Apa 9:17 - The Keyagana NT and 25 OT books

¹⁷ Ha paiʼnigeno Ananaiyasiʼa uno ani nopiʼmo uno haino Solo agufaleʼmo ayaʼmo maleʼnenoʼaeʼmo, Solo konagaʼnimogae, huno, Ala kava neʼmo Yesuʼa kateʼmo neʼanageno kaulagaleʼmo afole aiʼnigeka ageʼnana vekamoʼmo nagaemo alino nateʼnigeʼna eʼnove. Nagaemo kaulagamo aliʼna ayakeʼna katesugeno Goti Aunemeʼamoʼmo kaipafiʼmo havai tesiyafeʼmo alino nateʼnigeʼna eʼnove, huno ha nepaigenoʼaeʼmo

Apa 9:17 ပူးပေါင်းရင်းမြစ်များ

Aepa Gemae 45:4

Inagi Yosefeʼa hunoʼaeʼmo, Lapaoke hovanagi nahaopaʼaleʼmo eyo, huno huʼnigeʼa eʼnagenoʼaeʼmo, nagaemo Yosefeʼnamo lapakanatapimoʼnamo maiʼnove. Lapakaemo hogotetapa nagaemo navaletapa kagemi yaʼapimo haneʼniya vayaʼaiteʼmo maketi huʼnageʼa miya faiʼa navaleliʼa Isipi kotegamo eʼnae.

Matiyu 19:13

Mago vayaʼmogimo mafaʼne anagaʼai apakufaleʼmo ayaʼmo maleʼnenoʼaeʼmo nunumuʼmo huno apatesiyafeʼmo Yesutegamo apavaleliʼa eʼnageʼapaeʼmo geʼamo neʼafiya vayaʼmogimo ke hapauʼnae.

Maki 6:5

Agaemo noʼaleʼmo noʼagaya agufa lokiya kavaʼmo afaʼa osuʼniye. Afaʼa osuʼniyaʼmonanafa magoke magoke vayaʼmo kaita hapauʼniya vayaʼaiteʼmo ayaʼmo maleʼneno alino hapageno apateʼniye.

Luki 1:41

Ilisameteʼmo ageʼniyana aipafiʼmo maiʼniya mafaʼnemoʼmo fanagu panage huʼnigeno Aote Aunemeʼamoʼmo Ilisamete aipafiʼmo havai teʼniye.

Luki 1:67

Afoʼamoʼmo Sekalaiyasi aipafiʼmo Aote Aunemeʼamoʼmo havai teʼnigeno Gotitegati aune gemo alinineno aeno hakalo huno hapa painoʼaeʼmo,

Luki 1:76

Kagaemo mafaʼneʼnimogae, huʼna, hogote vekamo aeno apaka seʼniya vekalegatiʼmo geʼamo alinineno aeno hakalo huno hapa nepaiya vekae, huʼa kagi aegae. Kagaemo Ala kava neʼmo esiya kaʼmo alagepa huka valika ateʼnisanageno egaiye.

Luki 15:30

Oʼnamiʼnanaʼmonanafa mafaʼnekamoʼmo uno kumai aʼne anagaʼaiteʼmo muki monikamo fikumo ataleno hano huteno eʼnigekaeʼmo kagaemo hogote afayaʼe pulumakamo amagika amiʼnane, huno ha paiʼnigenoʼaeʼmo,

Luki 15:32

Kaganakamoʼmo faliʼniya kavategatiʼmo eno afaʼa maisiya kavategamo maiʼniye. Afela heʼniyategatiʼmo eʼnigeʼna ageteʼnaeʼmo halate avaleʼnovaʼmofeʼmo kanale kavanageta laipamoʼmo falu huʼnigeta lamogaga neʼaune, huno ha paiʼniye, huno Yesuʼa hapa paiʼniye.

Luki 2:11

Ani afinaʼmo Nevini taonifiʼmo mago a kanomoʼmo apakufamo alino katino apatesiya mafaʼnemo alino ateʼniye. Ani mafaʼnemo Kalaisi vekamo Ala kava neʼmo maiʼniye.

Apa 10:36

Gotiʼa mago alagepa gemo Yu vayaʼmogitalegamo alino ateʼnigeno emineʼniye, huʼa huʼnagetapa ago afiʼnae. Ani gemoʼmo hunoʼaeʼmo Yesu Kalaisiʼa muki ma mopafi vayaʼaiteʼmo yagaino neʼapateya vekamoʼmo ma mopafi vayaʼe Gotiʼeʼmo alino nanu aeno apateteno alino magoke apaipamo kalino apateʼniye.

Apa 13:3

Ani gemo afiteʼapaeʼmo neʼyaʼmo oʼneʼa mosiʼa maiʼneʼa apayaʼmo anakufaleʼmo maleʼneʼa nunumuʼmo huteʼa aliʼa anaoteʼmo anateʼnageʼana uʼnaʼae.

Apa 13:52

Uʼnaʼageʼapaeʼmo Goti geʼamo neʼafiya vayaʼmogimo lusi kava huʼa apamogaga aiʼnagenoʼaeʼmo Goti Aunemeʼamoʼmo apaipafiʼmo haino havai teʼniye.

Apa 19:6

Poloʼa apakufaleʼmo ayatalaʼmo maleʼnigenoʼaeʼmo Goti Aunemeʼamo aote Aunemeʼamo emineno apakaeteʼmo aliʼyaʼmo aliʼnigeʼapaeʼmo alu apake alu apakemo aiteʼa Goti geʼamo aeʼa hakalo huʼa hapa paiʼnae.

Apa 2:4

Goti Aunemeʼamo aote Aunemeʼamoʼmo muki vayaʼai apaipafiʼmo faleno uno haino havai teteno apavenafuʼnamo alino afe leʼnigeʼapaeʼmo alu apake alu apakemo aepa faiʼa aiʼnae.

Apa 21:20

Ani gemo afiteʼapaeʼmo mukiʼamogi Goti agiʼaleʼmo aliʼa asaga huʼa ateʼnae. Apakaemo Polofeʼmo, konagatimogae, huʼa, asole Yu vayaʼmogimo apakesamo afiʼa fatago huteʼapaeʼmo keʼaepa gemo apayamukiki huʼa akame nehae.

Apa 26:15

Naha paiʼnigeʼnaeʼmo, Ala kava nene, huʼna, Kagaemo ina lagae, huʼna afi geʼnogenoʼaeʼmo, Yesuʼnamo kaini huka neʼnatana vekamo maiʼnove.

Apa 4:31

Nunumuʼmo huʼnagenoʼaeʼmo aliʼa anupa huʼa maiʼnaya noʼmoʼa uti uti aiʼniye. Goti Aunemeʼamo aote Aunemeʼamoʼmo apaipafiʼmo haino maiʼnigeʼapaeʼmo koli osuʼa aepa faiʼa Goti geʼamo lokiya vaiʼa aeʼa hakalo huʼnae.

Apa 6:6

Apakaemo apavaleliʼeʼa apa vayaʼai apaulagaleʼmo he tiʼnageʼa apakufaleʼmo apayaʼmo maleʼneʼa nunumuʼmo huʼa apateʼnae.

Apa 8:17

Pitaʼe Yoniʼeʼmo anayaʼmo apakufaleʼmo maleʼneʼana nunumuʼmo huʼana apateʼnaʼageno Gotiʼa Aunemeʼamo apamiʼniye.

Apa 9:18

malage huno mago noyame hainanigana agufa yaʼmo aulagafatiʼmo asagauno aiʼnigenoʼaeʼmo aulagamo alagepa huno ageno ayakeʼniye. Agaemo he tiʼnigeno aniʼmo faleno ateʼniye.

Lomu 15:7

Inagi Gotiʼa ala agiʼamo alisiyafeʼmo Kalaisiʼa ago lapavaleʼniya kava hutapa lapakaemo muki konagatapimogimo apavaleyo.

1 Kolitiyani 15:47

Hogote vekamo mopaletiʼmo alo huno ateʼnigeno ma mopafatiʼmo afole aiʼniye. Napa tu vekamo Ala kava neʼmo kokuʼnapatiʼmo emineʼniye.

1 Kolitiyani 15:8

Henagaʼamo nagae naulagaleʼeʼmo afole aino hano huʼniye. Aipaguʼeʼmo aise afinaʼmo maiteno malage huno mafaʼnemo alino neʼateya mafaʼnegana huʼna maiʼnogenʼaeʼmo naulagaleʼmo afole aiʼniye.

1 Kolitiyani 9:1

Nagaemo apa vekamo maiʼnove. Kalavusifiʼmo oʼmaiʼneʼna muki kavaʼamo afaʼa hisuva kavaʼmo haneʼniye. Nagaemo Ala kava netimo Yesuʼmo naulagafatiʼmo ago ageʼnove. Ala kava netetiʼmo aliʼyaʼmo aliʼnogetapaeʼmo lapakaemo alagamo aegekana hutapa aeʼnae.

1 Timoti 4:14

Yagaiʼa neʼapataya vayatama vayaʼmogi kagaeteʼmo apayaʼmo maleʼa kateteʼa Gotitegatiʼmo aliʼnaya geletiʼmo aliʼyaʼamo alisanafeʼmo lokiyaʼamo kamiʼnae. Fiku yanageno kamiʼnaya yaʼmo afaʼa hanegaiyanagi kamiʼnaya yatetiʼmo aliʼyaʼmo aliyo.

1 Timoti 5:22

Siosi vayaʼaiteʼmo yagaiʼa apatesaya vayaʼmo lekana paika apateteka apakaeteʼmo malage huka kayaʼmo maleka oʼapato. Fiku yanageno lekana paika ateʼnisana vekamo hosu kavaʼamoʼmo kagaeteʼmo aino kamaesigeka kagaemo vaiʼmo aligane. Kaotekeʼmo maiteka alagepa huka maiyo.

2 Timoti 1:6

Ani kavaʼmo huka maiʼnanaʼmofeʼmo kagesamo afika ho hisanafeʼmo kaha nepauve. Nagaemo kagaeteʼmo nayaʼmo maleʼna kateʼnogenoʼaeʼmo Gotiʼa lokiyaʼamo ago kamiʼniye. Kamiʼniya lokiyaʼamoʼmo ata legekana huno yu oseno magoʼe huno lesiyafeʼmo fu huka kaegeno leno.

Failimoni 1:16

Kalavusi aliʼyakamo neʼaliya vekamo magoʼe huno oʼalino afaʼa maiʼniya vekaeʼmo lahau layamopafiʼmo lahauʼniya konagatimo maiʼniyaʼmofeʼmo afaʼa alika falu fala huka ategane. Magoʼe huno konagaʼnimoʼmo maiʼniyaʼmonanafa ma mopafi konagakamoʼmo maige Ala kava netefeʼmo konagakamoʼmo maige huʼniyaʼmofeʼmo afaʼa alika falu fala huka atesana kavaʼmo haneʼniye.

2 Pita 3:15

Ala kava neʼmoʼa lagava maiʼniyanageno mukiʼamogita lagufamo alino katino lategaiye, huta lapakesamo afiyo. Lahauʼniya konagatimo Poloʼmo Gotiʼa amiʼniya yaʼmo ageteno afiʼniya geʼaletiʼmo ani kavatefeʼmo lapakaefeʼmo avoʼmo kaeʼniye.