Apa 9:15 - The Keyagana NT and 25 OT books

¹⁵ Ala kava neʼmoʼa hunoʼaeʼmo, Nagaemo aliʼyaʼnieʼmo uno nagiʼnimo alu nofi vayaʼaifenagi yagaiʼa neʼapataya vayaʼaifenagi Isaleli vayaʼaifenagi huno aeno hakalo huno hapa paisiyafeʼmo lekana paiʼna ateʼnovanagi afaʼa uvo.

Apa 9:15 ပူးပေါင်းရင်းမြစ်များ

Matiyu 10:18

Agotileʼmo lapavaleliʼuʼa lapatesagetapa gamani vayaʼai apaulagaleʼe kini vayaʼai apaulagaleʼeʼmo he titapa maiʼnetapa Yu nofi vayapatiʼmo oʼmaiʼnaya vayaʼaifeʼmo alagepa faigoko gemo aeta hakalo huta hapa paigae.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Apa 13:2

Ani vayaʼmogimo Ala kava nefeʼmo mono huge neʼyaʼmo mosige huʼa maiʼnagenoʼaeʼmo Goti Aunemeʼamo aote Aunemeʼamoʼmo hapa painoʼaeʼmo, Nagaemo Manamasiʼe Soloʼeʼmo aliʼyaʼnimo alisaʼafeʼmo keya aeʼna ge huʼnovanagi alitana anaote anategeʼanao, huno hapa paiʼniye.

Apa 21:19

Poloʼa ge apamamaeteno Gotiʼa ha maeʼnigeno alagepa aliʼyaʼmo aliʼnigenoʼaeʼmo alu nofi vayaʼaitegamo afole aiʼniya kavafeʼmo ava gemo huno hapa paiʼniye.

Apa 22:14

Agaemo hunoʼaeʼmo, Laginago vayaʼai Gotiʼapimoʼa lekana paino kateʼniye. Gotiʼa hogoteno hunoʼaeʼmo, ani kavaʼmo huguve, huno agesamo afiʼniya kavafeʼmo ava gemo afiteka alagepa kavaʼmo nehiya vekamo ageteka agaiʼa avayafatiʼmo huʼniya gemo afisanafeʼmo lekana paino kateʼniye.

Apa 22:21

Ala kava neʼmoʼa hunoʼaeʼmo, Afaʼa uvo. Alu nofi vayaʼaitegamo aliʼna katesugekaeʼmo afaʼa uvo, huno naha paiʼniye, huno hapa paiʼniye.

Apa 25:22

Agalipaʼa Fesitasifeʼmo hunoʼaeʼmo, Ani vekamo geʼamo nagaiʼnimo afaʼa afiguve, huno ha paiʼnigenoʼaeʼmo, Egamo afaʼa afigane, huno ha paiʼniye.

Apa 26:1

Agalipaʼa Polofeʼmo hunoʼaeʼmo, kagaikamo kaha maesana gemo afaʼa hugane, huno ha paiʼnigenoʼaeʼmo, Poloʼa ayaʼmo ataleteno agaiʼamo ha maesiya gemo hunoʼaeʼmo,

Apa 26:32

Agalipaʼa Fesitasifeʼmo hunoʼaeʼmo, Agaemo hogote ala vekamo Sisaʼa agoti huno nategaiye, huno osuʼniyesinana kalavusifatiʼmo afaʼa hatu maeta atesunageno viyesine, huno ha paiʼniye.

Apa 27:24

Agaemo, hunoʼaeʼmo, Polo, huno, Koli osuvo. Uka hogote ala vekamo Sisa aulagaleʼmo he tika maigane. Gotiʼa sipifiʼmo maiʼnaya vayaʼmo apavaleno kamiʼniye, huno naha paiʼniyaʼmofeʼmo

Apa 28:17

Loleʼe magoʼe afinaʼmo utegeno Poloʼa Lomu taonifiʼmo Yu vayaʼaiteʼmo yagaiʼa neʼapataya vayaʼaifeʼmo ge huʼnigeʼa eʼa aliʼa anupa huʼa maiʼnagenoʼaeʼmo, Konagaʼnimogitapae, huno, Lagae vayaʼaifeʼmo huʼna faipa huʼna oʼapatege laginago vayaʼai geʼapimo amagiʼna oʼatalege huʼnovaʼmonanafa Yulusalemu taonifiʼmo kalavusi huʼa nateteʼa navaleliʼeʼa Lomu vayaʼai apayapiʼmo nateʼnae.

Apa 28:28

Poloʼa hapa paino hano nehunoʼaeʼmo, Ani gemo huʼniyaʼmofeʼmo alagi alagepa hutapa afiyo. Gotiʼa alu nofi vayaʼmo hapa maesiya gemo alino atesigeno visigeʼa afigae, huno hapa paiʼniye.

Lomu 1:1

Nagaemo Poloʼnamo Yesu Kalaisi aliʼyaʼamo neʼaluve. Agaemo apa vekaʼamo maiʼneʼna Goti alagepa faigoko geʼamo aeʼna hakalo huʼna hapa paisuvafeʼmo ago lekana paino natetenoʼaeʼmo nagaefeʼmo keya aeno ge huʼniye.

Lomu 1:5

Gotiʼa agaetetiʼmo fikumo naha maeno namiteno Kalaisi agiʼalefeʼmo apa aliʼyaʼamo alisuvafeʼmo navaleno nateʼniye. Gotiʼa muki nofi vayaʼaifeʼmo akame hiyo, huno huʼniya geʼamo akame huʼa apakesamo afiʼa fatago hisayafeʼmo apa aliʼyaʼamo alisuvafeʼmo navaleno nateʼniye.

Lomu 11:13

Apa vekaʼamo maiʼneʼna alu nofi vayaʼmogitapalegamo neʼuvaʼmofeʼmo hemenimo alu nofi vayaʼmogitapaeʼmo mani gemo hugesuve. Ma mopafi kavatefeʼmo huʼnaeʼmo, nofi vayaʼnimogi lapaketeʼapaeʼmo hapaʼye hisigeʼna apakufamo aliʼna katiʼna apatesuvafeʼmo alu nofi vayaʼmogitapalegamo lusi aliʼyaʼmo neʼaluve.

1 Kolitiyani 15:10

Neʼafuvaʼmonanafa Gotiʼa fikumo naha maeno namiʼnigeʼnaeʼmo Goti apa vekaʼamo hamaleʼnove. Ani fikumo naha maeno namiʼniya himamuʼamoʼmo afaʼa ohaneʼniyaʼmonanafa naipafiʼmo lokiya aliʼyaʼmo aliʼnigeʼna aliʼyaʼmo aliteʼnaeʼmo muki apa vayaʼmo ago aeʼna apakaseʼnove. Nagaiʼnimo oʼaliʼnovaʼmonanafa Gotiʼa fikumo naha maeno namiʼniya himamuʼamoʼmo nagaeʼeʼmo magokepi lokaeno aliʼyaʼmo aliʼnigeʼna aliʼyaʼamo aliʼnove.

1 Kolitiyani 9:16

Alagepa faigoko geʼamo aeʼna hakalo huʼna hapa nepauvaʼmofeʼmo amuse hisuva kavaʼmo afaʼa ohaneʼniye. Alagepa faigoko geʼamo aeʼna hakalo huʼna hapa paisuvafeʼmo Gotiʼa kalavusi huno nateʼniyaʼmofeʼmo alu katetiʼmo afaʼa faiʼna kasalo paeʼna visuva kaʼmo alagi ohaneʼniye. Vaehae, huʼna, alagepa faigoko geʼamo aeʼna hakalo huʼna hapa opaisuvana nagaetegamo hosu kavaʼmo afole aisigeʼna alagepa huʼna oʼmaiguve.

Galesiya 1:1

Nagaemo Poloʼnamo Goti apa vekaʼamo maiʼneʼnaeʼmo mani avoʼmo nekaove. Ma mopafi vayaʼmogi apa aliʼyateʼmo lekana paiʼa oʼnateʼnageno Gotiʼa mago vayaʼaitetiʼmo navaleno oʼnateʼniye. Yesu Kalaisiʼe Afotimoʼmo Yesu Kalaisiʼa faliʼniyatetiʼmo alino he tino ateʼniya Gotiʼeʼmo lekana paiʼana nateteʼana apa aliʼyateʼmo navaleʼana nateʼnaʼae.

Efasasi 3:1

Gotiʼa ani kavaʼmo nehiyaʼmofeʼmo nagaemo Poloʼnamo Kalaisi Yesutefeʼmo Yu nofi vayaʼmo oʼmaiʼnageʼnaeʼmo lapa maeʼna kalavusi huʼneʼnaeʼmo nunumuʼmo huʼna nelapatove.

1 Timoti 2:7

Ani kavatefeʼmo lekana paino nateʼnigeʼna geʼamo aeʼna hakalo huʼna hapa nepauva vekamoʼmo maiʼneʼna apa vekaʼamoʼnamo alu nofi vayaʼmogimo apakesamo afiʼa fatago hisayafeʼmo lama geʼamo aliʼna apaya neʼmalova vekamo maiʼnove. Aigofe gemo nosufa alagi lama gemo nehuve.

2 Timoti 1:11

Gotiʼa ani faigoko geʼamo aeʼna hakalo huʼna hapa nepauva vekamo maige apa vekaʼamo maige alu nofi vayaʼaina aliʼna apaya neʼmalova vekaʼamo maige huʼna maisuvafeʼmo ago lekana paino nateʼniye.

2 Timoti 2:4

Ati vayaʼmogimo kamemo hisayafeʼmo ma mopafi yaʼmoʼa apatafauno apatesiya agufa aliʼyaʼmo noʼaliye. Ati aliʼyateʼmo apavaleno apateʼniya vekamoʼmo amuse huno apatesiyafeʼmae.

Leveleseni 17:14

Apakaemo aikeli sipisipiʼeʼmo kamemo hisayana sipisipimoʼmo ago huno aeno apakasegaiye. Agaemo ala kava vayaʼai ala kava vekaʼapimo maiʼneno kini vayaʼaiteʼmo yagaino neʼapateya kini vekamo maiʼniyaʼmofeʼmo huno aeno apakasegaiye. Lekana paino apateʼneno keya aeno ge huʼniyanageʼa oʼataleʼa akame nehaya vayaʼmogimo agaeʼeʼmo magokepi lokaeʼa maigae, huno huʼniye.