaʼa lapa paisuʼa kavaʼmo haneʼniyaʼmonanafa Goti gelefeʼmo lapakameʼyamo amitetapaeʼmo ani kavaʼmo hutapa lapakaitapimo agoti hutapa lapatetetapaeʼmo, maige maige huta maisuna yaʼmo alisuna agufa kava huta oʼmaiʼnone, hutapa nehayaʼmofeʼmo lapataletutaʼa alu nofi vayaʼaifeʼmo hapa paiguʼae.

Apa 13:5

Salamisi taonifiʼmo uʼana avaʼyi huteʼanaeʼmo muki Yu vayaʼai mono noʼafiʼeʼmo uʼeʼa huʼana Goti geʼamo aeʼana hakalo huʼana hapa paiʼnaʼae. Yoni Makiʼa hana maeno aliʼyaʼmo alisiyafeʼmo magokepi lokaeʼa maiʼnae.

Apa 14:1

Atiyoki kotegamo afole aiʼniya agufa kavaʼmo huno Aikoniyamu kotegamo afole aiʼniye. Poloʼe Manamasiʼeʼmo Yu vayaʼai mono nopiʼmo uʼana haiʼana alagepa huʼana aeʼana hakalo huʼana hapa paiʼnaʼageʼapaeʼmo asole Yu vayaʼe alu nofi vayaʼmogiʼeʼmo apakesamo afiʼa fatago huʼnae.

Apa 16:13

Lagaemo sapati afinaʼmo taonifatiʼmo ataleta ani haigifiʼmo nunumuʼmo nehaya yategamo uta lamiʼnone. Lamita aliʼa anupa huʼa maiʼnaya aʼne anagaʼaifeʼmo hapa paiʼnone.

Apa 17:10

Hani nehigeʼapaeʼmo konagaʼanimogimo Poloʼe Sailasiʼeʼmo aliʼa anateʼnageʼana Meliya taonifiʼmo uʼana avaʼyi huʼnaʼae. Uʼana avaʼyi huteʼana Yu vayaʼai mono nopiʼmo uʼa haiʼana Goti geʼamo hapa paiʼnaʼae.

Apa 17:17

Agaemo muki afinaʼae afinaʼaeʼmo Yu vayaʼai mono nopiʼmo uno haino hapa paiʼnigeʼapaeʼmo Yu vayaʼe alu nofi vayaʼmogimo mono nehaya vayaʼeʼmo magokepi ge huge afige huʼa maiʼnae. Ani kavaʼmo huno muki afinaʼae afinaʼaeʼmo uno maketileʼmo eʼa maiʼnaya vayaʼaifeʼmo hapa paiʼnigeʼa agaeʼeʼmo magokepi ge huge afige huʼa maiʼnae.

Apa 17:2

Poloʼa nehiya kava huno uno haino mono nopiʼmo loleʼe magoʼe Sapati afinaʼmo Goti Mukufi gemo lekana paino alino apaya maleʼnigeʼapaeʼmo agaeʼeʼmo ge huge afige huʼa maiʼnae.

Apa 18:19

Lagautegeʼapaeʼmo uʼa Efasasi taonifiʼmo avaʼyi huteʼa Poloʼa Pilisilaʼe Akuvilaʼeʼmo anatalenuno Yu vayaʼai mono nopiʼmo uno haino hapa paiʼnigeʼapaeʼmo Yu vayaʼeʼmo ani gemo huge afige huʼa maiʼnae.

Apa 18:4

Poloʼa muki sapati afinaʼae afinaʼaeʼmo Yu vayaʼai mono nopiʼmo uno haino Yu vayaʼe Galiki vayaʼmogiʼeʼmo apakesa afiʼa fatago hisaya agufa gemo hapa paiʼnigeʼa ani geʼeʼmo huge afige huʼa maitale maitale huʼnae.

Apa 19:8

Poloʼa loleʼe magoʼe kaimo maiʼneno Yu vayaʼai mono nopiʼmo uno haino lokiya gemo huno apakesamo alino hapa paisiyafeʼmo alu ge alu geletiʼmo Gotiʼa neʼyagaiya kavafeʼmo ava gemo huno hapa paiʼniye.

Apa 8:36

Kategamo neʼuʼanaeʼmo mago ani kotuʼmo haneʼniya yateʼmo uʼana avaʼyi nehuʼanaeʼmo meku vekamoʼmo hunoʼaeʼmo, Manile ani kotuʼmo haneʼniye. Natafauno natesiya yaʼmo haneʼnifi afaʼa aniʼmo faleka nategane, huno afi geʼnigenoʼaeʼmo

Apa 8:37

Filipiʼa hunoʼaeʼmo, Muki kaipa kagesafatiʼmo alagi kagesamo afika fatago nehisanaʼmoʼmo afaʼa aniʼmo faleʼna kategauve, huno ha paiʼnigenoʼaeʼmo, Ago ani gemo kaha nepauve, huno, Yesu Kalaisiʼmo Goti mafaʼneʼamo maiʼniye, huʼna nagesamo afiʼna fatago nehuve, huno ha paiʼniye.

Apa 9:22

Soloʼa magoʼe magoʼe huno lokiya gefatiʼmo huno aeno hakalo huno hapa painoʼaeʼmo, Yesuʼa Kalaisi vekamo maiʼniye, huno alino apave liʼniye. Alagepa huno alino apave liʼniyaʼmofeʼmo Namasakasi taonifiʼmo maiʼnaya Yu vayaʼmogimo geʼaleʼmo afaʼa aeʼa atagaina huʼa osuʼnae.

Lomu 1:4

Aote aunemeʼaʼe vekamo maiʼniya kavatefeʼmo Gotiʼa agaiʼa himamuʼaletiʼmo, faliʼniyatetiʼmo ago alino he tino atetenoʼaeʼmo, mafaʼneʼnimo maiʼniye, huno alino apave liʼniye.

Galesiya 1:16

Agaemo Mafaʼneʼaeʼmo ava gemo malaga nofi vayaʼaifeʼmo aeʼna hakalo huʼna hapa paisuvafeʼmo Gotiʼa hauʼniya afinaʼmo Mafaʼneʼamo naipafiʼmo alino nave liʼnigeʼna ageteʼnaeʼmo uʼna mago vayaʼeʼmo ge huge afige huʼna oʼmaiʼnove.

Galesiya 2:20

Inagi Kalaisiʼa malipu yosaleʼmo faliʼnigeʼnaeʼmo agaeʼeʼmo faliʼnovaʼmofeʼmo hemenimo afaʼa oʼmaiʼnovaʼmonanafa Kalaisiʼa nagaepiʼmo maiʼniye. Hemenimo ma mopafiʼmo maiʼneʼnaeʼmo Goti Mafaʼneʼaeʼmo nagesamo afiʼna fatago nehuva kavatetiʼmo afaʼa maiʼnove. Agaemo nagaefeʼmo hau ayamopafiʼmo hauʼnigeno falino nateʼniye.

Leveleseni 2:18

Kagaemo Taiyataila taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo Goti mafaʼneʼamoʼna naulagalaʼmo ata vaikana huno nelegeno naiyalaʼmo haesa yafaʼmo oʼaniʼyaʼmo aeʼa kalo paeʼnaya yafakana huno haneʼniya vekamoʼnamo mani gemo lapa nepauve.