10 Muki ala apaki vayaʼmogiʼe apaki ohaneʼniya vayaʼmogiʼeʼmo geʼamo alagepa huʼa afiteʼapaeʼmo, Vae, huʼa, ani vekamo lokiya vekamo gotiʼa maiʼniye, huʼa huʼnae.
Niniva taonifiʼmo maiʼnaya vayaʼmogimo ani Goti geʼamo afiteʼapaeʼmo, lama gemo huʼniye, huteʼa apakesamo afiʼa fatago huʼnae. Lagaemo ina agufa vayaʼmogitaʼe ala lagi vayaʼmogitaʼeʼmo laipamo alita afe leteta neʼyaʼmo mosiʼneta kogu agufa kukenamo alita vaiteta maigune, huʼa huʼnae.
Muki vayaʼmogimo Poloʼa huʼniya kavaʼmo ageteʼapaeʼmo Laikoni kotega vayaʼmogi apakeʼapifatiʼmo alopa gefatiʼmo huʼapaeʼmo, mago gotiganimo vayakana huʼana afole aiteʼana lagaetegamo emi eʼana maiʼnaʼae, huʼa huʼnae.
Agufamo alino afu lesifi asagauno aiteno falisifi huʼa huteʼa ageʼa maiʼnae. Yatala afinaʼmo ageʼa maime maime uʼnayana agufaleʼmo mago kavaʼmo afole oʼaiʼnigeʼapaeʼmo apaipafiʼmo apakesamo afiʼapaeʼmo, Mago gotiʼa maiʼniye, huʼa apakesamo afiʼnae.
Nehayaʼmonanafa Gotiʼa keya aeno ge huʼniya vayapiʼmo Yu nofi vayanagi Yu nofi vayapatiʼmo oʼmaiʼnaya vayaʼmogi, Kalaisiʼa Goti ayamufaʼaʼe ageteno afiʼniya kavaʼaʼeʼmo maiʼniye, huʼa ageʼa aeto nehae.
Nahauʼnimogitapae, huʼna, afitetapa ageʼnaya vayaʼmo maiʼnayaʼmofeʼmo negi vayaʼmo afaʼa apaketapa neʼapatalae.
Magoʼe huta mafaʼnegana huta oʼmaita kosigune. Mafaʼnegana huta maiʼnisunaʼmoʼmo aigofe vayaʼmogi aliʼa apaya neʼmalaya gemoʼmo yasimo alinino uneno nehigeno aino afelo afalo nehiya sipigana huta maigune. Apakaemo apakaiʼapimo apakesamo afiteʼa humiʼnami gemo huteʼa apayate neʼaliye.
Asole vayaʼmo alino hosu huno apatesiya gemo akame hugayaʼmofeʼmo mago vayaʼmogimo alagepa kaʼmo alino apave neliya lama gelefeʼmo huʼa faipa huʼa ategae.
Afela afumo magoke agenopaleʼmo amagiʼnageno falisiya agufa amuʼmo aleʼniyaʼmonanafa ago aleno hateʼnigeʼapaeʼmo muki ma mopafi vayaʼmogimo ani afela afuekeʼmo hapau aiteʼa akame huʼnae.