Apa 8:14 - The Keyagana NT and 25 OT books

¹⁴ Mago vayaʼmogi huʼapaeʼmo, Sameliya vayaʼmogimo Goti geʼamo alagepa huʼa afiteʼa aliʼnae, huʼa apava gemo huʼnageʼa apa vayaʼmogi afiteʼapaeʼmo Pitaʼe Yoniʼeʼmo aliʼa anateʼnageʼana apakaetegamo uʼnaʼae.

Apa 8:14 ပူးပေါင်းရင်းမြစ်များ

Matiyu 13:23

Mago vayaʼmogi Goti geʼamo afiteʼapaeʼmo gemo aepaʼamo alagepa huʼa afiʼnaya vayaʼmo alagepa mopafiʼmo asagauno aiʼniya avina yakana huʼa maiʼnae. Apaipafatiʼmo alagamo aeʼniye. Mago vayaʼamogimo vani hataletiʼa alagamo aege mago vayaʼamogimo sigisitiʼa alagamo aege mago vayaʼamogimo tetiʼa alagamo aege huʼnae, huno hapa paiʼniye.

Luki 22:8

Yesuʼa Pitaʼe Yoniʼefeʼmo hunoʼaeʼmo, utana Pasova neʼyaʼmo nesunafeʼmo yagita hiʼao, huno hana paiʼnigeʼanaeʼmo,

Yoni 12:48

Mago vayaʼmogimo geʼnimo oʼafiʼa apakameʼyamo neʼnamisayana agoti huno apategaiye. Ma mopamo alino hano huno atalesiya afinaʼmo geʼnimokeʼmo agoti huno apategaiye.

Apa 11:1

Alu nofi vayaʼmogi Goti geʼamo afiteʼa aliʼa apaipafiʼmo maleʼnae, huʼa huʼnaya gemo apa vayaʼe Yutiya kotega konaga vayaʼmogiʼeʼmo afiʼnae.

Apa 15:4

Yulusalemu taonifiʼmo uʼa avaʼyi huʼnageʼapaeʼmo siosi vayanagi apa vayanagi yagaiʼa neʼapataya vayatama vayanagi huʼa aliʼa falu fala huʼa apateʼnageʼanaeʼmo Poloʼe Manamasiʼeʼmo Gotiʼa anakaetetiʼmo muki huʼniya kavafeʼmo ava gemo huʼana hapa paiʼnaʼae.

Apa 17:11

Meliya vayaʼmogimo ani gemo afiʼnageno apakesamo aino halo aiʼnigeʼa Tesalonaika vayaʼmo aeʼa apakaseʼa magoʼe huʼa alagepa huʼa afiʼnae. Apakaemo muki afinaʼae afinaʼaeʼmo Poloʼa lama gemo nehifi, huʼa apakesamo afiteʼa Goti Mukufiʼmo haneʼniya geeʼmo kahauya huʼa agege lekana paige huʼa maiʼnae.

Apa 2:41

Hapa paiʼniya geʼaeʼmo apakesamo afiʼa fatago huteʼa apamogaga aiʼnageʼapaeʼmo aniʼmo faleʼa apateʼnae. Ani afinaʼmo asole vayaʼmo tali tauseniʼa vayaʼmo Goti mafaʼnemo hamaleʼnageno Gotiʼa siosi vayaʼaʼeʼmo magokepi alino anupa huno apateʼniye.

Apa 8:1

Sitiveniʼa faliʼniya afinaʼmo Yulusalemu taonifiʼmo maiʼnaya siosi vayaʼmo lusi hanageke yaʼmo apamiʼnae. Apamiʼnageʼapaeʼmo muki siosi vayaʼmo atagu faeʼa apaune heʼa Yutiya kotegaʼe Sameliya kotegaʼeʼmo uʼeʼa huʼnageʼa apa vayaʼageʼmo Yulusalemu taonifiʼmo maiʼnae.

Galesiya 2:9

Ala apaki neʼapamiya vayaʼmo Yemisiʼagi Pitaʼagi Yoniʼagi huʼa nageʼnayana Gotiʼa Poloʼmo fikumo ha maeno amiteno mani aote aliʼyateʼmo avaleno ateʼniye, huʼa nageteʼapaeʼmo nagaeʼe Manamasiʼeʼmo afalu afalu kavaʼmo huʼa apayaʼmo laʼamiʼnae. Laʼamiteʼapaeʼmo, he kanalenagi utana malaga nofi vayaʼaitegamo aliʼyaʼmo aliʼagetao lagaemo Yu nofi vayaʼaitegamo uta aliʼyaʼmo aligune, huʼa laʼaha paiʼnae.

1 Tesaloniyani 2:13

Goti geʼamo lapa paiʼnonagetapa afitetapaeʼmo, ma mopafi vayaʼai gemo ohaneʼnifa Goti geʼamo haneʼniye, hutapa huʼnayaʼmofeʼmo Gotifekeʼmo hao ke hege hege huta maiʼnone. He, lapakaemo lama gemo huʼnae. Afiʼnaya gemo Goti geʼageʼmo haneʼniye. Mani gemoʼa lapakesamo afita fatago nehaya vayaʼmogitapa lapaipafiʼmo lokiya vaino aliʼyaʼmo neʼaligenoʼaeʼmo neʼyaʼmo afole neʼaiye.

1 Tesaloniyani 3:2

Timotiʼmo alitaʼa atesuʼageno uno lapakegaiye, hutaʼa huʼnoʼae. Agaemo lagaeʼeʼmo magokepi lokaeno aliʼyaʼmo neʼalino Kalaisifeʼmo alagepa faigoko geʼamo aeno hakalo huno hapa nepaiya konagatimoʼmo maiʼniye. Lapa maeno alino lokiya vaino lapatesigetapa magoʼe hutapa lapakesamo afita fatago hisayafeʼmo alitaʼa ateʼnoʼageno uʼniye.

2 Tesaloniyani 2:10

Agaemo muki agufa aigofe hosu kavaʼaletiʼmo Gotiʼa alino apagoʼya lagauno apatalesiya vayaʼaifeʼmo humi apategaiye. Apakaemo Gotiʼa apakufamo alino katino apatesiyafeʼmo lama geeʼmo alagi ohapauʼnisigeʼa afela hegae.