Apa 8:35 - The Keyagana NT and 25 OT books

³⁵ Filipiʼa lekana paiʼniya gefatiʼmo Yesufeʼmo ava gemo aeno hakalo huno ha paiʼniye.

Apa 8:35 ပူးပေါင်းရင်းမြစ်များ

Matiyu 5:2

aepa faino alino apaya maleʼniye.

Luki 24:27

Agaemo Moseseʼa agaefeʼmo ava gemo huno avoʼmo kae maleʼniya gemo aepa faiteno aepaʼamo alino anaya maleʼniye. Ani kavaʼmo huno muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo agaefeʼmo ava gemo huʼnaya gemo aepaʼamo alino anaya maleme maleme uʼniye.

Apa 10:34

Pitaʼa aepa faino hapa painoʼaeʼmo, Hemenimo ago afiʼnovana Gotiʼa amega apakufaleʼmo apaketeno hapa noʼmaefa muki haopalega maiʼnaya vayaʼaitegamo magoke agufa kavaʼmo huno hapa neʼmae, huʼna ago afiʼnove.

Apa 11:20

Hapa paiʼnayaʼmonanafa mago vayaʼmo Saipalasi kotegati vayaʼe Sailini kotegati vayaʼeʼmo uʼa Atiyoki taonifiʼmo Galiki apakemo neʼaiya vayaʼaifeʼmo Yesuʼa Ala kava neʼmo ava gemo aeʼa hakalo huʼa hapa paiʼnae.

Apa 17:18

Mago Epikuliya gemo akame nehaya vayaʼe Sitoʼiki gemo akame nehaya vayaʼmogiʼeʼmo eʼa Poloʼeʼmo ge huge afige huʼa maiʼnae. Mago vayaʼmogi huʼapaeʼmo, Ani negi nagi tisa vekamoʼmo haiya agufa gemo hugiye, huʼa huʼnageʼapaeʼmo, Alu nofi vayaʼai gotiʼapimogifeʼmo apava gemo aeno hakalo huno hapa nepaiya vekae, huʼa huʼnae. Poloʼa Yesufeʼmo ava gemo hunoʼaeʼmo, faliʼniyatetiʼmo ago he tiʼniye, huno aeno hakalo huno hapa paiʼniyaʼmofeʼmo ani gemo huʼnae.

Apa 18:28

Agaemo he tino vayaʼai apaulagaleʼmo maiʼneno lokiya alagepa geʼaletiʼmo Yu vayaʼai geʼapileʼmo huno aeno ati kaeno hapa painoʼaeʼmo, Yesuʼa Mesaiya vekamo maiʼniye, huno Goti Mukufiʼmo haneʼniya geʼaletiʼmo alino apave liʼniye.

Apa 19:13

Mago Yu vayaʼmo nata neʼuʼa maiʼneʼa hosu apaune vayaʼmo aliʼa hapafaiʼa neʼapatalaya vayaʼmogimo Ala kava neʼmo Yesu agiʼaletiʼmo amalageka huʼa hosu apaune vayaʼmo aliʼa hapafaiʼa apatalesayafeʼmo huʼapaeʼmo, ani Poloʼa aeno hakalo huno hapa nepaiya vekamo Yesu agiʼaletiʼmo emitetapa viyo, huʼa ge huʼnae.

Apa 28:23

Ani gemo huteʼa Poloʼa mago afinaʼmo hapa paisiyafeʼmo lekana pai maleʼnaya afinaʼmo asole vayaʼmo Poloʼmo maiʼniya notegamo eʼnae. Poloʼa netepiʼmo aepa faino Gotiʼa neʼyagaiya kavaʼmo aepaʼaeʼmo ava gemo alino apaya malege aeno hakalo huno hapa paige huno maiʼniye. Agaemo Yesufeʼmo apakesamo afiʼa fatago hisayafeʼmo Mosese geʼe Gotitegati gemo alini eʼa aeʼa hakalo huʼa hapa nepaiya vayaʼai geʼapiʼefeʼmo apakesamo alino hapa paime hapa paime neʼegeno yegemo uno lamino faleʼniye.

Apa 3:20

Lapakaemo ani kavaʼmo higenoʼao Gotiʼa aeno hakalo huno lapa paiʼniya vekamo Yesu Kalaisiʼa alino atesigeno emineno.

Apa 5:42

Apa vayaʼmogimo muki afinaʼae afinaʼaeʼmo alopa mono nopiʼe muki nopiʼeʼmo Yesuʼa Kalaisi vekamo maiʼniye, huʼa aliʼa apaya malege aeʼa hakalo huʼa hapa paige huʼa maiʼnae.

Apa 8:34

Meku vekamoʼmo Filipifeʼmo hunoʼaeʼmo, Naha paiyo, huno, Gotitegati gemo alinineno aeno hakalo huno hapa nepaiya vekamoʼmo agaiʼaeʼmo ava gemo huno avoʼmo kae maleʼnifi alu vekaeʼmo ava gemo huno avoʼmo kae maleʼniye, huno loka huno afi geʼnigenoʼaeʼmo

Apa 9:20

Soloʼa Goti geʼamo neʼafiya vayaʼeʼmo Namasakasi taonifiʼmo mago afinaʼmo maiʼniye. Malage huno Yu vayaʼai mono noʼale noʼaleʼmo uneno huno Kalaisifeʼmo hunoʼaeʼmo, Ani vekamo Goti mafaʼneʼamo maiʼniye, huno aeno hakalo huno hapa paiʼniye.

1 Kolitiyani 1:23

Nehayaʼmonanafa lagaemo Kalaisiʼa malipu yosaleʼmo nili aiteʼa aliʼa he tiʼa ateʼnaya kavafekeʼmo ava gemo aeta hakalo huta hapa nepaunageʼapaeʼmo Yu vayaʼmogimo ani gemo afiteʼapaeʼmo hosu apaipamo kaliteʼa apaiyamo faiʼa lo aeteʼa heleve huʼnageʼapaeʼmo Yu nofi vayapatiʼmo oʼmaiʼnaya vayaʼmogimo ani gemo afiteʼapaeʼmo, negi nagi gemo huʼnae, huʼa nehae.

1 Kolitiyani 2:2

Hogoteʼna naipafiʼmo, apakaeʼeʼmo uʼna magokepi lokaeʼna maiʼneʼnaeʼmo muki kavafeʼmo nage kaniʼna ataleʼneʼna Yesu Kalaisifekeʼmo nagesamo afiʼneʼna Yesu Kalaisiʼmo malipu yosaleʼmo nili aiteʼa aliʼa he tiʼa ateʼnaya kavafekeʼmo nagesamo afiʼneʼna aeʼna hakalo huguve, huʼna lokiya vaiʼna nagesamo afiʼnove.

2 Kolitiyani 6:11

O Kolitiyani vayaʼmogitapae, huta, muki lagesamo afiʼnona geʼamo huta afole aita lapa paiʼnone. Laipa lagesafiʼmo lahauʼniya kavaʼmo magoʼe huta lapamiʼnone.

Efasasi 4:21

Kalaisiʼa alino lapaya maleʼnigetapa afiʼnisayana lama gemo afoʼamoʼmo geʼamo afiʼnae.