Apa 8:23 - The Keyagana NT and 25 OT books

²³ Kageʼnovana kaipa kafa nehanageno atuofa yakana yaʼmo kaipafiʼmo haneʼniye. Hosu kavakamoʼmo yagaino nekateyaʼmofeʼmae, huno ha paiʼniye.

Apa 8:23 ပူးပေါင်းရင်းမြစ်များ

Samu 116:16

Ala kava nene, huʼna, aliʼyakamo neʼaluva vekamo maiʼnove. Itaʼnimoʼmo aliʼyakamo neʼaliya aʼmo maiʼniya kava huʼna maiʼnove. Hatu maeka nateʼnanageʼna afa vekamo maiʼnove.

Mai'naya kavane 5:22

Hosu vekamo hosu kavaʼamoʼmo aneʼai hanagigekana huno haneʼneno neʼatafaiye. Hosu kavaʼamoʼmo nofikana huno haneʼneno nofi aeno neʼate.

Aiyeya 58:6

Nagaemo ani agufa kavafeʼmo oʼnahauʼniye. Neʼyaʼmo mo sisaya afinaʼmo hosu kavatetiʼmo nofi kitapa apateʼnaya vayaʼmo hatu maeta apatege kana yaʼmo alita apamiʼnageʼa aliniʼa neʼvaya vayaʼmo hapa maege aliʼyatapimo neʼaliya vayaʼmo kalavusi huta apateʼnaya vayaʼaifeʼmo, afaʼa ugae, hutapa huge muki ani agufa hosu kavatapimo atalege hisaya kavafeʼmo nahauʼniye.

Yoni 8:34

alagi lama gemo lapa nepauve, huno, haiya vayaʼmogi hosu kavaʼmo nehisafigeno hosu kavaʼapimoʼa kalavusi huno apateʼnigeʼa aliʼyaʼamo neʼaliya vayaʼmo maiʼnae.

Efasasi 4:31

Atu ofa lapaipamo okalige lapaipamo olege lapai oʼvaige falo gemo osuge ge ohapauge muki agufa lapaini nehaya kavaʼmo atalege hutapa maiyo.

Taitasi 3:3

Hogoteta apakaekana huta maiʼneta negi kava huta ge oʼafita aigofe gegeʼmo afita maiʼnone. Asole agufa hosu kavatimo haneʼniyana lagufamoʼmo hauʼniya kavatimoʼe hosu lahaʼye nehiya kavaʼmoʼeʼmo yagaino lateʼnigeta alagepa huʼa oʼmaisayafeʼmo lagesamo afiʼnetaeʼmo hosu laipamo kalita apatege laipa kafa hapaege huta maiʼnone. Lagaefeʼmo apaini huʼnagetaeʼmo lagaeʼeʼmo apakaefeʼmo laini huʼnone.

Himulu 12:15

Fiku yanageʼa mago konagatapimogimo Gotiʼa fikumo hapa maeno neʼapamiya kavateʼmo uʼa haiʼa metalegayanagi kava yagaitapa maiyo. Fiku yanageno hafuʼyafatiʼmo ausisi aeteno hosu atu neheya yaʼmo afole aiteno hanageke yaʼmo alino lapamiteno asole vayaʼmo alino hosu huno apategaiyanagi yagaitapa maiyo.

2 Pita 2:19

Apakaemo huʼapaeʼmo, lapakufamoʼmo hauʼniya kavaʼmo hisayana lapatafauno lapatesiya keʼaepa gemo alagi ohaneʼniyanagetapa afa vayaʼmo maigae, huʼa huteʼa aliʼa hosu huʼa neʼapataya kavaʼmoʼa apatafauno apateʼnigeʼa kalavusifiʼmo maiʼnae. Hosu kavaʼmoʼa aeno apakaseʼnisiya vayaʼmo nofi aeno apateʼnigeʼa maiʼnae.

2 Pita 2:4

Enisole vayaʼmogimo hosu kavaʼmo huʼnagenoʼaeʼmo Gotiʼa apakeno oʼapataleʼnifa seli nofitetiʼmo kino apateteno ata kopiʼmo alino yaga auno apataleʼnigeʼa agoti huno apatesiya afinafeʼmo hani kopiʼmo maiʼneʼa agava maiʼnae.