Apa 8:7 - The Keyagana NT and 25 OT books

⁷ Agaemo lokiya kavaʼmo huʼnigeʼapaeʼmo hosu apaune vayaʼmo muki vayaʼai apaipafatiʼmo emiʼeʼapaeʼmo alopa gefatiʼmo ge hu maleʼa ataleʼa apaune heʼnae. Agaemo muki kanage kanaga osuʼa neʼmaiya vayaʼmo alino he tino apatege apaiyamo hosuʼniya vayaʼmo alino api aino apatege huʼnigeʼapaeʼmo

Apa 8:7 ပူးပေါင်းရင်းမြစ်များ

Aiyeya 35:6

He, ani afinaʼmo apaiyamo hosuʼniya vayaʼmo afela afugana huʼa aeʼa hailo hailo huge apake noʼaiya vayaʼmogimo yokemo huge hugae. Mopamo aeno apalo tisigeno aniʼmo kaʼme kotegamo lusi kava huno aino atagu faegaiye. Aniʼmo ohaneʼnisiya kotegamo alopa aniʼmo uno lamigiye.

Matiyu 10:1

Yesuʼa tuolofuʼa vayaʼmo geʼamo neʼafiya vayaʼaifeʼmo ge huʼnigeʼa eʼa maiʼnagenoʼaeʼmo hosu apaune vayaʼmo aliʼa hapafaiʼa apatalege muki alu kaita alu kaitaʼmo hapauʼnisiya vayaʼmo aliʼa hapageʼa apatege hisaya himamuʼapimo apamiʼniye.

Matiyu 11:5

Apaulagamo ali huʼniya vayaʼmo ageʼa ayakege apaiyamo hosuʼniya vayaʼmo alagepa huʼa uʼeʼa huge lepolosi kaitaʼmo hapauʼniya vayaʼmo alagepa apakufamo hanege apakesamo akaniʼniya vayaʼmogimo gemo alagepa huʼa afige faliʼnaya vayaʼmo he tige kagemi yaʼapimo ohaneʼniya vayaʼaifeʼmo alagepa faigoko gemo aeʼna hakalo huʼna hapa nepaugeʼa afige nehae, hutapa uta ha paiyo.

Matiyu 4:24

Ani kavaʼmo huʼniya ava gemoʼmo muki Siliya kotegamo aino atagu faeno uneno huʼnigeʼa afiteʼapaeʼmo muki alu kaita alu kaitaʼmo hapauʼniya vayanagi lusi kava huno apakafu nekiya vayanagi hosu apaune vayaʼmo apaipafiʼmo maiʼnaya vayanagi hafosa neʼapamagiya vayanagi kanage kanaga osuʼa neʼmaiya vayanagi huʼa agaetegamo apavaleli eʼa apateʼnageno alino hapageno apateʼniye.

Maki 9:26

Huno huʼnigeno hosu aune vekamo kage kage huteno alino agoʼya faino ataleʼnigeno ani mafaʼnemo hafosamoʼa apamagiʼnigeʼaeʼmo nehaya agufa kavaʼmo huge huge huʼnigeno hosu aune vekamo ataleno uʼniye. Ani mafaʼnemo faligekana huno maiʼnigeʼapaeʼmo asole vayaʼmogi huʼapaeʼmo ago faliʼniye, huʼa huʼnayaʼmonanafa

Luki 10:17

Sevetiʼa vayaʼmo atagi neʼa Yesutegamo eʼapaeʼmo apamogaga aiteʼapaeʼmo, Ala kava nene, huʼa, kagikaleʼmo neʼaetaeʼmo hosu apaune vayaʼaifeʼmo ina kava hiyo huta huʼnona gemo afiʼnae, huʼa ha paiʼnagenoʼaeʼmo,

Yoni 14:12

Lama gemo lapa nepauve, huno, nagaefeʼmo apakesa afiʼa fatago nehaya vayaʼmogimo nagaemo nehuva agufa kavaʼmo afaʼa hugae. Afoʼnimotegamo uʼna haiguvaʼmofeʼmo nagaemo nehuva kavaʼmo ago aeʼa nagaseʼa magoʼe kavaʼmo hugae.

Apa 5:16

Asole vayaʼmo Yulusalemu haopalega muki taoniʼafatiʼmo kaita hapauʼniya vayaʼe hosu apaune vayaʼmo apaipafiʼmo maiʼniya vayaʼeʼmo apavaleli ete ete huʼa apateʼnageno muki alu kaita alu kaitaʼapimo hapageʼnigeʼa he tiʼnae.

Apa 8:6

Muki vayaʼmogimo geʼamo afige noʼagaya agufa lokiya aune kavaʼmo huʼnigeʼa agege huteʼapaeʼmo muki ve aʼnemogimo magoke apaipa apakesamo aliʼneʼa Filipiʼa huʼniya gemo alagepa huʼa afiʼnae.

Himulu 2:4

Gotiʼa alagena kavaʼaletinagi noʼagaya himamu kavaʼaletinagi ageʼa hapau neʼaiya kavaʼaletinagi huno ha maeno faigoko gemo huno ani gemo alino lokiya vaino ateʼniye. Gotiʼa agesamo afiteno hauʼnigenoʼaeʼmo Aunemeʼamoʼmo himamuʼamo apamete apamete huno apamiʼniye.