Apa 8:24 - The Keyagana NT and 25 OT books

²⁴ Saimoniʼa Pitaʼe Yoniʼefeʼmo hunoʼaeʼmo, huʼnaʼa kavaʼmo nagufaleʼmo afole oʼaisiyafeʼmo nunumuʼmo hutana nateʼao, huno hana paiʼniye.

Apa 8:24 ပူးပေါင်းရင်းမြစ်များ

Aepa Gemae 20:17

Ala kava neʼmoʼa Selateʼmo afole aiʼniya kavatetiʼmo Amimeleki nofi vayaʼai aʼne anagaʼmogi apaipamo alino akani maleʼnigeʼa mafaʼnemo afaʼa aliʼa oʼateʼnae. Huʼniyaʼmofeʼmo Emalehamuʼa Gotifeʼmo nunumuʼmo huʼnigeno Gotiʼa Amimelekiʼagi aʼagi aliʼyaʼamo neʼaliya aʼne anaganagi huno mafaʼnemo aliʼa atesayafeʼmo alino kanale huno apateʼnigeʼa henagaʼamo mafaʼne aliʼa apateʼnae.

Aepa Gemae 20:7

Ani kava huʼniyaʼmofeʼmo hemenimo alika ategeno anauʼamotegamo vino. Agaemo aune gemo nehiya vekaʼnimo maiʼniyanageno nagaefeʼmo nunumuʼmo huno katesigeka ofaligane. Ani a kanomo anauʼamotegamo alika atesanageno oʼvisiyaʼmoʼmo kagaikaʼe vayakaʼeʼmo ago alagi faligune, huka kagesamo afiyo.

Esala 6:10

Apakaemo kokuʼnapi Gotitefeʼmo alagepa atumo neʼaiya ofalinimo huge kini vekamoʼnaʼe ve mafaʼne anagaʼniʼeʼmo nunumuʼmo huʼa latege hisageta alagepa huta maigune.

Esala 8:23

Inagi lagaemo neʼyaʼmo mosiʼneta Gotiʼa kategamo yagaino latesiya kavafeʼmo kahauya huta laipafatiʼmo nunumuʼmo huʼnonageno afitenoʼaeʼmo ge huta afi geʼnona kavaʼmo huʼniye.

Hatu maeno apate'niya gemae 10:17

Lahanaoke hovanagi, hosu kavaʼnimo hemenitogeʼmo alitana ataletetana Ala kava neʼmo Gotitapimofeʼmo nunumumo hisaʼageno mani lamagisigeta falisuna kayoʼmo alino ataleno, huno huʼnigeno

Hatu maeno apate'niya gemae 12:32

Naha paiʼnaya kavaʼmo hutapa muki sipisipitapigi memetapigi pulumakatapigi hutapa apavaletetapa Isipi kotetiʼmo alagi ataletapa viyo. Inagi lanakaemo nagaeʼeʼmo alagepa huʼna maisuvafeʼmo alitana auletana nateʼao, huno hana paiʼniye.

Hatu maeno apate'niya gemae 8:8

Kini vekamoʼmo Moseseʼe Eloniʼefeʼmo ge huʼnigeʼana eʼnaʼagenoʼaeʼmo anakaefeʼmo hana painoʼaeʼmo, Ala kava nefeʼmo nunumuʼmo hisaʼageno lagaetegatiʼmo eso anagaʼmo alino hapa faino apatalesigeʼnaeʼmo vayakamo afaʼa apatalesugeʼa uʼa Ala kava netefeʼmo ofalinimo hugae, huno hana paiʼniye.

Napa 21:7

Inagi Isaleli vayaʼmogimo Mosesetegamo eʼa ha paiʼapaeʼmo, Lagaemo hosu gemo huʼnone. Ala kava netegaʼe kagaetegaʼeʼmo hosu kavaʼmo huʼnone. Ala kava nefeʼmo nunumuʼmo huka lategenoʼao lagaetegatiʼmo nagaloʼyave anagaʼmo alino hapa faino apataleno, huʼa ha paiʼnae. Inagi Moseseʼmo nunumuʼmo huno apateʼniye.

Yemisi 5:16

Lapakaemo konagatapimogifeʼmo hosu kavatapieʼmo aeta hakalo hutapa hapa paigeʼa apakaemo ani kava huʼa hosu kavaʼapieʼmo aeʼa hakalo huʼa lapa paisagetapa nunumuʼmo hutapa apategeʼa ani kava huʼa nunumuʼmo huʼa lapatenagetapa higenoʼao Gotiʼa alino alagepa huno lapateno. Fatago vayaʼmogimo lokiya vaiʼa nunumu huʼa ge huʼa afi nekagenoʼaeʼmo Gotiʼa himamu lokiyaʼaletiʼmo aliʼyaʼmo aliteno alino afole aino neʼate.

1 Samiyo 12:19

Muki vayaʼmogimo Samiyofeʼmo huʼapaeʼmo, Lagaemo asole hosu kavaʼmo ago hutetaeʼmo hemenimo ageʼnonana lagaemo Ala kava nefeʼmo kini vekatimo lamiyo, huta ge huta kafi geʼnona kavaʼe magoʼe huta alu hosu kavaʼeʼmo huʼnone. Huʼnonaʼmofeʼmo kagaemo Ala kava neʼmo Gotikamofeʼmo lagaemo aliʼyakamo neʼaluna vayakamogitaeʼmo nunumuʼmo huka lato. Fiku yanageta faligune, huʼa ha paiʼnae.

1 Samiyo 12:23

Nagaiʼnieʼmo huʼnaeʼmo, Fiku yanageʼna magoʼe huʼna nunumuʼmo huʼna olapatesuvaʼmoʼmo Ala kava netegamo hosu kavaʼmo huguve. Nagaemo alagepa kavaʼe fatago kavaʼeʼmo hisayafeʼmo aliʼna lapaya malegauve.