Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Apa 9:16 - The Keyagana NT and 25 OT books

16 Nagiʼnilefeʼmo agafu kisiya kavaʼmo aliʼna ave lisugeno aliʼyaʼnimo aligiye, huno ha paiʼniye.

အခန်းကိုကြည့်ပါ။ ကော်ပီ




Apa 9:16
22 ပူးပေါင်းရင်းမြစ်များ  

Vayaʼmogi lapakaetegamo kame huʼa lapateteʼa kagemi yatapimo oʼaliʼnayaʼmonanafa lapakaemo kame huta apatetetapa kagemi yaʼapimo aliʼnaya vayane, huʼna, lapakaemo lusi kava huta kage kage hisaya kavaʼmo lapakaetegamo afole aigiye. Vayaʼmogi humi olapateʼnayaʼmonanafa lapakaemo humi neʼapatae. Lapakaemo kame huta apatetetapa kagemi yaʼapimo kumaya oʼalitapa atalesaya afinaʼmo lapakaetegamo kame huʼa lapateteʼa kagemi yatapimo aligae. Magoʼe huta humi apatesaya afinaʼmo humi lapategae.


Ani agufa kavaʼmo afole aisigeʼapaeʼmo kalavusi huʼa lapateteʼa lapavaleli uʼa vayaʼai apayapiʼmo lapatesageʼa kayoʼmo lapamiteʼa kamitimo lapamagigae. Apakaemo muki nofi vayaʼmogi nagiʼnilefeʼmo apaini huʼa lapategae.


Nagaetefeʼmo huʼa faipa huʼa lapatege apaini huʼa lapatege lapakaefeʼmo aigofe gemo huʼapaeʼmo, ani hosu kavaʼmo nehae, ina hosu kavaʼmo nehae, huʼa nehisayana Goti aulena vayaʼamo maiʼnae.


Nagaemo, mago aliʼyaʼamo neʼaliya vekamoʼmo aliʼyaʼmo afoʼamoʼmo aeno noʼagase, huʼna lapa paiʼnova geeʼmo lapakesamo afiyo. Apakaemo apaini huʼa natesaya agufa kava huʼa lapakaeʼeʼmo apaini huʼa lapategae. Apakaemo geʼnimo afiʼnisayana getapimo afigae.


Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.


Agaemo Polo mapaluʼmo alino agaiʼa aiyalateʼe ayatalateʼeʼmo ki maleʼnenoʼaeʼmo, Goti Aunemeʼamoʼmo ina ge hunoʼaeʼmo, ani kava huʼa Yulusalemu taonifiʼmo maiʼnaya Yu vayaʼmogimo mani mapaluʼmo afoʼamoʼmo nofi kiʼa ateteʼapaeʼmo alu nofi vayaʼmo avaleʼa apamigae, huno huʼniye, huno laha paiʼniye.


Poloʼa getileʼmo aeno atagaina huno laha painoʼaeʼmo, na agufa kavaʼmo higetapaeʼmo nagaefeʼmo aviʼyaʼmo hutetapa naipamoʼmo kana hisiya yaʼmo alita neʼnamiye. Yulusalemu taonifiʼmo nofi kiʼa natesayafekeʼmo alo huʼna oʼmaiʼnofa Ala kava neʼmo Yesu agiʼalefeʼmo falisuvafeʼmo alo huʼna maiʼnove, huno laha paiʼniye.


Lamiteta Ala kava neʼmo geʼamo neʼafiya vayaʼaifeʼmo kahauya huta apaketetaeʼmo apakaeʼeʼmo magoke salemo lokaeta maiʼnone. Goti Aunemeʼamoʼmo hapa paiʼnigeʼa Polofeʼmo huʼapaeʼmo, Yulusalemu taonifiʼmo uka ohaiyo, huʼa ha paiʼnae.


Ani vekamoʼmo kagikalefeʼmo nunumuʼmo nehaya vayaʼmo kalavusi huno apatesiyafeʼmo mago avoʼmo mono huʼa neʼapataya vayaʼaiteʼmo yagaiʼa neʼapataya vayaʼaitetiʼmo aliteno mani taonifiʼmo eʼniye, huno ha paiʼnigenoʼaeʼmo


Hosimoʼmo aeno fayopayo hiyategamo akoʼya kayoteʼmo aiyamo aeno lanu paiʼnigeno agafu nekiya agufa kavaʼmo nehane, huno ha paiʼnigeno afitenoʼaeʼmo hau aiteno atete nehunoʼaeʼmo, Ala kava nene, huno, na kava hisuvafeʼmo kahauʼniye, huno afi geʼnigeno Ala kava neʼmoʼa hunoʼaeʼmo, He tika taonifilagamo ugenoʼao mago vekamoʼmo hisana kavafeʼmo kaha paigiye, huno ha paiʼniye.


Goti aliʼyaʼamo alagepa huʼa neʼaliye, huʼa lagesayafeʼmo alu alagepa kava alu alagepa kavaʼmo nehune. Lagaemo oʼataleta atafauta alagi huta maige hanageke yaʼmo alige kafu huge kana yaʼmo alige nehune.


Fiku yanageʼa kana yaʼmo aliʼnonaʼmofeʼmo mago vayaʼmo asagauʼa aigae. Lapakaemo ago afiʼnayana Gotiʼa lagaefeʼmo, ani kana yaʼmo afaʼa aligae, huno agesamo afiteno hu maleʼniye.


Ani aliʼyaʼmo neʼaluvaʼmofeʼmo mani kana yaʼmo aliʼna maiʼnovaʼmonanafa navagagemo alagi nosiye. Nagaemo naha maesiyafeʼmo ina lafeʼmo nagesamo afiʼna fatago huʼnofi huʼna ago ageʼna aeto huʼnove. Nagaemo ageteʼnaeʼmo amiʼnova yateʼmo afaʼa yagaino nateme nateme neʼviyanageno agaiʼa afinaʼmo afole aigiye, huʼna nagesamo afisuvafeʼmo alino nave liʼnigeʼna ago ageʼnove.


Apaini huʼa nateʼnageka nagege kana yaʼmo aliʼnogeka nagege huʼnane. Nagaemo Atiyoki taonifinagi Lisitiya taonifinagi Aikoniyamu taonifinagi huʼa hanageke yaʼmo namiʼnageka nageʼnane. Ala kava neʼmoʼa muki hanageke kavapatiʼmo nagufamo alino katino nateʼniye.


Lapakaemo Kalaisiʼmo akame nehayaʼmofeʼmo ge nelapausayana Goti aulagaleʼmo alagepa hutapa maiʼnayaʼmofeʼmo afaʼa lapamogaga aigae. Goti Aunemeʼamo ha le konali Aunemeʼamoʼmo lapakaeteʼmo alagi maiʼniyaʼmofeʼmae. Apakaemo Gotifeʼmo huʼa faipa huʼa neʼatagetapaeʼmo lapakaemo ala agiʼamo neʼamiye.


Nagaemo Yoniʼnamo konagatapimoʼnamo maiʼnove. Yesupiʼmo maiʼnetaeʼmo magokepi lagafu kige Yesuʼa yagaino nelateyategamo maige oʼataleta atafauta alagi huta maige nehune. Nagaemo Goti alagi lama geʼe Yesufeʼmo ava geʼeʼmo aeʼna hakalo huʼna hapa paiʼnovaʼmofeʼmo aliʼa nahafaitalageʼna eʼna Patamosi ani agoʼnanenafiʼmo maiʼnove.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ